22 January 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

صحی

کابل/باختر/ د مرغومي د میاشتې ۱۷مه
د افغانستان د اسلامي جمهوریت جمهور رئیس محمد اشرف غني پرون مازدیګر د روغتیا نړیوال سازمان له رئیس ډاکټر تدروس ادهانوم سره په ګلخانې ماڼۍ کې وکتل.
د جمهور رییس د ویاند دفتر باختر آژانس ته خبر ورکړ:
جمهوررئیس غني د روغتیا نړیوال سازمان پلاوي ته د ښه راغلاست ترڅنګ، له افغانستان سره د روغتیا په برخه کې د دغه سازمان د دوامدارې همکارۍ قدرداني وکړه او وې ویل، په افغانستان کې د روغتیا په برخه کې ښه ظرفیتونه رامنځته شوي چې په هېواد کې د روغتیایي سکتور د راتلوونکي لپاره هیله بښوونکي دي.
د هېواد جمهوررئیس په ټینګار سره وویل، زموږ لپاره په افغانستان کې د پولیو (ګوزڼ) ناروغي تر ټولو مهمه مسئله ده.
جمهوررئیس وویل، سره له دې چې نړیوالو بنسټونو په افغانستان کې د پولیو د لمنځه وړلو لپاره زیاتې منابع مصرف کړي، خو لا هم افغان ماشومان له دې رنځه کړېږي او په دې برخه کې د لازیاتو هڅو اړتیا ده.
دغه راز جمهوررئیس د مور او ماشوم د روغتیا او نورو برخو کې د روغتیا نړیوال سازمان له رئیس څخه د زیاتې همکارۍ غوښتنه وکړه.
د روغتیا نړیوال سازمان رئیس په افغانستان کې د پولیو د لمنځه وړلو په موخه د هڅو د زیاتوالي ډاډ ورکړ او زیاته یې کړه، د روغتیا نړیوال سازمان به د روغتیا په برخه کې د افغانستان لومړیتوبونو ته په پام خپلو همکاریو ته دوام ورکړي.#
پای – ج

کابل باختر دمرغومي ١٦ دهېواد اجراييه رييس نن يکشنبې دمرغومې دمياشتې په شپاړلسمه نيټه دنړۍ دروغتيايي سازمان اودځينو اړوندو وزارتونو دجګپوړي هيئت په شتون په فوق العاده غوڼډه کې په ناامنو سيمو کې دپوليو واکسين دپروسې دتطبيق بهير وڅيړه . داجراييه رياست مطبوعاتي دفتر باختراژانس ته خبرورکړ ، ډاکتر عبدالله عبدالله په روغتيايي او تخنيکي برخو او په تيره بيا دپوليو واکسين دتطبيق په برخه کې دنړۍ دروغتيايي سازمان دبشر دوستانه مرستو اودهغه دمالي ملاتړ له امله قدرداني وکړه او په دې برخه کې يې دزياتې همکارى غوښتنه وکړه . دهېواد اجراييه رييس زياته کړه چې له هڅو سره سره لاتراوسه پورې هم په لرې پرتو سيمو کې دميندو او ماشومانو مړينه يوه جدي ننګونه ده او جدي کارته اړتيا لري . ډاکترعبدالله عبدالله زياته کړه چې غير ساري ناروغى دپراختياپه حال کې دي اوبايددهغودمخنيوي لپاره دعملي او سملاسي حل لاره وسنجوو . دهېواد دعامې روغتيا وزير ډاکتر فيروز الدين فيروز رپوټ ورکړ چې دپوليو ناروغۍ له منځه وړل ددغه وزارت لپاره يو مهم لومړيتوب دى دهڅو او هاند تر څنګ دپوليو پايلې زموږ دهيلو پرخلاف دي اود ٢٠١٨ کال په نسبت زياتوالى ښيي . دعامې روغتيا وزير څرګنده کړه چې دپوليو ناروغي دختيځو او جنوبي ولايتونواو په تيره بيا په قندهار ولايت کې زياته ده موږ دانساني سرچينو اوځواک د کمښت په دليل داته سوه زرو تنو ماشومانو دپوښښ ځواکمني نه لرو . فيروز الدين فيروز دنړۍ دروغتيايي سازمان دزياتو مرستو او دځانګړې پاملرنې غوښتنه وکړه . دعامې روغتيان وزارت خبرورکړ چې دغه وزارت دنړۍ له روغتيايي سازمان سره يوه روغتياي بسته لاسليک کړې ده او دهغې دتطبيق لپاره مالي سرچينو ته اړتيا لري . دهېواد اجراييه رييس دنړۍ له روغتيايي سازمان څخه وغوښتل چې دپوليو له ناروغى سره دمبارزې او دناامنو اوسرحدي سيمو دپوښښ لپاره په مالي او تخنيکي برخه کې له افغانستان سره زياته همکاري وکړي . دنړۍ دروغتيايي سازمان رييس ډاکتر تيت روس ادهانوم ژمنه وکړه چې دروغتيايي بستې دتطبيق او په نامنو سيمو کې دپوليو واکسين دپراختيا لپاره له افغانستان سره هراړخيزه همکاري کوي اوددغه سازمان مالي مرستې زياتوي دنړۍ دروغتيايي سازمان رييس وويل چې دغه سازمان دظرفيت جوړولو او دتخنيکي مسئلو په برخه کې هم له افغانستان سره زياته همکاري کوي . ده ډاډ ورکړچې په ناامنو اوسرحدي سيمو کې دپوليو واکسين دتطبيق او پراختيا لپاره دعامې روغتيا وزارت له پروګرامونوسره مالي او تخنيکي ملاتړ کوي دهېواد اجراييه رييس دکليو دبيا جوړولو او پراختيا اودکرنې اوبو لګولو او مالدارى وزارتونو ته لارښوونه وکړه چې دپوليو واکسين کمپاين ته په خپلو ملي پروګرامونوکې ځاى ورکړي دکليودبياجوړولو اوپراختيا وزارت رپوټ ورکړ چې په ټولو ورکشاپونو کې دپوليو واکسين اهميت خلکو ته بيانوي دکرنې اوبو لګولو او مالدارى وزير نصير احمد دراني وويل چې دپوليو موضوع يې په ټولو ملي پروګرامونوکې شامله کړې ده او دعامې روغتيا له وزارت سره همکاري لري . دپيښو په چارو کې ددولت وزير نجيب اقا فهيم وويل چې سيمه ئيز روغتونونه بې ځايه شويو کسانو ته دخدمتونو دوړاندې کولو ځواکمني نه لري اوبايد زياتې سرچينې او امکانات تخصيص کړى شي او دګرځنده ټيمونو شمير زياتوالى ومومي . دپيښو په چارو کې ددولت وزارت وغوښتل چې په لنډ مهال کمپونو کې دپوليو واکسين تطبيق ته په لومړيتوب کې ځاى ورکړى شي . دهېواد اجراييه رييس اړوندو وزارتونو ته لارښوونه وکړه چې دپوليو واکسين مسئله دې استثنا کړي او خپلو ولايتي دفترونو ته دې لارښوونه وکړي چې دعامې روغتيا وزارت له کارکوونکوسره همکار واوسي ډاکتر عبدالله عبدالله ټينګاروکړچې دپوليو واکسين تطبيق دوزيرانو په کچه تعقيب کړي او هغه ليک او داداري مراتبو لرۍ ته مه پرېږدي . ختم _ عطاالله _اکرم

