20 May 2019

RSS Facebook

سوداگریز


تازه خبرونه

د هېواد په سویل ختیځ کې ۲۲ تنه وسله وال طالبان وژل شوي دي

کابل/باختر/ د غويي د میاشتې ۲۹ مه په تېرو څلرویشتو ساعتو...

Youtube Player

khantry design

سوداگریز

سوداگریز

صحی

ګرديز/ باختر دسلواغې لومړۍ
د ماشومانو د ګوزڼ ناروغۍ پرخلاف د پوليو واکسين کمپاين نن په پکتيا ولايت کې پيل شو .
  د پکتيا ولايت  د عامې روغتيا رييس  ګل احمد شاه لکڼوال باختر آژانس ته وويل چې په دغه کمپاين کې له پنځه کلنى څخه ښکته ۳۳۰ زره تنه ماشومان واکسين کيږي .
ده وويل چې د واکسين د تطبيق په خاطر روغتيايي کارکوونکي موظف دي چې هر کور ته لاړ شي .
ده د ديني عالمانو، قومي مشرانو او له مدني فعالانو څخه وغوښتل چې په دې برخه کې له دوى سره همکاري وکړي .
  ختم_ ج _ اکرم

کابل باختر دمرغومي  ديرشمه :
دسرپل ولايت روغتيايي مرکزونه ددغه ولايت  دعامې روغتيا درياست له خوا په طبي وسايلو  سمبال شول .
دسرپل ولايت  دعامې روغتيا رييس  ډاکتر نور احمد اسحق زي  دباختراژانس خبريال ته وويل چې په روان کال کې  ددغه ولايت په کچه  د يوسلو اتلسو مليونو افغانيو په لګښت شپږ شپيتو روغتيايي مرکزونو ته طبي تجهيزات  پيرودل شوي دي .
  ده زياته کړه چې پيرودل شوي  طبي وسايل او تجهيزات به له دې وروسته دزړو وسايلو پرځاى وکارول شي .
خبرځاى زياته کړه دغه وسايل  ولايتي روغتون ته  سپارل شوي دي
دسرپل ولايت  دعامې روغتيا رياست  دهېواددعامې روغتيا وزارت دلارښوونې له مخې دبي اس سي  په څيړنه کې  دريم مقام ترلاسه کړى دى .اوبلخ او هرات لومړى او دويمه مقامونه ترلاسه کړي دي .
  ختم_ ج – اکرم

 

کابل باختر دمرغومي  ديرشمه :
دنري  رنځ  په ناروغى يو زرو نهه سوه نهه اتيا تنه اخته ناروغان په روان کال کې دبغلان ولايت په روغتيايي مرکزونوکې تداوي شوي دي .
دبغلان ولايت دعامې روغتيا رياست دنري  رنځ  دڅانګې آمر ډاکتر غلام محي الدين همايون دباختراژانس له خبريال سره په مرکه کې وويل چې په روان کال کې د څه دپاسه  يو مليون تنه ناروغان چې دنري رنځ په ناروغى  په اخته کيدو مشکوک وو ددرملنې په خاطر دبغلان ولايت روغتيايي مرکزونو ته دتشخيص  او درملنې په خاطر  مراجعه کړى دى چې له دې جملې څخه يو زرو نهه سوه نهه اتيا تنه چې دنري  رنځ  په ناروغى  اخته و تداوي شوي دي .
دبغلان ولايت دعامې روغتيا رياست دنري رنځ دبرخې آمر همايون وويل چې په بغلان کې جګړې او ناامنۍ په تيره بيا دطالبانو ترکنترول لاندې سيمې په دغه ولايت کې دنري رنځ دناروغى دپيښو دموندلو په لاره کې  يوه ستره ستونزه ده .
ختم_ عطاالله _ اکرم

