21 October 2017

RSS Facebook

سوداگریز


تازه خبرونه

يو انس سره زر په ١٢٨٢ډالرو وړاندې کيږي

کابل\باختر\ د تلې د مياشتې٢٩ په نړيوالو بازارونوکې نن يو انس...

د اسعارو بيه

کابل\باختر\ د تلې د مياشتې٢٩ د کابل د شهزاده سراى د...

د کابل په بازارونوکې د اړتيا وړ لومړنيو توکو بيې

کابل/ باختر/ د تلې د مياشتې ٢٩ نن د تلې د...

Youtube Player

khantry design

سوداگریز

سوداگریز

کابل\باختر\ د تلې د مياشتې٢٩
په نړيوالو بازارونوکې نن يو انس سره زرپه ١٢٩٢ډالرو وړاندې کيږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يو ګرام مصري سره زر په٢٨٠٠ افغانيو، کويټي په٢٨٠٠ افغانيو،سنګاپوري په٢٣٠٠ افغانيو،  بحريني په٢٢٥٠ افغانيو، عربي په٢٢٥٠ افغانيو، ايراني په١٩٥٠ افغانيو او يو ګرام روسي په ١٨٥٠افغانيو پلورل کيږي.     
پاى / سعيده

Saturday, 21 October 2017 12:45

د اسعارو بيه

کابل\باختر\ د تلې د مياشتې٢٩
د کابل د شهزاده سراى د صرافانو د رييس د معلوماتو له مخې، نن له غرمې مخکې د بهرنيو پيسو په مقابل کې د افغانۍ ارزښت په دې ډول دى:
يو امريکايي ډالر پيرودل په 30/68  افغانۍ
يوانګليسي پونډ پيرودل په 89/40افغانۍ
يوه يورو پيرودل په 80/20 افغانۍ 
يو سعودي ريال پيرودل په  18/10افغانۍ
د اماراتو يو درهم پيرودل په 18/55 افغانۍ
زرپاکستانۍ کلدارې پيرودل په 638 افغانۍ
زر هندۍ کلدارې پيرودل په 1050 افغانۍ
زر ايراني تومان پيرودل په 17/00 افغانۍ
يو روسي روبل پيرودل په 1\30 افغانۍ        
پاى-سعيده

کابل/ باختر/ د تلې د مياشتې ٢٩
نن د تلې د مياشتې٢٩ نيټه د کابل ښار په بازارونوکې د اړتيا وړلومړنيو توکو بيې په دې ډول دي:
يوه ٢٥کيلويي بورۍ اعلى وريجې  ٢١٥٠ افغانۍ
يومن شوله يي وريجې    ٣٢٠ افغانۍ
يو من بوره       ٢٨٠ افغانۍ
يو من وطنى مى      ٣٣٠ افغانۍ
  يو شپاړلس  ليتره پيپ غوړي    ١١١٠ افغانۍ
يوه پنځوس کيلويي بورۍ اوړه    ١١٨٠ افغانۍ
يو من وطنى لوبيا     ٧٥٠ افغانۍ
يو من وطنى نخود      ٧٣٠ افغانۍ
دغه راز، يو کيلوګاز ٦٠ افغانۍ، يو ليتر پترول ٤٥ افغانۍ او يو ليتر ديزل په٤٥ افغانۍ پلورل کيږي.   
پاى-سعيده

 

ښرنه باختر د تلې د میاشتې ۲۹ مه
د پکتيکا امنيتي چارواکي وايي چې په ګيانۍ ولسوالۍ کې ١٢ تنه وسله وال طالبان وژل شوي او نهه تنه نور ټپيان دي.
په پکتيکا ولایت کې د ٢٠٣ تندر قول اردو دميشې پلې لوا قوماندان بريد جنرال رحم دل خان باختر اژانس ته وويل چې له تېرو دوو ورځو راهيسې امنيتي ځواکونو په ګيانۍ ولسوالۍ کې چاڼيز عمليات پيل کړي دي.
هغه وايي چې په دغو عملياتو کې ١٢ تنه وسله وال طالبان وژل شوي او نهه تنه نور ټپيان شوي دي.
قومندان وايي چې امنيتي ځواکونو د دغو عملياتو په ترڅ کې هغه دوه پوستې هم بېرته له طالبانو نيولې دي چې څو ورځې مخکې طالبانو نيولې وې.
د قومندان په وينا د ګډو امنيتي ځواکونو چاڼيز عملیات به تر هغه دوام وکړي،چې سيمه په بشپړ ډول د وسله والو له شتون څخه پاکه شوي نه وي.پای/وصال

