14 November 2018

RSS Facebook

سوداگریز


تازه خبرونه

تبصره

تبصره

کابل باختر د لړم دوه ويشتمه : دهېواد دفاعي او امنيتي...

 دبهرنيو چارو وزارت سياسي معين  دانګلستان د سفير له مرستيال سره وکتل .

دبهرنيو چارو وزارت سياسي معين دانګلستان د سفير له مرستيال سره وکتل .

کابل باختر د لړم دوه ويشتمه : دافغانستان داسلامي جمهوريت دبهرنيوچارو...

Youtube Player

khantry design

سوداگریز

سوداگریز

کابل \باختردلړم دمياشتې٢١نيټه :  
د بهرنيو چارو وزير صلاح الدين رباني، د بهرنيو چارو وزارت د مراجعينو د منلو او قونسلي د نوې ودانۍ د جوړولو کار پرانېست.
دغه ودانۍ به د څه ناڅه يو ميليون امريکايي ډالرو په لګښت په څلورو پوړونو او اتلسو مياشتوکې جوړه شي.
پاى \ج \ ذ

کابل \باختردلړم دمياشتې٢١نيټه :  
د بهرنيو چارو وزارت د اقتصادي همکاريو معينې ميرمن عادلې راز پرون په کابل   کې د اسلامي همکاريو سازمان له سفير سره وکتل .
د بهرنيو چارو وزارت مطبوعاتي دفتر باختر آژانس ته خبر ورکړ:
دواړو لورو د ژنيو کنفرانس له په پام کې نيولو سره، د افغانستان او د اسلامي همکاريو په سازمان پورې د اړوندو موضوعګانو په باب خبرې اترې وکړې.
د اسلامي همکاريو د سازمان سفير د ژنيو د بهرنيو چارو د وزيرانو په کنفرانس کې د اسلامي همکاريو د سازمان د عمومي منشي د ګډون په اړوند د بهرنيو چارو وزارت  اقتصادي معينې ته خبر ورکړ  .
دغه راز دواړو لورو د ژنيو کنفرانس ترڅنګ د غونډو په ګډون د کنفرانس د څرنګوالي او جزئياتو په باب خبرې اترې وکړې.
پاى \ج \ذ

کابل \باختردلړم دمياشتې٢١نيټه :
ديرش تنه وسله وال طالبان له تېرې شپې څخه تر نن سهار پورې په غزني ولايت        کې وژل شوي دي .
د غزني د مالستان ولسوال ضامن علي هدايت باختر آژانس ته وويل چې دغه وسله وال طالبان د غزني ولايت د مالستان ولسوالۍ په مربوطاتوکې له امنيتي ځواکونو سره په نښته کې ووژل شول او جګړې تر اوسه پورې د مالستان ولسوالۍ په مرادينه بازار کې دوام لري .
دى وايي چې په دغو جګړوکې ۷ تنه افغان سرتيري هم ټپيان شوي دي.
د غزني د والي وياند عارف نوري وايي: د وسله والو طالبانو د ځپلو په مقصد کومکي ځواکونه د مالستان ولسوالۍ ته استول شوي دي.
دا په داسې حال کې ده چې د غزني ولايت د جاغوريو او مالستان په ولسواليوکې د وسله والو طالبانو او افغان ځواکونو ترمنځ جګړې دوام لري.
د غزني ولايت د مالستان ولسوالۍ د مرادينه سيمې اوسيدونکي ادعا کوي چې په سلګونو کورنۍ له خپلو کورونو څخه وتلې دي او يوازې د کور نارينه د خپلو کورونو د ساتنې په خاطر په سيمه کې پاتې دي.
پاى \ج\ذ

کابل \باختردلړم دمياشتې٢١نيټه :
شپږ تنه ډار اچوونکي په کونړ ولايت کې د پوحيانو په بريد کې ووژل شول.
په دغو ډار اچوونکو نن سهار د نرنګ ولسوالۍ بازار ته څېرمه هغه وخت بريد وشو  چې د پوځيانو د سپرلۍ په کاروان د بريد لپاره يې کمين نيولى و.
د هېواد په ختيځ کې د ملي اردو يوه جګپوړي قوماندان باختر آژانس ته وويل چې د پوځيانو په دې بريد کې شپږ تنه ډار اچوونګي ووژل شول.
ده وويل: دغو ډار اچوونکو غوښتل د پوځيانو د سپرلۍ په کاروان بريد وکړي چې د پوځيانو په ډزو کې ووژل شول.
ويل کيږي په دې نښته کې پوځيانو او ملکي وګړو ته زيان نه دى اوښتى.
پاى\ج\ذ

کابل \باختردلړم دمياشتې٢١نيټه :  
په نورستان ولايت کې د وسله والو طالبانو له خوا د خښ کړاى شويو ماينونو د چاودنو مخه ونيول شوه .
امنيتي ځواکونو نن سهار د نورستان ولايت له ګڼ ميشتو لارو او سيمو څخه څلور ماينونه کشف او شنډ کړل.
تر اوسه پورې د دغو ماينونو د خښولو مسووليت چا په غاړه نه دى اخېستى.  خو يوشمېرخبرځايونه وسله وال طالبان د دغو ماينونو د خښولوعاملين بولي.
پاى \ج\ ذ

