19 April 2019

RSS Facebook

سوداگریز


تازه خبرونه

 په کندز کې د اوبو د يوه سربند دجوړولو کار پيل شو

په کندز کې د اوبو د يوه سربند دجوړولو کار پيل شو

کابل باختر د وري نهه ويشتمه : دکابو يو مليون افغانيو...

په بغلان کې   دکرنيزو اوبو يو کانال رغول کېږي

په بغلان کې دکرنيزو اوبو يو کانال رغول کېږي

کابل باختر د وري نهه ويشتمه : د کليو د بيا...

Youtube Player

khantry design

سوداگریز

سوداگریز

صحی

کابل \باختردمرغومي دمياشتې٥ نيټه:
يوه زياته اندازه بې کيفيته او تېرتاريخ درمل پرون په زرنج ښارکې د نيمروز ولايت  د عامې روغتيا د مسوولينو له خوا کشف او ضبط شول.
د نيمروز ولايت د عامې روغتيا رئيس ډاکتر خسرو يوسفزي د باختر آژانس خبريال ته وويل چې ددغه رياست کارکوونکو څه دپاسه ٤٠ زره بوتله کيفيته درمل چې د يوه تجارتي شرکت له خوا له هند څخه وارد شوي و، کشف او ضبط کړل.
ويل کيږي په روان کال کې ١٧ ټنه بې کيفيته خوراکي توکي او ٦ ټنه بې کيفيته درمل په زرنج ښارکې د عامې روغتيا د مسوولينو له خوا له منځه وړل شوي دي.
پاى \ج\ ذ

کابل \باختردمرغومي دمياشتې٥ نيټه:
د روغتيايي شکايتونو او سرغړونو د څيړنې په خاطر د همکارۍ درې اړخيز تفاهم ليک نن د عامې روغتيا وزارت، د افغانستان د طبي شورا او د لوى څارنوالۍ د ادارې  ترمنځ لاسليک شو .
د باختر آژانس د خبريال دخبرله مخې، د دغه تفاهم ليک له مخې: د ناروغ، ناروغ لرونکي او ډاکتر حقوقو ته پاملرنه کيږي.
د افغانستان د طبي شورا رئيسې ډاکترې نسرين اورياخيل د دغه تفاهم ليک د لاسليک کولو په وخت کې وويل: دناروغ او ډاکتر د شکايتونو د څيړنې د معياري کولو د روزنې د پياوړتيا او ښه والي او د روغتيايي سيستم د معياري کولوپه خاطر دطبي شورا جوړولو ته يوه اړتيا وه چې يو نيم کال مخکې د هېواد د جمهور رئيس دفرمان له مخې جوړه شوه.
دې وويل: پخوا د روغتيايي شکايتونو او سرغړونو د  څيړنې لپاره بېلابېلې ادارې موجودې وې، خو د قضيو د څيړنې لپاره د يو واحد ارګان نه شتون او د طبي شکايتونو او سرغړونو په اړوند د مسلکي نظر نه څرګندوالى د هېواد په روغتيايي سيستم د خلکو د باور دکمښت سبب شوى و.
دې وويل: د دغه تفاهم ليک لاسليک کول د اړوندو بنسټونو ترمنځ همغږي زياتوي. وروسته دعامي روغتيا وزير ډاکتر فيروزالدين فيروز خبرې وکړې او ويې ويل: په هېواد کې د روغتيايي شورا جوړول يوه اړتيا وه او دغه شورا روغتيايي خدمتونو ته اجازه ورکوي .
ده وويل: زياتره متخصصين چې د تحصيل د دوام په خاطر نه منل کيږي، له دې امله  چې د روغتيايي شورا تصديق نلري .
ده د دغه تفاهم ليک لاسليک کول د ناروغ او ډاکتر د حقوقو د دفاع په لاره کې يو مهم ګام وباله او ويې ويل: ډاکتران د روغتيايي خدمتونو د وړاندې کولو په وخت کې زياتې هلې ځلې کوي چې د ناروغ ژوند وژغوري او په ځينو وختونو کې اختلالات د مړينې سبب کيږي چې د شکايت وړ دي .
ده وويل: د ډاکتر او ناروغ د شکايتونو دڅيړنې په خاطر دې ته اړتيا وه چې يو تفاهم ليک لاسليک شي چې د دواړو حقوق خوندي شي.
وروسته د افغانستان د اسلامي جمهوريت لوى څارنوال څارنپوه محمد فريد حميدي خبرې وکړې او ويې ويل: ډاکتران او روغتيايي کارکوونکي له امنيتي ستونزو سره سره د هېواد په ګوټ ګوټ کې خلکو ته روغتيايي خدمتونه وړاندې کوي.
ده وويل: د افغانستان روغتيايي شورا ستر نوښت کړى دى چې د ناروغ، ناروغ لرونکي او ډاکتر حقوق وڅيړل شي او په هېواد کې هرڅوک حق لري چې معياري روغتيايي خدمتونو ته لاسرسى ولري .
ده زياته کړه: کله چې شکايت عادلانه او منصفانه وي، څيړل کيږي او په دې حالت کې د دواړو حقوق خوندي دي.
پاى\ ذکرالله \

کابل باختر د  مرغومي  پنځمه :
په هرات ولايت کې د پوليسو ٢٠ بستريز روغتون به په نږدې راتلوونکي کې بشپړ او ګټې اخيستنې ته وسپارل شي .
د پوليسو ٢٠ بستريز روغتون چې د هرات ولايت د امنيه قوماندان پاسوال امين الله امرخيل، د ملکي معاونيت، د تعميراتو د آمريت او د قوماندانۍ د روغتيايي آمريت په هلوځلو سره د جوړولو کار يې دوه مياشتې مخکې پيل شوى دى، ټاکل شوې ده په نږدې راتلوونکي کې د جوړيدو کار يې بشپړ او ګټې اخيستنې ته وسپارل شي .
دغه روغتون ٢٠ بسترونه لري او ټاکل شوې ده د هرات ولايت پوليسو ته  معياري روغتيايي خدمتونه وړاندې کړي.
  ختم_ ج _ اکرم

کابل باختر د  مرغومي  پنځمه :
په روغتيا برخه کې له بې وزلو ښځو سره د مرستې په مقصد يو پروګرام په نږدې راتلوونکي کې په هرات ولايت کې پيليږي.
دغه پروګرام د افغانستان د اسلامي جمهوريت د کابينې د مصوبې له مخې د بې وزلو ښځو د ملاتړ او د مېرمنو له روغتيايي چارو سره د مرستې په مقصد ترسره کيږي . 
د هرات ولايت مرستيال او سرپرست محى الدين نوري د دغه پروګرام له اړوندو تطبيقوونکو مسوولينو سره په کتنه کې د شفافيت په تامينولو او د ځواب ورکولو د اصل په رعايتولو ټينګار وکړ .
دغه راز د هرات ولايت روغتيايي مسوولينو هم دغه پروګرام له بې وزلو ښځو سره د مرستې په لاره کې چې روغتيايي کلينکونو ته  ورځي، اغېزمن وباله.
په دغه پروګرام کې هغه بې وزلې ښځې شاملې دي چې د روغتيايي خدمتونو د ترلاسه کولو په خاطر روغتيايي مرکزنو ته ورځي .
  ختم_ ج _ اکرم

Page 10 of 186