17 December 2017

RSS Facebook

سوداگریز


تازه خبرونه

د دولسو پروژو کار بشپړ شو

کابل \باختردليندۍ دمياشتې٢٦ نيټه : د کليو د بيا...

شپيتو کورنيو ته د څښاک اوبه برابرې شوې

شپيتو کورنيو ته د څښاک اوبه برابرې شوې

کابل \باختردليندۍ دمياشتې٢٦ نيټه : د کليو د بيا...

په ننګرهارکې د اوبو رسولو يوه شبکه جوړيږي

په ننګرهارکې د اوبو رسولو يوه شبکه جوړيږي

کابل \باختردليندۍ دمياشتې٢٦ نيټه : د اوبو رسولو د...

Youtube Player

khantry design

سوداگریز

سوداگریز

صحی

جلال آباد  \ باختردليندۍ دمياشتې ١٢نيټه :
ننګرهار  امبولانس نن په کار او فعاليت پيل وکړ.
دغه مرکز په لومړي ګام کې په طبي دستګاو له اوو سمبالو امبولانسونو سره  د دغه ختيځ ولايت د خلکوپه خدمت کې دى.
د ننګرهار ولايت دعامې روغتيا رئيس ډاکتر نجيب الله کامه وال باختر آژانس ته وويل چې دننګرهار امبولانس د عامې روغتيا وزارت له خوا د لسو ميليونو افغانيو په پانګه جوړ شوى دى.
ده وويل: ناروغ لرونکي هر وخت او له هر ځاى څخه کولاى شي ډير روغتيايي مرکز ته د خپلو ناروغانو د ليږدونې لپاره د ټيلفون له لارې دننګرهار امبولانس له  مرکز سره اړيکې ونيسي .
د عامې روغتيا وزير ډاکتر فيروز الدين فيروز  دننګرهار امبولانس له مرکز څخه  دګټې اخيستنې په مراسموکې وويل چې ددغه مرکز دکار پيل په خپل وخت  روغتونونو ته  د ناروغانو د رسولو لپاره يو ستر ګام دى.
ده وويل چې په راتلوونکي  ګام کې به د دغه مرکز د امبولانسونو شمېر زيات شي چې په آسانۍ سره کولاى شي ټول ناروغان د خپلو خدمتونو تر پوښښ لاندې ونيسي.
د ننګرهار والي ګلاب منګل وايي چې په خپل وخت روغتونونو ته د ناروغانو  د ليږدونې لپاره د يوه فعال مرکز نه شتون د ننګرهار خلکو په وړاندې يوه ستره ستونزه وه.
پاى \ذکرالله \

کابل باختر د ليندي نهمه :
دعامې روغتيا وزارت دپاليسي او پلان معين ډاکتر احمدجان  نعيم پرون د دوه پنځوس  اعشاريه پنځو مليونو امريکايي ډالرو مرستې تفاهم ليک چې  دنړيوال  وجهي صندوق  يا دګلوبل  فند له خوا دايدز ، نرى  رنځ  او دملاريا د ناروغيو پرخلاف دمبارزې  په موخه  چې دافغانستان دروغتيا له برخې سره شوې ده ددغه پروګرام له تطبيق  کوونکي دملګروملتو دپرمختيايي پروګرام له عامل رييس جوسلين ماسون سره لاسليک کړ .
دباختراژانس دخبريال دخبرله مخې، دعامې روغتيا وزارت دپاليسي او پلان معين ډاکتر احمدجان نعيم ددغه تفاهم ليک دلاسليک کولو په وخت کې دافغانستان دحکومت او دعامې روغتيا وزارت په استازيتوب  دهېواد دروغتيا له برخې سره دګلوبل فند  دمالي مرستو له امله مننه او قدرداني وکړه او ويې ويل  دغه مالي مرستې کولاى شي دپشه خانو په ويش او دملاريا دپيښو په اداره کولو سره دملاريا دوقايوي  اقداماتو دپراختيا او پياوړتيا له لارې دافغانستان روغتيايي حالت ښه کړي .  دملاريا پرخلاف دمبارزې دفعاليتونو ملاتړ ، افغانستان په دې بريالى کوي چې دپرله پسې  انکشاف له نړيوالو  موخو سره همغږى شي او وکولاى شي تر  ٢٠٣٠ ميلادي کال پورې له هېوادڅخه دملاريا ناروغي له منځه يوسي .
  دغه راز دعامې روغتيا وزارت دافغانستان ټولو خلکو ته د روغتيايي خدمتونو درسولو په مقصد دخپلو کاري شريکانو په همکاري  ددغې پروژې  په تطبيقولو  ژمن دى .
  داکتر نعيم ټينګار وکړ چې ددغو مرستو بله موخه د نرى  رنځ دستونزو لپاره دنوښتي او ځواب ورکوونکو ستراتيژيو  پراختيا او په افغانستان کې  د روغتيايي  نظام دپياوړتيا په لاره کې نوي نوښتونه  دي .
دنرى رنځ  دکنترول دپروګرام په ملاتړ سره د ٢٠١٥ ميلادي کال دارقامو په پرتله تر  ٢٠٢١ ميلادي کال پورې دنرى رنځ  له امله د مړينې کچه په سلو کې پنځوس کمښت مومي او دروغتيايي نظام په پياوړتيا  سره به د اچ آي  وي ايدز، نرى رنځ ، ملاريا او داميدوارى دعمر ، مورتوب او دماشوم توب د دورې دناروغيو له امله دمړينې کچه کمښت ومومي .
دغه راز ددغو مالي  مرستو يوه برخه  داچ آي وي  په ويروس څه دپاسه  ٢٠٠٠ تنو اخته کسانو ته د ويروس  ضد درملو دبرابرولو او څه دپاسه څلورو زرو تنو ته داچ آي وي دوقايوي خدمتونو دوړاندې کولو لپاره  په پام کې نيول شوې ده
دملاريا دناروغۍ  دوقايې  او دملاريا دڅه دپاسه اووه سوه  زرو پيښو ددرملنې دتشخيص په موخه د څه دپاسه څلورو ميليونو پشه خانو برابرول او ويش ددغه پروګرام يوه بله  برخه ده په اوسني مرسته کې دنرى رنځ  په ناروغۍ  دڅه دپاسه يوسلو اته پنځوسو زرو تنو داخته کسانو  درملنه هم شامله ده چې په راتلوونکو دريو کلونوکې به تر علاج او درملنې لاندې  ونيول شي .
په همدې حال کې دافغانستان  لپاره دنړيوال وجهي صندوق  لوى  مدير  ډاکتر انکجين باوو ددغې مالي مرستې په اړوند خبرې وکړې او ويې ويل دنړيوال وجهي صندوق اداره خوشحاله ده چې دايدز ، نرى رنځ او دملاريا دناروغيو پرخلاف  دمبارزې په برخه کې له افغانستان سره  خپلو وړيا مرستو ته دعامې روغتيا وزارت دملګروملتو دسازمان د پرمختيايي پروګرام  يو ان ډي پي  او نورو کارکوونکو له لارې دوام ورکوي .
ديادونې وړ ده چې دغه مالي مرسته د وروستيو  لسو کلونو په بهير کې له افغانستان سره ددغه سازمان ديوسلو اته اويا اعشاريه اتو مليونو ډالرو پخوانيو مرستو په دوام دي .    

