27 September 2020

RSS Facebook

سوداگریز


تازه خبرونه

جمهوررئیس محمد اشرف غني: د ولایتونو په انکشاف کې توازن، د دولت له لومړیتوبونو څخه دی

جمهوررئیس محمد اشرف غني: د ولایتونو په انکشاف کې توازن، د دولت له لومړیتوبونو څخه دی

کابل/ د تلې ۵مه/ باختر د افغانستان د اسلامي جمهوریت جمهوررئیس...

د امنیتي برخې لوړپوړومقاماتوغونډه وکړه

د امنیتي برخې لوړپوړومقاماتوغونډه وکړه

کابل/ د تلې ۵مه/ باختر د افغانستان د اسلامي جمهوري دولت...

په پکتیکا کې ۱۱ طالبانوته مرګ ژوبله اوښتې

کابل/ د تلې ۴مه/ باختر طالبانو نن د یوسفخیلوولسوالۍ پرسنګرپوستې او...

Youtube Player

khantry design

سوداگریز

سوداگریز

کابل/ د تلې ۵مه/ باختر

د افغانستان د اسلامي جمهوریت جمهوررئیس محمد اشرف غني نن ماسپښین په ولسي جرګه کې د فراه او بادغیس ولایتونو د خلکو له استازو سره وکتل.

په دغه کتنه چې په ارګ کې وشوه، په پیل کې په ولسي جرګه کې د فراه د خلکو استازي عبدالستار حسیني او د بادغیس ولایت د خلکو استازي عبدالبصیر عثماني د نورو په استازیتوب د امنیت، د پوهنې د پراختیا، انکشافي پروژو او په بېلابېلو دولتي ادارو کې د دغو ولایتونو د کادرونو د استخدام په اړه خپلې غوښتنې او وړاندیزونه بیان او له جمهوریت څخه خپل قاطع ملاټر اعلان کړ.

وروسته د ملي امنیت سلاکار ډاکټر حمدالله محب د یادو ولایتونو او په مجموع کې په ټول هیواد کې د امنیت د تامین په خاطر د تدابیرو په اړه معلومات ورکړل او د ولس محوره امنیتي پلان د یادولو پر مهال یې وویل، د فراه او بادغیس ولایتونو د امنیتي ستونزو د حل په موخه امنیتي برنامې ترلاس لاندې دي.

جمهوررئیس غني د فراه او بادغیس ولایتونو د خلکو له استازو څخه چې خپلې غوښتنې او وړاندیزونه یې بیان کړل مننه وکړه او د سولې مشورتي لویې جرګې پرېکړو ته په اشاره یې د سولې په اړه خبرې وکړې.

جمهوررئیس د یادو ولایتونو استازو ته وویل چې د خپلو کادرونو لیست ترتیب کړي او په اړه به یې لازم اقدامات وشي، خو د کادرونو په استخدام کې معیار یو مهم اصل دی.

جمهوررئیس غني څرګنده کړه، په لویدیځ زون کې د پانګونې او انکشاف برخو ته زیاته پاملرنه شوی او د ولایتونو د انکشاف او پراختیا په برخه کې توازن، د دولت له لومړیتوبونو شمېرل کېږي.

د هیواد جمهوررئيس زیاته کړه، په ټول هیواد کې ۹۵ سلنه ښوونکي بایومتریک شوي او پوهنې ته له پاملرنې پرته د هیواد پرمختګ امکان نه لري.

جمهوررئیس، د هیواد لویدیځ زون ته د ترکمنستان د وارداتي برېښنا یادونه وکړه وې ویل، په دې برخه کې لازمه همغږي رامنځته شوې او پرمختګونه د لمس وړ دي. هغه په فراه او بادغیس ولایتونو کې د ښځو د فعال رول قدرداني وکړه وې ویل، ټاپي تر راتلونکي کال پورې هرات ولایت ته رسېږي.

جمهوررئیس محمداشرف غني څرګنده کړه، یو له عمده مواردو څخه کندهار ولایت ته له ترکمنستان څخه د برېښنا مزي لین لېږد وو چې ۱،۳ میلیار ډالر پانګونه پرې شوې ده.

