13 December 2019

RSS Facebook

سوداگریز


تازه خبرونه

  دعامې روغتيا وزارت دټوليز روغتيايي پوښښ نړيواله ورځ ونمانځله

دعامې روغتيا وزارت دټوليز روغتيايي پوښښ نړيواله ورځ ونمانځله

کابل /دليندې ٢١مه / باختر : دعامې روغتيا وزارت...

په بدخشان کې  په هوايي عملياتو کې  ١٢  طالبان ووژل شول .

په بدخشان کې په هوايي عملياتو کې ١٢ طالبان ووژل شول .

کابل /دليندې ٢١مه / باختر : دوسله والو طالبانو...

Youtube Player

khantry design

سوداگریز

سوداگریز

کابل /دليندې   ٢١مه / باختر :
دعامې روغتيا وزارت دژمنې دتداوم او ادامې  تر شعار لاندې دټوليز روغتيايي پوښښ  نړيواله ورځ ونمانځله
دباختراژانس دخبريال دخبرله مخې، په هغې غونډه کې چې په همدې مناسبت جوړه شوې وه، دعامې روغتيا وزارت دپاليسي او پلان معينې  ديوې صمد ددغې  ورځې نمانځنه دټوليز روغتيايي پوښښ  لپاره دعدالت غوښتنې په لاره کې يومهم ګام وباله او ويې ويل: ټوليز روغتيايي پوښښ  په کيفت سره  روغتيايي خدمتونوته دخلکو دلاسرسي  لپاره يوه ژمنه ده
دهغې دڅرګندونو له مخې ،تر ٢٠٣٠  کال پورې اساسي  موخه دنړۍ په ګوټ ګوټ کې دټوليز روغتيايي پوښښ لپاره دي
هغې زياته کړه دعامې روغتيا وزارت روغتيايي خدمتونو ته دخلکو دلاسرسى دکچې په زياتوالي ژمن دى په هرو سلو زرو ژونديو زيږونونوکې له ١٥٠ څخه   ٣٥ سلنې ته دنويو زيږېدلو ماشومانو دمړينې کمښت ، په هروسلو زروکې له  ١٦٠٠  څخه ٦٦٠ته دميندو دمړينې کمښت او له  ٩ څخه  ٩٠  سلنې ته روغتيايي خدمتونو ته دخلکو دلاسرسي دکچې زياتوالى ددې وزارت دمهمو لاس ته راوړنو له جملې  څخه دي  دکور دايت ددفتر استازي جاپ وان هيردن دټوليز روغتيايي  پوښښ نړيواله ورځ روغتيايي  خدمتونو ته دخلکو دلاسرسي دکچې دزياتوالي لپاره يوفرصت وباله او دنړۍ له مشرانو څخه وغوښتل چې له ټاکلو موخو سره سم دې دټوليز روغتيايي پوښښ په لاره کې ژمن واوسي
ددسمبر  ١٢ دروغتيا دنړيوال سازمان له لوري دټوليز  روغتيايي پوښښ دنړيوالې ورځې په نامه نومول شوې ده اودغه ورځ کال په کال دنړۍ په ګوټ ګوټ کې نمانځل کېږي .
  ختم_  ف _ اکرم

کابل /دليندې   ٢١مه / باختر :
دوسله والو طالبانو دډلې ديوسيمه ييزقوماندان  په ګډون  ١٢ وسله وال طالبان تېره شپه په بدخشان کې دهوايي پوځ په عملياتو کې ووژل شول
  دبدخشان دوالي وياند نيک محمد نظري باختراژانس ته وويل چې دسميع الله په نامه دطالبانو ديوه سيمه ييز قوماندان په ګډون ١٢ وسله وال طالبان ددغه ولايت په نسي ولسوالۍ کې دهوايي پوځ په عملياتو کې ووژل شول
  هغه وويل چې په دغو عملياتوکې  ٧ نور طالبان ټپيان شوي دي .
  ختم_ عطاالله _اکرم


 

