22 September 2017

RSS Facebook

سوداگریز


تازه خبرونه

دبهرنيوچارو دوزير وينا

دبهرنيوچارو دوزير وينا

کابل باختر د وږي ديرشمه د ملګرو ملتونود عمومي اسمابلۍ د...

ديو ملي سوداګر په مرسته په فراه کې دوه واټونه پاخه شول .

ديو ملي سوداګر په مرسته په فراه کې دوه واټونه پاخه شول .

-کابل باختر د وږي ديرشمه : ديوه ملي سوداګر په...

Youtube Player

khantry design

سوداگریز

سوداگریز

Thursday, 21 September 2017 13:33

دبهرنيوچارو دوزير وينا

کابل باختر د وږي ديرشمه

د ملګرو ملتونود عمومي اسمابلۍ د دوه اویایمې ناستې په څنډه کې، په آسیا کې د تعامل او باور جوړونې تدابیرو کنفرانس (CICA) ته د بهرنیو چارو دوزیر صلاح الدین رباني وینا
د آمریکا متحده ایالات، نیویارک
بسم الله الرحمان الرحیم
د چين ولسي جمهوریت د بهرنیو چارو وزیر جلالتمآب وانګ ای،
د ملګرو ملتونو عمومي سرمنشي جلالتمآب انتونیو ګوترس،
درنو دوستانو،
ښاغلو او آغلو،
ماسپښین مو په خیر!
د ډیرې خوښي ځای دې چې په آسیا کې د تعامل او باور جوړونې تدابیرو کنفرانس (CICA) د بهرنیو چارو وزیرانو ناستې، د تآسیس پنځه ویشتمې کلیزې په مناسبت دغه ناستې ته وینا کوم.
په سر کې اجازه راکړۍ چې د چین ولسي جمهوریت څخه د (CICA) د ښه مشرتوب او د ننۍ غونډې جوړولو له امله مننه وکړم.
موږ همدراز په ننۍ غونډه کې د ملګرو ملتونو عمومي سرمنشي جلالتمآب ګوترس د حضور هر کلی کوو.
ننۍ غونډه د (CICA) د تآسیس پنځه ویشتمې کالیزې د نمانځلو لپاره یو ښه فرصت دی.
په تیرو کلونو کې، دغه کنفرانس ښه پرمختګ کړی او د اسیايي هېوادونو په منځ کې د ګډو لاسته راوړنو په برخه کې د باور زیاتو او ګډو لارو چارو لپاره اغیزمن ثابت شوی.
په ټوله کې، (CICA) د نړیوالې سولې، امنیت او پرمختګ په تړاو د مهمو مسایلو په اړه جدي دريځ غوره کړی.
دغه دريځ پر هغو جدي ننګونو د بریالي کېدو په اړه د (CICA) په عمومي وړتیاوو بحث کوي.
د امنیت، اقتصاد او ټولنیزو مسایلو په ټولو برخو کې د (CICA) باور جوړونې تدابیر د بیلابیلو ننګونو په برخه کې د همکارۍ اغیزمن چوکاټ وړاندي کوي چې موږ یو هم ورڅخه خوندي نه یو.
د (CICA) بنسټ ایښودونکي غړي په توګه، افغانستان تل د (CICA) باور جوړوني تدابیرو پلي کولو ته وده ورکړي.
موږ دا کار نه یوازې په افغانستان کې د سولې او ثبات پیاوړتیا لپاره، بلکې د آسیا د ټولو هیوادونو لپاره د خوندي او سوکاله چاپیریال ډاډمنولو لپاره ترسره کړی.
زموږ د ټولييزو پرمختګونو سره سره، مونږ باید دا ومنو چې د (CICA) غړو هېوادونو ترمنځ د همکارۍ زیاتول په اوس وخت کې د سیمې او نړۍ د امنیت او سوکالۍ لپاره یوه ستراتیژیکه اړتیا ګڼل ګيږي.
دا ټول هغه څرګند شواهد دي چې له فراملي ګواښونو سره سره، ترهګري، جنګ جګړې، د ناقانونه درملو او وسلو قاچاق تر اوسه هم د آسیا او نړۍ هېوادونو لپاره جدي ګواښونه جوړوي.
په پایله کې، موږ باید له خپلو ګډو ننګونو سره د سملاسي مقابلې په موخه د راتلونکي لپاره د ژمنو پر تازه کولو غور وکړو.
په تېر کال کې، موږ د آسیا په ګډون په بیلا بیلو هېوادونو کې د ترهګرۍ د ریښو ِغځیدلو، پیاوړتیا او ویجاړۍ شاهدان و.
اوسني حالات ددې غوښتنه کوي چې په پوره دقت او ځواک سره د ترهګرۍ په وړاندې مبارزه کې له یو بل سره همکاري وکړو.
د پټنځایونو، روزنځایونو او وسلو په برخه کې د ترهګرۍ دولتي تمویل، ترهګر د دې جوګه کړې چې د مرګ ژوبلې او ویجاړولو ناوړه مبارزې ته ادامه ورکړي.
