19 June 2019

RSS Facebook

سوداگریز


تازه خبرونه

په غورکې لسګونو کورنيو مرستې ترلاسه کړې

کابل باختر د غبرګولي ٢٩مه يونېسف پرون په فيروزکوه کې له...

د نهو ساختماني پروژو قراردادونه لاسليک شول

کابل باختر د غبرګولي ٢٩مه د کليو د بيا رغاونې او...

د لسو پروژو قراردادونه لاسليک شول

کابل باختر د غبرګولي ٢٩مه د کليو د بيارغاونې او پرمختيا...

Youtube Player

khantry design

سوداگریز

سوداگریز

کابل باختر د غبرګولي ٢٩مه
يونېسف پرون په فيروزکوه کې له ٧١بې ځايه شويو کورنيو سره مرسته وکړه.
د غور د کليو د بيا رغاونې  او پرمختيا رياست د مرستې د ويشلو مسوول خير محمد نايبي د باختر آژانس خبريال ته وويل: په مرستوکې خيمې، ترپالونه او شړۍ شاملې دي چې د دولت آباد ولسوالۍ په فيروزکوه کې پر ٧١ بې وزلو او بې ځايه شويو کورنيو وويشلې شوې.
دا په داسې حال کې ده چې د بادغيس د چارسدې او جوند ولسواليو ١٣٠ بې وزلو کورنيو هم ترپالونه، خيمې او شړۍ ترلاسه کړې.
ختم_  عطاالله _ اکرم

 

کابل باختر د غبرګولي ٢٩مه
د کليو د بيا رغاونې او پرمختيا وزير پوهنمل مجيب الرحمن کريمي په کابل کې د نهو پرمختيايي پروژو قراردادونه د کوچيانو له استازو سره لاسليک کړل.
  د باختر آژانس د خبر له مخې: د کليو د بيا رغاونې او پرمختيا وزير د دغو قراردادونو د لاسليک کولو په بهيرکې چې پرون لاسليک شول، وويل: په دغو پروژوکې د کرنيزو اوبو پنځه کانالونه او د اوبو رسولو څلور سيستمونه شامل دي چې له لمريزې  برېښنا څخه په استفادې سره تامينيږي .
ده وويل: دغه پروژې په خوست، کاپيسا، قندهار او زابل  کې تطبيقيږي.
  د هغه دڅرګندونوله مخې: د دغو پروژو لګښت ٢١ ميليونه افغانۍ اټکل شوى دى چې په بشړپدو سره به يې ٣١ زره کوچيان ورڅخه ګټه واخلي.
  ختم_ عطاالله _ اکرم

کابل باختر د غبرګولي ٢٩مه
د کليو د بيارغاونې او پرمختيا وزير پرون لس قراردادونه د اوو ولايتونو د پرمختيايي شوراګانو له استازو سره لاسليک کړل.
د باختر آژانس خبريال د خبر له مخې: د دغو قراردادونو پر بنسټ د لس کيلومترو په اوږدوالي د کونړ سيند دواړه خواوې جوړېږي او په کاپيسا، لوګر، خوست، جوزجان، قندهار، او زابل کې د کرنې اوبو څو زيرمې جوړېږي او د څښاک اوبو څو څاګانې هم کېندل کېږي.
پوهنمل محيب الرحمن کريمي د دغو قراردادونو له لاسليک کولو وروسته وويل چې د دغو پروژو لګښت ٣١٠ ميليونه افغانۍ اټکل شوى دى چې په بشپړېدو سره يې ٦٠ زره تنه د هغو له اسانتياوو څخه ګټه اخلي .
  ختم_ عطاالله _ اکرم

کابل باختر د غبرګولي ٢٩مه
په جوزجان کې يوه ځوانه ښځه د کرنې او کرکيلې له لارې د خپلې کورنۍ اقتصادي اړتياوې تامينوي.
د باختر آژانس د سيمه ييز خبريال د خبرله مخې: دغه ٢٧ کلنه ښځه له اتو کلونو راپدېخوا د سبو په کرلو بوخته ده او له دې لارې د خپلې اته کسيزې کورنۍ  اقتصادي اړتياوې تامينوي .
دې د خپل کور په انګړکې پالک، پياز، ګندنه، ډنيا، بادرنګ، روميان او تور بانجان کري.
دغه ښځه اوس د پلورنې په بازارونوکې ښه کاري اړيکې لري او له دې لارې  د خپلې کورنۍ اقتصادي ستونزې لرې کوي.
د جوزجان د کرنې رياست د کورني اقتصاد مسوول وايي: له اتو کلونو راپدېخوا د بې وزلو کورنيو زياتې ښځې د روزنيزو پروګرامونو تر پوښښ لاندې نيول شوې دي چې اوس د دغو ښځو شمېر ٨٠٠ ته رسېږي.
  ختم_ ج _ اکرم

