19 November 2018

RSS Facebook

سوداگریز


تازه خبرونه

د بهرنيو چارو وزير د ناتو له استازي سره وکتل

د بهرنيو چارو وزير د ناتو له استازي سره وکتل

کابل \باختردلړم دمياشتې٢٧نيټه : د افغانستان د اسلامي جمهوريت د...

څلور تنه وسله وال طالبان په کندز کې ووژل شول

څلور تنه وسله وال طالبان په کندز کې ووژل شول

کابل \باختردلړم دمياشتې٢٧نيټه : څلور تنه وسله وال طالبان تېره...

د پروان د توپ درې د لرغونې ساحې د کيندنو دويم پړاو پيل شو

د پروان د توپ درې د لرغونې ساحې د کيندنو دويم پړاو پيل شو

کابل \باختردلړم دمياشتې٢٧نيټه : د پروان ولايت دتوپ درې دلرغونې...

Youtube Player

khantry design

سوداگریز

سوداگریز

صحی

کابل \باختردتلې دمياشتې٣ نيټه : د غزني ولايت د جاغوريو ولسوالۍ د ۲۰ بستريز روغتون دبنسټ ډبره دعامې روغتيا د وزير ډاکتر فيروزالدين فيروز له خوا کيښودل شوه. په هغې غونډه کې چې په همدې مناسبت په دغې ولسوالۍ کې جوړه شوې وه، ډاکتر فيروزالدين فيروز وويل چې ددغه روغتون په جوړولو سره دسيمې ۱۵۰ زره تنه اوسيدونکي کولاى شي له روغتيايي خدمتونو څخه ګټه واخلي . د عامې روغتيا وزير دغه راز د غزني ولايت د روغتيايي کارکوونکو د کارونوله امله چې په وروستيو پيښو کې ترسره کړي و، مننه اوقدرداني وکړه او ژمنه يي وکړه چې په راتلوونکي مالي کال کې د جاغوريو ولسوالۍ د شل بستريز روغتون تشکيل د صحتمندۍ له پروژې څخه تمويلوي ترڅو کارکوونکي وکولاى شي په ښه ډول خلکو ته روغتيايي خدمتونه وړاندې کړي . د غزني ولايت د جاغوريو د ولسوالۍ شل بستريز روغتون په يوولس جريبه ځمکه کې په يوه پوړ کې د سنګ ماشه په کلي کي جوړيږي. دغه روغتون به شل بسترې ولري او د داخلې، جراحۍ ، ماشومانو، واکسين او نورو برخوکې به دعامې روغتيا وزارت د پاليسۍ له مخې روغتيايي خدمتونه وړاندې کړي. د دغه روغتون د جوړولو لګښت د عامې روغتيا وزارت له بودجې څخه ۴۵ ميليونو ۹۰۴ زره افغانيو په لګښت جوړيږي او د جوړولو کار يې تر راتلوونکو ١٤ مياشتو پورې بشپړيږي او د روغتيايي خدمتونو وړاندې کولو چمتو کيږي . دغه رازپه دې غونډه کې په ملي شورا کې د خلکو استازي، د عامې روغتيا وزارت د بشري منابعو لوى رئيس، د غزني ولايت د عامې روغتيا رئيس او د سيمې يوشمېر مشرانو هم ګډون کړى و. پاى \ ج \ ذ

کابل \باختردتلې دمياشتې٣ نيټه : د يوې کورنۍ درې تنه غړي تېره شپه د تخار ولايت په بنګي ولسوالۍ کې د ناپيژاندو وسله والوکسانو له خوا په ډزو سره ووژل شول. د تخار د امنيې قوماندانۍ د امنيت آمر د باختر آژانس خبريال ته وويل: د يوې کورنۍ درې تنه غړي چې يوه مور او دوه زامن دي، د بنګي ولسوالۍ د قره کمرسياب په سيمه کې د ناپيژاندو وسله والو کسانو له خوا په ډزو سره ووژل شول . د تخار پوليسو تر اوسه پورې د دغې پيښې په اړوند څوک نه دي نيولي خو د دغې پيښې د عاملينو د پيژندلو او نيولو لپاره هلې ځلې پيل شوي دي. پاى \ ج\ ذ

کابل/ باختر/ د تلې د مياشتې  ۳مه :
د پوليو واکسين د فوق العاده کمپاين دريمه دوره نن په يووخت کې په هرات ښار او د شينډنډ او انجيل په ولسواليوکې پيل شوه .
  د هرات د ټولنيزو چارو مرستيالې مونسې حسن زاده له ټولو ميندو او پلرونو څخه  وغوښتل چې خپل ماشومان د دغې وژونکې ناروغۍ په وړاندې واکسين کړي او د پوليو د کمپاين  له ګرځنده ټيمونو سره همکاري وکړي.
  حسن زاده وويل: د هرات سيمه ييزه ادارې ژمنه ده چې د پوليو ويروس  د ګرځيدو مخه ونيسي .
د هرات ولايت  د عامې روغتيا رياست مرستيال ډاکتر محمد آصف کبير وايي:  ټاکل شوې ده په دې دوره کې له پنځه کلنى څخه ښکته ۵۰۰ زره تنه ماشومان د هرات ښار او د انجيل او د شينډنډ په ولسواليوکې د دغې وژونکې ناروغۍ پرخلاف واکسين شي . 
  د هرات ولايت سيمه ييزو مسوولينو اعلام وکړ چې د پوليو واکسين کمپاين به د ۲۰۰ تنو روغتيايي کارکوونکو او رضاکارانو له خوا تطبيق شي .
د هرات د عامې روغتيا رياست مرستيال ټينګار وکړ چې اوس په هرات ولايت کې  د پوليو د واکسين  د تطبيق په وړاندې هيڅ راز ستونزه نشته .
  ختم_ ج _ اکرم

کابل باختر د تلي  دويمه :
څه دپاسه درې زره غواګانې ، پسونه او وزې په بغلان ولايت کې د څارويو دناروغيو پرخلاف  واکسين شول .
دباختراژانس دخبريال دخبرله مخې ، ددغه واکسين دتطبيق پروګرام چې درې مياشتې مخکې  دبغلان ولايت  دکرنې او اوبو لګولو درياست  له خوا داغاخان دپرمختيايي بنسټ  او دهالند دکميټې  په همکارى دبغلان ولايت  په مرکز اواړوندو ولسواليو کې پيل شوي و ، پرون پاى ته ورسيد .
دبغلان ولايت  دمالدارى د روغتيايي خدمتونو آمر عبدالستار احمدي وويل  چې په دې موده کې  څه دپاسه  درې زره غواګانې ، وزې او پسونه په اته پنځوسو  ثابتو او ګرځنده مرکزونو کې  واکسين شوي دي .
  ختم_ج _ اکرم

 

Page 6 of 174