جلال اباد باختر د تلې د میاشتې ۲۹ مه
د ننګرهار ولایت د شېرزادو ولسوالۍ په مرکېخېلو سيمه کې د اوبو پر سر راپورته شوې دښمني له شلو کلونو وروسته د جرګې له لارې پر دوستۍ بدله شوه.
د باختر اژانس د خبر له مخې:
د روغې جوړې دغه جرګه د قومي مشرانو په منځګړيتوب ترسره شوه.
شاوخوا شل کاله مخکې د شېرزادو ولسوالۍ په مرکېخېلو سيمه کې دوو کورنيو د اوبو پر سر شخړه راپورته شوې وه،چې له امله یې يو تن وژل شوی وو،خو د شېرزادو او خوږياڼو ولسواليو د يو شمېر قومي مشرانو او د شېرزادو د قومي شورا په منځګړيتوب دغه دښمني پر دوستۍ بدله شوه.
د جرګې مشر او په ننګرهار کې د شوکاڼو ډبرو د اتحاديې رييس حاجي ولي خوږياڼي وويل، چې د دواړو لورو تر منځ د روغې جوړې هڅې يې يو نيم کال مخکې پيل کړې وې او په پاى کې په دې بريالي شول چې دواړه خواوې روغې ته قانع کړي.
په همدې حال کې د قاتل د کورنۍ غړي بشرمل له د جرګه مارو څخه مننه وکړه چې په خپلو هلو ځلو يې دوی له دښمنۍ خلاص کړل او بېرته يې د ورورولۍ په ټغر سره کېنول.
د مقتول مشر زوی وويل چې وينه په وينه نه مينځل کېږي او د قوم په منځګړتوب يې روغه وکړه.
زيات شمېر خلک بيا په دې آند دي که په ټولنه کې ديني عالمان او قومي مخور په رېښتينې ډول خپل رسالت ادا کړي،نو لرې نه ده چې په هېواد اوسني ټولې بدمرغي پاى ته ورسيږي.پای/وصال

ترينکوټ باختر د تلې د مياشتې ۲۹ مه
د روزګان ولایت د بشري حقونو د خپلواک کميسون مسوولين په جګړو کې له ښکېلو غاړو څخه غواړي،د ملکي وګړو ژوند ته پام وکړي.
د باختر اژانس د خبر له مخې:
په هغې غونډه کې چې په همدې موخه جوړه شوې وه، د روزګان ولایت د بشري حقونو د خپلواک کمیسیون مشر عبدالشکور روستايي په دې ولایت کې د ملکي وګړو د مرګ ژوبلې پر زیاتېدو اندیښنه وښوده او په جګړو کې پر ښکیلو غاړو يې غږ وکړ، چې د جګړو پر مهال د ملکي وګړو ژوند ته  پاملرنه وکړي.
په ورته وخت کې د حج او اوقافو رېیس او د عالمانو د شورا مشر مولوي حمدالله ابدالي بيا له اسلامي اړخه په ټولنه کې د بشري حقونو پر وضعیت او ارزښت رڼا واچوله او د دیني عالمانو په استازیتوب سره يې د بشري حقونو د کمیسیون له کړنلارې څخه ملاتړ څرګند کړ.
یو تن قومي مخور عبدالباري باور بيا د ملکي وګړو د مرګ ژوبلې د ډېریدو لاملونه په ټولنه کې بې عدالتي، زورواکي، د پردیو لاسوهنه او اهل کار ته د کار نه سپارل په ګوته کړل.
يو شمېر مدني فعالانو او مخورو بيا وسله والو ته په اشارې سره وویل چې جګړه د حل لاره نه ده.
دوی له وسله والو وغوښتل چې له دولت سره خبرو ته کښېنې او دسولې له لارې جګړې ته د پای ټکی کېږدي.پای/وصال

قلات باختر د تلې د میاشتې ۲۹ مه
د زابل ولایت د شاجوی ولسوالۍ په مربوطاتو کې د هوايي بريد له امله د وسله والو طالبانو د پنځو تنو قوماندانانو په ګډون اووه تنه وسله وال او له وسلو څخه يو ډک موټر له منځه يوړل شول.
دشاجوی ولسوال وزير محمد جوادي د باختر اژانس سيمه ييز خبریال ته وویل چې تېره ورځ د دغې ولسوالۍ د کوچنۍ خاکې په سيمه کې هوايي ځواکونو د طالبانو د وسلو پر يو ډک موټر بريد کړى چې له امله يې د پنځو تنو قوماندانانو په ګډون موټر هم له منځه وړل شوی دی.
جوادي زياته کړه چې طالبانو پلان درلود،چې دغه موټر له ناوې ولسوالۍ څخه د هلمند ولایت ته ولېږدوي،خو هدف ته له رسېدو مخکې د هوايي ځواکونو تر بريد لاندې راغې او له منځه يوړل شو.پای/وصال

