21 April 2019

RSS Facebook

سوداگریز


تازه خبرونه

په کندز کې د خپلسرو وسله‌ والو یومهم قوماندان ونېول شو

په کندز کې د خپلسرو وسله‌ والو یومهم قوماندان ونېول شو

کابل/ باختردوري دمياشتې٣٠نيټه: د کندز په...

د نورستان په نورګرام ولسوالۍ کې دپنځو تنو طالبانو وژل کيدل

د نورستان په نورګرام ولسوالۍ کې دپنځو تنو طالبانو وژل کيدل

کابل باختردوري دمياشتې٣٠نيټه: د نورستان په نورګرام...

دهېواد په ختيځ کې دډاراچوونکو په ډله کې دغړيتوب په تورد١٦تنو نيول کيدل

دهېواد په ختيځ کې دډاراچوونکو په ډله کې دغړيتوب په تورد١٦تنو نيول کيدل

داسعدا آبادښار/ باختردوري دمياشتې٣٠نيټه: شپاړلس تنه دهېواد په ختيځ کې...

Youtube Player

khantry design

سوداگریز

سوداگریز

مطبوعاتی اعلامیه

Written by  manager
Rate this item
(0 votes)

کابل باختر دوږي پنځه ويشتمه دعامې روغتیا وزارت د پولیو د له منځه وړلو په مبارزه کې د ټولنې د لازیات ملاتړ غوښتنه کوي د پولیو کوم وروستۍ مثبته پيښه چې د ارزګان ولایت څخه راپور شوه، د پولیو په له منځه وړلو کې د ټولنې د وګړو د لازیاتې ونډې د اړتیا ښودنه کوي. دغه پيښه د دغه ولایت په شهید حساس ولسوالۍ کې رامنځته شوه چې په ترڅ کې له بده مرغه یو ۱۱ میاشتنې هلک ماشوم د تل لپاره فلج شو. په دې سره په افغانستان کې د پولیو د مثبتو پيښو شمیر په روان زیږدیز کال کې ۱۳ پیښو ته رسیږي. افغانستان په روان کال کې په نړۍ کې تر ټولو ډیرې مثبتې پښې لري چې ټول ټال د نړۍ ۷۵ سلنه د پولیو پيښې په دغه هیواد کې ثبت شوي دي. دعامې روغتیا وزیر ډاکټر فیروز الدین فیروز وویل: دغه پيښه د ټولنې لپاره ويښونکی پیام دی چې دخدای مکړه د هغوی د غفلت په پایله کې زموږ نور ماشومان په دې ناروغۍ اخته نشي. موږ سږکال د تیر کال په پرتله د پولیو د پيښو له لوړ خطر سره مخامخ يو. سره له دې چې د پولیو د له منځه وړلو پروګرام خپله دنده ددې ناروغۍ د پيښو په موندنه او څارنه کې په ښه توګه ترسره کړې او تل هڅه کوي چې نور ماشومان ددې بدمرغې ناروغۍ څخه وژغوري، خو د ټولنې د وکړو د مرستې او ونډې پرته نشي کولای دغه ناروغۍ په بشپړه توګه له منځه یوسي. عام وکړي باید د پولیو په له منځه وړلو کې ونډه واخلي او د پولیو واکسین د کمپاینونو په بریالي پلي کیدو په تیره بیا په هغو ولسوالیو کې ددې ناروغۍ د لوړ خطر سره مخامخ دي، مرسته وکړي. په افغانستان کې دا مهال شاوخوا ۱،۲ میلیونه ماشومان له بده مرغه د پولیو ضد واکسین څخه بې برخې پاتې کیږي. دا ځکه چې دوی په هغو ولسوالیو کې ژوند کوي چېرې چې د پولیو واکسین کمپاینونو ته کور په کور اجازه نه ورکول کیږي، یا کورنۍ د پولیو واکسین څخه ډډه کیږي او یا هم کله چې واکسیناتوران کورنو ته ورځي، ماشومان د واکسین کولو لپاره نه راویستل کیږي. کور په کور د پولیو ضد واکسین کمپاین یواځنۍ لاره ده چې په دې سره کولای شو پولیو محو کړو. کومې کورنۍ چې د پولیو ضد واکسین څخه ډډه کوي، ګنې هغوی خپل ماشومان په خپل لاس د پولیو د اخته کیدو په خطر کې اچوي. په نړۍ کې د مسلمانانو میلیونونه ماشومان د پولیو په وړاندې د واکسیناسیون د پرله پسې کمپاینونو په پایله په خوندي توګه وقایه کړي دي. د افغانستان، پاکستان او نایجریا هیوادونو څخه پرته د نړۍ هر اسلامي هیواد پولیو ناروغۍ له خپلې خاورې محو کړې ده. دعامې روغتیا وزیر وویل: زه غواړم چې په ډاګه یې کړم چې د پولیو په وړاندې دا یوه بې پرې مبارزه، موخه یې ددې ناروغۍ څخه یوازې د هیواد دماشومانو خوندي ساتل دي. په تیرو ۳۰ کالو کې له هغې مودې څخه چې نړۍ ددې ناروغۍ د له منځه وړلو په خاطر سره راغونډ شول، د افغانستان، پاکستان او نایجریا هیوادو څخه پرته د نړۍ نور هیوادونه د پولیو د له منځه وړلو هدف ته ورسیدل. افغانستان کیدلای شي یو داسې هیواد شي چې د پولیو د له منځه وړلو ویاړ د ټولې نړۍ لپاره وګټي که چیرې ددې ناروغۍ په وړاندې په ګډه مبارزه وشي. په افغانستان کې لاهم د ګرمې او تودوخې موسم جریان لري چې په کې د پولیو ویروس سرایت او انتقال زیات وي. کوم ماشومان د کمپاینونو په بهیر کې د غیابت او یا د کمپاینونو د ممانعت له امله له واکسین څخه پاتې کیږي، هغوی ډيرژر نیږدې روغتیايي مرکز ته د واکسین کولو لپاره بوتلل شي. د پولیو ضد واکسین په بشپړه توګه خوندي دی او هیڅ ډول منفي جانبي عوارض نلري. نوي زیږیدلی او ناروغ ماشومان تر ټولو ډیر واکسین ته اړتیا لري، ځکه د هغوی د بدن دفاعی سیستم کمزوری او که چیرې واکسین نشي، ډیر ژر په پولیو اخته کیږي. د پولیو ضد واکسین د هیواد او نړۍ په کچه د ديني عالمانو له خوا تائید شوی او ورکول یې ماشومانو ته حتمي او ضروري بللی دی. د پولیو واکسین راتلونکي کمپاین د روان کال د سپټمبر له ۲۴ څخه تر ۲۸ ڼیټې پورې د هیواد په هغو سیمو کې چې د پولیو له لوړ خطر سره مخامخ دي، پلي کیږي.پاى- ع

Last modified on Monday, 17 September 2018 04:37

Leave a comment

Make sure you enter the (*) required information where indicated.
Basic HTML code is allowed.