د هیواد جمهوررئیس د ولسوالیو په امنیه قومندانیو کې نویو تغییراتو ته په اشارې وویل، د افغان ولس په ځانګړي ډول د هیواد د لېرې پرتو سیمو او ولایتونو د امنیت تامین ته پاملرنه، د افغانستان دولت له لومړیتوبونو څخه دي.

کابل/ د تلې ۵مه/ باختر

د افغانستان د اسلامي جمهوري دولت د امنیتي سکتور لوړ پوړو مقاماتو نن پخپله اوونیزه غوڼده کې د هیواد د عمومي امنیتي وضعیت او د سیمه ییزو پولیسو  د ادغام پروسې د پرمختګ په اړه بحث وکړ .

یادې غونډې ته مسوولینو د خپلو  راپورونه په وړاندې کولو سره وویل، چې د ادغام په پروسه او د سیمه ییزو پولیسو او اردو په اړوند د بدیلې طرحې په اړه پرمختګونه شوي دي.

دغه راز د امنیتي سکتور لوړ پوړو مقاماتو په یاده غوڼده کې د هیواد عمومي امنیتي وضعیت و ارزاوه او په تړاو یې لازم تصامیم ونیول

کابل/ د تلې ۴مه/ باختر

طالبانو نن د یوسفخیلوولسوالۍ پرسنګرپوستې او د اورګون ولسوالۍ پرپیرکوتي پوستې  ډلیزبریدونه وکړل چې د پولیسو له کلک غبرګون سره مخ شول. د پکتيکا امنيه قوماندانۍ ويندوي دفتر رسنيو ته ړيلي دي چې په ځوابي ډزو کې نهه طالبان وژل شوي او دوه نوریې ټپیان دي او همداراز د طالبانو یو هایلکس موتر هم تخریب او له منځه تللی دی .

په دواړو نښتو کې پولیسو ته کوم زیان نه دی اوښتی.

 

کابل/ د تلې ۴مه/ باختر

طالبانو نن د یوسفخیلو ولسوالۍ پر  سنګر پوستې او د اورګون ولسوالۍ پر پیرکوتي پوستې  ډلیز بریدونه وکړل چې د پولیسو له کلک غبرګون سره مخ شول. د پکتيکا امنيه قوماندانۍ ويندوي دفتر رسنيو ته ړيلي دي چې په ځوابي ډزو کې نهه طالبان وژل شوي او دوه نوریې ټپیان دي او همداراز د طالبانو یو هایلکس موتر هم تخریب او له منځه تللی دی .

 په دواړو نښتو کې پولیسو ته کوم زیان نه دی اوښتی.
 

 

 

کابل/ د تلې ۴مه/ باختر

د افغانستان د اسلامي جمهوريت جمهوررئيس محمد اشرف غني او د پاکستان لومړي وزير عمران خان نن د ټليفوني تماس له لارې د دواړو هيوادونو د اړيکو، سولې پروسې او په افغانستان کې د اوربند ټينګښت په اړه خبرې وکړې.

په دې ټلیفوني مکالمه کې جمهور رئیس غني د اوربند په ټينګښت ټينګار وکړ او د پاکستان لومړي وزير ته يې افغانستان ته د رسمي سفر بلنه ورکړه.

د پاکستان لومړي وزير عمران خان وويل، موږ په افغانستان کې د اوربند ټينګښت بشپړ ملاتړ کوو او د جمهور رئيس له بلنې څخه په مننې يې زياته کړه، په نږدې راتلونکې کې به کابل ته سفر وکړي.

 

 

کابل/ د تلې ۳مه/ باختر

د افغانستان د اسلامي جمهوریت جمهوررئیس محمد اشرف غني نن له غرمې مخکې د افغانستان لپاره د پاکستان د نوي سفیر منصور احمد خان باورلیک ومانه.

د باورلیک سپارلو په مراسمو کې چې په ارګ کې ترسره شول، لومړی د افغانستان لپاره د پاکستان نوي سفیر منصور احمد خان جمهوررئیس غني او افغانانو ته د پاکستان د لومړي وزیر عمران خان او د لوی درستیز جنرال قمر باجوه د سلامونو او نېکو هیلو وړاندې کولو ترڅنګ وویل، موږ غواړو د دواړو هیوادونو اړیکې پراخې شي او پاکستان په افغانستان کې د تلپاتې سولې د ټینګېدو غوښتونکی دی.

