25 June 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

صحی

کابل باختر د ثور اوومه :
په لويديځه  حوزه  کې د تيکا  د پروګرام د همغږۍ  د دفتر مسوول   د هرات ولايت د ټولنيزو چارو له مرستيالې  سره وکتل .
  د هرات ولايت د ټولنيزو چارو مرستيالې  مونسې حسن زاده په لويديځه حوزه کې  _ دتيکا )  د دفتر د مسوولانو د هراړخيزو همکاريو او هڅو له امله د قدردانۍ د څرګندولو په ترڅ کې د هرات  د پوهنې ، روغتيا او ماشومانو ته د شنې فضا د برابرولو په برخو کې د دغې موسسې  فعاليتونه ستر وبلل او دغه راز افغانستان او ترکيه يې  په دوستانه اړيکو سره دوه دوست هېوادونه وبلل .
په لويديځه  حوزه کې د تيکا د دفتر ريېس ډاکټر علي  ارغون چنار په هرات ولايت کې د ترکيې هېواد د بېلابېلو پروژو  د پلي کولو په لاره کې د سيمه يېزو مقاماتو د همکاريو له امله مننه وکړه .
ښاغلي  چنار په ګذرې  ولسوالۍ کې د ماشومانو د روغتون د انتظار خونې د سالون جوړولو د پروژې  د بشپړولو ډاډ ورکړ او دغه راز په نږدې راتلونکي کې يې د کتابتون د جوړولو ، د امير علي شېر نوايي  د تاريخي څلي  د بيا احيا کولو او مرمت کولو او د ګازرګاه  شريف د چله خانې د ترميمولو دپروژو د پيلولو خبر ورکړ .
ښاغلي چنار دغه راز په دې غونډه کې په نږدې  راتلونکي کې په هرات ولايت کې د ترکيې د قونسلګرۍ د پرانېستلو  او د هرات _ استانبول   ترمنځ د الوتکو د الوتنو د پيل ډاډ ورکړ او د پخوا په شان يې له افغانستان سره د خپل هېواد د مرستو په دوام باندې ټينګار وکړ .ختم_ عطاالله _اکرم


 

کابل باختر د ثور څلورمه : 
د نري رنځ د ناروغۍ د تشخیص یو ماشین پرون په بامیانو روغتون کې ودرول شو او ګټې اخېستنې ته وسپارل شو .
د کابل د ام اس اچ د لابراتوار مسوول ډاکتر آقا صافي باختر اژانس ته وویل چې دغه ماشین د امریکا د نړیوالې پرمختیایي ادارې په مرسته د پنځه ویشتو زرو امریکایي ډالرو پېرودل شوى دى چې د بامیانو ولایتي روغتون ته ورکړشو .
ده زیاته کړه، دغه ماشین د نري رنځ د ناروغۍ په تشخیصولو برسېره هغه ناروغان چې د نري رنځ د درملو په وړاندې مقاومت لري هم تشخیصوي .
د بامیانو د ولایتي روغتون د نري رنځ مسوول ماشاءالله امید محسن وویل چې،  تېرکال څه ناڅه دوه زره پنځه سوه تنو  د دغه روغتون د نري رنځ د درملنې برخې ته مراجعه کړې ده چې له دې جملې څخه دوه سوه پنځوس تنه یې په دغې ناروغۍ اخته وو.عطاءالله

کابل باختر د ثور  دريمه :
داکسيجن  دتوليد يوه دستګاه نن  دسمنګانو په ولايتي روغتون کې  ګټې اخستنې ته وسپارل شوه .
دسمنګانو دولايتي روغتون آمر ډاکتر کرام الدين  وکيل زاده باختراژانس ته وويل چې دغه دستګاه  دعامې روغتيا دوزارت له خوا دولايتي روغتون په انګړ کې  ددولسو مليونو افغانيو په لګښت جوړه شوې ده .
ده وويل دغه دستګاه  دسمنګانو دولايتي روغتون په اړتيا سربيره يوسلو پنځوس پوند  نور  اکسيجن  هم توليدوي چې دنورو روغتيايي مرکزونو اړتيا هم به لرې کړي . 
وکيل  زاده زياته کړه چې پخوا دوى دخپل داړتيا وړ اکسيچن  دکابل اوبلخ له ولايتونو څخه برابراوه .      ختم_ عطاالله _ اکرم

کابل باختر د ثور  دريمه :
ديو مليونو افغانيو په ارزښت  نن دنايب امين الله خان لوګري له روغتون سره دطبي وسايلو  مرسته وشوه .
دباختراژانس دسيمه ئيز خبريال دخبرله مخې ،  دغه طبي وسايل  دکف دموسسې له خوا برابر شوي و ، چې دلوګر ولايت  دمسوولينو په وړاندې  د نايب امين الله خان لوګري روغتون ته وسپارل شول .
  دلوګر والي  محمد انور خان اسحق زي  دکف موسسې دهمکاريو له امله  په قدرداني سره وويل  چې ددغو وسايلو په ترلاسه کولو سره  به  دنايب امين الله خان لوګري روغتون د جراحي څانګې  ستونزې لري شي .
دنايب امين الله خان لوګري دروغتون رييس ډاکتر عاشق الله مجيدي وويل چې په دغو طبي وسايلو  کې  داکسيجن اصلي وسايل ، داکسيجن دتوليد ماشين او دجراحي  داورتوپيدى وسايل شامل دي .
     ختم _ ج _اکرم

 

Page 6 of 160