18 December 2018

RSS Facebook

سوداگریز


تازه خبرونه

څلور تنه وسله وال طالبان په روزګان کې ووژل شول

کابل \باختر\ دليندۍ دمياشتې٢٧نيټه : په روزګان ولايت کې څلورتنه وسله...

ډاکترکمال سادات: د ځوانانو چارو معينيت د ځوانانو لپاره د زده کړې فرصتونه برابروي

کابل \باختر\ دليندۍ دمياشتې٢٧نيټه : د اطلاعاتو او فرهنګ وزارت د...

د هېواد په بېلابېلو سیموکې۸۲ تنه ډار اچوونکي ووژل شول

کابل \باختر\ دليندۍ دمياشتې٢٧نيټه : د هېواد په بېلابېلو سیموکې د...

Youtube Player

khantry design

سوداگریز

سوداگریز

صحی

کابل \ باختردتلې دمياشتې ١٣نيټه : د افغانستان د اسلامي جمهوریت جمهوررئیس محمداشرف غني د بلخ ولایت حوزوي روغتون د پرانیستې او د دغه ولایت له بېلابېلو اقشارو سره د کتنې په موخه نن سهار د یو لوړ پوړي دولتي پلاوي په مشرۍ، بلخ ولایت ته ورسېد. دجمهوررئيس دوياند دفتر باخترآژانس ته خبر ورکړ. جمهوررئیس غني ته د مولانا جلاالدین محمدبلخي په نړيوال هوايي ډګر کې د بلخ ولایت مشرانو، متنفذینو او بېلابېلو اقشارو تود هرکلی ووایه. وروسته جمهوررئیس او د هېواد لومړۍ مېرمن د بلخ نسایي ولادي روغتون د پرانیستې ځای ته ولاړل او د ابو علي سینای بلخي د ۳۶۰ بستریز روغتون پرانیسته یې وکړه. جمهوررئیس د بلخ له والي محمداسحاق رهګذر، امنیه قوماندان، د ملي امنیت رئیس او د ۲۰۹ شاهین قول اردو قوماندان سره په جلا کتنو کې د هغوی د اجرااتوراپور واورېد. وروسته د جمهوررئیس محمداشرف غني اود وسله‎وال پوځ اعلی سرقوماندان په مشرۍ امنیتي غونډه کې چې د ولایت مقام په مقر کې جوړه شوې وه ، لوړ پوړو امنیتي او دفاعي مسوولینو د هېواد د شمالي ولایتونو د امنیتي وضعیت په اړه راپور وړاندې کړ. هغوی وویل ، د بلخ ولایت امنیتي وضعیت پرمثبت لورې حرکت کوي او د شمالي ولایتونو په ځانګړي ډول د ټاکنو د امنیت لپاره عملي پلانونه جوړ شوي دي. جمهوررئیس د شمال زون لپاره د امنيتي او دفاعي ځواکونو پر موقع د اجرااتو او د بریالۍ پلان جوړولو قدرداني وکړه وې ویل، شمالي ولایتونه د ټولو امنیتي او دفاعي قواو لومړیتوب دی او د مزارشریف ښار امنیت د کلیدي موضوع په حیث ځانګړی اهمیت لري. د هېواد جمهوررئیس د ځواکونو د سمې استفادې ترڅنګ د پامير فرقې په پیاوړتیا او د پوليسو په لیکو کې پراصلاحاتو ټینګار وکړ. پاى \ ذکرالله \