کابل باختر دمرغومي  ديرشمه :
دپوليو ويروس دپخوا  په شان په هېوادکې دماشومانو  او نويو زيږيدلو  په وړاندې ديوې سترې روغتيايي ننګونې په توګه پاتې دى  او دغه ستونزه به هغه وخت له منځه لاړه شي چې په وړاندې  يې په يوه ملي نظر  سره اقدام وشي .
دباختراژانس خبريال ليکي افغانستان ، پاکستان او نايجريا  په نړۍ کې هغه درې هېوادونه دي  چې په هغو کې  دپوليو ناروغي له منځه نه ده تللې اودهغو ګاونډيو هېوادونو ته دهغې دخپريدو خطر امکان لري .
له بده مرغه  په دغو دريو هېوادونوکې افغانستان دپوليو ډيره لوړه مثبته پيښه لري
په تيرميلادي کال کې  دنړۍ روغتيايي سازمان ددغې ناروغۍ  ٢١  مثبتې پيښې په افغانستان کې ثبت  کړې په داسې حال کې چې پاکستان يواځې اته مثبتې پيښې لرلې او په نايجريا کې هيڅ پيښه ثبت نه شوه
سره له دې چې په نايجريا کې له  ٢٠١٢ ميلادي کال   راپديخوا  دپوليو هيڅ مثبته پيښه نه ده ثبت شوې خو دغه هېواد لاتراوسه پورې هم دپوليو په ويروس  دککړو هېوادونو په جمله کې دى ځکه هغه معيارونه چې دپوليو دله منځه وړلو لپاره دنړۍ له روغتيايي سازمان  سره شته په نايجريا کې نه دي ترسره شوې .
پوليو دماشومتوب ددورې يوه خطرناکه ناروغي ده چې اخته ماشوم دتل لپاره فلج کوي
افغانستان په ١٩٩٤ ميلادي کال  کې دماشومانو دفلج  دناروغۍ پرخلاف  دنړيوالې مبارزې له پروګرام سره يوځاى شو دغه بهير په لومړيو کلونوکې يواځې دهېواد په څو ختيځو ولايتونو کې  پيل شوي و  خو په وروستيو کلونوکې دغه مبارزه سراسري شوه له هغه وخت څخه تراوسه پورې په هېواد کې دماشومانودفلج دناروغۍ پرخلاف دمبارزې سراسري پروګرام په څلورو دورو ،دوو پسرلنيو دورو  اودمني په دوو دورو کې  اجرا کېږي خو پوليو په افغانستان کې له منځه وړل شوې نه ده .
ستونزه په دې کې ده چې مخالفې وسله والې ډلې  پوليو په هېواد کې ديوې سترې روغتيايي ستونزې په توګه نه تعريفوي   بلکې هغه په سياسي  نظر سره تعقيبوي ، دپوليو په وړاندې سياسي نظر  له هغه وروسته زور واخست چې امريکايانو  په پاکستان کې دپوليو ديوه جعلي پروګرام  په ترسره کولو  سره داسامه بن لادن د استوګنې ځاى ته لاره وموندله او په پاى کې هغه يې وواژه .
دالقاعده  دډلې دمشر له وژل کيدو وروسته دافغانستان په جنوبي سيمو او دپاکستان په قبايلي  سيمو کې دپوليو واکسين  تطبيق  له زياتو  ستونزو سره يوځاى شو آن په هغو رضاکارو ډلو چې دپوليو دتطبيق لپاره يې کارکاوه بريدونه وشول  او يوشمير يې ووژل شول .
دافغانستان دولت له پوليو سره دمقابلې   په مقصد له منبرونو اوله سميه ئيزو مخورو مشرانو   څخه  دګټې اخستنې په ګډون زيات پروګرامونه طرحه او عملي کړ چې ددغې وژونکې  ناروغى دخپريدو اوپراختيا مخه يې  نيولې وي چې په برياليتوب سره تعقيب شول خو دهغې په بشپړ له منځه وړلو بريالى نه شو
سره له دې چې دنړۍ روغتيايي سازمان  دوروستيو کلونو په بهير کې  په افغانستان کې دماشومانو دپوليو يا فلج ناروغى دپيښو دکمښت خبرورکړى دى خو وروستۍ موخې ته رسيدل چې  هماغه  ددغې ناروغى بيخې له منځه وړل دي سخته لاره بولي او دهغى دبشپړ له منځه وړلو لپاره په ټولو کچو کې دافغانستان دخلکو دهکارى غوښتنه کوي
  هيلې دادي  چې له پوليوسره دماشومانو دغلي دښمن په توګه مقابله وشي
  سياسي نظر نه يواځې  دستونزې دغوټې خلاصوونکي نه دى خو دافغانستان په ټولنه کې په نورو غوټو بله غوټه زياتوي  بايد په عاطفې  سره عمل وکړو ترڅو ماشومان چې ددې هېواد دراتلوونکې  وارثان دي  دپوليو له شر څخه خوندي کړو .   ختم_ عطاالله_ اکرم

 

Page 9 of 188