06 July 2020

RSS Facebook

سوداگریز


تازه خبرونه

ماته ګوډه ولسواکي پیاوړتیا غواړي

کابل/ د چنګاښ ۱۶ مه / باختر افغانستان نن د یوې...

۲۳۹ تنه پر کرونا ویروس اخته شول

۲۳۹ تنه پر کرونا ویروس اخته شول

کابل\ د چنګاښ ١٦ مه\ باختر په تېروڅلورویشتوساعتو کې په هېواد...

Youtube Player

khantry design

سوداگریز

سوداگریز

اخبار جهان

بغداد / دچنګاښ ١٥مه / باختر :
عراقي خبرځايونو نن خبر  ورکړ، چې د بغداد په شنه امنيتي سيمه کې  د امريکا پرسفارت راکټي بريد وشو .
  د عراق  ټلويزيوني شبکې دجلې خبرورکړ،  چې د پاتريوت راکټي سيستم هم  د دغو توغنديو په بشپړ شنډولو کې  سم عمل نه دى کړى اودغه  توغندى  د بغداد شنې سيمې ته څېرمه  ولګېد .
دا په داسې حال کې ده چې په سيمه کې د امريکا  يوشمېر پلوي رسنيو ادعاوکړه  چې د پاتريوت سيستم  د دغو توغنديو په شنډولو کې  ښه عمل کړى دى .
د بغداد په شنه سيمه کې د امريکا سفارت ته څېرمه  د توغنديو لګېدل په داسې حال کې رامنځته کېږي  چې امريکايي ځواکونو پرون  د پاتريوت  د  راکټي دفاع  نوى سيستم  په دغه سيمه کې ازمايښت کړ .
د غبرګولې په ٢٩ نيټه هم د بغداد  د مرکز په شنه سيمه کې  د امريکا سفارت ته څېرمه څلور توغندي لګيدلي و .
  ختم _ج _ اکرم

دوحه  / دچنګاښ ١٥مه / باختر :
دافغانستان د سولې لپاره  د امريکا ځانګړى استازى  د طالبانو  د سياسي دفتر له مرستيال سره  په قطر کې ليده کاته او خبرې اترې وکړې.
د منځني ختيځ د خبري اژانس د خبرله مخې،  زلمي خليل زاد پرون  په خپل تيوتر کې وليکل چې له ملا غني برادر سره په کتنه کې د افغانستان د سولې بهير په ګړنديتوب ټينګار شوى  دى .
هغه څرګنده کړه چې دواړه لوري بايد سولې ته  د رسېدو لپاره خنډونه لرې کړي او د بين الافغاني  خبرو اترو د پيل لپاره  عملي اوګړندي ګامونه واخلي .
خليل زاد دغه راز په افغانستان کې پرپانګې اچونې هم ټينګار کړى دى .
د يادونې وړ ده چې په دې غونډه کې  د افغانستان لپاره د قطر د بهرنيو چارو  د وزارت ځانګړي استازي  مطلق القحطاني  او د امريکا د نړېوالې  پراختيا د پانګې اچونې د شرکت اجراييوي  رييس  آدام بولر هم  ګډون کړى و .
د خليل زاد د سيمه ييزو سفرونو نوى  دوره  تېره اوونۍ  پاکستان، ازبکستان او قطر ته په سفر سره  پيل شوه .
  ختم _ ج _ اکرم

کيف  / دچنګاښ ١٣مه /باختر :
ايران  د اوکرايني الوتکې د قربانيانو  کورنيو ته  د غرامت له ورکولو سره  موافقه وکړه .
اسپوتنيک  د سويډن  د ان بي سي نيوز له خولې خبرورکړ ،  چې ايران  د اوکرايني الوتکې د قربانيانو کورنيو سره د غرامت ورکولو  موافقه کړې ده
د سويډن دبهرنيو چارو وزير  اعلام وکړ چې دغه موافقه  د ايران  او د هغو هېوادونو ترمنځ  له خبرو وروسته  وشوه  چې  د هغوى  خلک په قربانيانو کې شامل دي .
هغه  زياته کړه  موږ څو اړخيز موافقه  لاسليک کړې ده .  چې اوس ټاکل شوې ده له ايران سره  دقربانيانو د غرامت او زيانمنوپه باب  خبرې وکړو.
  ايران  تراوسه پورې د اوکرايني الوتکې په راغورځېدو پورې داړوندوتحقيقاتوپه بهير کې همکاري کړى دى . او تېره اوونۍ  د ايران د بهرنيو چارو وزارت تاييد کړ  چې داوکرايني الوتکې توره جبهه  د زياتو تحقيقاتو لپاره فرانسې ته لېږي .
ختم _ ج _ اکرم

-مسکو / دچنګاښ ١٣مه /باختر :
د روسيې د بهرنيوچارو وزارت وايي :روسيه  هيڅکله په افغانستان کې  طالبانو ډلې ته وسلې نه دى ورکړى .
د روسيې دبهرنيو چارو وزارت وياندې  ماريا زاخارووا پرون  په يو مطبوعاتي کنفرانس کې د امريکا د بهرنيو چارو د وزير  مايک پمپيو ادعا رد کړه .
  پمپيو د چارشنبې په ورځ وويل  چې روسانو په تېرو لسو کلونوکې داسې وسلې  پلورلي دي  چې د امريکايانو  ژوند يې  له خطر سره مخامخ کړي دي .
  هغې زياته کړه :روسيې يواځې  دافغانستان قانوني دولت ته وسلې ورکړې دي
دامريکا د دفاع وزارت وايي : په ٢٠١٩ميلادي کال کې ٢٢ امريکايي پوځيان په  افغانستان کې ووژل شول .
دنيويارک تايمز خبرځايونه  ادعاکوي  چې ديو امريکايي پوځي وژل کېدل  د روسيې او طالبانو د پټې  موافقې پايله وه .
د طالبانو وياند ذبيح الله مجاهد هم  پرون  په خپل تيوټر کې  د يوې اعلاميې  په خپرولو سره د امريکا د دفاع وزارت  دچارشنبې دورځې  رپوټ  رد کړ .
  ختم _ج _ اکرم

 

Page 1 of 738