14 August 2020

RSS Facebook

سوداگریز


تازه خبرونه

طالبانو په فاریاب کې د نجونو یو ښوونځي ته اور واچاوه

طالبانو په فاریاب کې د نجونو یو ښوونځي ته اور واچاوه

کابل / د زمري ٢٤مه / باختر وسله والو طالبانو...

Youtube Player

khantry design

سوداگریز

سوداگریز

 کابل/ د زمري ٢٣ مه / باختر
په قندهار کې نن څلور ملکيان د ماين په چاودنه کې شهيدان شول.
د قندهار د امنيې قوماندانۍ وياند باختر آژانس ته وويل: دغه چاودنه د قندهار په پنجوايي ولسوالې کې وشوه چې په پايله کې ٤ ملکيان شهيدان شول.
خبرځاى زياته کړه: په پېښه کې ٦ نور ملکيان ټپيان شول.
پاى \ ذ

 کابل/ د زمري ٢٣ مه / باختر
ناپېژاندو وسله والو کسانو نن سهار د تخار په مرکز تالقانو ښار کې يوې لېسې ته اور واچاوه.
د تخار د والي وياند جواد هجري رسنيو ته ويلي دي چې ناپېژاندو وسله والو کسانو نن سهار د درېيو بجو په شاوخوا کې د دغه ولايت په مرکز کې د ابوعثماني تالقاني لېسه وسوځوله.
د تخار د پوهنې رياست وايي چې دغه لېسه د تالقانو ښار يوه تاريخي لېسه ده او څه ناڅه ٣٠٠٠ زده کوونکي لري.
تراوسه په دې لېسه کې د اور لګيدنې له امله د زيان کچه معلومه نه ده.
د تخار پوليسو د پېښې د عاملينو د نيولو لپاره هلې ځلې پيل کړې دي.
پاى \ ذ

 کابل/ د زمري ٢٣ مه / باختر
پنحه وسله وال طالبان تېره شپه په فارياب کې له پوځيانو سره په نښته کې ووژل شول.
د فارياب د پوليسو وياند باختر آژانس ته وويل چې دغه طالبان د دغه ولايت د ګرزيوان ولسوالۍ په مربوطاتو کې له پوځيانو سره په جګړه کې ووژل شول او ٦ نور يې تپيان شول.
خبرځاى زياته کړه چې په نښته کې پوځيانو او ملکي وګړو ته زيان نه دى اوښتى.
د يو بل خبر له مخې:
يو ماين جوړونکى طالب په مقاتل مشهور نقيب الله د فارياب په پښتون کوټ ولسوالۍ پورې اړوند خواجه ناموشي بازار کې نن د خپل ماين په چاودنه کې ووژل شو او يو بل ملګري يې ټپي شو.
ختم - شکريه - اکرم

 کابل/ د زمري ٢٣ مه / باختر
په پروان کې د کانکور د آزموينې بهير نن پيل شو.
د پروان د آزموينو د ملي ادارې استازي عبدالرحمن عثماني باختر آژانس ته وويل چې په آزموينه کې چې درې ورځې دوام کوي؛ د نجونو او هلکانو په شمول څه دپاسه ٥٠٠٠ داوطلبان په کې ګډون کوي.
هغه ډاډ ورکړ چې آزموينه به په مناسبه فضا او بشپړ شفافيت سره ترسره شي.
ختم - شکريه - اکرم

 کابل/ د زمري ٢٣ مه / باختر
مرکزي بانک ٣٢ ميليونه ډالر د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:               د افغانستان بانک د روان کال د زمري په ٢٥ مه د شنبې په ورځ، ٣٢ ميليونه ډالره د ليلام په ډول پلوري.
په شرايطو برابر صرافانو او تجارتي بانکونو ته بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
پاى\محمدجان

 کابل / د زمري ۲۳ مه / باختر
د جوزجان امنیې قوماندانۍ د "باور" رسنۍ په همکارۍ نن په شبرغان ښارکې له سولې څخه د ملاتړ په خاطر د پوهاوي ورکولو پروګرام جوړ کړ.
د جوزجان د امنيې قوماندانۍ ویاند باختر آژانس ته وویل چې دغه پروګرام د سولې د ملاتړ په خاطر د جوزجان اوسېدونکو ته د کتابچو، قلمونو، ګیلاسونو او تبلیغاتي پاڼو په وېش سره جوړ شو.
خبرځای زیاته کړه چې دغه پروګرام د جوماتونو او ښوونځیو له لارې جوړ شوی دی چې خلکو ته د سولې د ښېګنو او د جګړې د ناوړو پايلو په اړوند پوهاوي ورکړ شي.
له دې وړاندې هم د جوزجان مدني فعالانو د سولې د ملاتړ په خاطر د "باور" رسنۍ په همکارۍ په شبرغان ښار کې د (سولې ته وخت ورکړئ) تر نامه لاندې پروګرام جوړ کړی و.
ختم/ع