کابل \باختردلړم دمياشتې٢١نيټه :  
د داعش په ډلې پورې اړوند پنځه تنه ډار اچوونکي په نورستان ولايت کې د هوايي بريد په بهيرکې ووژل شول.
په دغو ډار اچوونکو تېره شپه د نورستان ولايت مرکزپارون ښار ته څېرمه هغه وخت بريد وشو چې غوښتل يې په يوې امنيتي پوستې د بريد لپاره تيارى ونيسي.
د هېواد په ختيځ کې د ملي اردو يوه قوماندان باختر آژانس ته وويل چې په دې هوايي بريد کې پنځه تنه داعشيان وژل شوي دي.
ويل کيږي په دې هوايي بريد کې د سيمې اوسيدونکو ته زيان نه دى اوښتى .
پاى \ ج \ ذ

کابل \باختردلړم دمياشتې٢١نيټه :  
د هرات پوليسو په دغه ولايت کې د يوې چاودنې مخه ونيوله .
يو ماين چې د وسله والو طالبانو له خوا د هرات ولايت د کشک کهنه ولسوالۍ د زمان کاريز د کلي په تګلوري کې په امنيتي ځواکونو او ملکي وګړو د بريد په مقصد ځاى پرځاى شوی و، دامنيتي ځواکونو له خوا کشف او شنډ کړاى شو.
د هرات ولايت يوه امنيتي خبرځاى باختر آژانس ته وويل چې دغه ماين د سيمې دخلکو په همکارۍ کشف او شنډ کړاى شو.
دى وسله وال طالبان د دغه ماين د خښولو مسوول بولي او وايي چې د دغه ماين د خښولو د عاملينو د پېژندلو او نيولو لپاره هلې ځلې پيل شوې دي.
پاى \ ذکرالله \

 

کابل \باختردلړم دمياشتې٢١نيټه :  
اوولس تنه داعشيان د هېواد په ختيځ ننګرهار ولایت کې د ځانګړو ځواکونو په نويو بريدونو کې ووژل شول .
په دغو ډار اچوونکو تېره شپه د ننګرهار ولايت په ځينو سيموکې هوايي او ځمکني بريدونه وشول.
د هېواد په ختيځ کې د سيلاب قول اردو يوه قوماندان باختر آژانس ته وويل چې تېره شپه په نويو بريدونوکې ۱۷ تنه داعشيان وژل شوي دي.
ده وويل: پر دغو داعشيانو د نازيانو، دُربابا او د غني خيلو د ولسواليو په ځينو سيموکې د دوى په سنګرونو بريدونه وشول  .
د را رسيدلو خبرونوله مخې: په دغو هوايي او ځمکنيو بريدونوکې له ټولوجنګي وسايلو سره يې د داعشيانو څو مرکزونه او پټنځي هم دړې وړې شوي دي.
ويل کيږي په دغو بريدونو کې پوځيانو او ملکي  وکړو ته زيان نه دى اوښتى.
پاى \ج\ ذ

کابل \باختردلړم دمياشتې٢١نيټه :  
د پکتيا ولايت خلک ادعا کوي چې د امريکايي پوځيانو په هوايي بريد کې د ښځو او ماشومانو په ګډون ۷ تنه ملکي وګړي وژل شوي دي.
د را رسيدلو خبرونوله مخې: د دغو ملکي وګړو په کاروان د يکشنبې په ورځ ناوخته په آريوب ځاځيو ولسوالې کي بريد وشو.
د آريوب ځاځيو ولسوالۍ يوه تن اوسيدونکي حاجي افضل باختر آژانس ته وويل چې   د امريکايي ځواکونو بې پيلوټه الوتکې د دوو کورنيو د سپرلۍ په موټر بريد وکړ.
ده وويل: په وژل شويو کسانو کې ښځې او ماشومان هم شامل دي .
د پکتيا ولايت سيمه ييزو مقاماتو په دې باب نظر نه دى څرګند کړى، خو د دغه ولايت د ولايتي شورا يوه غړي په دغو ملکي وګړو دامريکايي پوځيانو خونړى هوايي بريد تائيد کړ.
پاى \ج\ذ

 

کابل \باختردلړم دمياشتې٢١نيټه :
په قندهار ولايت کې ۱۴ تنه د جنايي جرمونوپه تور ونيول شول.
دغه کسان د تېرو ٢٤ ساعتو په بهيرکې د قندهار ولايت له بېلابېلو سيمو څخه د پوليسو په عملياتو او د پلټنې په بهيرکې ونيول شول .
د قندهار ولايت يوه امنيتي خبرځاى باختر آژانس ته وويل چې په نيول شويو کسانو د غلا، وژنې او د نشه يي توکو د قاچاقو تور لګول شوى دى.
نيول شويو کسانو په لومړنيو تحقيقاتوکې د جنايي جرمونو په ترسره کولو اعتراف  کړى دى .
د قندهار ولايت امنيتي مقامات وايي چې نيول شوي کسان به د تحقيقاتو له بشپړولو وروسته عدلي او قضايي ارګانونو ته وسپارل شي.
پاى \ج\ذ

Page 9 of 7062