23 October 2017

RSS Facebook

سوداگریز


تازه خبرونه

د ښځو چارو وزيره: په بلخ کې د ښځو وضعيت ښه شوى دى

مزارشريف \باختردتلې دمياشتې٣٠نيټه : د ښځو په وړاندې د تاوتريخوالي...

Youtube Player

khantry design

سوداگریز

سوداگریز

په هرات کې دماشومانو دګوزڼ ناروغي دمخنيوي لپاره هلې ځلې .

Written by  manager
Rate this item
(0 votes)

-کابل باختر د زمري  اوولسمه :
دپوليو دکميټې مياشتنۍ غونډه دهرات دوالي  محمد اصف رحيمي په مشرۍ  او دولسوالانو او دعامې روغتيا  درياست  دهمکارانو او همکارو موسسو  په ګډون  دبهزاد دنګارستان په سالون کې جوړه شوه .
په دې غونډه کې  دهرات والي  دپوليو پرخلاف  دمبارزې دترسره کولوپه ارزښت  ټينګار وکړ او له اړوندو مسوولينو څخه يې  وغوښتل  چې دپوليو له کميټې سره  جدي همکاري وکړي .
دهرات والي  وويل  ټاکل شوې ده  چې دپوليو دمني  دلومړى دورې کمپاين  دزمري دمياشتې له شپاړلسمې نيټې څخه تر شلمې نيټې پورې  ددغه ولايت په ښار او پنځلس ګونو ولسواليو کې  پيل شي  چې بايد  ټول ولسوالان او مسوول بنسټونه  دپوليو واکسين  دتطبيق په لاره کې لازم همکاري وکړي .
په همدې حال کې دهرات ولايت  دعامې روغتيا رييس ډاکتر عبدالحکيم تمنا دښار او ولسواليو په کچه دپوليو واکسين  د کمپاين او فعاليتونو د څرنګوالي په باب معلومات ورکړل او له کورنيو  څخه يې وغوښتل  چې دپوليو له ګرځنډه ټيمونوسره  همکاري  وکړي .
  دهرات ښاروالۍ سرپرست  غلام غوث نيکبين  او ډاکتر حيدري دپوليو له ولايتي کميټې سره  خپل همکاري څرګنده کړه .

Leave a comment

Make sure you enter the (*) required information where indicated.
Basic HTML code is allowed.