کابل /دليندې   ٢١مه / باختر :
نور خپلو موخو ته درسېدو لپاره دافغانستان په شخړه کې  ښکيل دي خو دذهني اسارت په کړۍ  کې يوشمېر بند پاتې افغانان دنورو دموخو لپاره جنګېږي  او افغانستان  يې دسيمه ييزو ناسالمو سياليو په ډګر بدل کړى دى .
دباختراژانس خبريال ليکي : طالبانو په جسارت سره په بګرام ولسوالۍ کې  په عامه تاسيساتو دبريد مسووليت په داسې  حال کې په غاړه واخست چې  ددې ډلې يوشمېر مشران په قطر  کې دافغانستان دسولې لپاره دامريکا  دبهرنيو چارو وزارت  له ځانګړي  استازي سره په خبرو کې  بوخت دي هغه خبرې  چې مخکې له دې نهه پړاونه يې ترسره شوي و او په پاى کې دطالبانو دهغه تروريستي بريد په خاطر په پايله کې يې  يو امريکايي افسر ووژل شو، لغو شوې .
  پوښتنه په دې کې ده چې طالبان په کوم جسارت  سره په دغه شان حالت کې دامريکا پوځي اډې ته څېرمه دغه شان جنايت ترسره کوي .
  دغې پوښتنې ته ځواب دافغانستان دجګړې او سولې په پيچلې اوکړکېچن بهير کې سخت دى خو هغه څه چې له قراينو څخه چوتېږي  څرګنده  ده چې دسيمې هېوادونه دخپلو ستراتيژيکي  ګټو او ملي امنيت لپاره دافغانستان په شخړه کې ښکيل شوي دي او په هغوسياليو کې  په وسيلې بدل شوي دي چې هيڅکله  دافغانستان دخلکو اوهېواد په ګټه  نه دي په هغې جګړه کې چې دوام لري زياتره افغانان وژل کېږي زيات افغانستان ويجاړېږي او ولي دافغانستان دخلکو دسولې غوښتنې غږ ته ځواب نه واي   هغو رپوټونوته په پاملرنې  سره چې خپاره شوي دي نور دافغانستان په سوله او جکړه کې دسيمې دهېوادونو دموخو په درد او تفسير کې پټ  څه نه دي پاتې شوي دروان حالت او ددغې خطرناکې  لوبې د پراخو اړخونو درد له بل هر وخت څخه زيات دافغانانو لپاره روښانه شوى دى  چې په دې ناتمامه جګړه کې دا افغانان  دي  چې وژل کېږي او دا افغانستان دى چې ويجاړېږي له دې امله لاتراوسه پورې ځنډ نه دى شوى
لاتراوسه پورې فرصت په واک کې دى چې دافغانستان درهبرى دسولې داووه فقره ييزې  طرحې په شاوخوا  يوموټې  شو اودافغانستان دخلکو دغه بې درمله درد په خپله پاى ته ورسوو .
ځکه  جګړه دبرياليتوب لاره نه ده او دافغانستان شخړه به دافغانانو ترمنځ دتفاهم له لارې پرته پاى ته رسيدونکي نه وي .
ختم_ عطاالله _ اکرم

