19 July 2018

RSS Facebook

سوداگریز


تازه خبرونه

جمهوررئیس غني د جمهوري ریاست (ارګ) ارشیف پرانیست

جمهوررئیس غني د جمهوري ریاست (ارګ) ارشیف پرانیست

کابل \باختردچنګاښ دمياشتې٢٨نيټه : د افغانستان د اسلامي...

په فراه کې دوسله والوطالبانو دډلې يو مرکز له منځه يوړل شو

په فراه کې دوسله والوطالبانو دډلې يو مرکز له منځه يوړل شو

دفراه ښار\باختردچنګاښ دمياشتې٢٨نيټه : هوايي ځواکونو تيره شپه ...

Youtube Player

khantry design

سوداگریز

سوداگریز

صحی

کابل\  باختردکب  دمياشتې  ١٩ :
دقندهار ولايت په غورک ولسوالۍکې يو روغتيايي مرکزبيافعال اوپه کار يې پيل وکړ.
دغه مرکز له شپږکلن ځنډوروسته چې فعاليت يې د طالبانو له خوا بندکړى شوى و؛ بيافعال شو.
دقندهار ولايت دعامې روغتيا رييس ډاکتر عبدالقيوم پخلا باخترآژانس ته وويل: دغه مرکز دغورک ولسوالۍ خلکو ته د روغتيايي خدمتونو د وړاندې کولو په مقصد بيافعال شو.
پخلازياته کړه: دغه مرکز اوس په يوکرايي کورکې دروغتيايي خدمتونو په وړاندې کولوسره کولاى شي هره ورځ دغورک ولسوالۍ ناروغان دمسلکي طبي کارکوونکو په  واسطه معاينه اوتداوي کړي.
 

کابل\  باختردکب دمياشتې  ١٧ :
په بدخشان ولايت کې دطبيعي پيښوپرخلاف دمبارزي  دتياري لپاره  دخوارکي
توکو ددريو زيرمو  دجوړولو کار بشپړ او پرون  ګټې  اخيستنې ته وسپارل شو.
دافغانستان لپاره دناورې دکميټې  دانجنري  اودپيښو دڅانګې مسوول انجينربهزاد باختراژانس ته وويل  دغه زيرمې  دارګو ،  خاش ،. کوز يفتل  اودفيض اباد په ښار کې د جي  آي   زيد  موسسي په مالي مرسته  دشپيته متره مربع  ځمکې په ساحه کې  دالمان په مرسته دشپږ شپيتوزرو  امريکايي ډالره  په  لګښت  جوړي شوي دي . .
ديوبل خبرله مخې  :
دبدحشان ولايت دارګو ولسوالۍ دطبيعي پيښو پرخلاف دمبارزي دکميټي ديرشو تنو غړو ته روزنيزه کارګاه جو ړه شوه  .
دغه يو ورځني رونيزه کارګاه  دطبيعي پيښو درامنځته کيدو دخطرونو دکمښت  په مقصد   د  جي  آي   زيد موسسي له خوا جوړشوي دي.
ټاکل شوې ده  په راتلوونکې کال کې هم دجي آي  زيد  موسسه دبدخشان  دپوهنې رياست  اته سوه منسوبينو ته  دطبيعي پيښو دخطرونو دکمښت په  مقصد روزنيزي کارګاوي  جوړي کړي .
 

کابل\  باختردکب  دمياشتې  ١٥ :
دکابل سټي خصوصي معالجوي روغتون دموظف هيئت دڅيړنې له امله وتړل شو.
د لوى څارنوالي يو هيئت نن باخترآژانس ته وويل: دخصوصي تشخيصي روغتونونو اومرکزونو دڅيړنې په لړکې، د عامې روغتيا وزارت ، لوى څارنوالي او له اداري فساد سره د مبارزې دعالي ادارې ګډهيئت دکابل سټي دمعالجوي روغتون بېلابېلې څانګې وڅيړلې چې دموجودو نيمګړتياو له امله ددغه هيئت له خوا وتړل شو .
پيښه ترڅيړنې لاندې ده.
 

کابل- باختر دکب څوارلسمه :
دپوليو يادماشوما نو دفلج دواکسين دتطبيق  درې ورځني پروګرام پرون په قندهار او هلمند ولايتونوکې پيل شو .
دقندهار ولايت دغورک ولسوالۍ چې نوى ددولت تر واکمني لاندې نيول شوې ده کلونه کلونه کېږي چې دپوليو واکسين په دغې ولسوالۍ کې نه دى تطبيق شوي .
دقندهار ولايت دعامې روغتيا رييس ډاکتر عبدالقيوم پخلا  باختراژانس ته وويل دغه پروګرام دقندهار او دهلمند دولايتونوپه  ١٥ ولسواليو کې عملي کېږي چې پخوا په دغو ځايونو کې دپوليو واکسين نه دى تطبيق شوي .
ډاکتر پخلا زياته کړه په دې  درې ورځني پروګرام کې درې سوه دوه اتيا زره تنه ماشومان په قندهار ولايت کې او دوه سوه دوه اتيا زره تنه ماشومان په هملند ولايت کې واکسين کېږي .
دقندهار والي ډاکتر توريالي ويسا ددغه پروګرام پيل ددغې وژونکې ناروغي به له منځه وړولو کې ګټور وباله او دولسوالۍ له ټولو اوسيدونکو قومي مخورو اودجوماتونو له ملا امامانو څخه يې وغوښتل له روغتيايي کارکوونکوسره مرسته او همکاري وکړي چې دواکسين دغه پروګرام په ښه توګه تطبيق شي .
دغه راز دقندهار والي له مخالفينو څخه هم وغوښتل چې دواکسين دتطبيق په لاره کې مخالفت ونه کړي او له رضاکارانو سره دې مرسته اوهمکاري وکړي .