د شپاړسو څخه ډیرو کلونو راپدېخوا، افغانستان د دغه سیمه يیز او نړیوال ګواښ ستر قرباني دی.
له همدې امله افغانستان د ترهګرۍ په وړاندې د ملګرو ملتونو نړیوالې ستراتیژۍ د پلي کولو په برخه کې د (CICA) د عمل پلان پوره ملاتړ کوي.
موږ باید د خپلو ګډو ګټو لپاره د دغې ستراتیژۍ په وخت او دوامداره تطبیق ډاډمنولو لپاره ډیر کار وکړو.
که غواړو چې په دې ګډه جګړه کې بریالي شو، باید د ترهګرو او د دوی د ملاتړ دولتي او نادولتي سرچینو ترمنځ هیڅ ډول فرق ونه کړو.
سر بېره پر دې، موږ باید د سوداګرۍ، ترانزیت، اقلیمي بدلون، انرژۍ او کلتوري تبادلې په برخه کې لا ډیره همکاري وکړو تر څو لا ډېر پرمختګ وکړو.
دغې موخې ته د رسېدو لپاره، موږ په امنیتي، سیاسي، اقتصادي، چاپیریال او بشري برخو کې د باور جوړونې تدابیرو پلي کولو لپاره د همغږۍ زیاتولو ته اړتیا لرو.
مونږ له (CICA) څخه په افغانستان کې د سولې، امنیت او ثبات د ملاتړ په برخه کې د دوی له فعاله همکارۍ څخه منندوی یو.
د (CICA) د پیل راهیسې، دوی تل خپل غړي هېوادونه په افغانستان کې د خلکو یو والي او پیوستون ملاتړ ته هڅولي دي.
موږ همداراز د آسیا زړه – استانبول بهیر په چوکاټ کې د (CICA) رغنیز رول څخه چې د (CICA) او باور جوړونې تدابیرو له لید لوري سره ورته والی لري، مننه کوو.
په دې برخه کې، موږ د (CICA) تدابیر جوړونې او آسیا زړه بهیر د ګډو عناصرو په برخه کې د همکاریو لوړولو ته سترګې په لار یو.
تر دې دمه، افغانستان د "د ناقانونه درملو سره د مبارزې" او "نويو ننګونو او ګواښونو" په برخه کې د (CICA) تدابیرو جوړونې همغږی کوونکی دی.
په دې برخه کې، موږ د دغو موضوعاتو په تړاو د آسیا زړه بهیر تر عنوان لاندې، د لاندینیو سیمینارونو په ګډون بیلا بیل سیمینارونه جوړ کړي:
• د افراطیت له منځه وړلو په اړه ملي سیمینار؛
• د ترهګرۍ او افراطیت په اړه سیمه يیز سیمینارونه؛
• د ناقانونه درملو څخه د ځوانانو ناوړه ګټه اخیستنه او د آسیا زړه سیمه باندې يې د ټولنیزو او اقتصادي پایلو په اړه سیمه يیز سیمینارونه؛
موږ باور لرو چې د (CICA) او آسیا زړه بهیر ترمنځ په لا ډیرو برخو کې د همکارۍ پراختیا به په دواړو سیمه يیزو غونډو کې زموږ د ګډو موخو په پراختیا کې لا ډیره مرسته وکړي.
له فرصت څخه په ګټه اخیستنې، زه د (CICA) له غړو هېوادونو څخه غواړم چې د بشري حقونو شورا لپاره د افغانستان د کاندیدۍ څخه ملاتړ وکړي.
ستاسو ملاتړ به موږ د دې جوګه کړي چې  په ټوله نړۍ کې د بشري حقونو اجنډا پر مخ بیولو برخه کې خپلې ټینګې ژمنې پلې کړو.
ښاغلو آغلو،
په دوو ټکو باندې په ټینګار سره خپلې خبرې راټولوم:
لومړى، په نړیوال ډګر کې د (CICA) لوړ ځای، په (CICA) کې زموږ د ټولو لپاره د ویاړ او هڅونې سرچینه ده.
لا هم، موږ نورو ډیرو هڅو ته اړتیا لرو څو ډاډمن شو چې دغه کنفرانس کولای شې زموږ ټولییز پتانسیل په رسولو کې له موږ سره مرسته وکړي.
دا یواځې هغه وخت شونې ده، کله چې موږ خپله داخلي، او له نورو نړیوالو کنفرانسونو او سازمانونو سره خپله همغږي زیاته کړو.
دویم، په داسې حال کې چې موږ له افغانستان څخه د (CICA) د ملاتړ او همکارۍ ستاینه کوو، همداراز غوښتنه کوو چې دغه سازمان باید د افغانستان دوامداره ثبات او پرمختګ ته ژمن پاتې شي.
په حقیقت کې، د آسیا په زړه کې یو سوکاله او سوله يیز افغانستان به له موږ سره د (CICA) مهمو اهدافو لاسته راوړلو کې مرسته وکړي.
مننه!
 