Saturday, 21 October 2017 12:43

دحاجي محمدمحقق پيغام

کابل \باختر دتلې دمياشتې٢٩  نيټه  :
دکابل او غور په  جوماتونو دتروريستي بريدونو او دهېواد دولايتونو دنورو پيښو په اړوند داجرائيه رياست دمرستيال  حاجي محمدمحقق پيغام:
دداعش تکفيري مزدورې  ، جنايتکارې او تروريستي ډلې  چې دعراق او سوريې په هېوادونو کې يې ملا ماته شوې ده  او نور په دغو ځايونو کې دپيښې ايښودل ځاى  ورته نه دى پاتې شوى څه دپاسه يو کال کيږي چې غواړي    دملکي او بې دفاع خلکو په وژنې سره خپلو بادارانو ته خوش خدمتي وکړي او د ويجاړولو او يو مخيزې وژنې هغه ماموريت يې  چې په دغو هېوادونو کې لاره ، په افغانستان کې پرمخ بوځي .
دغه  جنايتکاره ډله  چې له شک پرته   داسلام دمبين دين  دښمنه  اودنړيوال استکبار او دافغانستان دخلکو  دقسم خوړولو دښمنانو څرګند او بې ارادې   ګوډاګۍ ده  په  جوماتونو او ديني مرکزونو دناځوانمردانه او په پټو سترګو دبريدونو په ترسره کولو سره دبې دفاع خلکو پرخلاف  چې دڅه دپاسه يوکال په بهيرکې يې ترسره کړي دي  زيات ناتارونه رامنځته کړي دي.
او دا ځلې هم  دغې بې لارې ډلګۍ دکابل په لويديځ  کې دامام زمان (ع ) په جومات  په لمونځ کوونکو خلکو او دغورولايت په دوه لينه ولسوالۍ کې ديوه   جومات په لمونځ کوونکو ددوو  ځانمرګو بريدونو په ترسره کولو سره  چې په دغو  جنايتکارانه بريدونو کې زموږ په لسګونو تنه ملکي او لمونځ کوونکي هېوادوال شهيدان اوټپيان شوي دي ، غواړي  دبې دفاع خلکو دوژنې له لارې ، دسترګې زهر وښيي او خپله واکمني غوښتنه دافغانستان په خلکو وتپي.
هغه نور خونړي بريدونه چې دتروريستانوله خوا دتيرې اوونۍ  په بهيرکې  په پکتيا ،غزني او قندهار کې ترسره شول  اوله امله يې دهېواد څه دپاسه سل تنه مدافع سرښندونکې ځوانان شهيدان او کابو دوه سوه تنه نور ټپيان شول هم   ددوى درواني پراختيا غوښتنې په لاره کې دافغانستان په خلکو ترسره کيږي.
زه ددغو پيښو دغندنې په ترڅ کې ددغو مرګانيو پيښو له امله دافغانستان  ميړني ملت ته دډاډګېرنې مراتب څرګندوم  او دغو پيښو  مظلومو شهيدانو ته   دفردوس جنت  او ټپيانو ته دبيا روغتيا هيله کوم  او هم دخپلې همدردۍ او خواخوږۍ مراتب دکابل ، غور ، پکتيا ، هلمند او غزني په ولايتونو کې دشهيدانو درنو کورنيو  او ټپيانو ته څرګندوم .
اوله دولت څخه  غواړم  چې دتروريستانو اوتکفيريانو په وړاندې دخلکو دټولو قشرونو ترمنځ  ديووالي په ساتنې سره کلک  اوپه تدبيرسره ودريږي ، حذف شوي  او ترد شوي  سياستونه دې يوې خوا پريږدي  او ځان  دراتلوونکو انتخاباتو  په سياليو مصروف نه کړي او دهېواد دځمکنيو او هوايي امنيتي او دفاعي ځواکونو  دپياوړي کولو  او دټولو ورونو قومونو ديو موټي کولو له لارې  ددښمن خوځښتونه په نطفه کې شنډکړي  چې سبا به  وخت تير شوي وي.
له نړيوالې ټولنې  اودسيمې او نړۍ  له اړوندو دولتونو څخه غواړم چې داسې چلند غوره کړي چې دلرې او نږدې هېوادونو ترمنځ سيالۍ کې  دتروريزم دودې لپاره  چې دبشريت دښمنان او ټول  په هر نامه  چې وي  ديوې سکې دوه مخونه دي ، فرصت برابر نه شي چې دسيمې ملتونه  له پخوا زيات له بدمرغيو او وينې تويولو سره مخامخ نه شي  .
دافغانستان له مسلمان  اوسرلوړي ملت څخه غواړم چې ديو والي اويو موټيتوب دساتنې په ترڅ کې له امنيتي ارګانونوسره په   همغږۍ کې خپله هوښياري وساتي  او دايمي  او هميشنۍ تياري  ولري چې دښمنان ونه کړاى شي   له دې زيات دملکي وګړو په وژنې او جنايت لاس پورې کړي او دهغوى  نفاق اچوونکي  اوکرغيړن پلانونه په  اوبو لاهو شي.
ګرانو هېوادوالو ته په خونړي  زړه او په ژورې  خواشينۍ سره ددغه ټکي يادونه کوم چې  په اوسنيو نازکو شرايطو کې يوه شيبه غفلت  دجبيرې وړ نه دى او  دسترو مصيبتونو سبب کيږي.
د جوماتونو او دديني او مذهبي مرکزونو دملاتړ  امنيتي طرحه  په همدې موخه وه  چې خلک په هر راز شرايطو کې  دځان دفاع ته چمتو دي  دمحرم په ورځو کې چې ټول تياري درلود ، دښمن هيڅ  غلطي ونه کړاى شي   خو له رامنځته شوي تشې څخه په استفادې سره يې په نورو  جنايتونو لاس پورې کړ .
دولت او ملت دې بايد  د جوماتونو دملاتړ امنيتي طرحه جدي وبولي  امنيتي  ځوانان دې  په ښه توګه وروزي او د جوماتونو دملاتړ ځواکونو داړتيا وړ وسايل او لوازم دې برابر کړي  . تراوسه پورې له  کابل پرته دهرات ، بلخ  ،غزني  او په ځينو نورو ولايتونو کې د جوماتونو دملاتړ امنيتي طرحه له پلان سره سمه نده  اجرا شوې  چې ډير ژر   دجوماتونو او دديني مرکزونو دملاتړ پلان عملي شي.
له دې پرته ښايي  هره شيبه  ددغه شان مرګانيو او دنه جبيرې وړ پيښو شاهدان واوسو .
پاى \ ف\ ذ