کابل /دليندې   ٢١مه / باختر :
د افغانستان د اسلامي جمهوریت جمهوررئیس محمداشرف غني نن له غرمې مخکې د مشرانو جرګې د دفاعي چارو او داخلي امنیت، بین المللي چارو، مواصلاتو او مخابراتو او د عامه هوساینې، طبیعي سرچينو او ژوندچاپیریال کمېسیونونوله مسوولینو او غړو سره په چهار چنار ماڼۍ کې وکتل.
دجمهوررييس دوياند دفترباخترآژانس ته خبرورکړ
په پیل کې د مشرانو جرګې منشي مولوي عبدالله قرلق له جمهوررئیس څخه د دغو ناستو د پیلولو،له مشرانو جرګې او ولسي جرګې سره برابر د چلند او پاملرنې له امله مننه وکړه. همدارنګه یې د مشرانو جرګې د سناتورانو د کړنو راپور د شریکولو ترڅنګ د دښمن د ځپلو په موخه د عملیاتو پر شدت او دوام ټینګار وکړ.
نوموړي وویل، مشرانو جرګې تل د هیواد ملي ګټو ته په پام تصمیمونه نیولي او پرېکړې یې کړي. هغه له نظام او ملي ګټو څخه د سناتورانو ملاتړ ته په اشارې وویل،  د افغانستان سلامتي، عزت، پرمختګ او نېکمرغي په یووالي، متقابل درناوي او د یو بل په منلو او زغملو کې دی.
د دفاعي چارو او داخلي امنیت کمېسیون رئیس محمدهاشم الکوزي د اړوند کمېسیون د کړنو په اړه  د معلوماتو ورکولو پرمهال وویل، له امنیتي او دفاعي ارګانونو سره په همغږۍ یې  وخت پر وخت د سرتېرو ستونزې پوښتلي او د حل په موخه یې له اړوندو مسوولینو سره شریکې کړې دي.
نوموړي وویل، د امنیتي او دفاعي ځواکونو د رخصتیو، درملنې، اړوندو روغتونو د وضعیت ښه والي  او نورو ستونزو حل ته اساسي پام وشي. هغه زیاته کړه، یو شمېر وزیران او مسوولین مشرانو جرګې ته نه  حاضرېږي او یا هم پر وخت ځواب نه وایي، په دې برخه کې دې اقدام وشي.
د بین المللي چارو کمېسیون رئیس انجنیر فرهاد سخي د اړوندکمېسیون د کړنو د راپورد وړاندې کولو ترڅنګ ټرانسپورټي، د کډوالو، د کابل ښار د هوا د ککړوالي او د خپلسرو ودانیو ستونزې له جمهوررئیس سره شریکې کړې.   
د مواصلاتو او مخابراتو کمېسیون  رئیس لطف الله بابا د کورنیو الوتنو په موخه د باختر هوایي شرکت د بیا فعالېدو د وړاندیز ترڅنګ د مخابراتي شرکتونو، حلقوي سرک، لویو لارو او نورې ستونزې مطرح کړې.
د عامه هوساینې، طبیعي سرچینو او ژوندچاپیریال کمېسیون رئیس ګل محمد رسولي د معتادینو، داخلي بې ځایه شویو، بې کفیته خوړو او درملو د واردولو او د څښاک اوبو ستونزې له جمهوررئیس سره شریکې کړې. هغه زیاته کړه، ځینې وزارتونه او ادارې بې صلاحیته او له مسایلو بې خبره  استازي مشرانو جرګې ته ور استوي، د دې لپاره دې هغوی ته واضح لارښوونه وشي.
د مشرانو جرګې د یادو کمېسیونونو د مسوولینو د راپورونو او وړاندیزونو له اورېدو وروسته جمهوررئیس غني وویل، د خوښۍ ځای دی چې نن د مشرانو جرګې بېلابېل کمېسیونونه رغاونکی بحث کوي او دغه منظم پروګرام به همداسې ادامه ولري. هغه زیاته کړه، مشرانو جرګې تل د هیواد د ملي ګټو په رڼا کې مثبت، رغنده او مهم رول لرلی دی او سناتوران ملي روحیه او د دوامدارې همکارۍ ژمنتیا لري.
جمهوررئیس په ټینګار سره وویل، د مشرانو جرګې پر وړاندې د مسوولینو بې تفاوتي د منلو وړ نه ده او په ټینګار سره یې وویل، د دغې ستونزې د اساسي حل په موخه دې واضح او لیکلي اصول ترتیب شي چې پربنسټ یې اړوندو مسوولینو ته واضح لارښوونه وشي. ټول مسوولین باید مشرانو جرګې ته درناوی ولري.
د هېواد جمهوررئیس  څرګنده کړه، سوله د حکومت مهم لومړیتوب او د افغانستان د خلکو اساسي غوښتنه ده او واقعي سولې ته تر رسېدو پورې به د افغان امنیتي او دفاعي ځواکونو عملیات د منظم پلان پربنسټ په شدت ادامه ولري. هغه زیاته کړه، د ویاړ ځای دی چې ۹۶ سلنه عملیات په مستقله توګه افغان امنیتي او دفاعي ځواکونه ترسره کوي.
جمهورريیس وویل، افغان امنیتي او دفاعي ځواکونه ترپخوا زیات منسجم او له دفاعي حالت څخه تعرضي حالت ته شوي. د دوی له پرمختګونو خوښ یم او د امنیتي او دفاعي ارګانونو د رهبرۍ په کچه بېسارې همغږي رامنځته شوې ده.
محمداشرف غني وویل، په راتلونکو شپږو میاشتو کې د باختر هوایي شرکت په فعالېدو سره به زموږ هیوادوالو په ځانګړي ډول امنیتي او دفاعي ځواکونو ته د خوندي تګ راتګ  اسانتیاوې زیاتې شي. هغه زیاته کړه، د امنیتي او دفاعي ځواکونو تمویل، سمبالښت، درملنې او اړوندو مسایلو ته اساسي توجه شوې او لا هم په دې برخه کې هڅې دوام لري. 
جمهوررئیس وویل، له عربي متحده اماراتو سره په مذاکراتو کې یوو چې د روغتونونو مدیریت واخلي او له دې سره به د ملکي او نظامي روغتونونو وضعیت کې نور ښه والی هم راشي. هغه زیاته کړه، دبهرنیو چاروپه وزارت کې د واضح اړتیا په سمبالښت د اصلاحاتو پیل شوی بهیر به په قانوني او اصولي توګه دوام لري.
جمهوررئیس غني وویل، په ښارونو کې  د چاپیریال د ککړتیا اصلي عاملین ښارګوټي او د بې کیفیته ډبرو سکرو او زړو ټایرونو سوځول دي او د دې ستونزې د مخنیوي په موخه د لمریزې برېښنا او نورو بدیلونو په اړه بحث دوام لري. هغه زیاته کړه، اوبه زموږ لومړیتوب دی، ځکه چې د اوبو د مدیریت له لارې د خلکو په ژوند کې اساسي بدلون راتلونکی دی او په دوو کلونو کې به د کابل ښار د څښاک اوبو ستونزه په اساسي توګه حل شي.
جمهوررئیس له ګاونډیو هیوادونو سره په پوله د وچو بندرونو ایجاد د تګ راتګ او د بې کیفیته توکو د واردولو د مخنیوي لپاره چې بیه یې زموږ بې وزله هیوادوال پرې کوي، ګټور وباله. همدارنګه یې بې ځایه شویو ته د رسیدګي لپاره د امکاناتو په عادلانه وېش ټینګار وکړ.
د هیواد جمهوررئیس پر دې په ټینګار چې وزارتونه باید له کابل محورۍ څخه ووځي وویل، د افغانستان د ولسوالیو انکشاف او وضعیت ته به اساسي پام وشي. اصلاحاتو ته به مثبت لوري ورکړو او واقعي سولې ته به د افغان دولت او خلکو په مدیریت او مالکیت ورسېږو. پاى- فضل واحد


