18 October 2018

RSS Facebook

سوداگریز


تازه خبرونه

ملت ته د ولسي جرګې د ټاکنو په اړه د جمهور رئیس محمد اشرف غني د وینامتن

ملت ته د ولسي جرګې د ټاکنو په اړه د جمهور رئیس محمد اشرف غني د وینامتن

ـ کابل باختر د تلې ۲۶ مه درنو وطنوالو! د انتخاباتي کمپاینونو...

په تخار کې د پوهنې د دوو پروژو کار پیل شو

په تخار کې د پوهنې د دوو پروژو کار پیل شو

تالقان باخترد تلې ۳۶ په تخارولایت کې د پوهنې د...

Youtube Player

khantry design

سوداگریز

سوداگریز

صحی

کابل\ باختر د چنګاښ د مياشتې١٠ نيټه :
د افغانستان د اسلامي جمهوریت جمهورئیس ننګرهار ولایت ته د خپل سفر پر مهال نن سهار په جلال اباد ښارکې د ختیځ زربستریز روغتیايي کمپلکس د بنسټ ډبره کېښوده.
د جمهور رييس د وياند دفتر باختر آژانس ته خبر ورکړ:
دغه روغتيايي کمپلکس چې ۲۶۰جریبه ځمکه رانغاړی، دنسايي ولادي ۲۰۰بستریز روغتون، د معلولینو لپاره ۱۵۰بستریز روغتون، د توبرکلوز لپاره ۴۰بستریز روغتون او د ننګرهار ولایت د نوي ۶۰۰بستریز روغتون ودانۍ او د درمنلو او خوړو زیرمې په کې شاملې دي.
په دې مناسبت جوړو شویو مراسمو ته د هېواد جمهوررئیس وویل، خوشاله یم چې نن یوه ژمنه ترسره کوو او د یو لوی روغتیايي کمپلکس د جوړولو چارې پيلوو، موږ دې نتیجې ته ورسېدو چې قراردادیان سم کار نه کوي، نو د دې کمپلکس چارې به دولتي تصدۍ پر مخ وړي. هغه زیاته کړه، د دغه روغتیايي کمپلکس له جوړېدو سره به د ختیځو ولایتونو په ځانګړي ډول د ننګرهار ولایت چې یو ګڼ نفوسه ولایت دی، د ناروغانو ستونزې تر ډېره حل شي. #
پاى_ذ

