20 July 2018

RSS Facebook

سوداگریز


تازه خبرونه

جمهوررئیس غني د جمهوري ریاست (ارګ) ارشیف پرانیست

جمهوررئیس غني د جمهوري ریاست (ارګ) ارشیف پرانیست

کابل \باختردچنګاښ دمياشتې٢٨نيټه : د افغانستان د اسلامي...

په فراه کې دوسله والوطالبانو دډلې يو مرکز له منځه يوړل شو

په فراه کې دوسله والوطالبانو دډلې يو مرکز له منځه يوړل شو

دفراه ښار\باختردچنګاښ دمياشتې٢٨نيټه : هوايي ځواکونو تيره شپه ...

Youtube Player

khantry design

سوداگریز

سوداگریز

صحی

کابل_باختر_ د چنګاښ د مياشتې ١٢مه د افغانستان د اسلامي جمهوریت جمهوررئیس محمداشرف غني ننګرهار ولایت ته د خپل سفر په دویمه ورځ پرون غرمه د ننګرهار د روغتیايي کارکوونکو د اتحادیې او د عامې روغتیا ریاست له مسوولینو سره په شاهي ماڼۍ کې وکتل. د جمهور رييس د وياند دفتر باختر آژانس ته خبر ورکړ: د غونډې د ګډونوالو په استازیتوب ډاکټر صباح الدین صباح خبرې وکړې او جمهوررئیس ته یې د ښه راغلاست ترڅنګ وویل، طبابت یو ملي او غیر سیاسي مسلک دی چې ټولو هېوادوالو ته له کوم توپېر پرته روغتیايي خدمات برابروي، خو اوس دا سکتور له ګڼو ستونزو سره مخ دی. نوموړى د ننګرهار د نفوس زیاتوالي ته په اشاري وویل، د ننګرهار د عامې روغتیا روغتون امکانات د ننګرهار د نفوسو په پام کې نیولو سره بسنه نه کوي او د بسترونو، د پرسونل له کموالي او طبي وسایلو له نشتوالي سره مخ دی. هغه دغه راز انجیوګانو ته د ځینو کلینیکونو د قرارداد د ورکړې یادونه وکړه وې ویل، د دغو کلینیکونو کارکونکي د تقاعد له امتیازاتو څخه بې برخه کېږي چې د دوی د خدمت په پام کې نیولو سره دوی باید له دې حق څخه محروم نشي. دغه راز یې د روغتیایي کارکونکو د امنیت د تامین او په ننګرهار کې د نوي ایجاد شوي روغتیايي سکتور ودې ته د پاملرنې په برخو کې خپل وړاندېزونه او غوښتنې له جمهوررېیس سره شریکې کړې. جمهوررئیس غني له ډاکټرانو څخه له دې امله مننه وکړه چې تل یې هېوادوالو ته د خدماتو په وړاندې کولو کې هلې ځلې کړي او ژمنه یې وکړه: هغو ستونزو ته به لومړیتوب ورکول کېږي چې ډېرې مهمې دي او د ننګرهار والي او امنیتي مقاماتو ته یې لارښوونه وکړه چې د ډاکټرانو د استازو په ګډون دې ګډه امنیتي کمېټه جوړه کړي او د ډاکټرانو د امنیتي ستونزو د حل په خاطر دې په میاشت کې یو ځل غونډه کوي. دغه راز جمهوررئیس غني د عامې روغتیا وزیر ته لارښوونه وکړه چې انجیوګانو ته د کلینیکونو د ورکړې په قراردادونو له سره کتنه او غور وکړي تر څو دا ستونزې دې په اساسي توګه حل شي. جمهوررئیس ټینګار وکړ: د خدماتو واضح معیارونه باید موجود وي ترڅو کیفیت لوړ شي. هغه زیاته کړه، که څه هم د نظامي روغتونو وضعیت تر پخوا ډېر ښه شوی خو سره له دې چې د پولیسو په روغتونونوکې لاهم ستونزې شته مګر د ملکي روغتونونو وضعیت لا هم خراب او د منلو وړ نه دی او ترهغې چې معیارونه پورته نشي د شخصي روغتونونو، انستیتیوتونو د جوړولو اجازه نه ورکوم. جمهوررئیس څرګنده کړه: لاهم زموږ ډېری هېوادوال د عادي ناروغیو د درملنې لپاره بهرنیو هېوادونو ته سفرونه کوي، خو که په هېواد کې کیفیت ته د پام ترڅنګ د باور فضا رامنځته شي، ډاډمن یم چې په هېواد کې به یې درملنه ممکنه شي. جمهوررئیس غني ډاکټرانو ته په وینا کې وویل، د ننګرهار والي ته یې د ستونزو د حل په موخه ځانګړي هدایات او صلاحیتونه ورکړي. هغه د اصلاحاتو د پلي کولو په موخه وویل، ټول ریاستونه به د ننګرهار والي او ولسونو له لورې اروزل کېږي، ځکه ولس نور د قانون حاکمیت او تطبیق غواړي.# پاى_ذ