کابل/ باختر د مرغومي دمياشتې ١٥مه د افغانستان د اسلامي جمهوریت د جمهور رئیس محمد اشرف غني په مشرۍ په افغانستان کې د پولیو د له منځه وړلو په خاطر د لازیاتو تدابيرو د نیولو په موخه غونډه جوړه شوه. د جمهور رييس د وياند دفتر باختر آژانس خبر ورکړ: په دې غونډه کې چې نن له غرمې مخکې په ګلخانې ماڼۍ کې جوړه شوه، د روغتیا د نړیوال سازمان استازي ریچارډ پیپر کورن، د یونیسف ادارې استازي اډیل خودر، د عامې روغتیا وزیر ډاکټر فیروزالدین فیروز او د جمهوررئیس سلاکار ډاکټر نجیب الله مجددي، حضور درلود. په پېل کې د روغتیا د نړیوال سازمان او یونیسف ادارې استازو له پولیو څخه د پاک افغانستان په خاطر د چټکو لارو چارو په برخه کې د خپلو ارګانونو د فعالیتونو په اړه جمهوررئیس ته معلومات ورکړل. جمهوررئیس غني د یادو معلوماتو له اورېدو وروسته د دې ترڅنګ چې په یو شمېر ولایتونو کې یې د پولیو د پېښو زیاتوالی د اندېښنې وړ وباله وې ویل، د پولیو له منځه وړلو ته ځانګړې شوې منابع دې سمې مصرف شي او حکومت د پولیو لمنځه وړلو په برخه کې هر ډول همکارۍ ته چمتو دی. د هېواد جمهور رئیس پر ولسي انسجام او همدارنګه په افغانستان کې د پولیو لمنځه وړلو کمپاین په زیاتوالي، د شېوو پر بدلون او ټول شموله کېدو ټینګار وکړ.# پاى – ذ

کابل باختر د مرغومي لسمه : له کابل ښار څخه په نشه يي توکو روږدو کسانو دراټولولو په دوام نن ٣٥٠ تنه روږدي کسان دکابل ښار دسراي شمالي له ساحې څخه راټول او زر بستريز روغتون ته وليږدول شول څه موده مخکې له کابل ښار څخه په نشه يي توکو دروږدو کسانو د راټولولو کميسيون دپريکړې له مخې چې دعامې روغتيا او دکار او ټولنيزو چارو دوزارتونو استازى پکې شامل دي دکابل له پل سوخته ساحې څخه يوشمير روږدي کسان راټول او زر بستريز روغتون ته يې وليږدول . دباختراژانس دخبريال دخبرله مخې، له کابل ښار څخه په نشه يي توکو دروږدو کسانو دراټولولو بهير تراوسه پورې څو ځلې پيل شوي دي خودکابل دښاريانودڅرګندونوله مخې، په دغه شان هراقدام سره دروږدوکسانو دشمير زيات شوې دي خو دعامې روغتيا وزارت دنشه يي توکو دغوښتنې دکمښت درياست دروږدو کسانو دمرکز يو مسوول ډاکتر احمدزي سلطاني وايي دروږدوکسانو دراټولولو دليل په کابل ښارکې سړه هوا ده او دغه راز دغه روږدي کسان چې دغه روغتون ته ليږدول کېږي له څلويښتو څخه تر پنځه څلويښتو ورځو پورې تر درملنې لاندې نيول کېږي . دده دڅرګندونوله مخې، له کورنيو سره په سلامشورې سره روږدي کسان تر يو کال پورې تر څارنې لاندې نيول کېږي په افغانستان کې داړوندو بنسټونو دګډې سروې له مخې په نشه يي توکو درې اعشاريه پنځه مليونه تنه روږدي کسان شته چې له دې جملې څخه پنځه سوه زره تنه يې ددرملنې وړ دي . ختم_ ج _ اکرم

Page 3 of 181