 کابل / د زمري ۲۳ مه / باختر
د پروان په بګرام ولسوالۍ کې د یو مسلخ د جوړولو کار پرون پيل شو.
د باختر آژانس د خبر له مخې؛ دغه ودانۍ د ښاروالۍ له تشويقي او ملاتړيزې بودجې څخه د څه دپاسه ٣ ميلیونو٣٠٠ زره افغانیو په لګښت د دغې ولسوالۍ په قصابانو سیمه کې جوړېږي.
د بګرام ولسوالۍ یوه مسوول وویل چې د دغې ودانۍ په جوړېدو سره به د دغې ولسوالۍ د اوسېدونکو محيطي ستونزې لرې شي.
پاى / سعیده

کابل/ د زمري ۲۲ مه / باختر

د افغان خبریالانو خوندیتوب کمېټې، اطلاعاتو ته د نه لاسرسي برخه کې د شکایتونو د ثبتولو لپاره ځانګړې پاڼه جوړه کړې او دغو شکایتونو ته د ښې رسېدنې په موخه یې، اطلاعاتو ته د لاسرسي له کمېسیون سره تفاهم لیک، هم لاسلیک کړ.

د یادې کمېټې د عدالت غوښتنې څانګې مسوول، صدیق الله توحیدي، د جمهوري ریاست د عامه او ستراتېژیکو اړیکو ادارې- د حکومت د اطلاعاتو او رسنیو په مرکز کې د یاد تفاهم لیک د لاسلیکولو پر مهال وویل: د ګډ تفاهم لیک په لاسلیکېدو سره، د خبریالانو او ورځپاڼه لیکونکو د شکایتونو ثبتولو ځانګړې پاڼه عملاً کار پیلوي.

هغه زیاته کړه چې خبریالان او ورځپاڼه لیکونکي کولای شي د هېواد له هرې سیمې څخه، اطلاعاتو ته د نه لاسرسي په اړه خپل شکایتونه په یاده پاڼه کې ثبت کړي.

توحیدي هیله څرګنده کړه، چې د افغان خبریالانو خوندیتوب کمېټه کې د خبریالانو شکایتونو د ثبتولو د پاڼې په لار اچولو سره به، د خبریالانو شکایتونو ته د رسېدنې بهیر ښه شي.

د توحیدي په خبره، د افغان خبریالانو د خوندیتوب کمېټه ژمنه ده، چې له خبریالانو او ورځپاڼه لیکونکو څخه تر لاسه شوي شکایتونه، اطلاعاتو ته د لاسرسي له کمېسیون سره شریک او د پایلو په اړه یې خبریالانو او خلکو ته خبر ورکړي.

په ورته وخت کې اطلاعاتو ته د لاسرسي کمېسیون رییس، عین الدین بهادري، دې ته په اشارې سره، چې په یاد کمېسیون کې اطلاعاتو ته د نه لاسرسي برخه کې د شکایتونو ثبتولو لپاره یو ځانګړی وېب سایټ شتون لري او ټولو ادارو ته یې د لاسرسي زمینه اسانه کړې ده، زیاته کړه: د خبریالانو شکایتونو د ثبتولو په موخه، د افغان خبریالانو خوندیتوب کمېټې د ځانګړې پاڼې رامنځته کولو اقدام، کېدلای شي په دې برخه کې ډېر موثر واقع شي.

بهادري ټینګار وکړ، چې د خبریالانو خوندیتوب کمېټې سره په همکارۍ، هڅه کېږي، چې په ښه توګه اطلاعاتو ته د خبریالانو د لاسرسي زمینه برابره شي.