پلخمري \باختر د چنګاښ دمياشتې٥ نيټه :      
د بغلان  ولايت د عامې روغتيا مسوولانو د دغه  ولايت  په کلينيکونو کې  دلشمانيا يا کالدانې  د درملو دنشتوالي له امله انديښنه  څرګنده کړه  او دغه مسوولان وايي ؛ ددوى له  زياتو هلوځلو سره سره اوس هم ددغه ولايت يو زيات شمير اوسيدونکي د کالدانې په ناروغۍ اخته  کېږي .
دبغلان ولايت دعامې روغتيا رياست دساري ناروغيو دڅانګې مسوول شاه محمد هوفياني د باختر آژانس خبريال ته وويل ؛ د روان کال له پيل  څخه  تراوسه پورې په دغې ناروغۍ څه د پاسه درې سوه  تنه اخته کسان  ددغه ولايت په کلينيکونو کې تشخيص او تر درملنې لاندې  نيول شوي دي .
د بغلان  ولايت د عامې روغتيا د ساري ناروغيو دڅانګې مسوول  وويل  ؛ ددغه  ولايت  په کلينيکونوکې د باکيفيته  درملونشتوالى ، اوله بلې خوا  ددغو درملو برابرول چې دباختر روغتيايي انکشافي بنسټ په غاړه دى دبغلان ولايت  داوسيدونکو  او روغتيايي کارکوونکو ستونزې يې زياتې کړي دي .
ډاکتر هوفياني  زياته کړه  ؛ که څه  هم  د لشمانيا يا کالدانې درملنه زيات لګښت غواړي خو د عامې روغتيا وزارت  د ناروغانو د درملنې په  خاطر دغه درمل  په وړيا ډول په  دولتي روغتونونو او کلينيکونو کې د ناروغانو په واک کې ورکوي.
د بغلان  ولايت  د کالدانې ناروغۍ دملي کنترول آمر  ډاکتر علي خان بساق  وويل  چې دغه ناروغي  يوه ساري ناروغي ده  دمياشې په واسطه له اخته شخص څخه نورو ته سرايت کوي .
بساق زياته کړه ؛ دغه ناروغي د مرکزي  بغلان په  ولسواليو ، نهرين او دپلخمري ښارپه شاوخوا کې زيات شوې ده .
دبغلان دعامې روغتيا رياست دملاريا اولشمانيا ناروغۍ دملي کنترول  آمر وويل ؛  دباخترروغتيايي انکشافي بنسټ   چې دنورو خدمتونو دوړاندې کولو ترڅنګ ددغه درمل داکمالولو مسووليت په غاړه لري  خو ددغه شان  پيښو په وړاندې بې تفاوته دى.
په بغلان  ولايت کې  د باختر د انکشافي بنسټ مرستيال ډاکتر نجيب الله  پارون  په  روغتيايي مرکزونو کې ددغه درمل دنشتوالي په تاييدسره ډاډ ورکړ چې د اړتيا وړ درملو په پلورلو اواکمالولو يې اقدام کړى  او په نږدې راتلوونکي کې به دغې ستونزې ته دپاى ټکى کيښودل شي .
پاى \ ذکرالله\  

 

کابل باختر د چنګاښ  پنځمه :
په کندز ولايت کې دشمال ختيځ زون په کچه  ډير ژر  يوسمبال روغتون جوړيږي .
  دباختراژانس دخبرله مخې ، دغه تکى  دبې سرحدو ډاکترانو دلوى روغتون مسوول ګيتن چې دافغانستان دبې سرحدو  ډاکترانو دروغتون مسوول جوون بيسيلنګ له ده سره ملګري و   دکندز له والي  عبدالجبار نعيمي سره په کتنه کې بيان کړ .
دبې سرحدو ډاکترانو دلوى روغتون مسوول  وويل چې يو پنځوس  بستريز  روغتون په کندز کې دشمال ختيځ زون په کچه جوړيږي .
دکندز والي عبدالجبار نعيمي  دبې سرحدو ډاکترانو د روغتون له همکارى  څخه قدرداني وکړه او زياته يې کړه  چې  ددغه روغتون په جوړولو سره به په دغه زون کې دخلکو ستونزې په تيره بيا ددغه ولايت ستونزې تر يوې زياتې اندازې پورې لرې  کېږي او دغه راز يوشمير وزګارو  کسانو لپاره به دکار زمينه هم برابره شي .
  ختم_ عطاالله _ اکرم

کابل\ باختر \ د چنګاښ د مياشتې٤مه
د عامې روغتیا وزارت په کابل ښارکې د یوه کلینیک د ودانۍ کار پيل وکړ.
د باختر آژانس د خبریال د خبر له مخې :
دعامې روغتیا وزارت د مالي او اداري چارو معین ماموسي زيور د دغه کلینیک د کار د پيل په وخت کې وویل چې د خلکو او مراجعینو د ستونزو له امله د عامې روغتیا وزارت تصمیم ونیوه چې د دریم مکروریان په ساحه کې دغه کلینیک جوړکړي .
د زیور د څرکندونو له مخې: د (سي.اچ.سي) دغه پروژه د دولت د غیر مشروطې بودجې له خوا د کابو ١٩ میلیونو ٨٦٤ افغانیو په لګښت تمویلیږي او د ١٣٩٧ مالي کال تر پایه پورې به ګټې اخستنې ته وسپارل شي .
پای/ شکریه /خروټی