هغه زیاته کړه، زما ماموریت د اړیکو، ترانزیټ او سوداګریزو همکاریو پراختیا او د دواړو هیوادونو د خلکو په تګ راتګ کې د اسانتیاوو رامنځته کول دي. پاکستان د سیمه ییز اتصال او همکاریو د پراختیا پر اساس د افغانستان حکومت د سیاست ملاتړ کوي.

جمهوررئیس غني د پاکستان نوي سفیر ته د ښه راغلاست ترڅنګ وویل، موږ له پاکستان سره د اړیکو پراختیا او د سوداګریزو همکاریو د پیاوړتیا او د افغان کډوالو په تګ راتګ کې د اسانتیاوو رامنځته کولو او د ستونزو د حل غوښتونکي یوو.

جمهوررئیس څرګنده کړه، موږ غواړو د افغانستان حکومت د سیمه ییز اتصال پالیسۍ په ځانګړي ډول  پاکستان ته د منځنۍ اسیا د انرژۍ لېږد په برخه کې، ښې پایلې ولري.

د هیواد جمهوررئیس د سولې پروسې په اړه وویل، د افغانستان حکومت د سولې پروسه کې د سیمې هیوادونو د ملاتړ غوښتونکی دی. په افغانستان کې د جګړې پایته رسېدل او د سولې ټینګښت د سیمې هیوادونو په ګټه دی.

 

 

کابل/ د تلې ۳مه/ باختر

د افغانستان د اسلامي جمهوریت جمهوررئیس محمد اشرف غني نن مازيګر  د ویډیو کنفرانس له لارې د ملګرو ملتونو سازمان عمومي مجمع ۷۵ یمې غونډې په څنډه کې د بې وزلۍ راکمولو او ابعادو، د بې وزلۍ څوبعدي شاخص ته په پام د هغې راکمولو په برخه کې د دولتونو او بین المللي بنسټونو د رهبرۍ پر رول خبرې وکړي.

په دغه ویډیو کنفرانس کې چې د چیلي حکومت، اکسفورډ پوهنتون، د ملګرو ملتونو پرمختیایي ادارې او پاکستان حکومت په نوښت جوړ شوی وو، بې وزلۍ سره د مبارزې په برخه کې د هیوادونو پر هڅو خبرې وشوې.

په پیل کې د چیلي جمهوررئیس بې وزلۍ سره د مبارزې په برخه کې د دغه هیواد د حکومت د برنامو په اړه معلومات وړاندې کړل.

وروسته د پاکستان لومړي وزیر عمران خان په خپلو خبرو کې وویل، بې وزلي د وروسته پاتې هیوادونو جدي ستونزه ده او د نړۍ نږدې یو میلیار نفوس د بې وزلۍ او تنګ لاسۍ سره مخ دي او دا د بشري حقونو یوه سرغړونه ده.

هغه په دې برخه کې د خپل هیواد برنامې تشریح کړې او وې ویل، د ملګرو ملتونو سازمان غړي هیوادونه باید له دغې پدیدې سره مبارزه وکړي.

وروسته جمهوررئیس غني په خپلو خبرو کې بې وزلۍ سره د مبارزې په ځانګړي ډول د کرونا ویروس خپرېدو پر مهال د افغانستان حکومت هڅې یادې وکړې وې ویل، د افغانستان دولت رهبري د کرونا ویروس خپرېدو په لومړي پړاو کې خپلې وړاندوینې لرلې او کرونا ویروس سره د مبارزې ستراتېژي یې په پنځو پړاونو کې عملي کړه.

جمهوررئیس زیاته کړه، کرونا د افغانستان او سیمې پر اقتصادي وضعیت منفي اغېز او اقتصادي اسیب پذیرۍ لرلې.

د هیواد جمهورئیس څرګنده کړه، د کرونا ویروس پایلو موږ اړ کړو چې د ناوړه شرایطو وړاندوینه وکړو او له هغې سره د مبارې په خاطر عاجل اقدامات ترسره کړو.

