27 May 2017

RSS Facebook

سوداگریز


تازه خبرونه

 درې څلويښت تنه دهېواد په بيلابيلو سيموکې ووژل شول

درې څلويښت تنه دهېواد په بيلابيلو سيموکې ووژل شول

-کابل باختر د غبرګولي پنځمه : په تيرو څلور ويشتو ساعتو...

 خبرتيا

خبرتيا

-کابل باختر د غبرګولي پنځمه : داطلاعاتو اوفرهنګ وزارت خبرتيا داطلاعاتو اوفرهنګ...

په پروان ولايت کې يوتن  دنشه يي توکو دقاچاقو په تور ونيول شو

په پروان ولايت کې يوتن دنشه يي توکو دقاچاقو په تور ونيول شو

کابل باختر د غبرګولي پنځمه : يوتن دپروان دامنيې قوماندانۍ دنشه...

Youtube Player

khantry design

سوداگریز

سوداگریز

د اکاډميکي همکاريو تفاهم ليک لاسليک شو

Written by  manager
Rate this item
(0 votes)

کابل باختر  دسلواغې  پنځه ويشتمه :
د لوړو زده کړو وزيرې ډاکترې فريدې مومند د پاکستان اسلامي جمهوريت ته د يو رسمي سفر په بهيرکې د شپږ سوو تنو افغان محصلانو د فراغت په مراسمو کې د ګډون په ترڅ کې د دواړوهېوادونو ترمنځ يې د اکاډميکي همکاريو يو تفاهم ليک هم د دغه هېواد له مقاماتوسره لاسليک کړ.
د باختر آژانس د خبر له مخې: د دغو محصلانو د فراغت په غونډه کې د لوړوزده کړو د وزيرې په ګډون د لوړو زده کړو وزارت علمي معين پوهنمل عبدالتواب بالاکرزي، په پاکستان کې د افغانستان سفير محمد عمر زاخيلوال، د پاکستان جمهور رييس ممنون حسين، د پاکستان د ملي امنيت سلاکار سرتاج عزيز، د پاکستان د لوړو زده کړو د کميسيون رييس ډاکتر مختار احمد او يوشمېر افغاني او پاکستاني محصلانو هم ګډون کړى و .
د لوړو زده کړو وزيرې په دغو مراسموکې په خپله وينا کې د پاکستان له پوهنتونونوڅخه د شپږ سوو تنو محصلانو د فراغت له امله د دواړو هېوادونو مقاماتو ته مبارکي وويله اوڅرګنده يې کړه چې دغه ځوانان په هغه درې زره تحصيلي بورسونوکې شامل دي چې د پاکستان جمهور رييس په  ٢٠٠٩ کال کې له افغانستان سره مرسته کړې وه .
  دې وويل: د پاکستان د اسلامي جمهوريت دغه دوستانه اقدام د دې سبب شو چې څه د پاسه دوه زره نهه سوه تنو افغان ځوانانوته د پاکستان په پوهنتونونوکې  په بېلابېلو څانګوکې د ليسانس، ماستري او ډاکترى د زده کړې زمينې برابرې کړي .
د لوړو زده کړو وزيرې له فارغانو څخه وغوښتل، هغه څه يې چې زده کړې دي؛  د خپل هېواد او خلکو خدمت ته وړاندې کړي .
د لوړو زده کړو وزيرې له هغو افغان محصلانو څخه چې په پاکستان کې په زده کړه پوخت دي؛ هم وغوښتل چې د علم او پوهې د ترلاسه کولولپاره زياتې  هلې ځلې وکړي .
د لوړوزده کړو وزيرې د پاکستان له مقاماتوڅخه د مننې په ترڅ کې هيله څرګنده کړه چې د دواړو دوستو هېوادونو د محصلانو، استادانو او پوهنتونونو ترمنځ اکاډميکي اړيکې پراخې شي او د تجربو د راکړې ورکړې او زيات علمي تحقيقاتو زمينه برابره شي .
د دغه سفر په بهيرکې په يوبل اقدام کې دلوړو زده کړو وزيرې دپاکستان د لوړو زده کړو د کميسيون له رييس ډاکتر مختار احمد سره يو تفاهم ليک لاسليک کړ چې د دغه تفاهم ليک له مخې پاکستان  ژمنه کړې ده چې د لابرانتانو د روزنې،  د تجربو د تبادلې او د علمي تحقيقاتو او دغه راز د علمي کدرونو د روزنې په برخوکې د افغانستان له پوهنتونونو سره همکاري وکړي .
دغه راز  د لوړو زده کړو وزيرې له پاکستاني مقاماتو څخه وغوښتل چې دغه هېواد ته د تحصيلي بورسونو د کانديدانو د معرفي کولو او د سندونو د بشپړولو بهير بايد يوازې د لوړو زده کړو وزارت له لارې ترسره شي چې نه يوازې دغه بهير له قانوني مجرا څخه عملي شي، بلکې د نوماندانو په معرفي کولوکې د هر راز لاسوهنې  مخه ونيول شي او  با استعداده او مستحقو ځوانانو ته زمينه برابره شي .
په مقابل کې د پاکستان مقاماتو ژمنه وکړه چې موضوع په کابل کې له خپل سفارت سره  شريک کوي او د هغه په حل کولو اقدام کوي .
  د لوړو زده کړو وزيرې دغه راز د اسلام آباد د اسلامي نړيوال پوهنتون بېلابېلې برخې چې يوشمېر افغانان هم پکې په زده کړه بوخت دي؛ وکتلې .

Leave a comment

Make sure you enter the (*) required information where indicated.
Basic HTML code is allowed.