 

کابل/ د زمري ۲۲ مه / باختر

زموږ د ګران هېواد افغانستان ټولو ځوانانو ته د زړه له تله  د ځوانانو نړیوالې ورځې مبارکي وایم. سږکال  موږ دا بختوره ورځ په داسې شرایطو کې نمانځو چې په هېواد کې  تلپاتې او باعزتې سولې ته د رسېدولپاره هڅې او کوښښونه ډېر شوي دي او لا ښه سمون یې موندلی دی. د سولې لویې مشورتي جرګې چې څو ورځې وړاندې په کابل کې جوړه شوه او په هغې کې د ځوانانو په ګډون د افغانستان دخلکو د بېلابېلو قشرونو استازیو ګډون کړی و، سولې ته د رسېدو په لاره کې تاریخي او برخلیک ټاکونکې پرېکړې وکړې.

له هر راز شک پرته، ځوانان د سولې په  بهیر کې برخلیک ټاکونکی نقش لري او د هغوی له فعال، پراخ او خلاق ګډون پرته په هېواد کې سوله ټینګېدای نه شي. د افغانستان خلک هیله من دي چې د ځوانانو په فعال ګډون سره په هېواد کې تلپاتې سوله بسیا شي. همدارنګه د ځوانانو رول او نقش سولې ته له رسېدو په وروسته پړاو کې، چې موږ ته د هېواد د اقتصادي جوړښتونو بیارغاول او پرمختګ ورکول راترغاړي دي،  هم ستر او ان برخلیک ټاکونکی دی. باور لرو چې زموږ ځوانان به د وطندوستۍ په اوچتې روحیې سره هم د سولې  د ټینګېدو په  بهیرکې او هم له جګړې د راپاتې ویجاړیو په بیارغاونه کې خپل نقش، مسوولیت او رسالت په ډېره ښه توګه سر ته ورسوي.

د افغانستان اسلامي جمهوري دولت جمهوررییس جلالتمآب محمد اشرف غني د ځوانانو نړیوالې ورځې په مناسبت  په خپل پیغام کې وویل چې د اطلاعاتو او فرهنګ وزارت معینیت د جمهوري ریاست عالي مقام دفتر ته لېږدول کېږي او د ځوانانو پیاوړتیا په برخه کې به د جمهوررییس د ځانګړي  دستیار بست هم جوړ شي. د افغانستان اسلامي جمهوري دولت جلالتمآب جمهوررییس همدارنګه ځوانانو ته زېری ورکړ چې  تر پنځه څلوېښتو ورځو پورې به د ځوانانو عالي شورا هم جوړه شي او لومړۍ غونډه به یې راوبلل شي او په هغې کې به د هېواد د ټولو ولایتونو د ځوانانو استازي ګډون وکړي. همدارنګه د نوښتګرو ځوانانو د نوښتونو د ملاتړ لپاره به یو صندوق هم جوړ شي.

د اطلاعاتو اوفرهنګ وزارت دا نوښتونه او پرېکړې د هېواد ځوانانو ته د جلالتمآب جمهوررییس د ځانګړې پاملرنې ښکارندوی بولي، هرکلی، ننګه او ملاتړ یې کوي.

په پای کې یو خل بیا د هېواد ځوانانو ته د ځوانانو نړیوالې ورځې مبارکي وایم او د لوی خدای له درباره هغوی ته د ژوندانه په ټولو برخو کې د لاډېرو بریاوو هیله کوم.

 

-کابل / دزمري ٢٢مه / باختر:
د ملي روغې جوړې  د عالي شورا رييس  ډاکټر عبدالله عبدالله نن  د سولې  په مشورتي جرګه کې  د بدخشان  له برخه والو مشرانو اواستازو سره  په سپيدار مانۍ کې وکتل.
د باختراژانس د خبرله مخې؛ په دې کتنه کې د سولې په ستره مشورتي جرګه کې  د بدخشان استازو په بريالي ډول د جرګې ترسره کولو له امله يې د روغې جوړې  د عالي شورا رييس ته مبارکي وويله او د دغه ولايت د ستونزو په تېره  بيا د بدخشان د امنيتي ستونزوپه باب يې خبرې وکړې او د مسوولينود پاملرنې غوښتنه وکړه .
دوى دغه راز  د ملي روغې جوړې  په عالي شورا او د سولې په بهير او حکومت کې د بدخشانيانو او په تېره بيا د بدخشان د زده کړې خاوندو د فعالي وندې   غوښتنه وکړه .
د ملي روغې جوړې د عالي شورا رييس   په سترو سياسي موضوعګانوکې  د بدخشان د خلکو  فعال رول وستايه او ويې ويل  چې د امکان ترپولې پورې د دغه ولايت غوښتنو اوستونزو ته جدي پاملرنه کوم .
  ختم _ ج _اکرم

Page 4 of 8940