19 July 2018

RSS Facebook

سوداگریز


تازه خبرونه

نهه تنه پاکستاني طالبان ووژل شول .

کابل باختر د چنګاښ ٢٧ نيټه : نهه تنه پاکستاني طالبان...

دطالبانو او داعشيانو ترمنځ خونړى جګړې دوام لري .

کابل باختر د چنګاښ ٢٧ نيټه : دداعشيانو او طالبانو په...

Youtube Player

khantry design

سوداگریز

سوداگریز

صحی

اسعد اباد باختر د وري د مياشتې ٢٢ مه
په کونړ ولایت کې نږدی اتلس زره  کوچنیان له واکسینو څخه بې برخې پاتې کېږی چی له امله يې په دغه ولايت کې د پولیودوه مثبتې  پیښې هم موندل شوي دي. 
د کونړ اوسیدونکي  په دغه ولایت کې د پولیو ورستیو تازه مثبتو پیښو اندېښمن کړي او وایې که د پولیو وایروس له منځه لاړ نه شي امکان شته چې ګڼ شمېر نور ماشومان هم د دغه خطرناک وایروس ښکارشي.
که څه هم د کونړ دعامې روغتیا ریاست چارواکي د پولیو پرضد د واکسینو د کمپاین په هره دوره کې دهغو ماشومانو چې  د پولیو له واکسینو بې برخې پاتې دي د واکسینو د ورکړې خبره کوي خولاهم د دغه ولایت په اتو هغو ولسوالیوکې چې د دولت وسله والې مخالفې ډلې پکې شتون لري نږدې اتلس زره ماشومان د پولیو د واکسینو د دووڅاڅکو د ورکړي څخه بې برخې پاتې دي .
د کونړ اوسیدونکي اوس د پولیو دوو هغو مثبتو پېښو اندېښمن کړي چې تازه په دغه ولایت کې ثبتې شوي دي .
دوی وایی که غم یی ونه خوړل شی شاید دغه پیښې لاهم زیاتې شي،نو دیني عالمان او قومی مشران دې په دغه برخه کې خپل مسووليت ادا کړي ترڅودا ډول پیښې له منځه لاړې شي.
په کونړ کې د عامې روغتیا ریېس ډاکټر عزیزالرحمن صافي د باختر اژانس سيمه يېز خبريال ته وويل چې، د پولیوتازه دوه مثبتې پیښې د دغه ولایت په غازي اباد ولسوالۍ کې په  هغو کورنیو کې رامنځته شوي چې د واکسینو له تطبيق سره یې مخالفت درلود او خپل کوچنیان یې نه واکسین کول.
هاخوا د کونړ ارشاد حج اوقافو ریېس مولوي نورالمعبود احساس بیا وایې هغه خلک چې د ګوزن د واکسینو پر وړاندې مخالفت کوي هیڅ شرعي جواز نه لري.
احساس زياتوي چې ديني عالمانو ته یې دنده سپارلې څو د خپلو خطبوله لارې د پولیو د واکسینو په ارزښت او اهمیت خلکو ته پوهاوى ورکړى اوخلک يې په ګټو پوى کړي.پاى_ وصال

لښکر ګاه باختر د وري  د میاشتې ۲۰ مه
د هلمند چارواکي وايي چې په دغه  دوره کې به د لښکرګاه ښار په ګډون په ټولو ولسوالیو کې شاوخوا اته سوه پنځوس زره ماشومان واکسین شي.
د هلمند ولایت د عامې روغتیا د کتلوي معافیت مشر ډاکټر عصمت الله د باختراژانس سیمه يېز خبریال ته وویل چې له نېکه مرغه د تېر يوه کال په اوږدو کې په دغه ولايت کې د فلج هيڅ يوه مثبته پېښه نه ده ثبت شوې.
هغه د ټولو کورنیو له مشرانو څخه هیله وکړه چې خپلو ماشومانو ته د پولیو ضد واکسین تطبیق کړي.
په همدې حال کې د هلمند والي حیات الله حیات وویل: واکسين د نړۍ په کچه يوه مهمه پروسه ده، چې زموږ د ماشومانو د ژغورنې او خونديتوب لپاره ترسره کېږي.
هغه زیاته کړه، دا د ټولنې د هر فرد مسوولیت دی چې  خلکو ته د واکسینو د ګټو په اړه  پوهاوی ورکړي او له رضاکارانو سره د واکسينو د کمپاين په ښه تطبيق کې همکاري وکړي.پای/وصال

جلال اباد باختر د وري د میاشتې ۲۰ مه
په ننګرهار کې نږدې دوه زره تنو بڼوالو ته د ناروغیو او افاتو د مخنیوي په موخه بیولوژیکي مواد ووېشل شول.
د کرنې، اوبولګولو او مالدارۍ وزارت د بڼوالۍ او مالدارۍ ملي پروژې(NHLP)له لورې د ننګرهار په خوږياڼو، سره رود، رودات، بټي کوټ، غني خېل، مهمندرې، ګوشتې، کامې، دره نور، کوز کونړ او د بهسود په ولسوالیو کې نږدې دوه زره تنو بڼوالو ته چې په یوسل او پنځه ساحوي ګروپونو کې ځای پرځای شوي دي نهه قلمه بېلا بېل بیولوژیکي مواد ووېشل شول.
په دغو موادو کې حشره وژونکي، فنګس وژونکي، افت وژونکي او بورډو مکسچر شامل وو چې بڼوالو ته په وړیا ډول ووېشل شول.
د ننګرهار ولایت د کرنې ریېس رفیع الله رحيمزي د باختر اژانس سیمه ييز خبریال ته وويل، چې پخوا به د نباتي ناروغیو او افاتو د کنترول په موخه د کیمیاوي درملو څخه ګټه اخیستل کېده چې له ځانه سره به یې ګڼ شمېر جانبی عوارض درلودل.
خو اوس بیولوژیکي مواد د نباتي ناروغیو اوافاتو څخه د درملنې په موخه استفاده کېږی چې هیڅ ډول منفی او جانبي عوارض نه لري.
په همدې حال کې د دغو یوولسو ولسوالیو مسوولینو د ننګرهار د  کرنې ریاست، د بڼوالۍ او مالدارۍ ملي پروژې( NHLP) له مسوولینو څخه مننه و کړه، چې تل یې د بزګرانو او مالدارانو سره په بېلا بېلو برخو کې لازمې مرستې کړي دي.پای/وصال

 

قلات باختر د وري د میاشتې ۲۰ مه
په زابل ولایت کې د واکسیناسیون پنځه ورځنی ملي کمپاین یو ماشوم ته د پولیو د دوه څاڅکو په ورکولو سره پیل شو.
ځایي چارواکي وايي چې د واکسینو په دغه کمپاین به د قلات ښار په ګډون په ټولو ولسوالیو کې یو سلو پنځوس زره ماشومان واکسین شي.
د زابل ولایت د عامې روغتيا  ریېس ډاکټرلعل محمد توخي له خلکو څخه وغوښتل چې خپلو ټولو له  پنځو کالونو څخه کم عمره ماشومانو ته د ګوزن څخه د مخنیوي په موخه واکسین تطبیق کړي.پای/وصال

Page 10 of 163