25 June 2019

RSS Facebook

سوداگریز


تازه خبرونه

په سمنګانو کې لومړنى خصوصي  ټلويويزن په  خپرونو پيل وکړ

په سمنګانو کې لومړنى خصوصي ټلويويزن په خپرونو پيل وکړ

کابل/باختر/ دچنګاښ ٣مه : د رستم په نامه لومړني خصوصي ټلويزيون...

دکابل پوليسو دوژنې يو تورن ونيوه

دکابل پوليسو دوژنې يو تورن ونيوه

کابل/باختر/ دچنګاښ ٣مه : پوليسو دجنايي جرمونوپه اړوند درې تورن په...

په فراه کې ددريو ډاراچوونکو وژل  کېدل

په فراه کې ددريو ډاراچوونکو وژل کېدل

فراه /باختر/ دچنګاښ ٣مه : دفراه مسوولين وايي ؛ په بکوا...

Youtube Player

khantry design

سوداگریز

سوداگریز

صحی

کابل/ باختر / د کب د میاشتې ۱۵مه
د افغانستان د اسلامي جمهوریت جمهوررئیس محمد اشرف غني نن سهار د کونړ ولایت مرکز اسعد اباد ته له رسېدو وروسته د دغه ولایت د عامې روغتیا اداري ودانۍ پرانېستله.
د جمهور رییس د ویاند دفتر باختر آژانس ته خبر ورکړ:

جمهوررئیس غني د یادې ودانۍ د پرانیستنې پر مهال ډاکټرانو ته د مبارکۍ ترڅنګ وویل: عامې روغتیا وزارت ته مې لارښوونه کړې چې د تجهیز او د خدماتو د کیفیت په لوړولو تمرکز وکړي.
د کونړ ولایت د عامې روغتیا اداري ودانۍ چې د جمهوررئیس له خوا پرانیستل شوه او ګټې اخیستنې ته چمتو ده، له ۱۷ میلیونو څخه د زیاتو افغانیو په لګښت په معیاري ډول جوړه شوې.
دغه راز جمهوررئیس غني د کونړ ولایت ۲۰۰ بستریز روغتون او د انتظار خونې ودانۍ د بنسټ ډبره کېښوده.
جمهوررئیس د یاد روغتون د بنسټ ډبرې له اېښودلو وروسته وویل، دا د یو بنسټیز بدلون پیل دی او هیله لرم چې د دغه روغتون بېلابېلې برخې د کونړ د شخصیتونو په نوم ونومول شي.
د کونړ د ۲۰۰بستریز روغتون او انتظار خونو پر ودانیو ۳۶۰ میلیونه افغانۍ لګښت راځي چې د افغانستان حکومت له بودجې ورکول کېږي.#
پای – ذ
 

کابل باختر د کب څوارلسمه :
دبلخ ولايت په حوزوي روغتون کې دځاى دنشتوالي له امله دخوب له هر تخت څخه درې تر پنځه ناروغ ماشومان استفاده کوي .
دباختراژانس دسيمه ئيز خبريال دخبرله مخې، په مزارشريف  ښار کې دابن سيناي بلخي  دحوزوي روغتون دماشومانو دڅانګې مسوول  ډاکتر  عبدالرووف   فروغ وايي چې دځاى اوبستر دستونزې په نسبت  دخوب په هر تخت کې درې نه ترپنځو ناروغ ماشوم بستر دي .
  ده زياته کړه چې په بلخ ولايت سربيره هره ورځ څه ناڅه دوه پنځوس  ناروغ ماشومان دسمنګانو ، جوزجان ، سرپل ، فارياب  او له بادغيس ولايتونو څخه ددرملنې  په موخه ددغه روغتون دماشومانو څانګو ته مراجعه کوي او څه دپاسه سل ماشومان بسترېږي .
ډاکتر فروغ وويل چې يو درې پوړيزې ودانۍ چې ٤٥٠ خونې لري دابن سينا روغتون ته څيرمه دماشومانو او ښځو دڅانګو لپاره جوړه شوې ده خو دتجهيزاتو دنشتوالي له امله تراوسه پورې داستفادې  وړ نه دى ګرځيدلى  .
   ختم_ عطاالله _اکرم

 

