27 May 2019

RSS Facebook

سوداگریز


تازه خبرونه

د اجرائيه رياست يو سلاکار په کندز کې ترور شو

د اجرائيه رياست يو سلاکار په کندز کې ترور شو

کابل/باختر/ د غبرګولي د مياشتې ۶ مه د اجرائيه رياست سلاکار...

  په بدخشان تېرتاريخ خوراکي توکي راټوليږي

په بدخشان تېرتاريخ خوراکي توکي راټوليږي

کابل/باختر/ د غبرګولي د مياشتې ۶ مه په بدخشان ولايت کې...

Youtube Player

khantry design

سوداگریز

سوداگریز

صحی

- کابل/ باختر/ دوري دمياشتې ٢٢ مه
د درمل پلورنې درې شرکتونه نن په غزني ولايت کې وتړل شول .
د غزني د والي وياند محمدعارف نوري دباختر آژانس خبريال ته وويل چې ددغه ولايت د عامې روغتيا رياست د قوانينو د تطبيق ګډ هيئت په غزني ښارکې د درملو د پلورنې اته شرکتونه د قوانينو او مقرراتو د نه رعايتولو په دليل وتړل.
پاى \ ذکرالله 

کابل/ باختر/ دوري د مياشتې ۲۰مه
د جوزجان د عامې روغتيا رييس وايي چې په تېر يوکال کې د دغه ولايت په روغتيايي مرکزونوکې د څه دپاسه يو ميليونو ۷۰۰ زروتنو ناروغانو درملنه شوې ده .
د جوزجان د عامې روغتيا رييس جمشيدي دباختر آژانس خبريال ته وويل: هغه ناروغان چې ددغه ولايت په ولايتي او نورو مرکزونوکې تر درملنې لاندې دي؛ يوازې د جوزجان له ولايت څخه نه دي، بلکې د سرپل او فارياب ولايتونو له ولسواليو څخه هم د دغه ولايت روغتونونو ته راځي.
ده زياته کړه چې د ښه روغتيايي خدمتونو د وړاندې کولو لپاره په لرو پرتو کليوکې هم  ١٤ روغتيايي مرکزونه جوړ شوي دي او د عامې روغتيا وزارت له خوا د دغه ولايت په بېلابېلو سيموکې  ١٨ روغتيايي پروژې د عملي کېدو په حال کې دي .
جمشيدي زياته کړه چې په شبرغان ښارکې د دوه ميليونو افغانيو په لګښت د عامې روغتيا د ۲۰۰ بستريز روغتون د نوې ودانۍ د جوړيدو کار دوام لري او ډير ژر به بشپړ شي .
  ختم_ شکريه _ اکرم

کابل باختر دوري نولسمه :
دروغتيا دپايلو  دکنفرانس اتم  پړاو نن دعامې روغتيا وزارت په تالار کې  جوړ شو .
دباختراژانس دخبريال دخبرله مخې ، په دې کنفرانس کې په بېلابېلو برخو کې  دعامې روغتيا وزارت لاسته راوړنې وارزول شوې او په ستونزو دبرياليتوب په خاطر لارې چارې وڅيړلې شوې .
په دې کنفرانس کې  دملي او نړيوالو څيړونکو دڅيړنو دپايلو  شريکول او هغه ټولپوښتنې  چې په بېلابېلو  برخو کې ترسره شوي دي هم په دې کنفرانس کې  طرحه شوې چې ددغو څيړنو دپايلو له مخې مناسبه ستراتيژي برابره شي .
دهېواد دعامې روغتيا وزير ډاکتر فيروز الدين فيروز  ددې کنفرانس  جوړول دتشو دپيژندنې او دروغتيا په برخه کې دشتو ستونزو لپاره دحل دلارې دموندلو په خاطر يو ښه فرصت وباله او ويې ويل  نن دهغو درې شپيتو   څيړنو دپايلو په باب چې  دروغتيا په برخه کې ترسره شوي دي په دې کنفرانس کې خبرې کېږي او دخوشحالى ځاى دى هغه څيړنې چې  په تيرو وختونوکې دبهرنيو بنسټونو له خوا ترسره کيدې   اوس  دکورنيو متخصصينو په واسطه ترسره کېږي .
ډاکتر فيروز  وويل  هغو څيړنو  ته په پاملرنې  سره چې ترسره شوي دي په هېواد کې روغتيايي حالت مخ په ښه والي دي .
دغه څيرنې  ښيي چې دميندو اوماشومانو په مړينه کې ديادونې وړ کمښت رامنځته شوى دى اوهم تغديې حالت ښه شوى دى .
ده وويل چې دنسايي او ولادي متخصصينو په واسطه دروغتيايي  خدمتونو وړاندې کول اوله دولتي اوخصوصي  روغتيايي مرکزونوڅخه ګټه اخستنه   زياته شوې ده  .
په همدې حال کې داحصاييې  دملي ادارې مرستيال حسيب الله موحد دڅيړنې معلومات ديوه هېواد په پرمختيا کې يوه مهم  کار وباله او ويې ويل  چې څيړنه له موږ  سره  مرسته کوي  تر څو په دې پوه شو  چې زموږ په کارونو  کې کومې نيمګړتياوې شتون لري اوڅومره ښه والي رامنځته شوى دى او له نيکه مرغه افغانستان په دې وروستيو وختو کې دڅيړنې په برخه کې  ښې لاس ته راوړنې لري .
له بلې خوا هم دنړۍ دروغتيايي سازمان استازي ډاکتر ريچارد پيپرګورن وويل چې ددغه شان کنفرانسونو جوړول د شفافيت کيفيت ، حساب ورکونې اوپرمختيا په کار کې دروغتيا له برخې  سره مرسته کوي .
په پاى کې دکنفرانس برخه والو دکنفرانس دموضوع په اړوند خپلې نظريې  وړاندې کړې .
  ختم- ف _ اکرم
                                                              

کابل باختر دوري اوولسمه :
تيرکال دنري رنځ په ناروغى څه دپاسه دوه زره پنځه سوه تنه اخته کسان  په بلخ ولايت کې  پيژندل شوي  او تداوي شوي دي .
په بلخ کې  دشمال دحوزوي روغتون دنري  رنځ دناروغى  ددرملنې دڅانګې مسوول  ډاکتر عبدالبشير وايي  څه دپاسه دوه زره پنځه سوه تنه  چې دنري رنځ په ناروغي اخته دي  پيژندل شوي او تر درملنې لاندې نيول شوي دي .
  ده زياته کړه چې په دغه روغتون کې دنري رنځ دناروغانو لپاره په يو وخت کې څليرويشت بسترې شته . خو اوس لس تنه ناروغان په دې څانګه کې بستر او تردرملنې لاندې دي .
په مزارشريف ښار کې دابن سينا بلخي دحوزوي روغتون دنري رنځ دناروغى ددرملنې دڅانګې مسوول وايي  چې  دنري رنځ  ناروغي يوه ساري ناروغي ده چې ددغې ناروغي  درامنځته کيدو اصلي عوامل بې وزلي ، جګړه او ناپوهي ده . او  په کليو اوبانډو کې دغه ناروغي زياتره  دښځو اوماشومانو په منځ کې  دي.
  دنري رنځ ناروغي دنړۍ  په زياتره هېوادونوکې  له منځه وړل شوې دي  خو په افغانستان کې اوس هم دغه ناروغي له خلکو څخه قرباني اخلي .  ختم_ ج _ اکرم

 

Page 3 of 188