26 January 2020

RSS Facebook

سوداگریز


تازه خبرونه

د ملي ګټو پر محور د راټولېدو اړتیا

کابل/ د سلواغې ۶ مه/ باختر ټول دا مني چې افغانستان...

جمهورريیس غني له راس ویلسون او جنرال سکاټ مېلر سره وکتل

جمهورريیس غني له راس ویلسون او جنرال سکاټ مېلر سره وکتل

کابل/ د سلواغې ٦ مه/ باختر د افغانستان د اسلامي جمهوریت...

  د نشه يي توکو دوه قاچاق وړونکي ونيول شول

د نشه يي توکو دوه قاچاق وړونکي ونيول شول

کابل/ د سلواغې ٦ مه/ باختر پوليسو دوه تنه په کابل...

Youtube Player

khantry design

سوداگریز

سوداگریز

صحی

کابل/ د سلواغې۲مه/ باختر
په ننګرهارکې لسګونه پلورنځي د ګران پلورنې په خاطر وتړل شول.
په ننګرهارکې د بيو د څېړنې موظف پلاوى وايي چې دغه پلورنځي خپل توکي له ټاکلې نرخنامې څخه په لوړه بيه پلورل. 
دا په داسې حال کې ده چې د جلال آباد ښاروالۍ په بازارونوکې د ګران پلورنې په اړوند د خلکو له شکايتونو وروسته په وروستيو کې نرخنامه ټاکلې ده.
د ننګرهار د رسنيو دفتر باختر آژانس ته د يوې خبرپاڼې په استولو سره ليکلي دي  چې له څيړنې وروسته لسګونه پلورنځي د ګران پلورنې په دليل تړل شوي دي.
د ننګرهار مسوولينو د پلورنځيو له خاوندانو څخه وغوښتل چې د ټاکلې نرخنامې له مخې عمل وکړي او ګران پلورنه ونه کړي.
د ننګرهار خلک وايي چې په راکړه ورکړه کې د پاکستاني کلدارو له بندولو وروسته په بازارونوکې بيې لوړې شوې دي.
ختم- سعيده –اکرم

کابل /دمرغومي  ٢٥مه / باختر :
په داسې حال کې چې په ننګرهار کې دروغتيايي خدمتونو دوړاندې کولو دکيفيت دڅېړنې بهير  دوام لري ،  روغتيايي مسوولينوددوو روغتونونودتړلو خبرورکړ .په جلال اباد ښارکې دهوميو پهيتګ  روغتونونه  دکيفيت دټيټوالې او د فعاليت دقانوني سندونو دنه لرلو په دليل  دننګرهار  دعامې روغتيا رياست دهيئت له خوا تړل شوي دي .
دننګرهار دعامې روغتيا رييس ډاکتر نصير احمد دراني باختراژانس ته وويل  چې ددغو روغتونونو له تړل کېدو وروسته  دهغوي پنځوس قلمه درمل ضبط شول.
هغه دغه راز دبټي کوټ ولسوالۍ له پلورنځيو څخه  دنږدې  دوه ټنو بې کيفيته خوراکي توکو دضبطولو  خبرورکړ .
دراني  دپلورنځيو روغتونونو او درملتونونو خاوندانوته خبردارى ورکړ که چېرې دبې کيفيته اوتېرتاريخ خوراکي توکو اودرملو په پلورنې اقدام وکړي له هغوى سره به قانوني چلند وشي .
دننګرهارخلک دعامې روغتيا رياست  ددغه اقدام  هرکلى وکړ او هغه يې دروغتيايي خدمتونو دوړاندې کولو دکيفيت دلوړولواودناروغيو  درامنځته کولودکچې دکمښت  سبب وبلل .
ختم_ج _ اکرم

 

قلات/دمرغومې ۱۸ مه/باختر
د څه د پاسه ۱۳ میلیونو افغانیو په لګښت د زابل د مرکز قلات په ولایتي روغتون کې د پایوازانو لپاره تمه خونه او د نسايي ولادي برخې لپاره ودانۍ ورغول شوه.
یاده ودانۍ او تم خونه د جمهوري ریاست د ملي پراختیا او ملاتړ ادارې په مالي لګښت رغول شوې دي.
د زابل د عامې ورغتیا رییس ډاکټر لعل محمد توخي د باختر آژانس سیمه ييز خبریال ته وویل چې د نسايي ولادې برخې ودانۍ په یوه وخت کې د ۴۰ ناروغانو د ځایولو وړتیا لري.
له دې وړاندې د زابل په ولایتي روغتون کې تم خونه او د نسايي ولادي برخې لپاره ودانۍ جوړې شوې وې، خو په دغه ولایت کې د وروستۍ خونړۍ چاودنې له امله چې لسګونه ملکي وګړي پکې ووژل شول یادې ودانۍ هم ویجاړې شوې وې.
پای/وصال

 

کابل / دمرغومي ١١مه / باختر :
دعامې روغتيا وزارت دحجامت ګر  مرکز چې په کابل کې ديوناني درملنې دخدمتونو په وړاندې کولو بوخت وو ، وتاړه .
دعامې روغتيا وزارت دروغتيايي  قوانينو دتطبيق دڅېړنې  رييس ډاکتر خالد احدي ددغې  موضوع  په اړوند نن  دباختراژانس خبريال ته وويل چې ددغه مرکز مسوول په ټوليزو رسنيو کې ادعاکړې وه چې دسړو اوبو څښل او دسرې غوښې خوړل د تور زيړي سبب کېږي .
ډاکتر خالد احدي دهغه ادعا بې لارې  کوونکې وبلله او ويې ويل  په همدې دليل دغه مرکز وتړل شو .
  ختم_ عطاالله_ اکرم

 

Page 1 of 207