26 April 2018

RSS Facebook

سوداگریز


تازه خبرونه

فرمان

کابل باختر د ثور پنځمه : دافغانستان داسلامي جمهوريت دستر...

Youtube Player

khantry design

سوداگریز

سوداگریز

صحی

کابل \ باختر دسلواغې ٢٨ نيټه :
يو روغتيايي کلينيک  نن د دايکنډي ولايت  د مرکز ولسوالۍ د دهن پيشوک په سيمه کې  د دغه ولايت د والي له خوا   ګټې اخيستنې ته وسپارل شو.
د دايکنډي ولايت  دعامې روغتيا رئيس ډاکټر ذاکر اسحق علي د باخترآژانس سيمه ييز خبريال ته وويل چې، دغه کلينيک دعامې روغتيا وزارت له پرمختيايي بودجې څخه د دوه ميليونو پنځه سوه زرو افغانيو په لګښت په يوه پوړ کې  په پاخه او اساسي ډول  جوړ اوسمبال شوى دى چې په ترڅ کې به يې د دغې ولسوالۍ  د اوسيدونکو روغتيايي ستونزې تر يوې اندازې پورې لرې شي.
پاى  \ج\ ذ

 کابل باختر سلواغې د مياشتې ٢٦ مه
د لوړو زده کړو وزیر د میوند له کادري روغتون څخه لیدنه وکړه، او د دغه روغتون فعاليتونه يې وڅېړل.
د لوړو زده کړو وزارت مطبوعاتي دفتر باختر اژانس ته خبر ورکړ:
پوهنمل دوکتور نجیب الله خواجه عمري د دغه روغتون له وضعیت څخه ناخوښي څرګنده کړه او د دې روغتون رهبري پلاوی یې د خلګو او هېواد په اړه مسوولیتونو او دندو ته متوجې کړ.
د لوړو زده کړو وزیر په داسې حال کې، چې د محصلانو چارو معین پوهاند بری صدیقي، د تفتیش رئیس غلام دا‌وود شایق، د پلان او پالیسۍ رئیس پوهنیار فیاض احمد سیار او د کابل د طبي پوهنتون علمي مرستیال پوهاند شمس الرحمن رحماني هم حاضر وو، په یوې درې ساعته کتنه کې  د میوند روغتون د غوږ او ستونې او د ماشومانو د پلاستیک جراحۍ د څانګو څخه د لیدنې پر مهال د پاکوالي د نه مراعت کولو، پخوانيو طبي وسایلو، د مدیریت کمزورتیا او د رهبري پلاوي د بې پروایي له امله ناخوښي څرګنده ګړه.
په دې کتنه کې د دغه روغتون یو شمېر ډاکټرانو او موظفو کارکوونکو شکایت درلود، چې د عملیاتو لپاره په کافي اندازه درمل نه لري چې له امله يې ناروغان اړه کېږي څوځیني توکي او د عملیاتو اړوند درمل، له بازاره وپېري، پوډر او پاکوونکي توکې د هغوی په واک کې نه ورکول کېږي او د ناروغانود ډودۍ مینو هم د غذایي تنوع له پلوه د قتاعت وړ نه ده.
هغوی وویل، په دې اړه يې وزارت ته هم وړاندیز کړی خو پايله يې نه ده ورکړې.
د لوړو زده کړو وزیر لارښوونه وکړه چې وړاندې شوي وړاندیزونه دې ده ته وړاندې شي څو معلومه کړي چې ولئ په خپل وخت ورته لاسرسى نه دى شوى.
د لوړو زده کړو وزیر پوهنمل دوکتور نجیب الله خواجه عمري د دې روغتون رهبري پلاوې او کارکوونکو ته په خبرو کې وویل، کادري روغتونونه باید د نورو روغتونونو په منځ کې یوه نمونه وي.
عمري د دې ورغتون د وضعیت د ښه والې په برخه کې د ډاکټرانو غوښتنې او نظرونه واورېدل او د ستونزو د حل په موخه  د ګډې همکارۍ غوښتونکی شو.
د میوند کادري روغتون د هېواد له پخوانیو روغتونونو څخه دی چې خلکو ته دخدمت ترڅنګ په کې د کابل د طب پوهنځي محصلانو ته د عملي کار زمينه برابره شوې ده.
که څه هم د دغه روغتون ودانۍ زړه ده، خو په محوطه کې یې یو نیمه کاره دوه سوه بستریزه نوې ودانۍ ترسترګو کېږي  چې له ۱۳۹۲ کال راهیسې یې قرارداد له یوه شرکت سره ترسره شوی، خو دغه شرکت د کاري ظرفیت د نه لرلو له امله تر اوسه د دې ودانۍ په بشپړولو نه دى بریالی شوی.پاى _ ذکرالله