کابل باختر د وږي ديرشمه :
دڅوارلسو ملياردو افغانيو په لګښت دسړک جوړولو دپنځو سترو پروژو او ديوه کانکريتي پله قرارداد دفوايد عامې  وزارت او دقرارداد کوونکو  شرکتونو ترمنځ دافغانستان داسلامي جمهوريت داجراييه رييس ډاکتر عبدالله عبدالله په شتون په سپيدار ماڼۍ کې لاسليک شو .
داجراييه رياست مطبوعاتي دفتر باختراژانس ته خبرورکړ ، دهېواد اجراييه رييس چې ددغوپروژو دقرارداد دلاسليک کولو دمراسمو په بهير کې يې  خبرې کولې وويل چې داکار دسيمې په کچه زموږ داقتصادي هدفونو دتحقق ، انډوليز انکشاف او دملي وحدت دحکومت دژمنو دعملي کيدو  او دبنستونو داحيا کولو په لاره کې ترسره شوى دى .
  دفوايد عامې وزارت سرپرست  يما ياري ددغو پروژو  د جزئياتو په باره کې وويل  دقيصار ، لامان - بادغيس  سړک لومړى برخه د ٢٤٩  مليونو افغانيو په لګښت  او  ددرې  ديرشو کيلو مترو په اوږدوالي ، دفارياب دچارتوت   دهنه ايار سړک د ١١٧  مليونو افغانيو په لګښت او داوو کيلومترو په اوږدوالي ، ددواب – ددهنه ايار  او مندول پل سړک د ١٧٩ مليونو افغانيو په لګښت او ديوولسو کيلومترو په اوږدوالي په  ١٧ مياشتو کې جوړيږي 
ياري زياته کړه بله پروژه د ١٥٢ کيلومتروپه اوږدوالي دبغلان – باميانو سړک او د ٨٦ کيلومترو په اوږدوالي او د ٧٨٩ مليونو افغانيو په لګښت  دسالنګ دلوى لارې دپروژې دتطبيق لپاره دمشورتي خدمتونو وړاندې کول دي چې دملګروملتو دسازمان دپروژې دخدمتونو دبرخې UNOPS له خوا  عملي کيږي .
  دغه راز داتيامترو په اوږدوالي او دڅلويښتو مليونو افغانيو په لګښت په خوست ولايت کې دکانکريتي پله دقرارددسندلاسليک شو
ددغو پروژو لګښت نړيوال بانک ورکوي  په دې پروګرام کې د يونابـس استازي له افغانستان  سره  دملګروملتو دسازمان دمرستو په دوام باندې د ټينګار په ترڅ کې وويل چې ديونابس دفتر دافغانستان دودې اوپرمختګ  په برخه کې ددغه هېواد ددولت اوخلکو تر څنګ ولاړ دى .
دهېواد اجراييه رييس دقيصار ، لامان ،بغلان  ، باميان او سالنګونو دپروژو په اهميت باندې دټينګار په ترڅ کې وويل دغه پروژې داقتصادي پراختيا ،دبېوزلي دله منځه وړلو ، کارموندنې ، صنعت ، امنيت او  دخلکو دپيوستون له امله اغيزمنې دي .
ډاکتر عبدالله عبدالله له قراردادکوونکو شرکتونوڅخه وغوښتل چې دسيمې له اوسيدونکو څخه دې مسلکي کارګران استخدام کړي
دغه ر از اجراييه رييس وويل په اړوندو دولتي ادارو او دملي وحدت دحکومت په رهبري  کې عمومي روحيه داده چې په کمو پرمختللو ولايتونوکې دې زيات کاروشي چې په عمل کې  خلکو ته انډوليز انکشاف ثابت شي .
ډاکتر عبدالله عبدالله په کمو پرمختللو ولايتونوکې په کارباندې په ټينګار سره زياته کړه دقيصار  لامان سړک له سلې  څخه څوارلس کاله تيريږي   اوپه ټول نورستان ولايت کې يواځې  شپږ سوه متره سړک په ښار کې پوخ شوى دى او ډير کم کار ترسره شوى دى .
دهېواد اجراييه رييس ددوشي – باميان سړک داهميت په باره کې څرګنده کړه دغه سړک دهېواد  شمال دولس ولايتونه له مرکزي ولايتونوسره نښلوي او داقتصاد او ترانزيت په وده کې اغيزمن دى . 
ډاکتر عبدالله عبدالله دسالنکونو پروژې  په  باره کې وويل چې دسالنک دبيا جوړولو دپروژې لومړي برخه او دشپږ اتيا کيلومترو په اوږدوالي دموازي تګلوري دجوړولو کار تريوې مياشتې پورې پيليږي .
دغه راز دهېواد اجراييه رييس دفوايد عامې وزارت ته لارښوونه وکړه چې دغور – هرات سړک دطرحې په باب کار وکړي او  بشپړې کړي چې دوزيرانو شورا داقتصادي عالي شورا په غوڼدو کې په دې باره کې تصميم ونيول شي .
ډاکتر عبدالله عبدالله ددغو ولايتونو استازو ته ډاډ ورکړچې دپرژو چټکتيا شفافيت اوکيفيت  ته په لومړيتوب کې ځاى ورکړي
دهېواد اجراييه رييس وويل چې دخلکو دغو نيتونو او دحکومت دژمنو په تحقق کې به بې  پروايي ونه کړي .
ددغو پروژو  قرارداد دخوست ، فارياب ، بادغيس ، باميانو او دبغلان دولايتونو داستازو په وړاندې   او دفوايد عامې  وزارت او دقرارداد ورکوونکو شرکتونو ترمنځ لاسليک شو
ددغو ولايتونو استازو په خپلو خبرو کې په اړوړندو ولايتونو کې پراختيا يي پورژو ته دپاملرنې په خاطر  دملي وحدت دحکومت له مشرتابه او په تيره بيا دهېواد له اجراييه رييس څخه قدرداني وکړه .
  ختم_ عطاالله 