کابل/ باختر/ د کب دمياشتې ۷ مه
د عامې روغتيا وزارت نن د روغتيا د ملي څيړنې نتيجې د يوې غونډې په ترڅ کې اعلام کړې.
د هېواد دعامې روغتيا وزير ډاکتر فيروزالدين فيروز د دغې څيړنې نتيجې ښې وبللې او ويې ويل چې دغه څيړنه ښيي چې دخلکو په تېره بيا د ميندو او ماشومانو روغتيايي حالت دتيرو کلونوپه نسبت ډير ښه شوى دى او د دغه شان څيړنو ترسره کول مرسته کوي  .
ده وويل: د دغو څيړنو نتيجې د روغتيايي خدمتونو د ښه والي په اړوند د عامې روغتيا وزارت د کارونو ښکارندوى دى او دغه راز مرسته کوي هغه تشې چې په دې برخه کې شتون لري؛ ورباندې کار وشي.
د هېواد د عامې روغتيا وزير د دغې څيړنې يوې برخې ته اشاره وکړه او ويې ويل: د ميندو او ماشومانو د مړينې د کچې کموالى چې د دغه وزارت يو لومړيتوب دى، له نيکه مرغه په وروستي کال کې زيات کمښت موندلى دى.
په ٢٠٠٣م کال کې په هرو زرو ژونديو زيږينونو کې له  ٥کلنی څخه ښکته ٢٥٧تنو ماشومانو خپل ژوند له لاسه ورکاوه او اوس دغه شمېر په زرو زيږينونونو کې ٤٩تنه کمښت موندلى دى او دغه راز دميندو دمرينې په کچه کې هم زيات کمښت راغلى دى.
دعامې روغتيا د وزير دڅرګندونوله مخې: د روغتيايي مرکزونو شمېر د ٢٠٠٣ م کال  په پرتله له ٧٠٠ څخه  څه ناڅه ٤٠٠٠ ته زيات شوى دى او په مزمنې خوار ځواکۍ کې له ۶۰ سلنې څخه ۳۶ سلنې ته کمښت موندلى دى.
له بله پلوه ۶۸ سلنه خلک له دولتي روغتيايي مرکزونو څخه او ۳۸ سلنه له خصوصي روغتيايي مرکزونو څخه استفاده کوي.
سربېره پر دې د دغې څيړنې بله برخه ښيي چې۲۰ سلنه د واکسين خدمتونه او له زيږون څخه د مخکې څارنو ۵۱ سلنه د ٢٠٠٣ م کال په پرتله زيات شوي دي.
وروسته د مرکزي احصايې ادارې مسلکي مرستيال حسيب الله موحد وويل چې دغه څيړنه د دغې ادارې په همغږۍ ترسره شوې ده او وړاندې شوې شميرنې دقيقې او په هېواد او بهرکې د استفادې وړ دي .
دغه څيړڼه د عامې روغتيا وزارت له خوا د مرکزي احصایې دملي ادارې او د         ( ک.آى.ټي) پوهنتون په همکارۍ د ٢٠١٨ م کال دمارچ له مياشتې څخه د اګست تر  مياشتې پورې ترسره شوې ده .
په دې څيړنه کې له شلو زرو کورنيو سره مرکه شوې ده.
پاى \ج\ ذ

کابل/ باختر/ د کب دمياشتې ۵ مه
يو روغتون د هېواد په ختيځ  تورخم ښارګوټي کې پرانيستل شو .
دغه روغتون لس بسترونه لري او د داخلې، جراحۍ، نسايي ولادي او د معاينې څانګې لري.
د تورخم ښارګوټي او د ديورند کرښې ته څېرمه د شاوخوا کليو اوسيدونکي مخکې له دې د روغتون د نشتوالي له امله د مجبوره وو پاکستان ته لاړ شي او ياهم روغتون ته د رسيدو لپاره په هېواد کې دننه زياتې واټنونه ووهي.
د ننګرهار ولايت د عامې روغتيا رييس ډاکتر نجيب الله کامه وال دباختر اژانس خبريال ته وويل چې په دغه روغتون کې هره ورځ څه ناڅه ۵۰ تنه ناروغان درملنه  کېږي .
  دغه روغتون د عامې روغتيا وزارت له خوا د ۱۳ نيم ميليونو افغانيو په لګښت  جوړی شوى دى .
ډاکتر کامه  وال وايي چې دغه روغتون  په طبي تجهيزاتو سمبال شوى دى.
  ختم_  ج _ اکرم

 

Page 7 of 190