جمهوررئیس غني وویل، زموږ اساسي موخه دا وه چې بې وزلو ته رسېدګي او له داخلي منابعو څخه سمه استفاده وکړو او له بېلابېلو ابعادو سره یې مبارزه وکړو.

جمهوررئیس څرګنده کړه، زموږ ټینګار بې وزلو ته پر رسېدګۍ وو او خلکو ته د رسېدګۍ په خاطر مو د وچې ډوډۍ د وېش او ملي دسترخوان برنامې د مهمو برنامو په توګه عملي کړې.

جمهوررئیس غني وویل، د ملي دسترخوان برنامه ۴،۵ میلیون کورنیو سره د خوراکي توکو مرسته ده چې د افغانستان د نفوسو ۹۰ سلنه جوړوي او یوه دوامداره برنامه ده.

جمهوررئیس د خپلو خبرو په پای کې بې وزلۍ سره د مبارزې په خاطر د هیوادونو تر منځ پر ګډو هڅو ټینګار وکړ او وې ویل، موږ د کرونا ویروس منفي پایلو د کمولو په موخه د سیمې له هیوادونو سره کار کړی، ترڅو صادرات او واردات په عادي ډول دوام ومومي.

 

 

کابل/ د تلي ۳مه/ کابل

د افغانستان د جمهور ريیس محمد اشرف غني  د ۱۳۹۹/۰۶/۰۳ د ۱۶۳۲ نمبر حکم  پر اساس مولوي رحمت الله اندړ،د ملي امنیت شورا نوي ویاندوټاکل شو.

مولوي رحمت الله اندړدوه ماسټرۍ لري ، یوه په دیني علومو او عربي ژبه کې او بله د ښوونې او روزنې په مدیریت کې او په پښتو، عربي، دري او انګلیسي ژبو  خبرې کولای شي.

مولوي اندړ د ښوونکي او استادی تجربه هم لري او تر دې وړاندې د اطلاعاتو او فرهنګ وزارت فرهنګي سلاکار او بیا د ملي امنیت شورا په دفتر کې د علماوو او دیني چارو د رییس او سلاکار په توګه دنده ترسره کوله.
 

 

 

کابل/ د تلې ۳مه/ باختر

د افغانستان د اسلامي جمهوري دولت د امنیتي سکتور لوړپوړو مقاماتو او د کابل امنیتي ټیم نن د کابل د امنیتي وضعیت په اړه غونډه وکړه.

د غونډې په سر کې د کابل امنیتي چارواکو د کابل د امنیتي پلان او امنیتي میثاق د تطبیق په هکله خپل راپورونه وړاندې کړل او څرګنده يې کړه چې د خلکو د امنیت د تامین لپاره یې هڅې چټکې کړي دي.

د ملي امنیت سلاکار ډاکټر حمدالله محب د کابل له امنیتي چارواکو او منسوبینو څخه د خلکو دامنیت په تامین کې مننه وکړه او زياته يې کړه ، چې د خلکو د امنیت د لا تامین په موخه باید لا نورې هڅې وشي تر څو امنیت د خلکو د قناعت وړ ګرځي.

نوموړي زیاته کړه چې اړینه ده د ښار د نظم په موخه د کابل ښاروالۍ او امنیه قوماندانۍ تر منځ همغږي زیاته شي او د جرایمو خلاف مبارزه ګړندۍ او پر ټولو وګړو باندې قانون یو ډول تطبیق شي.

 

 کابل/ د تلې ٣ مه / باختر
په نړيوالو بازارونو کې نن يو انس سره زرپه ١٩٨٠ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييد سره باختر آژانس ته وويل چې نن د کابل په بازارونوکې يوګرام الجزايري سره زر٤٦٠٠ يو ګرام مصري سره زر په٤٥٥٠ افغانيو، کويټي په٣٥٥٠ افغانيو، سنګاپوري په٣٥٥٠ افغانيو،  بحريني په٣٥٠٠ افغانيو، عربي په٣٦٠٠ افغانيو، ايراني په٣٠٠٠ افغانيو او يو ګرام روسي په ٢٦٠٠افغانيو پلورل کېږي.     
پاى / ذ

Page 1 of 9033