ګردیز باختر د چنګاښ د میاشتې ۶ مه
د زابل ولایت د قلات ښار په ګډون د دغه ولایت په ټولو ولسواليو کې به څه د پاسه سل زره څاروي د طاعون (وبا) ناروغۍ څخه د مخنیوي په موخه واکسین شي.
ځايي چارواکي وايي چې؛ دغه پروسه اوسمهال د قلات په ښار کې پیل شوې ده او په نږدې راتلوونکي کې به ټولو ولسواليو ته وغځول شي.
د زابل د کرنې او مالدارۍ رېیس صفت الله اکرم خېل د باختر اژانس سیمه یېز خبریال  ته وویل چې دغه واکسین د هالنډ کمېټې (FAO) په مرسته او د کرنې، اوبولګولو او مالدارۍ ریاست په همکارۍ په دریو پړاونوکې په وړو شخوند وهوونکو څارويو باندې د طاعون د ناروغۍ څخه د مخنیوي په موخه پلي کېږي.
پای/وصال

کابل باختر دچنګاښ يوولسمه
د افغانستان د اسلامي جمهوریت جمهوررئیس محمداشرف غني ننګرهار ولایت ته د خپل سفر په دویمه ورځ نن غرمه د ننګرهار د روغتیايي کارکوونکو د اتحادیې او د عامې روغتیا ریاست له مسوولینو سره په شاهي ماڼۍ کې وکتل.
دجمهوررييس دوياند دفترباخترآژانس ته خبر ورکړ.
د غونډې د ګډونوالو په استازیتوب ډاکټر صباح الدین صباح خبرې وکړې او جمهوررئیس ته یې د ښه راغلاست ترڅنګ وویل، طبابت یو ملي او غیر سیاسي مسلک دی چې ټولو هېوادوالو ته له کوم توپېر پرته روغتیايي خدمات برابروي، خو اوس دا سکتور له ګڼو ستونزو سره مخامخ دی..
ده د ننګرهار  دوکړو زیاتوالي ته په اشاري سره وویل، دننګرهار د عامې روغتیا روغتون امکانات د ننګرهار دوګړو په پام کې نیولو سره بسنه نه کوي او د بسترونو، د پرسونل د کموالي او طبي وسایلو د نشتوالي سره مخامخ دی.
هغه دغه راز انجیوګانو ته د ځینو کلینیکونو د قرارداد د ورکړې یادونه وکړه ويې ویل، د دغو کلینیکونو کارکونکي د تقاعد له امتیازاتو څخه بې برخه کېږي چې د دوی د خدمت په پام کې نیولو سره دوی باید له دې حق څخه بې برخې نه شي.  دغه راز یې د روغتیایي کارکونکو د امنیت د تامین او په ننګرهار کې د نوي ایجاد شوي روغتیايي سکتور ودې ته د پاملرنې په برخو کې خپل وړاندېزونه او غوښتنې له جمهوررېیس سره شریکې کړې.
جمهوررئیس غني ډاکټرانو څخه له دې امله مننه و کړه چې تل یې هېوادوالو ته د خدماتو په وړاندې کولو کې هلې ځلې کړي او ژمنه یې وکړه هغو ستونزو ته به لومړیتوب ورکول کېږي چې ډېرې مهمې دي او د ننګرهار والي او امنیتي مقاماتو ته یې لارښوونه وکړه چې د ډاکټرانو د استازو په ګډون دې ګډه امنیتي کمېټه جوړه کړي او د ډاکټرانو د امنیتي ستونزو د حل په خاطر دې میاشت کې یو ځل غونده کوي.
دغه راز جمهوررئیس غني د عامې روغتیا وزیر ته لارښوونه وکړه چې انجیوګانو ته د کلینیکونو د ورکړې په قراردادونو له سره کتنه او غور وکړي تر څو دا ستونزې دې په اساسي توګه حل شي.
جمهوررئیس  ټینګار وکړ د خدماتو واضح معیارونه باید موجود وي ترڅو کیفیت لوړ شي. هغه زیاته کړه، که څه هم د نظامي روغتونو وضعیت تر پخوا ډېر ښه شوی خو سره له دې چې د پولیسو په روغتونونو کې لاهم ستونزې شته مګر د ملکي روغتونونو وضعیت لا هم خراب او د منلو وړ نه دی او ترهغې چې معیارونه پورته نشي د شخصي روغتونونو ، انستیتیوتونو د جوړولو اجازه نه ورکوم.
جمهوررئیس څرګنده کړه لاهم زموږ ډېری هېوادوال د عادي ناروغیو د درملنې لپاره بهرنیو هېوادونو ته سفرونه کوي، خو که په هېواد کې کیفیت ته د پام ترڅنګ د باور فضا رامنځته شي ډاډمن یم چې په هېواد کې به یې درملنه ممکنه شي.
جمهوررئیس غني ډاکټرانو ته په وینا کې وویل، د ننګرهار والي ته یې د ستونزو د حل په موخه ځانګړي هدایات او صلاحیتونه ورکړي. هغه د اصلاحاتو د پلي کولو په موخه وویل، ټول ریاستونه به د ننګرهارد والي او ولسونو له لورې اروزل کېږي، ځکه ولس نور د قانون حاکمیت او تطبیق غواړي.#پاى- ع

