16 January 2019

RSS Facebook

سوداگریز


تازه خبرونه

  په قابل باى کې دبريښنا ددوو ستنو دبيا رغونې کار پيل شو.

په قابل باى کې دبريښنا ددوو ستنو دبيا رغونې کار پيل شو.

کابل باختر دمرغومي شپږ ويشتمه : بريښنا شرکت...

محمد فهيم رحيمي :  دنندارتونونو جوړول دفرهنګي اړيکو په پراختيا کې اغيزمن رول لري .

محمد فهيم رحيمي : دنندارتونونو جوړول دفرهنګي اړيکو په پراختيا کې اغيزمن رول لري .

کابل باختر دمرغومي شپږ ويشتمه : دافغانستان دملي موزيم رييس...

يو ډار اچوونکي ونيول شو

يو ډار اچوونکي ونيول شو

کابل باختر دمرغومي شپږ ويشتمه : پوليسو يو...

Youtube Player

khantry design

سوداگریز

سوداگریز

د شري واکسين ملي روغتيايي پروګرام چې بايد ملاتړ يې وشي

Written by  manager
Rate this item
(0 votes)

کابل باختر دوږي  يوولسمه :
د شري واکسين د تطبيق پروګرام پرون په ټول افغانستان کې پيل شو .
د دغه پروګرام له مخې ټاکل شوې ده له٩ مياشتنى څخه تر ١٠ کلنى پورې پر ١٤ ميليونو تنو افغان ماشومانو باندې د شري واکسين تطبيق شي .
  دغه پروګرام به په دوو لس ورځنيو دوروکې د طالبانو تر واکمنۍ لاندې سيمو په ګډون د هېواد په څلور ديرشو ولايتونوکې تطبيق شي .
د دغه پروګرام د ترسره کولو هدف په دغې خطرناکې ناروغۍ د اخته کيدو مخنيوى دى. د تېرکال د شمېرنو له مخې: په هېوادکې ٢٥ زره تنه ماشومان  د شري په ناروغۍ اخته شوي وو او د دغې ناروغۍ پراختيا د عامې روغتيا وزارت دې ته اړ کړ چې د شري ناروغۍ پرخلاف د واکسين د تطبيقولو فوق  العاده پروګرام ترسره کړي .
په هېوادکې د شري ناروغۍ پرخلاف د واکسين د تطبيقولو پروګرام ٧اعشاريه ٨ ميليونه ډالره لګښت لري چې د واکسينياسيون د نړيوال ائتلاف له خوا  تمويليږي او د هغه د تطبيق لپاره ٤١ زره تنه لازمې زده کړې کړې دي .
  د عامې روغتيا وزارت په داسې حال کې په هېواد کې د شري ناروغۍ پرخلاف د واکسين د تطبيقولو د ملي پروګرام د پيل خبره کوي چې په هېوادکې  د ماشومانو د مړينې کچه لوړه ده او افغانستان د هغو هېوادونوپه لومړى کتارکې دى چې د ميندو او ماشومانو د مړينې زياتې پيښې لري .
د شري ناروغۍ د ماشومتوب دورې له ناروغيو څخه ده چې په افغانستان کې  له منځه نه ده تللې او دغه راز دغه هېواد د هغو دريو هېوادونو په جمله کې دى  چې په هغه کې د پوليو وحشي ويروس د ګرځيدو په حال کې دى .
  افغانستان، پاکستان او نايجنريا يواځې د نړۍ درې هېوادونه دي چې په هغوکې د پوليو مثبتې پيښې ثبتې شوې دي. په داسې حال کې چې د نړۍ په زياترو هېوادونوکې د شري، پوليو او والګي په ګډون د ماشومتوب دورې د ناروغيو يواځې نومونه پاتې دي. خو په افغانستان کې د نا امنيو د دوام او دغه راز نامناسبو باورونو په دليل دغه شان ناروغۍ د دغه هېواد له خلکو څخه قرباني اخلي .
ځانګړې کړۍ چې ځانګړې هدفونه تعقيبوي، هلې ځلې کوي چې په هېواد کې  د ملي پروګرامونو مخه ونيسي. دوى د واکسين په حرام بللو او يا نفي کولو سره خلک د ډول ډول واکسينونو تطبيق ته نه پريږدي، په داسې حال کې چې د واکسين د ګټورتوب او د هغه په باب د عامه پوهاوي لپاره ډير لږ کار شوى دى .
  دلته لازمه ده چې په لومړي ګام کې  په دې اړوند د جوماتونو منبرونه فعال شي  او د اسلام له نظره يې د روغتيا ارزښت خلکو ته بيان کړي .
دغه راز په ښوونځيوکې د ماشومانو پوهاوى چې روغتيا پخپله يو نعمت دى،  کولاى شي د ماشومتوب دورې د وژونکو ناروغيو په وړاندې د واکسين ګټورتوب ترويج کړي. دغه راز  د قومي مشرانو او ديني عالمانو له امکاناتو او نفوذ څخه په دې لاره کې استفاده وشي.
بايد د واکسين دپروګرام په نسبت دملي او اسلامي پروګرام په توګه وکتل شي او د هغه اسلامي والي او ملي والي په يو ډول نه يو ډول خلکو په تېره بيا د کليوالي سيمو خلکو ته بيان شي چې نور د روغتيا دملي پروګرامونو په وړاندې منفي نظر  له منځه يوړل شي .
  ختم- ج (_ اکرم

Last modified on Tuesday, 04 September 2018 04:57

Leave a comment

Make sure you enter the (*) required information where indicated.
Basic HTML code is allowed.