-کابل باختر د وږي ديرشمه :
ديوه ملي  سوداګر په مرسته دفراه په ولايت کې  دوه واټونه  جوړ او پاخه شول .
دغه دوه واټونه په فراه ښار کې  موقعيت لري او دڅه دپاسه درې نيمو کيلو مترو  په اوږدوالي  جوړاوپاخه شوي دي.
محمد شاه فراهي هغه سوداګر چې دفراه ښار  اووم اواتم لمبر  سړکونه يې جوړ او پاخه کړي دي له تولو پانګوالو څخه وغوښتل چې د خپل هېواد په بيا جوړولو کې دې کارنده ونډه واخلي .
دفراه ښاروال  عبدالرحيم اسحق زي له دغو واټونو څخه دګتې اخستنې په مراسمو کې وويل چې دهغو په جوړولو او پخولو سره دسلګونو کورنيو او دزرګونوخلکو دتګ راتګ ستونزې لرې شوې دي .

-کابل باختر د وږي ديرشمه :
دبهرنيو چارو وزارت داقتصادي همکاريو معينې  ميرمن  عادلې راز  دملګروملتو دسازمان دعمومي اسامبلې دغونډې تر څنګ دکمو پرمختللو هېوادونو ، دپرمختيا په حال کې  په وچې پورې  داړوندو هېوادونو او دپرمحتيا په حال کې دکوچنۍ جزيرې دهېوادونولپاره دملګروملتو دسازمان له عالي استازې ميرمن فکينا مويلوا کاتوا سره وکتل .
دبهرنيوچارو وزارت دوياند دفترباختراژانس ته خبرورکړ په دې کتنه کې دبهرنيو چارو وزارت داقتصادي همکاريو  معينې په دغه مقام  دميرمن کاتوا دټاکل کيدو مناسبت هغې ته دمبارکې  دويلو په ترڅ کې دکمو پرمختللو هېوادونو لپاره داستانبول دعمل دپروګرام او دپرمحتيا په حال کې په وچې پورې  دتړلو هېوادونولپاره دويانا دعمل دپروګرام له اجرا کولو سره دمرستې  لپاره ددې ددفتر دهڅو او هاند له امله قدرداني وکړه .
دغه ر از ميرمن راز دعمل ددغو دوو پروګرامونو داجرا کولو او په دې برخه کې په افغانستان کې دموجود بين الوزارتي  جوړښت په اړوند معلومات وړاندې کړل .  داقتصادي همکاريو معينې دغه راز دسيمه ئيز تر ځمکې لاندې پله  او دسيمه ئيزې سوداګرۍ او ترانزيت  دمرکز په توګه دافغانستان دمرکزي موقعيت او دافغانستان په باب  دسيمه ئيزو اقتصادي  همکاريو دکنفرانس (ر کا )  او داسيا دزړه  دبهير په چوکاټ کې  دافغانستان دحکومت دهڅو او هاند په باره کې  خبرې وکړې او دعالي استازي   ددفتر او ددغو دوو چوکاټونو ترمنځ دهمکارى  دزمينو دڅيړنې په اهميت باندې تينګار وکړ .
