27 May 2017

RSS Facebook

سوداگریز


تازه خبرونه

 درې څلويښت تنه دهېواد په بيلابيلو سيموکې ووژل شول

درې څلويښت تنه دهېواد په بيلابيلو سيموکې ووژل شول

-کابل باختر د غبرګولي پنځمه : په تيرو څلور ويشتو ساعتو...

 خبرتيا

خبرتيا

-کابل باختر د غبرګولي پنځمه : داطلاعاتو اوفرهنګ وزارت خبرتيا داطلاعاتو اوفرهنګ...

په پروان ولايت کې يوتن  دنشه يي توکو دقاچاقو په تور ونيول شو

په پروان ولايت کې يوتن دنشه يي توکو دقاچاقو په تور ونيول شو

کابل باختر د غبرګولي پنځمه : يوتن دپروان دامنيې قوماندانۍ دنشه...

Youtube Player

khantry design

سوداگریز

سوداگریز

د خصوصي روغتونونو ټولنې د اجرائیه ریاست له لومړي مرستيال سره وکتل

Written by  manager
Rate this item
(0 votes)

کابل باختر د سلواغې اووه ويشتمه :
دخصوصي روغتونونو ټولنې یو شمیر غړو د اجرائیه ریاست له لومړي مرستيال انجينیر محمد خان سره په هېواد کې د خصوصي روغتونو په ستونزو او لاسته راوړنو خبرې وکړې.
داجرايه رياست مطبوعاتي دفتر باختر آژانس ته خبر ورکړ.
د خصوصي روغتونونو  ټولنې مشر فردین غرمان په هېواد کې د روغتیا په برخه کې د یادې ټولنې دبرياليتوبونوپه باب خبرې وکړې او زیاته يې کړه چې خصوصي روغتونونو د دولتي روغتونونو تر څنګ د ناروغانو په درملنه کې د پام وړ رول لوبولی شي.
غرمان و ویل چې اوس خصوصي روغتونونه  د زړه عملیات او د لاسونو او پښو پیوندونه په لږ لګښت تر سره کوي او بهرنیو هېوادونو ته د ناروغاتو د تګ اړتیا يې کمه کړې ده.
د خصوصي روغتونونو ټولنې درئیس د دایمي ملکیتونو نه شتون، د برېښنا پرچاوي او کمزورتيا او د مالیو زیاتوالی هغه ستونزې وبللې چې د دوی فعالیتونه يې له خنډ او ځنډ سره مخ کړي دي.
د دغې ټولنې مرستيال احمد جاوید عالمي له دولت په ځانګړې توګه د ښاروالۍ له ریاست څخه وغوښتل چې روغتونونو ته د ځای په اړه له خصوصي سکټور سره مرسته وکړي تر څو په دغه برخه کې شته ستونزې حل شي.
د اجرائیه ریاست لومړي مرستيال انجینیر محمد خان د دوی ستونزې پر ځای وبللې او زیاته يې کړه چې یادې ستونزې به د عامې روغتیا وزارت او د وزیرانو شورا له لارې تعقیب او د حل لپاره به يې اجرايه رياست اوچت کړي.
لومړي مرستيال و ویل  دولت اړ دی چې د خصوصي سکټور لاسنیوی وکړي؛ ځکه خصوصي سکټور له دولت سره یو ځای خلکو ته خدمتونه وړاندې کوي.
داجرايه رياست لومړي مرستیال له نوموړي انجمن څخه وغوښتل چې د معیاري خدمتونو او باکیفیته درملو په وړاندې کولو سره هغه اندېښنې لرې کړي چې هېوادوال يې بهرنیو هېوادونو ته د درملنې لپاره اړ کړي او د هغې پانګې مخه ونیسي چې هر کال د درملنې لپاره بهر ته لېږدول کیږي.

Leave a comment

Make sure you enter the (*) required information where indicated.
Basic HTML code is allowed.