21 August 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

په درزاب او قوش تيپې کې ښوونځي پرانستل کيږي

Written by  manager
Rate this item
(0 votes)

کابل \ باختر دزمري دمياشتې ٢١ نيټه :
د جوزجان  والي  وايي: د درزآب او قوش تيپې د ولسواليو ښوونځي  فعاليږي  .
دباختر آژانس د سيمه ييز خبريال دخبرله مخې: څو اوونۍ مخکې د داعش  ډلې  له طالبانو سره له يوې سختې نښتې وروسته له جګړې څخه لاس واخيست او افغان امنيتي ځواکونو ته تسليم شول .
د جوزجان والي لطف الله عزيزي پرون ددغو دوو ولسواليو له مشرانو سره په کتنه کې وويل: هغه ښوونځي چې په دغو ولسواليوکې د داعش دشتون په دليل تړل شوي و  بېرته پرانستل کيږي .
ده زياته کړه: د دې مودې په بهيرکې د داعش ډلې له ښوونځيو څخه دسنګر په توګه استفاده کوله او زده کوونکو ته ښوونځيو ته د ننوتلو اجازه نه ورکوله.
د درزاب اوقوش تيپې دولسواليو يوشمېراستازي وايي چې داعش دخلکو   ژوند سر او مال  ته ګواښ  رامنځته کاوه،  زياتره  ښوونځي ، مدرسې، روغتيايي مرکزونه  او سړکونه يې ويجاړ کړي دي چې  ټول يې بيا رغاونې ته اړتيا لري .
دغو استازو د پرمختيايي پروژو د تطبيق لپاره تياری څرګند کړى دى  او د دولت 
د زياتې همکارۍ  غوښتنه يې  کړې ده  . 
دوى ټينګارکوي چې د وسله والو مخالفينو ډلو ترمنځ د جګړو له امله زياتره کورنۍ  له دغو ولسواليو څخه بېحايه شوې او په نورو سيموکې ځاى پرځاى شوې دي .
د جوزجان والي ژمنه وکړه چې د دغو ولسواليو د ستونزو د لرې کولو په لاره کې  لازم اقدامات ترسره کوي.
پاى\ ج\ ذ

 

Last modified on Monday, 13 August 2018 04:30

Leave a comment

Make sure you enter the (*) required information where indicated.
Basic HTML code is allowed.