کابل باختر د غبرګولي ٢٩مه
په سرپل کې امنيتي حالت ښه شوى دى.
د سرپل امنيه قوماندان مل پاسوال خواجه غلام جيلاني ابوبکر باختر آژانس ته وويل چې د سرپل په مرکز او سوزمه قلعه ولسوالۍ کې  د شاهين -٢٠٦ عملياتو له ترسره کولو وروسته په دغه ولايت کې امنيتي حالت ښه شوى دى .
هغه زياته کړه چې په دغه ولايت کې د امنيت د ښه والي مهم علت د وسله والو طالبانو له شتون څخه د دغه ولايت په مرکزکې د پنځو کليو او په سوزمه قلعه ولسوالۍ کې د دويم لمبر لويې لارې د دواړو خواوو د کليو پاکول، د کومانډو ځواکونو د شپنيو عملياتو ترسره کول او د ډار اچوونکو پر ځالو د هېواد د هوايي ځواکونو دوامدار بريدونه دي.
ويل کېږي دغه عمليات اوس هم دوام لري او وسله والو طالبانو ته د سر دروند زيان اوښتى دى.
په سرپل کې د انتخاباتو د خپلواک کمېسيون ولايتي مرستيال محمد نظر په دغه ولايت کې د امنيتي حالت د ښه والي په تاييدولو سره، د هېواد د جمهوري رياست په انتخاباتوکې د رآى ورکوونکو په تقويتي نوم ليکنه کې د خلکو په تېره بيا د ښځو د شتون د زياتوالي خبر ورکوي .
ختم _ ج _ اکرم

 

کابل باختر د غبرګولي ٢٩مه
د غزني د وسله والو طالبانو د مطبوعاتي څانګې مسوول تېره شپه په دغه ولايت کې ونيول شو.
د غزني د والي وياند  محمد عارف نوري باختر آژانس ته وويل: د ملي امنيت ځواکونو ملا عبدالجلال چې په غزني کې د طالبانو  د مطبوعاتي څانګې مسوول او د غزني ښار په اسفنده کلي کې د يو جومات ملا امام و؛ ونيو.
ده زياته کړه: له نيول شوي کس څخه دوه کمپيوټرونه، يوه مخابره او جنګي وسايل ترلاسه شوي دي .
  ختم_ ج _ اکرم

کابل/باختر/ د غبرګولي ۲۹ مه
په تېرو ۲۴ ساعتوکې د هېواد په بېلابېلو سیموکې ۲۵ ترهګر وژل شوي، ۷ ټپیان او دوه نور یې نیول شوي دي.
له ملي دفاع وزارت څخه باختر آژانس ته په استول شوې خبرپاڼه کې ویل شوي دي چې دغه ترهګر د فاریاب، ننګرهار، قندهار، زابل، میدان وردګو، کونړ، کندز، تخار بدخشان، بلخ، سرپل، غور، غزني او پکتیکا په مربوطاتوکې د افغان ځواکونو په ځمکنیو او هوايي بریدونوکې وژل شوي دي.
خبرپاڼه زیاتوي: په بریدونوکې د وسله والو طالبانو څو وسلې او مهمات، نقلیه وسایط او پټنځایونه هم له منځه وړل شوي دي.
پای/وصال

کابل/باختر د غبرګولي ۲۹ مه
یو  ماین جوړوونکى طالب د بلخ د نهر شاهي ولسوالۍ په افغانیه شهرک سیمه کې ونیول شو.
له ۲۰۹ شاهین قول اردو څخه باختر آژانس ته په استول شوې خبرپاڼه کې ویل شوي دي چې افغان ځواکونو نن سهار دغه کس له ١٦ کیلو ګرامه چاودیدونکو توکو سره ونیو.
پای/وصال

کابل/باختر/ د غبرګولي ۲۹ مه
د بلخ د چهاربولک ولسوالۍ په زیکزیک وطني سیمه کې څلور تنه له وسله والو مخالفينو سره د اړیکو په تور نیول شوي دي.
د افغان کومانډو ځواکونو د مطبوعاتو مسوول ډګرمن عبدالقیوم نورستاني باختر آژانس ته وویل: افغان ځواکونو تېره شپه په چهاربولک ولسوالۍ کې عملیات ترسره کړل چې په پايله کې يې څلور تنه له وسله والو مخالفانو سره د اړیکو په تور نیول شوي دي.
پای/وصال

قلات/ باختر/ د غبرګولي ۲۹ مه
زابلي مېرمنې له وسله والو طالبانو څخه غواړي چې نور افغان مېرمنې نه ژړوي او د سولې له بهیر سره یوځای شي.
د باختر آژانس د سیمه ېیزخبریال د خبرله مخې: په زابل کې زیات شمېر مېرمنو په یوې پراخې غونډې کې پر وسله والو طالبانو غږ وکړ چې جګړې بس کړي او د بین الافغاني خبرو اترو له لارې جګړې ته د پای ټکی کېږدي.
د زابل د ښځو چارو رئیسې مریم رحماني هم په غونډه کې پر وسله والو طالبانو غږ وکړ چې له تاوتریخوالي او وژنو لاس واخلی او افغان میندې پر خپلو اولادونو ونه ژړوي.
پای/وصال

 

Page 1 of 7779