ددغې کتنې په دوام  ميرمن کاتوا او ددغه دفتراو د(رکا) او داسيا دزړه دبهير ددوو چوکاټونو ترمنځ دهمکارۍ  دزمينو د پراختيا هرکلى وکړ .
دغه راز دې دتکنالوژۍ  بانک  دجوړولو ،  دپانګونې له رواجولو سره دمرستې  او دغه راز ددغې ادارې په کاري برخو پورې داړوندو مطالعاتو او تحقيقاتو دترسره کولو په ګډون  ددغه دفتر دځينو  فعاليتونو او نوښتونو په اړوند خبرې وکړې دکتنې په پاى کې  موافقه وشوه چې دواړه لورې دې په ګډه دځينو ورکشاپونو دجوړولو او دغه راز دګډو تحقيقاتي پروژو داجرا کولو زمينې وڅيړي .

-کابل باختر د وږي ديرشمه :
دملي امنيت دلوى رياست منسوبانو نن دځانګړو عملياتو په بهير کې دطالبانو دتروريستي ډلې څلور کسيزه شبکه چې په ځانمرګي واسکټ سمبال يو ځانمرګي بريد ګر پکې شامل و دسمنګانو ولايت په مرکز ايبکوښار کې نيولې ده .
دترلاسه شويو معلوماتو له مخې  نيول  شويوکسانو دوسله والو طالبانو په ډله کې په خپل غړيتوب اعتراف کړى دى او غوښتل يې چې دوسله والو طالبانو دډلې له خوا دسمنګانو ولايت لپاره دولايت دنومول شوي مرستيال مولوي جلال په لارښوونه په دغه ولايت کې مخکې له مخکې په ټاکلو هدفونو ځانمرګي بريدونه وکړي چې دملي امنيت دلوى رياست دمنسوبانو دهڅو او هاند له امله ددغې شبکې پټنځي  کشف او دغه کسان له ځانمرګي واسکټ سره يوځاى ونيول شول .

-کابل باختر د وږي ديرشمه :
دغزني ولايت دپوليسو يو مقام دماين دچاودنې له امله شهيد شو .
دغزني ولايت د جغتو ولسوالۍ دامنيې قوماندانۍ دسرپرست ميراجان جعفري  دسپرلۍ موټر نن دمومندو  غاښې په ساحه کې  په سړک کې په ښخ کړى شوى  ماين وخوت اوشهيد شو .
په دې پيښه کې دپوليسو يو مامور هم شهيد او دوه تنه ملکي وګړي ټپيان شو
  تراوسه پورې دپوليسو ددغه مقام دترور مسووليت چاپه غاړه نه دى اخستى خو سيمه ئيز مقامات وسله وال طالبان ددغې پيښې  عامل بولي .
په تيرو کابو دوو مياشت کې دا دجغتو ولسوالۍ دريم امنيه قوماندان دى چې دطالبانو په ډار اچوونکو بريدونوکې وژل کيږي .