Saturday, 21 October 2017 12:43

مطبوعاتي اعلامیه

کابل \باختر دتلې دمياشتې٢٩ نيټه 
په کابل او غور ولایتونو کې پر جوماتونو د تروریستي بریدونو په اړه مطبوعاتي اعلامیه
تروریستو جنایتکارانو یو ځل بیا خپل ناولي لاسونه د مسلمانو لمونځ کوونکو په وینو ولړل او د کابل په لویدیځ پر امام زمان جومات او په غور ولایت کې پریو جومات، جلا جلا بریدونو کې یې زموږ یو شمېر مسلمان هېوادوال د ماښام د لمانځه پرمهال شهیدان او ټپیان کړل.
په سپېڅلو ځایونو او بل هر ځای کې د خلکو په نښه کول بشري ضد جنایت او د ټولو اسلامي او بشري حقونو ارزښتونو سره په ټکر کې ګڼل کېږي او د دغه شان جنایتونو عاملین د نابودۍ مستحق دي.
تروریست جنایتکاران چې خپلو شومو موخو ته د رسېدو لپاره اسلام وسیله ګرځوي او پر هیڅ ارزښتونو باورمند نه دي، د خلکو په ځانګړي ډول د لمونځ کوونکو امنیت له خطر او ګواښ سره مخامخ کوي چې دا په خپله د افغانستان د متحدو خلکو تر منځ د تفرقې اچولو اقدام ګڼل کېږي.
دادی یو ځل بیا په ټول جدیت څرګندېږي چې تروریستي ډلې هیڅ وخت خپلو شومو اهدافو ته د تفرقې اچولو په موخه نه بریالي کېږي او د افغانستان امنیتي او دفاعي ځواکونه به یې ډېر ژر وځپي او نابود به شي.
تروریستان بایدپه دې پوه شي چې د دوی جنایتونه او له کرکې ډک عملونه به زموږ په متحده ټولنه کې پایلې ونه لري، ځکه د دې خاورې د هر قوم او مذهب اوسېدونکي د تاریخ په اوږدو کې دیو بل تر څنګ ودرېدلي او اوس به هم د دښمنانو توطیې په اتحاد او پیوستون شنډې کړي.
جمهور رئیس محمد اشرف غني د تير ماښآم تروریستي پېښې په سختو ټکو غندي او شهیدانو ته د فردوس جنت او ټپیانو ته د سملاسي روغتيا هیله کوي. پاى- ع

کابل \باختر دتلې دمياشتې٢٩ نيټه  :
کابل ښار نن سهار ددوو توغنديو دلګيدو ډګر و.
يوه امنيتي خبرځاى دغه پيښه تائيد کړه.
ويل کيږي دغه دوه توغندي دملي راډيو ټلويزيون او دامريکا سفارت ته  څيرمه دنړيوالو ځواکونو قوماندانۍ ته څيرمه لګيدلي دي.
دغه امنيتي خبرځاى ويلي دي چې ددغو توغنديو دلګيدو له امله دسر زيان نه دى اوښتى.
پاى \ ج\  ذ

Page 1 of 5690