کابل باختر دچنګاښ يوولسمه :
داطلاعاتو اوفرهنګ وزارت دفرهنګ او هنر  معين پوهاند محمد رسول باوري وايي چې دوينې ورکړه دروغتيا زيرى او دپيوستون  بنسټ دى له دې امله خلک  په تيره بيا ځوانان بايد اړو کسانو ته دوينې په ورکړه کې مخکښ واوسي .
داطلاعاتو اوفرهنګ وزارت دځوانانو دچارو معين  درڼا خصوصي پوهنتون ، دوينې دورکړې بنسټ او افغان محصلانو ته دوينې دورکړې نړيواله  ورځ ديوې  پرتمينې  غونډې په ترڅ کې ونمانځله .
پوهاند باوري  له ځوانانو څخه وغوښتل  چې اړو کسانو او دهېواددامنيتي ځواکونو ټپيانو ته دوينې دورکرې  په خاطر ډير نږدې روغتيايي مرکز ته ورشي او دڅو څاڅکو  وينو په ورکولو سره دخپلو هېوادوالو ژوند  وژغوري .
دعامې روغتيا وزارت د روغتيايي خدمتونو دوړاندې کولو معين ډاکتر فدامحمد پيکان په دې غونډه کې دوينې دورکړې  دنړيوالې ورځې له امله دمبارکى دمراتبو  دڅرګندولو په ترڅ کې وويل  بايد په دې پوه شو چې زموږ په سلګونو تنه هېوادوال ستاسو دوينې څاڅکو ته سترګې پرلاره دي په هېواد کې اوسنى حالت او روانه جګړه غواړي چې زموږ هېوادوال  په هرځاى کې چې دي اړو کسانو ته وينه ورکړي .
ده زياته کړه چې له اتلس کلنى  څخه تر شپيته کلنۍ  پورې يو سالم شخص په يوکال کې کولاى شي  تر څلورو ځلو پورې وينه ورکړي  دوينې په ورکړې سره دبدن  دوينې توليدونکي غړي فعاليږي او مصرفه شوې وينه بيا پوره کوي .
دغونډې په پاى کې  دځوانانو او برخه والو له خوا دسلګونو سي سي وينې دراټولولو په ترڅ کې  يوشمير هغو ځوانانو ته چې دوينې په ورکړه  کې مخکښ دي او تل اړو کسانو ته  وينه ورکوي  دځوانانو دچارو معينيت او دافغان محصلانو دوينې دورکړې دبنسټ  له خوا ستاين ليکونه ورکړى شول .
ختم _ عطاالله _ اکرم

Page 2 of 163