-کابل باختر د وږي ديرشمه :
دافغانستان داسلامي جمهوريت دبهرنيو چارو وزير صلاح الدين رباني دناروې دشاهي هېواد دبهرنيو چارو له وزير بورګه برنده سره وکتل .
دبهرنيو چارو وزارت دوياند دفتر باختراژانس ته خبر ورکړ په دې کتنه کې دافغانستان دبهرنيو چارو وزير دناروې دانتخاباتو  دبريالتوب   له امله ددغه هېواد دبهرنيو چارو وزير ته مبارکې وويله وروسته دواړو لورو دامريکا   دمتحده ايالاتو د نوې پاليسۍ په باب خبر ې وکړې او ددواړو هېوادونوترمنځ ددايمي همکاريو په اهميت  باندې يې ټينګار وکړ .
په دې کتنه کې دهېواد دبهرنيوچارو وزير دښه اوبد په نامه د تروريزم هرراز ويش دسيمې او نړۍ په زيان وباله .
دغه راز په دې کتنه کې دسولې له هغو بهيرونوسره چې دافغانستان تر مديريت او مالکيت لاندې وي ټينګار وشو .
په دې ورستيو وختو کې ددواړو هېوادونو دبهرنيو چارو وزيرانو تر  ٢٠٢٠  ميلادي کال پورې دافغانستان داسلامي جمهوريت او دناروې  دشاهي هيواد ترمنځ دستراتيژيکي همکاريو  دموافقه ليک  دتمديد سند چې مخکې له مخکې لاسليک شوي و ،تبادله کړ .
  ختم- عطاالله

-کابل باختر د وږي ديرشمه :
دپوليسو يوه مقام او داستازو  مجلس يوه غړي دميوند اتلانو دغوره ليک له ټيم سره نغدي مرسته وکړه .
دقندهار ولايت امنيه قوماندان جنرال عبدالرازق   دميوند اتلانو دغوره ليک دټيم له غړو سره ددوه سوه پنځوسو زرو افغانيو داستازو په مجلس  کې ددغه جنوبي ولايت استازي حميدزي لالي  ددوه زره ډالرو مرسته وکړه .
  دافغانستان له جنوب څخه دميوند اتلانو ټيم دهېواد دفوټبال په غوره ليک کې استازيتوب کوي .
دغه ټيم دليک ددغه فصل دسياليو له  پيل کيدو وروسته او په دې وروستيو وختو کې کابل ته راغلى دى چې له خپلو سيالانو سره سيالي وکړي .

-کابل باختر د وږي ديرشمه :
نړيوال ځواکونه له افغان امنيتي ځواکونوسره په ملاتړ ژمن دي په لويديځ  زون کې دايساف قوماندان جنرال بياجينو  دظفر قول اردو له قوماندان سره په کتنه کې دامنيتي مسئلو او ستونزو او له افغان دولت اوامنيتي ځواکونو سره دنړيوالې ټولنې دملاتړيزو پروګرامونوپه باب خبرې وکړې او څرګنده يې کړه افغان امنيتي ځواکونو دهر راز مستقلو  عملياتو دترسره کولو او دامنيتي فعاليتونو ځواکمني  لرله او لري يې چې دغه انکشافات زياتې  پياوړتيا او پرمختګ ته اړتيا لري .
ده ټينګار وکړ چې دلويديځ زون دايساف قوماندانۍ له ژمنو سره سم او دافغان دولت او امنيتي ځواکونو په غوښتنه  دښوونې او روزنې او دسلامشورې په برخه کې  له افغان امنيتي ځواکونوسره په غوڅ ملاتړ هوډمنه ده .

-کابل باختر د وږي ديرشمه :
په تخار ولايت کې يونيم ټن نشه يي توکو ته اور واچول شو .
دغه نشه يي توکي دتيرکال په بهير کې دتخار ولايت په بيلابيلو سيمو کې دپوځيانو له خوا دځانګړو عملياتو او پلټنو په بهير کې ترلاسه شوي وو .
دتخار ولايت دامنيې قوماندانۍ وياند خليل اسير  باختراژنس ته وويل چې ددغو نشه يي توکو دپلورنې او ليږدونې په اړوند اووه پنځوس  تنه نيول شوي او دقانون منګولو ته سپارل شوي دي .
ده وويل چې په دغو توکو کې اپين ، چرس ، هيروئين مورفين او دنشه يي توکوجوړونکي مواد شامل دي .
ويل کيږي چې دغونشه يي توکو ته له بيلابيلو دولتي بنسټونو څخه دموظف هيئت په وړاندې اور اچول شوى دى .

Page 1 of 5599