کابل باختر د تلې لسمه :
په هېوادکې د زړه د ناروغيو له امله رامنځته شوې پيښې د زياتوالي په حال کې دي او هرکال په هېوا کې ٥٠ زره تنه د زړه د ناروغيو له اخته کسانو په شمېر زياتيږي .
د باختر آژانس مفسر ليکي:
د تلې د مياشتې اتمه د زړه له ناروغيو سره د مبارزې او وقايې نړيواله ورځ ده .
سره له دې چې په افغانستان کې په دغو ناروغيو د اخته کسانو دقيق شمېر نه دى تثبيت شوى، خو د عامې روغتيا وزارت د مسوولينو له څرګندونو څخه جوتيږي چې په هېوادکې د زړه ناروغۍ په بې ساري  ډول د پراختيا په حال کې ده او هر کال په افغانستان کې ٥٠ زره تنه د زړه په ډول ډول ناروغيو اخته کيږي. په داسې حال کې چې له دغې ناروغۍ سره د مبارزې او د دغې ناروغۍ درملنې ته لږه پاملرنه شوې ده او په  هېوادکې د زړه د ناروغيو د درملنې امکانات ډير کمزورى دى او د عامې روغتيا وزارت مقامات په خپله اعتراف کوي چې د زړه په ناروغۍ د پنځوسو زرو تنو اخته کسانو له جملې څخه هر کال  نيمايي يې له منځه ځي. زيات عوامل شته چې زموږ په هېواد کې د زړه د ناروغيو د رامنځته کيدو او پراختيا سبب شوي دي. په لومړي ګام کې د هوا ککړتيا ده چې د سالندۍ او د زړه د ناروغيو د خپريدو سبب کيږي او بله مسئله د خوراکي توکو نه خونديتوب دى. په افغانستان کې زياتره  خوراکي توکي په تېره بيا غوړي معياري  نه دى او په هغه کې زياتره سوداګريزې او د خوند مسئلې په پام کې نيول کيږي .
د فزيکي کارونو نشتوالى، له ورزش سره د خلکو نه علاقمندي، د جګړې دوام او نا امنۍ، اقتصادي بې وزلى چې خپله د عصبي ناروغيو او د زړه د ناروغۍ سبب کيږي؛ هم هغه موارد دي چې په هېوادکې د زړه د ناروغيو د پراختيا سبب کيږي .
په داسې حال کې چې د زړه ناروغۍ په هېوادکې د يوې خطرناکې ناروغۍ په توګه د پراختيا په حال کې ده او په دغه هېوادکې د درملنې امکانات يې غير معياري او په ټيټه کچه کې دي. دا کار د دې سبب شوى دى چې د زړه په ناروغيو اخته کسان د درملنې لپاره ګاونډيو او د سيمې هېوادونو ته لاړ شي او  هر کال يوه زياته اندازه اسعار له هېواد څخه ووځي .
د عامې روغتيا وزارت چې د خلکو د روغتيايي او ټولنيز حالت په باب د دولت د پروګرامونو او پاليسيو د تطبيق مسوول دى، په هېوادکې د زړه د ناروغيو له امله انديښنه لري. په داسې حال کې چې د انديښنې  څرګندول د هغه مرجع له خوا چې خپله پاليسي، پروګرام او عمل جوړوي، ښه کار نه دى. خلک له مسوولو بنسټونو څخه د عمل او يون هيله لري. په داسې حال کې چې په افغانستان کې له ډول ډول ناروغيو سره د مبارزې لپاره نوښت او عمل په ټيټه کچه کې دي.  د زړه ناروغۍ سره له دې چې خطرناکې دي، خو د درملنې وړ دي. هغه څه چې په افغانستان کې د دغې ناروغۍ د ودې سبب شوي دي، په بېلابېلو بنسټونوکې د مسوولينو نه پاملرنه او د پروګرامونو نه شتون دي .
د دغې ستونزې لرې کول ډله ييزې همکارۍ ته اړتيا لري. که چيرې د عامې روغتيا وزارت ډول ډول پاليسۍ تدوينې کړي او د روغتيايي خدمتونو بهير وڅاري، د سوداګرۍ وزارت د باکيفيته  خوراکي توکو په واردولو تمرکز وکړي، د ژوندانه د چاپيريال ساتنې اداره له پاليسۍ  جوړولو څخه عمل ته مخه وکړي، زموږ سوداګر د بې کيفته توکو د واردولو پرځاى وجداني عمل وکړي  او د خپلې ګټې ترڅنګ عمومي ګټه هم په پام کې ونيسي او په پاى کې  خلک روغتيا پانګه وګڼي، له شک پرته به زموږ د خلکو د ټولنيز ژوندانه  يوشمېر ستونزې حل شي.
  ختم_ج _ اکرم

قندهار باختر د تلې ۹ مه
په  قندهار کې د بې پولې ډاکټرانو په مرسته د نري رنځ د درملنې په پار  ۲۵ بستریز  روغتون جوړېږي.
د دغه روغتون دبنسټ د ډبرې اېښودنې په مراسمو کې د قندهار د عامې روغتیا رېيس ډاکټر عبدالقيوم پخلا وویل: دغه روغتون د ۲،۱ مېلیونو یورو په لګښت سره جوړېږي  چې د یو کال په اوږدو کې به یې چارې بشپړې او ګټې اخېستنې ته به وسپارل شي.
د قندهار والي تورن جنرال زلمي ويساد روغتیا په برخه کې د دغه ساسي ګام ستاینه وکړه او ټولو قندهاريانو ته يې دیاد روغتون مبارکي وویله.
والي د امنيت او پوهنې ترڅنګ روغتيا هم اړينه وبلله او ويې ويل چې، ولايتي اداره به د دغه برخې په پياوړتيا کې کوټلي ګامونه پورته کوي.
د بې پولې ډاکټرانو د ادارې مسوول ( آلن دي لاروسا ) وويل: د دغه روغتون په بشپړېدو سره به په دغه ناروغۍ اخته ناروغان وکولای شي چې ډېر ښه او وړيا روغتيايي خدمتونه ترلاسه کړي .
د غونډې په وروستيو کې ولایتي ادارې يو شمېر ډاکترانو او د ( M.S..F یا بې پولې ډاکټران) ادارې مسوولينو ته ستاينليکونه ورکړل او ورته د لا برياليتوبونو هيله يې څرګنده کړه .
پای/وصال

 

کابل \باختردتلې دمياشتې ٧نيټه :
په بلخ ولایت کې د یوه روغتیایی کلینيک ودانۍ پرانستل شوه او ګټې اخیستنې ته وسپارل شوه.
د بلخ  د عامې روغتیا ريیس ډاکتر میرویس ربیع  د باختر آژانس خبریال ته وویل چې دغه کلینيک د عامې روغتیا وزارت  له بودجې څخه د ٣٠٠ زرو امریکایی ډالرو په لګښت د دوه جریبه ځمکې په ساحه کې په یو پوړکې په پاخه او اساسي ډول د دغه ولایت د چهارکنت ولسوالۍ په ایلاق سيمه کې جوړ شوې چې لس خونې لري.
ده زیاته کړه چې دغه کلینيک د شلو کلیو د څه د پاسه پنځلس زرو تنو ته روغتیایی خدمتونه وړاندې کوي .
پاى/سعیده

Page 8 of 176