23 September 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

صحی

په تالقانو کې ديو دوه سوه بستريز روغتون دجوړولو کار نن پيل شو.

دتخارولايت دعامې روغتيا  رييس ډاکتر حفيظ الله صافي دباختراطلاعاتي اژانس ته وويل دغه دوه سوه بستريز روغتون دالمان دپرمختيايي پروګرام په مالي مرسته  دلسو مليونو ډالرو په لګښت دشل جريبه ځمکې په ساحه کې جوړيږي .

ده زياته کړه  دغه روغتون به په نړيوال ستندرد سره په دوو کلونو کې په دوو پوړونو کې جوړشي .

دتخاروالي عبدالجبار تقوا ددغې ودانۍ دجوړولو دکار په پيل کې  په  غونډه  کې وويل په دغه ولايت کې  دوه سوه بستريز روغتون ډبره ستره پروژه ده  چې ددغه ولايت دخلکو داړتياو دلري کولو په مقصد جوړيږي.

ديادونې وړ ده  چې ددغه روغتون ځمکه دسپين غرشرکت له خوا دعامې روغتيارياست په واک کې ورکړشوې ده.

دافغانستان طبي شورا لومړي کنفرانس   پرون پيل شو .

 دغه کنفرانس دطب د ډاکترانو دښو خدمتونو په تنظيمولو کې داغيزمنو لارو چارو دموندلو په هدف دافغانستان دطبي شورا له خوا دکابل طبي پوهنتون په تالار کې جوړ شو .

 دلوړو زده کړووزارت دخپرونو رييس پوهنمل عبدالعظيم نوربخش دباختراطلاعاتي اژانس ته وويل، دافغانستان طبي شورا دطبي ډاکترانو دمناسبو ،اغيزمنو اوکيفيت لرونکو خدمتونو دتنظيمولو او دغه راز داړو خلک دمصوونيت او سوکالي  دتامينولو په مقصد جوړه شوې ده .

 پوهنمل  نور بخش زياته کړه: دغه شورا به دطبي ډاکترانو دفعاليت دمعياري کولو په مقصد هلې ځلې وکړي او دهغو خطرونو مخنيوي کوي چې دځينوطبي مسلکي کسانو له خوا اړو کسانو ته متوجه دي .

 ددغه کنفراسن دپرانستلو په مراسمو کې دلوړو زده کړو وزارت علمي معين پوهنوال محمد عثمان بابري دوزارت په استازيتوب  دشورا دهدفونو ملاتړ وکړ او هيله يې وکړه چې دغه شورا دباکيفته طبابت  لپاره ارزښتناک ګامونه واخلي .

 وروسته دعامې روغتيا وزارت معينې ډاکترې نادرې حيات وويل، ددغه شان شوراجوړول دعامې روغتيا وزارت يوه پخوانۍ هيله وه او دايې دطبابت  دښه والي لپاره يوښه ګام وباله .

  په دغو مراسمو کې دولسي جرګې غړي ډاکترنقيب الله ، دکابل دطبي  پوهنتون رييس پوهاند شيرين اقا ظريف  ، دبشر دحقوقو دخپلواک کميسيون رييسې ډاکترې سيما سحر او دنړيوالو موسسو استازو هم برخه لرله .

  د کنفرانس کار به دوه ورځې نور هم  دوام وکړي .

 دافغانستان  طبي شورا غواړي دهغو ډاکترانو پرخلاف چې دمسلکي  ستندردونو پرخلاف کارکوي انضباطي  اقدام وشي او هم له ډاکترانو څخه غواړي چې دورځې له اړتياو سره سم دخپلې پوهي کچه برابره کړي او دغه راز دهيوادونو له طبي شوراګانو سره دعلمي او څيړنيز تواميت رامنځته کول  او په دې برخ کې دعامه پوهاوي لپاره دمعلوماتو وړاندي کول ددغې شورا  هدفونه دي .

 په دې  حال کې دکابل دطب پوهنتون داستادانو  دټولنې رييس پوهندوي ډاکتر عصمت الله  سجاد دباختر اطلاعاتي اژانس  ته وويل ،ددغې شورا دجوړولو لپاره طرحي دهغوى له خوا جمهور رييس ته پيشنهاد شوې وې .