 

کابل /دليندې   ٢١مه / باختر :
د افغانستان د اسلامي جمهوریت دجمهوررئیس محمد اشرف غني په حضور کې، د خواف ـ هرات ریل پټلۍ څلورمې برخې د لومړي فاز جوړولو قرارداد د افغانستان د ریل پټلۍ ادارې رئیس یما شمس او د قزاقستان  INKON KZ  کمپنۍ مسوولینو ترمنځ لاسلیک شو.
دجمهوررييس دوياند دفترباخترآژانس ته خبرورکړ
د خواف ـ هرات ریل پټلۍ د څلورمې برخې لومړی فاز ۴۳ کیلومټره اوږدوالی لري او د هرات غوریان، زنده جان او انجیل ولسوالیو څخه تېرېږي. دغه پروژه چې په ۱۶ میاشتو کې به پای ته ورسېږي، له ۵۸.۵ میلیون ډالرو څخه زیات لګښت پرې راځي او د افغانستان حکومت له لوري تمویلېږي.
د خواف ـ هرات ریل پټلۍ د ۲۲۵ کیلومټرو په مجموعي اوږدوالي په ۴ برخو کې د ایران او افغانستان ترمنځ جوړېږي. د دې پروژې دوه لومړنۍ برخې، د ۷۶ کیلومټرو په اوږدوالي د ایران له خواف تر شمتیغ سرحد پورې وړاندې جوړه شوې او ګټې اخیستنې ته چمتو شوې او د دریمې برخې کار د افغانستان په خاوره کې د ۶۲ کیلومټرو په اوږدوالي له شمتیغ سرحد څخه تر غوریان ولسوالۍ پورې ۹۵ سلنه بشپړ شوی دی.#پاى- فضل واحد  

 

