19 July 2019

RSS Facebook

سوداگریز


تازه خبرونه

په ننګرهار کې د یوه کور د چت د نړېدو له امله ۵ تنه ووژل شول

په ننګرهار کې د یوه کور د چت د نړېدو له امله ۵ تنه ووژل شول

کابل / باختر/ د چنګاښ٢٥ مه د ننګرهار د پچیراګام ولسوالۍ...

  په جوزجان کې  ګازي برېښنا توليدېږي

په جوزجان کې ګازي برېښنا توليدېږي

- کابل / باختر/ د چنګاښ٢٥ مه جوزجان به تر...

٢٥ وسله وال طالبان په بغلان کې ووژل شول

٢٥ وسله وال طالبان په بغلان کې ووژل شول

کابل / باختر/ د چنګاښ٢٥ مه ٢٥ وسله وال طالبان تېره...

Youtube Player

khantry design

سوداگریز

سوداگریز

صحی

کابل\  باختردمرغومي دمياشتې  ١٩ :
داندراګاندي دماشوم دروغتيا دروغتون دجدي څارنو څانګه بيارغاول کېږي
داندارګاندي  دروغتيا دروغتون دجدي څارنو دڅانګو دبيارغاونې دپروژې کار دڅلورو مليونو افغانيو په لګښت دبيات ټولنې په همکاري ترسره کېږي.
دعامې روغتيا وزيرې ډاکترې ثريا دليل چې ددغې پروژې دکار دپرانستلو په مراسمو کې ګډون کړي و وويل ددغه روغتون جدي څارنو څانګه  ددولسو بسترو په ظرفيت په مدرن اودطبي ماشين الاتو په درولو ، نرس ستيشن اودډاکترانو دخونې  په لرلو سره بيا رغاول کېږي  هغو ماشومانو ته چې په خراب روغتايي حالت کې دي زيات تمرکزوشي .
دعامې ر وغتيا وزيرې  احسان الله بيات ته  دمننې دلوحې په ورکولو سره دروغتيا په برخه کې ددغې ټولنې   دهمکاري  له امله  مننه وکړه اوله  نورو ملي سوداګرو  څخه يي هم وغوښتل چې  له دغه وزارت سره همکاري وکړي.
ډاکترې ثريادليل  اوسناتور احسان الله بيات ددغه روغتون بيلابيلې  څانګې وکتلي او يوه اندازه نغدي سوغاتونه يې په ماشومانو وويشل.
 

ايبک \  باختردمرغومي دمياشتې  ٩ :
په سمنګانوولايت کې ګټې اخيستنې ته د يو روغتيايي کلينيک په وړاندې کولو سره، سلګونو تنو ته په روغتيايي خدمتونو په لاسبرى زمينه برابره شوه.
دسمنګانو ولايت د عامې روغتيا رييس داکتر عبدالصمد باختراژانس ته وويل: دغه کلينيک د اويا زرو امريکايي ډالرو په لګښت د زر متره مربع ځمکې په ساحه کې ددغه ولايت  د روى دواب ولسوالۍ په قشقه کلې کې جوړشوى دى.
دده دڅرگندونوله مخې: دغه کلينيک په پاخه او اساسي ډول په يوپوړکې جوړشوى دى. د داخلي ، نسايي او ولادي ، ماشومانو  او د خوارځواکى  څانګې لري  .
ددغه کلينيک روغتيايي کارکوونکي پخوا په يوې کرايي حويلي کې  د روغتيايي خدمتونوپه وړاندې کولو بوخت وو او دکلينيک د نوې ودانۍپه جوړولو اوپه مدرنو اوپرمختللو وسايلو دهغه په سمبالولو سره د زياتو مريضانو د درملنې زمينه پکې برابره شوې ده .
دقشقه دکلې يو تن اوسيدونکى محمدحسين وويل: پخوا ددغې سيمې خلکو د زياتې کرايې په ورکولو او د زيات واټن په وهلو سره خپل ناروغان  د درملنې لپاره دسمنګانو مرکز ته ليږدول .
د يادوني وړ ده چې دسمنګانو ولايت په مرکز او شپږګونو ولسواليوکې د دريو روغتونونو په ګډون يو ديرش روغتيايي مرکزونه فعاليت کوي چې دغه مرکزونه په سلو کې پنځه اويا ودانۍ لري او نور يې نه لري .
 