ترینکوټ باختر د لیندۍ د میاشتې ۴ مه
د روزګان ولایت په مرکز ترینکوټ کې د (AHDS) یا د افغان روغتیايي او پرمختیايي خدماتو ټولنې ولایتي دفتر د وسله والو مخالفانو له لوري د هغوی د غوښتنو د نه پوره کېدو له امله وتړل شو.
د روزګان ولایت مقام ویاند دوست محمد نایاب هم تاییدوي، چي شاوخوا دوې میاشتې مخکې وسله والو مخالفانو له دغې ادارې څخه ځیني شخصي غوښتني درلودې، چې پوره کېدل يې ددغې ادارې توان کې نه وو.
نایاب وايي چې وسله والو مخالفانو لومړی په دغه ولایت کې ۴۹ روغتیايي مرکزونه وتړل او  بالاخره  دوې ورځې  مخکې يې یادې ادارې ته په لیکلي ډول د تړلو ګواښ وکړ.
د نایاب په وینا له د تړل شويو ۴۹ روغتونونو څخه ۱۸ يې بېرته د ولایتي ادارۍ او قومي مخورو د ګډو هڅو په پایله کې پرانیستل شول خو نور يې لا هم تړل شوي پاتې دي.
دده د څرګندونو له مخې د افغان روغتیايي او پرمختیايي خدماتو موسسه یواځينۍ هغه اداره ده، چې په دغه ولایت کې د روغتیايي سکتور په برخه کې مالي او بشري مرستې کوي .
هغه وايي چې د يادې موسسې تړل به په روغتیايي چوپړونو منفي اغیزه وکړي چې له امله به يې د دغه ولایت  اوسیدونکي له ګڼو روغتیايي ستونزو سره لاس او ګریوان شي.
دغه دفتر پر داسې مهال تړل کېږي، چې څو ورځې مخکې د ولایتي روغتون مشر ډاکټر امین الله توخی هم له باختر اژانس سره د یوې ځانګړې مرکې پر مهال په روزګان ولایت کې د عامې روغتیا ریاست اړوند له شاوخوا ۵۹ روغتونونو څخه یوازې د ۱۶ هغو فعالیت تاييد کړی وو او ویلي يې و، چې لا هم ددغه ولایت په مرکز او ولسوالیو کې  له شاوخوا دوو میاشتو راهیسې د وسله والو د ګواښونو له امله ۴۳روغتيايي مرکزونه تړل شوي دي.
پای/وصال

کابل باختر د ليندي لومړى :
دنهومليونو افغانيو په لګښت  دپلخمري ښار په مربوطاتو کې  دڅښاک دروغتيايي اوبو  ديوې شبکې  دجوړولو کار پرون پيل شو .
  دبغلان ولايت دکليو دبيا جوړولو اوپراختيا رييس  انجنير عبدالاول  احدزي دباختراژانس سيمه ئيز خبريال ته وويل چې دغه شبکه  په  پلخمري ښار پورې اړوند زمانخيلو کلي کې  جوړيږي او ددولسو کيلومترو په اوږدوالي تر پلخمري ښار پورې  غځول کيږي .
  ده  څرګنده کړه چې دغه  شبکه  دبغلان ولايت  دکليو دبيا جوړولو اوپراختيا رياست  له پرمختيايي بودجې څخه  دنهو مليونو افغانيو په لګښت  په نهو مياشتو کې جوړيږي .   ده وويل  چې ددغې شبکې  دڅښاک له روغتيايي اوبو څخه  دپلخمري ښاريان او دزمانخيلو دکلي  خلک  ګټه اخلي .   ختم_ ف _ اکرم

Page 2 of 140