کابل /دليندۍ   ٢١مه / باختر :
دجوزجان   ٤١ اوسيدونکي دقومي مشرانوپه منځګړيتوب پرون په دغه ولايت کې  دطالبانو له قيد څخه ازاد شول .
دجوزجان  امنيه قوماندان  عبدالواحد  وجدان باختراژانس ته وويل چې دغه کسان دقومي  مشرانو او دديني عالمانو په منځګړيتوب دطالبانو له قيد  څخه ازاد شول
هغه پنځه څلويښت تنه  چې دوه ورځې   مخکې دوګړني پاڅون دقوماندان الله بيرن دجنازې په مراسمو کې دګډون په موخه له فيض اباد ولسوالۍ  څخه دشبرغان مرکز ته روان وو دلارې په اوږدو کې دطالبانو له لوري وتښتول شول.
هغه زياته کړه چې له طالبانو څخه دڅلورو نوروتښتول  شويو کسانودخلاصون لپاره  هڅې دوام لري .
دجوزجان په فيض اباد ولسوالۍ کې دوګړني پاڅون  قوماندان الله بيرن دوه ورځې مخکې داندخوى اقينې په لويه لاره کې  په ترافيکي پېښه کې مړ شو .
  ختم_ ف _ اکرم

 

کابل /دليندې   ٢١مه / باختر :
طالبانو په تېره يوه مياشت کې په غور کې دمخابراتي شبکو اووه انتنونه  ويجاړ کړي دي .
دغور دمخابراتي خدمتونو ( اترا )  دتنظيم  مسوول سيد مير غفوري  د باختر اژانس خبريال ته وويل چې دغه مخابراتي انتنونه ددغه ولايت دتيورې ،  پسابند ، شهرک اوټولک په ولسواليو کې  ويجاړ شوي دي .
دمخابراتي شبکو ددغو انتنونو په ويجاړېدو سره دغور خلک دمخابراتي خدمتونو له نشتوالي څخه له زياتو ستونزو سره لاس اوګريوان شوي دي او هغوى له دولت څخه غواړي چې دغې  ستونزې ته دحل لاره ولټوي .
  ختم_ عطاالله _اکرم

کابل /دليندې   ٢١مه / باختر :
اته تنه وسله وال طالبان تېره شپه په فراه کې دغوڅ ملاتړ دهوايي ځواکونو په عملياتو کې ووژل شول .
په فراه کې ددويمې پلې لوا وياندحشمت الله احمدي باختر اژانس ته وويل چې  دبالابلوک ولسوالۍ په شاخ وسط  کلي کې دهېواد دپوحيانوپه همکارى  د غوڅ ملاتړ دځواکونو په هوايي عملياتو کې اته تنه وسله وال طالبان ووژل شول او څلور تنه نور ټپيان شول .
  ختم _ عطاالله _ اکرم

کابل /دليندې   ٢١مه / باختر :
درې تنه وسله وال طالبان تېره شپه په جوزجان کې په يوه نښته کې ووژل شول .
دجوزجان دوالي وياند معروف اذر باختراژانس ته وويل چې دغه وسله وال طالبان دجوزجان  دقرقين ولسوالۍ په مربوطاتو کې له امنيتي ځواکونوسره په نښته کې ووژل شول .
هغه زياته کړه چې په دې جګړه کې پنځه تنه نور طالبان ټپيان شول .
دجوزجان دوالي وياند وويل چې په دغه جګړه کې  يو امنيتي سرتيرى  شهيد کړى شو او يوتن بل ټپي شو .
ختم_ عطاالله _اکرم

کابل /دليندې   ٢١مه / باختر :
دبادغيس په قادس ولسوالۍ کې دپوليسو پرپوستو دطالبانو دتېرې شپې برېدونه له ماتې سره مخ شول
دبادغيس دولايتي شورا يوه غړي باختراژانس ته وويل چې طالبانو په قادس ولسوالۍکې  دپوليسو په پوستو برېدونه وکړل چې په پايله کې يې درې وسله وال طالبان ووژل شول او درې نوريې ټپيان شول .
دبادغيس  دامنيې قوماندانۍ وياند تحصيل حيدري  هم ددې خبرپه تاييدولو سره وويل چې ساحې ته دملي اردو دځواکونو په رسېدو سره طالبان له ساحې څخه وتښتېدل  .
هغه وويل چې په دغونښتو کې پوځيانو  ته زيان نه دى اوښتى .
  ختم_عطاالله _ اکرم

Page 1 of 8349