په کابل کې دپاکستان سفارت : افغان ناروغانوته ويزه ورکوو .

Written by  manager
Rate this item
(0 votes)

کابل /دلړم ١٥مه / باختر :
په کابل کې دپاکستان سفارت وايي  چې افغان ناروغانو ته  ويزه ورکوي .
دوه ورځې مخکې  دپاکستان سفارت  يوې خبرپاڼې په خپرولو سره په افغانستان کې  دپاکستان  دديپلوماتيکي  مرکزونو دتړل کېدو خبرورکړ .
دې کار  دافغانستان  په زرګونو  خلک  چې  ددرملنې ، سوداګرى او دخپلو دوستانو  دکتنې لپاره  پاکستان ته ځي  ، اندېښمن کړل .
خو دپاکستان سفارت په يوه خبرپاڼه کې وويل :هغوافغان ناروغانو ته چې  مساعد روغتيايي حالت  نه لري او غواړي  چې ددرملنې لپاره پاکستان ته لاړ شي ، ويزه ورکوي.
دغه هېواد امنيتي ستونزې  په افغانستان کې دپاکستان دديپلوماتيکي دفترونو  ددروازو  دتړلو لپاره  ستر دليل  بللې دى .
  ختم_ ف _اکرم


 

Last modified on Monday, 11 November 2019 04:06
back to top