14 November 2018

RSS Facebook

سوداگریز


تازه خبرونه

مډال راوړونکي وستايل شول

کابل \باختردلړم دمياشتې٢٣نيټه : په سمنګانو ولايت کې مډال...

د جاغوريو او مالستان بې ځايه شوې کورنۍ په بد حالت کې دي

کابل \باختردلړم دمياشتې٢٣نيټه : د جاغوريو او مالستان ولسواليو...

په قندهارکې د ۴۰۰ مېګا واټه لمریزې برښنا سیستم جوړېږي

قندهار باختر د لړم ۲۳ مه د ماليې وزارت په مشرۍ...

Youtube Player

khantry design

سوداگریز

سوداگریز

صحی

کابل باختر د تلي اتلسمه :
دملي پوليسو لپاره  ديو سمبال روغتون  دبنسټ ډبره  نن په هرات ښار کې  کيښودل شوه .
دهرات ولايت مرستيالې  مونسې  حسن زاده  ددغه کلينيک دجوړولو له امله  خوښي څرګندوي او وايي  چې ددغه کلينيک  په جوړولو سره په ښه ډول کولاى شو  دملي پوليسو  دځواکونو دناروغانو او ټپيانو درملنه وکړو .
له بله پلوه  دهرات ولايت دامنيې قوماندانۍ  ملکي مرستيال  فيروز شاداب  دايټاليا دپرمختيايي همکاريو  دادارې د دومدارو مرستو او همکاريو له امله قدرداني څرګنده کړه او ويې ويل ، د  ايټاليا  دپرمختيايي همکاريو دادارې  د ژمنو له مخې، دغه کلينيک به  په راتلونکو څلورو مياشتو کې جوړ شي  دغه روغتيايي مرکز شل بسترې لري چې دايټاليا دپرمختيايي همکاريو دادارې له خوا په څلور مياشتو کې جوړ او ګټې اخستنې ته به وسپارل شي .
  ختم_ ج _ اکرم

 

کابل باختر د تلي اتلسمه :
دپروان والي  فضل الدين عيار پرون دچاريکارو ښار ته څيرمه د توپ درې په کلي کې  ديو روغتيايي مرکز دکار بهير وکوټ .
دباختراژانس دخبريال دخبرله مخې ، دغه روغتيايي مرکز  دهندوستان په مالي مرسته  دشپږو مليونوافغانيو په لګښت جوړيږي . خو دڅارونکي هيئت له خوا دهغه دتخنيکي نيمګړتياو دکتنې له امله دپروژې کار ځنډول شوى دى .
دپروان والي وويل  ترهغه وخته پورې چې قرارداد کوونکي ساختماني شرکت په باکيفته توکو دقرارداد له مخې ، دهغه دکار ژمنه ونه کړي دپروژې کار به وځنډول شي
  ختم_  ج _ اکرم

کابل \باختردتلې دمياشتې ١٧نيټه :
د هېواد اجرائيه رئيس ډاکټر عبدالله عبدالله نن په کابل کې د اندراګاندي روغتون په اډانه کې د ماشومانو د زړه عملیاتونو د مرکز د بنسټ ډبره کېښوده.
په دې اړه جوړې شوې ناستې ته د عامې روغتیا وزیر ډاکټر فیروز الدین فیروز وویل چې یاد مرکز د ایټالیا د پراختیايي مرکز د درې میلیونه یورو په لګښت په اساسي ډول جوړېږي.
هغه وویل، چې په دې مرکز کې به ټول لازم تجهیزات، عملیات خونه، د تشخیص مرکز جوړېږي او د زړه د جراحۍ ډاکټرانو لپاره د ستاژ دوره هم په کې پيلېږي.
د عامې روغتیا وزیر زیاته کړه، د دې مرکز د فعالېدو لپاره لومړی په ګاونډیو او نورو نړیوالو هېوادونوکې د تحصیل شویو افغانانو استخدام وشي او نور پرسونل به یې د روزنې لپاره هند ته واستول شي.
د هېواد اجرائيه رئيس ډاکټر عبدالله عبدالله د دې مرکز جوړېدل یو اساسي ګام وباله او ویې ویل، چې د داسې مرکز د نشتون له امله تر اوسه هم افغانان د زړه ناروغیو د یوه ساده تشخیص په برخه کې هم له ستونزو سره مخ دي.
اجرائيه رئيس د اېټالیا له مرستو د مننې ترڅنګ د ټولو هغو نړیوالو سازمانونو او هېوادونو له مرستو قدرداني وکړه، چې له افغانستان سره یې په روغتیايي برخه کې کړې ده.
ډاکټر عبدالله عبدالله وویل: په دې وروستیو کې د زړه ناروغۍ په ځانګړي ډول په ماشومانو کې د زړه د سوري کېدو ستونزه ډېره شوې؛ چې د داسې مرکز د جوړېدو اړتیا تر هر څه ډېره لیدل کېږي. اجرائيه رئيس هیله وښوده، چې یاد مرکز په ټاکلي مهال او په اساسي ډول ورغول شي، څو هېوادوالو ته اساسي خدمات وړاندې کړي.
اجرائیه رئیس زیاته کړه، چې د زړه ناروغیو د درملنې په برخه کې د سرې میاشتې نوښت او د چین هېواد په ګډون د یوشمېر هېوادونو او خصوصي سکتور ونډه د ستایلو وړ ده.
ده له عامې روغتیا وزارت وغوښتل چې خپلو هیلو او ارمانونو ته د رسېدو لپاره ډېر کار ته اړتیا ده او دی د ډېر کار روحیه د عامې روغتیا وزارت په رهبرۍ او طبي پرسونل کې ویني.
اجرائيه رئيس د افغانستان د طبي پرسونل د خدماتو ستاینه وکړه چې په وینا یې په سختو شرایطو کې یې افغانانو ته خدمات وړاندې کړي دي.#
پاى _ ذ

 

کابل باختر د تلې اوولسمه :
په پنجشير ولايت کې نن  ٢٣ تنو نرس قابله ګانو ته په ټولنه کې د رواني روغتيا د ښه والي لپاره روزنيزه کارګاه جوړه  شوه .
دغه کارګاه په ټولنه کې د رواني روغتيا د ښه والي په موخه د پنجشير  د عامې روغتيا له خوا جوړه شوې ده.
د پنجشير  د عامې روغتيا  مرستيال  محمد ابراهيم حازم د دغه پروګرام په پرانستلوکې دباختر آژانس خبريال ته وويل چې په دې کارګاه کې د پنجشير  د مرکز بازارک او اوو ولسواليو د ٢٢ روغتيايي کلينکونو نرس قابله ګانو ګډون کړى دى  .
ده زياته کړه: د رواني ناروغانو د پيژندنې د څرنګوالي، د درملنې پړاو او دغه راز له ناروغانو سره چلند له هغو مواردو څخه دي چې د دغې کارګاه د کار په دوو ورځوکې نرس قابله ګانو ته ور زده کيږي .
ختم _شکريه  _ اکرم

 

Page 4 of 173