  ده  څرګنده کړه :دغه شان شورا بايد د ازادو ټولنو او اتحاديو له خواجوړه شي  تر څوچې د ډاکترانو دفعاليت دښه والي تر څنګ دهغوى دحقوقو دفاع هم وشي .

دعامې روغتيا وزارت سرپرستې نن په يو خبري کنفرانس کې  دهغو څيړنو نتيجې اعلام کړي چې دهغې له مخې دتيرو اوو کلونو په پرتله دميندو او ماشومانو دمړينې په کچه کې کمښت راغلي دي.

 دغه سروي  په ٢٠١٠ ميلادي کال دافغانستان دروغتيا انستيتوت او داحصائيې دمرکزي اداري له خوا    آي  سي  اف   داداري له خوا ترسره شوي دي.

دباختر داطلاعاتي ا ژانس دخبريال دخبرله مخې  دعامې روغتيا وزارت سرپرستې ډاکترې ثريادليل په دې خبري کنفرانس کې دميندو اوماشومانو دمړينې ودکچې په اړوند هراړخيز وباله او ويي ويل  دافغان ميندو او ماشومانو دمړينې په سلو کې شپيته افغان ښځي اوس  له زيږون څخه مخکې په څارنو بشپړلاسبري لري  او دزيږونونو له دريو برخو څخه يوه يې دمسلکي افرادو له خوا کېږي .

دثريا دليل دڅرګندونوله مخي د ٢٠١٠ ميلادي کال سروي دښوونې اوروزنې په برخه کې دتيري لسيزي دبنسټيزو پانګې اچونې مثبتي نتيجي ښيي.

دافغان ميندو اوماشومانو دمړينې دکچې دسروي له مخې دهغو ښځو شمير  چې اميدواري داختلافونو له امله خپل ژوندله لاسه ورکوي دتيرو اوو کلونو په پرتله  کمښت موندلي دي اوبايد وويل شي  چې دزيات عمرلرونکو کسانو دمړينې په کچه کې هم کمښت راغلي دي .

ثريا دليل  په دې باب  وويل په اميدواري پوري  اړوند په هرو پنځوسو افغان ښځو کې يوه يې دميدواري له جدي ګواښ سره مخامخې دي .

دغه سروي  دغه راز دواده په عمر او دزيږونونو ترمنځ دواټن په باب دپوهاوي مثبت بدلونونه ښودلي دي چې په مسلمه توګه ښيې چې دعامې ر وغتيا وزارت له خوا دپوهاوي دورکولو کار مثبتي نتيجي ورکړي دي.

په سمنګانوولايت کې په څلويښتو  زرو ماشومانو دشري واکسين تطبيق شو.

دسمنګانو ولايت دعامې روغتيا رييس ډاکتر عبدالحميد دباختر اطلاعاتي اژانس ته وويل دغه پروګرام ددغه ولايت   په مرکز او  خرم سارباغ ، فيروزنجچېر ا وحضرت سلطان په ولسواليو کې  له لس کلني څخه ښکته ماشومانو ترمنځ دشري دناروغي دخپريدو دمخنيوي په مقصد پيل شوي دي.

دده دڅرگندونوله مخي دعامې روغتيا وزارت دغه پروګرام دسمنګانو ولايت په گډون  دهيواد په څوارلسو ولايتونو کې چې په روان کال کې دسختو وچکاليو تراغيزي لاندې دي پيل کړ .

دسمنګانو  ولايت دعامې روغتيا رييس دکتلوي معافيت دامريت  مسوول ډاکتر نظر محمد وايي په دې پروګرام  کې څه ناڅه  دوه سوه څلويښتو تنو کارکوونکو   داويا  ګرځنده ټيمونو په چوکاټ کې ددغه ولايت  په لرو پرتو سيمو کې  په  جوماتونو، ښوونځيو دخلکو دراټوليدو په مرکزونو کې دغه واکسين تطبيق کړي.

ده وويل له طرحه شوي پلان سره سم دوى په شرايطو برابر څه ناڅه څلويښت زره تنه ماشومان دشري دناروغي په وړاندې  چې په ماشومانو کې يو ساري او ډيره خطرناکه ناروغي ده واکسين اووقايه کړي دي.