کابل\  باخترمرغومي دمياشتې  ٩ :
د روغتيايي همغږى ملي غونډې نن له غرمې مخکې دجمهور رييس دمرستيال محمدخليلي په شتون په کار پيل وکړ .
دجمهوري رياست مطبوعاتي دفتر باختراژانس ته  خبرورکړ:
دغه غونډه به د دريو ورځولپاره دوام وکړي، په هغې کې د ولايتونو روغتيايي  مسوولينو او له افغانستان سره د مرستندويو هيوادونو او سازمانونو يوشمېر استازو هم ګډون کړي دي.
دجمهوررييس مرستيال محمدکريم خليلي ددغې غوڼډې په لومړي ورځ  هيله وکړه چې دغه غونډه دمرکز او ولايتونو ترمنځ د زياتې همغږي د رامنځته کولو، د منابعو او امکاناتو د اغيزمن مديريت، د ستونزو د لرې کولو او په ښه روغتيايي کيفيت سره هېوادوالو ته دخدمتونو د وړاندې کولو په لاره کې دښو نتيجو سبب شي .
دجمهور رييس مرستيال دې ته په اشارې سره چې افغانستان د مسووليتونو د ليږدونې په پړاوکې دى؛ وويل: هيله کيږي چې ټول دولتي او خصوصي مديران او کارکوونکي ددغې دورې ارزښت او  حساسيت ته پاملرنې سره دمرکزونولپاره  په تېره بيا د روغتيا به برخه کې د يو پياوړې او اغيزمن ظرفيت د رامنځته کولو په لاره کې  زياتې هلې ځلې وکړي .
ده دظرفيتونو د ودې دکچې د لوړولو په تېره بيا دبشري ځواک دپراختيا په لاره کې دپرمختګ اوترقي له امله د خوښي دڅرګندولو په ترڅ کې، په بېلابېلو برخوکې دظرفيت کمښت يو خنډوباله او دظرفيت د لوړولو په لاره کې پر اغيزمنو اوګټورو هلوځلو باندې ټينګار وکړ.
دجمهور رييس مرستيال دغه راز وويل: دافغانستان دولت په تېرو څه دپاسه  لسو کلونو کې د روغتيايي خدمتونو د پراختيا په لاره کې ښه برياليتوبونه  ترلاسه کړى دى؛ خو دغه برياليتوبونه د ستونزو او اړتياو د ستر حجم په پرتله کافي نه دي  اوبايد په دې لاره کې زيات اوپه ښه کيفيت سره کارونه ترسره شي .
د جمهوررييس مرستيال په روغتيايي خدمتونو دخلکو په يوشان برلاسي ټينګار وکړ او دعامې روغتيا له وزارت څخه يې وغوښتل، يو داسې ميکانيزم  جوړکړي چې دهغې له مخې داکتران اومتخصصين وکولاى شي دهېواد په کليو اوبانډو اوپه لرې پرتو سيموکې هم فعاليت وکړي.
دجمهور رييس مرستيال دغه راز وويل چې له نيکه مرغه د امام حسين( ع ) د وينې په بانک کې د وينې دمرکزي بانک له نومولو وروسته، دغه بانک ته د وينې د ورکړې فرهنګ د پراختيا په حال کې دى او د هېوادپه ګوټ ګوټ کې د روغتيايي مسوولينو همکاري کولاى شي هغه په يو دود اوفرهنګي کار بدل کړي.
دعامې روغتيا وزيرې ډاکترې ثريادليل ددغې غونډې دجوړولو هدف د روغتيا په برخه کې د برياليتوبونو او چلنجونو دبيا څيړنې اوکتنې لپاره يوفرصت وباله اوپه هېواد کې د روغتيايي خدمتونو د پراختيا او زياتوالې خبر هم ورکړ .
دعامې روغتيا وزيرې دغه راز وويل چې دماشومانو دفلج دناروغى په له منځه وړلو او د ماشومانو د واکسين د پروګرام په پراختيا تمرکز يو بل اساسي لومړيتوب بلل  کيږي چې دهيواد په ټولو ولايتونو کې د روغتيايي مسوولينو زياتې پاملرنې ته اړتيالري .
دې دغه رازڅرگنده کړه: ټاکل شوې ده په را روان کال کې پنځه سوه زره امريکايي ډالره  د ولايتونو د عامې روغتيا د رياستونو  په واک کې ورکړاى شي  چې وکولاى شي د اړونده ولايت له اړتياو سره سم، د روغتيايي خدمتونو د وړاندې کولو په لاره کې ښه اقدامات ترلاس لاندې ونيسي .
ده دغه راز د باور پيداکول ، دمسلک پياوړتيا ، د راز ساتل ، متقابل درناوى او په تصميم نيولو کې د ناروغ شريکول  د طبابت د اخلاقو پنځه اصول وبلل اوهيله يې وکړه چې په تيرو مياشتو کې دطبابت د اخلاقو دملي کنفرانس په جوړيدوسره دغه پنځه اصول زياته پياوړتيا اوپراختيا ومومي .
 

اسلام اباد\ ډي ډان \  باخترمرغومي دمياشتې  ٩ :
دپاکستان دپنجاب ايالت په  ګجران والا کې  د تيرې شنبې او پنحشنبې په ورځو  څه ناڅه  ١٥ تنه د ټوخې شربت له کارولو وروسته ووژل شول.
دپاکستان دعامې روغتيا وزير پرون وويل چې په لاهور ښارکې له لابراتواري ازمايښت وروسته، معلومه شوه چې دغه شربت له وژونکو نشه يي توکو څخه ترکيب شوى و.
ده وويل: دغه مړينه هغې مړينې ته ورته ده چې د تير نوامبر په مياشت کې دهغو شربتو په کارولو سره رامنځته شوه چې په ترکيب کې يې نشه يي توکي لرل . يوه بله ورته پيښه په نوامبر مياشت کې رامنځته شوه چې نولسو تنو نارغانو دشربت له کارولو وروسته ساه ورکړه.
په لومړڼي څيړنه کې ښودل شوې وه چې د تاينو د ټوخې شربت د ايکو د درمل جوړولو د شرکت په واسطه  توليد او ويشل شوى و او د لاهور د سر د زيان مسوول دى.