03 July 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

صحی

-کابل / دچنګاښ ١٣مه /باختر :
په تېرو  ٢٤ ساعتو کې  په کرونا ويروس   ١٢٩٠ تنه  اخته کسان روغ شوي دي
  د باختراژانس د خبرله مخې،  د عامې روغتيا وزارت  نن اعلام وکړ چې  د ٧٧٢مشکوکوسمپلونوله ازمايښت وروسته په هېواد کې په تېرو ٢٤ ساعتو کې د کرونا ويروس   ٣٠٢ نوې پېښې  تشخيصې شوي دي  او په کرونا ويروس د اخته کسانو شمېر  ٣٢٣٢٤تنو ته زيات شوى دى .
دغه راز  په تېرو ٢٤ ساعتو کې  په هېوادکې په کروناويروس  ١٢٩٠ تنه  روغ شوي دي . او  ١٢ تنه نور مړه شوي دي  چې د روغو شويو کسانو ټول شمېر ١٧٣٣١ تنو او د مړو شويو کسانو شمېر ٨١٩ تنو ته  زيات شوى دى .
  د کرونا ويروس  د  ٣٠٢ نويو پېښوله جملې څخه ٥٧ پېښې په باميانو، ٤٣پېښې په هرات،  ٣٩ پېښې په کابل ،  ٣٨ پېښې په فارياب ،  ٢٩ پېښې په بادغيس،  ٢٤ پېښې په بدخشان،  شل پېښې په سمنګانو،  ٢٠ پېښې په پکتيا،  ١٢ پېښې په  غور،  ٩ پېښې په تخار،  درې پېښې په  قندهار، درې پيښې په بلخ ،   دوه پېښې په لوګر، او يوه يوه پېښه  په نورستان، کونړ او پروان ولايتونو کې ثبتې شوې دي .   ختم _ج _ اکرم

 کابل / د چنګاښ ١٢مه/ باختر
د عامې روغتيا وزارت نن اعلام وکړ چې په تيرو ٢٤ساعتو کې په ټول هېواد کې   دکرونا ويروس  ١٦٨ نوې پيښې ثبتې شوې  دي.
د باخترآژانس خبريال د خبرله مخې ، د عامې روغتيا وزارت د اعلام له مخې؛  د دغه شميرپه  ثبت سره په  هېواد کې د  کويد -١٩ ناروغانو شمير ٣٢زره ٢٢ تنو ته رسيدلى دى.  دغه راز د عامې روغتيا وزارت په اعلاميه کې ويل شوي دي چې په  تيرو٢٤ ساعتو کې په هېواد کې په کويد-١٩ ناروغۍ  ٣٣ اخته کسان مړه شوي  چې په همدې ترتيب  په هېواد کې د کرونا ويروس دقربانيانو شمير ٨٠٧ تنو رسيدلى دى.
دغه راز په تيرو ٢٤ ساعتو کې په هېواد کې  په کويد-١٩ ناروغۍ ٤٤٠ کسان روغ شوي دي چې  د روغ شويو کسانو شمير ١٦زره  ٤١  تنو رسيدلى دى .
پاى \ ذ

-کابل / دچنګاښ ١١مه / باختر :
د دشت برچي پرسل بستريز روغتون چې د ثور دمياشتې د ٢٣ نيټه بريد شوى و له بيا رغاونې وروسته  نن يې بيا په فعاليت پيل وکړ .
د باختراژانس د خبرله مخې، د عامې روغتيا د وزارت سرپرست  احمد جواد عثماني  د دشت برچي په  سل بستريز روغتون کې په يوه غونډه کې وويل: چې دغه روغتون سرله نن څخه خپل عادي فعاليت بيا پيلوي .
د بې پولې ډاکټرانو سازمان  د ثور د مياشتې  د ٢٣ نيټې  له بريد يوه مياشت وروسته  چې له امله يې  ١٦ميندې،  يوه روغتيا پاله، دوه تنه اووه کلن اواته کلن ماشومان او شپږ تنه نور  ووژل شول د دشت برچي په سل بستريز روغتون کې  خپل فعاليت بند کړ .
دغه سازمان ويلي و،  چې له دغه بريد څخه  د څه ناڅه  يوې مياشتې په تېريدو سره  د دغه بريد عاملين ونه پېژندل شول . او هيڅ کومې ډلې د دشت برچي په سل بستريز روغتون د دغه مرګانۍ بريد مسووليت چاپه غاړه وانه خست .
  ختم _ ج _ اکرم

کابل / دچنګاښ ١١مه / باختر :
په تېرو  ٢٤ ساعتو کې په کرونا ويروس  ١٥٢٠ تنه اخته کسان په هېواد کې روغ شوي دي .
دباختراژانس دخبرله مخې ، د عامې روغتيا وزارت نن اعلام وکړچې په هېواد کې په تېرو  ٢٤ ساعتو کې  د ٦٧٨مشکوکوسمپلونو له ازمايښت وروسته  ٣١٩ نوې پېښې تشخيصې شوي دي . چې په دې شمېرې سره په کرونا ويروس  د اخته کسانو  ټول شمېر ٣١٨٣٦پېښو ته ورسېد .
دغه راز  په تېرو ٢٤ ساعتو کې په کرونا ويروس  ١٥٢٠ تنه اخته کسان روغ شوي دي او  ٢٨ تنه نور مړه شوي دي . چې  تراوسه پورې د روغو شويوکسانو شمېر ١٥٦٥١تنو،  اود مړو شويو کسانوشمېر ٧٧٤تنو ته زيات شوى دى
په همدې ترتيب د کرونا ويروس د  ٣١٩نويو پېښو له جملې څخه  ١٣٣ پېښې په کابل،  ٥٦پېښې په دايکنډي،  ٤٢ پېښې په هرات،  ٢١ پېښې په فراه،  ١٤ پېښې په تخار، ١١پېښې په بادغيس ، ١٠ پېښې په قندهار، اته پېښې په بلخ، شپږ پېښې په بدخشان،  پنځه پېښې په ننګرهار، پنځه پېښې په بغلان،  درې پېښې په لوګر، دوه پېښې په ميدان وردګو،  او يوه يوه پېښه  په پنجشير، لغمان او زابل کې تشخيصې شوي دي .
  ختم _ ج _اکرم

Page 1 of 264