ښرنه باختر د سلواغې  ٢٥ مه
په پکتیکا کې د نظامي روغتون د نشتوالي له امله د پېښو پر مهال ملکي روغتونونه د نورو ناروغانو پر مخ تړل کېږي، چې خلکو ته یې ګڼې ستونزې پيدا کړي دي.
خو د پکتیکا د امنیې قوماندانۍ مسوولين وايي، ستونزې ته په کتو یې لس بستریز نظامي روغتون دجوړولو کارترلاس لاندې دى چې له بشپړيدو وروسته  به يې د ټولو نظامي ټپيانو درملنه په دغه روغتون کې پيل شي.
د مرګ ژوبلې له پېښو وروسته د ټول پکتیکا ملکي او نظامي ټپیان او وژل شوي کسان همدغه روغتون ته ور وړل کېږي چې ورسره هم مهال دغه روغتون نظامي بڼه خپلوي چې له امله يې د نورو ناروغانو پر وړاندې ګڼې ستونزي راولاړيږي.
د پکتیکا د عامې روغتیا مشر ډاکټر ولي ګل، او د پکتیکا اوسېدونکو  په دې اړه  د باختر اژانس سيمه يېز خبريال ته داسې وويل: ((کله چې پېښې رامنځته کېږي نو رښتيا هم ملکي روغتونونه د نورو ناروغانو پرمخ تړل کېږي او په هغه وخت کې شخصي خلکو ته هیڅ اجازه نه ورکول کېږي چې روغتون ته ننوځي او يا هم له روغتون څخه د باندې لاړ شي.
د پکتیکا اوسېدونکي له دولت څخه غواړي چې نظامیانو ته ځانګړی روغتون جوړ کړي.
له بل خوا د پکتيکا د امنیې قوماندانۍ مسوولين وايي، په امنیه قوماندانۍ کې یې تازه لس بستریز نظامي روغتون جوړوي چې پراختیا به ورکړي او بيا به د ټولو نظاميانو درملنه په دغه روغتون کې وشي.
ډاکټر محمدنسیم چکري د امنیې قوماندانۍ روغتیايي آمر په دې اړه داسې وویل: دغه روغتون چې اوسمهال په امنيې قوماندانۍ کې جوړ شوى د درملتون ،بستر ، واکسین، پانسمان خونې او د معاینه خانې په څانګو مجهز شوى دى.
دى وايي چې په نږدې راتلونکي کې به دغه روغتون ته پراختيا ورکړل شي چې په ترڅ کې به يې هغه ستونزې حل شي چې اوسمهال عام وګړي او نظاميان ورسره مخامخ دي.پاى_ وصال

کابل \ باختر دسلواغې ٢٤ نيټه :
په غزني ولايت کې  اووه روغتيايي مرکزونه  د سر غړونو له امله وتړل شول.
د باخترآژانس د سيمه ييز خبريال د خبرله مخې ؛  د غزني ولايت  د عامې روغتيا رياست د روغتيايي قوانينو د تطبيق د برخې کارکوونکو په تېره يوه اوونۍ کې   دوه  خصوصي  روغتونونه او درملتونونه  چې د دوى  د روغتيايي خدمتونو د وړاندې کولو بهير د عامې روغتيا وزارت د قوانينو او اصولو پربنسټ نه و ، وتړل .
دغه راز د غزني ښار درې تنه ډاکټران  چې د نسخو په ليکلو کې يې اساسي اصول  نه و رعايت کړي  نغدي  جريمه کړل.
د عامې روغتيارياست د قانون د څېړنې او تطبيق کارکوونکي هره ورځ  د دغه ولايت روغتيايي مرکزونه څاري څو خلک معياري روغتياي خدمتونو ته   لاسرسي پيداکړي. پاى\ ج\ ذ