15 November 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

صحی

کابل باختر د لړم  څوارلسمه :
په سرپل ښار کې ديوه روغتيايي کلينيک  دجوړولو کار نن پيل شو .
دسرپل ولايت دعامې روغتيا رياست سرپرست ډاکتر  نور الحق مراد دباختراژانس خبريال ته وويل چې دغه روغتيايي کلينيک دعامې روغتيا وزارت له پرمختيايي بودجې څخه ددوه ويشتو مليونو افغانيو په لګښت په يوه پوړ کې په پاخه ډول په يوه کال کې جوړيږي .
ډاکتر مراد زياته کړه چې په دې کلينيک  کې څوارلس خونې له ټولو ضروري ملحقاتو سره يې په پام کې نيول شوي دي .
ددغه کلينيک دبنسټ ډبره دسرپل  دوالي عبدالقادر اشنا له خوا کيښودل شوه .   ختم_ عطاالله _ اکرم

کابل باختر د لړم  څوارلسمه :
په پنجشير ولايت کې ديو اساسي روغتيايي مرکز د جوړولوکار پرون پيل شو .
دپنجشير ولايت دعامې روغتيا رييس ډاکتر شيردل دانش باختراژانس ته وويل چې دغه اساسي روغتيايي مرکز د هندوستان له وړيا مرستو څخه دپنځه مليونو اته سوه زره افغانيو په لګښت  ديو زرو دوه سوه متره ځمکې په ساحه کې ددغه ولايت په ابشار ولسوالۍ کې په يوه پوړ کې په پاخه او اساسي توګه جوړيږي .
ده وويل په دغه ودانۍ کې اته خونې او نور ضروري ملحقات په پام کې نيول شوي دي او کار يې په اتو مياشتو کې بشپړيږي.
ددغې ودانۍ دجوړولو دکار په پرانستلو کې دپنجشير والي  انجنير کمال الدين نظامي د ادارو رييسانو، عالمانو، متنفذينو او جهادي شخصيتونو ګډون درلود .   ختم_ عطاالله _ اکرم

کابل باختر د لړم  څوارلسمه :
دافغان فارما شرکت دننګرهار ولايت  دعامې روغتيا رياست لپاره طبي وسايلو  مرسته وکړه .
په دغو وسايلو کې دفشار لس آلې ، ولچراو  استريچر شته چې نن ددغه ولايت روغتيايي  مسوولينو ته وسپارل شول .
دننګرهار دعامې روغتيا رياست دتخصص داکمالاتو آمر ډاکتر سيد افندي سعيدي باختراژانس ته وويل چې دغه طبي وسايل  دباکيفتو  روغتيايي خدمتونو په وړاندې کولو سره به له اوسيدونکو سره مرسته وکړي .
دافغان فارما شرکت مسوولينو وويل چې دغه راز دننګرهار  له روغتيايي  څانګو سره خپلو مرستو ته به دوام ورکړي .
  ختم_   عطاالله +_ اکرم

ګردیز باختر د لړم ۱۳ مه
د پکتیا د ولایتي ادارې مسوولین وايي چې د ګوزڼ د ناروغۍ له منځه وړل د حکومت له مهمو لومړیتوبونو څخه دي او په دې برخه کې د حکومتي ادارو ترڅنګ د قومي مخورو، دینې عالمانو، ځوانانو او د مدني ټولنو په همکارۍ ټينګار کوي.
د دغه ولایت د عامې روغتیا رئیس ولایت خان احمدزي نن د واکسینو  د درې ورځني کمپاین د پېلیدو په مراسموکې د باختر اژانس سیمه ېیز خبریال ته وویل چې د دغه کمپاین په ترڅ کې به ۱۹۱ زره ۹۱۸ تنه ماشومان واکسین شي.
هغه په ولسونو هم غږ وکړ چې د واکسینو له رضاکارو ټیمونو سره همکاري وکړي څو د واکسینو په کولو سره ماشومان د پولیو له ناروغۍ څخه وژغورل شي.
پای/وصال

Page 2 of 173