24 May 2019

RSS Facebook

سوداگریز


تازه خبرونه

اووه تنه داعشيان په کونړکې ووژل شول

اووه تنه داعشيان په کونړکې ووژل شول

کابل/باختر/ د غبرګولي د مياشتې ۲مه د داعش دډلې اووه...

پنځه تنه غله ونيول شول

پنځه تنه غله ونيول شول

کابل/باختر/ د غبرګولي د مياشتې ۲مه دهرات، تخار او بغلان...

شپږ تنه وسله وال طالبان د کابل په سروبي کې ونيول شول

شپږ تنه وسله وال طالبان د کابل په سروبي کې ونيول شول

کابل/باختر/ د غبرګولي د مياشتې ۲مه دکورنيو چارو وزارت دپوليسو...

Youtube Player

khantry design

سوداگریز

سوداگریز

اخبار جهان

دويچه ويله/ د غويي د مياشتې ٢٩مه
د سعودي عربستان د بهرنیو چارو وزیر له ایران سره د سولې پر ارادې ټینګار            کړی دی.   
د سعودي باچا سلمان په مکه کې یوه غونډه هم رابللې ده. د عربستان پر کښتۍ او پایپ لاین باندې شويو بریدونو ښایي ریاض هم د وضعیت جدي والي ته متوجه کړی وي.
له ایران سره د کړکیچ په ترڅ کې سعودي عربستان روښانه کړې ده چې په سیمه کې د یوې جګړې مخنیوی غواړي.
د سعودي عربستان د بهرنیو چارو وزیرعادل الجبیرویلي دي چې ریاض هیڅ کومه جګړه نه غواړي، نه د جګړې په لټه کې دی او دهغې دمخنیوي لپاره به ټول ممکنه چارې تر سره کړي. 
خو هغه په عین وخت کې ویلي دي چې هېواد یې په ټول شدت او هوډ سره غبرګون ښودلو ته چمتو دی.
د الجبیر په خبره اوس توپ په اصطلاح د تهران لوري مخې ته پروت دی.
پاى \ ذکرالله


 

د ويچه ويله/ د غويي دمياشتې ٢٧مه
د پاکستان د يوه کلي ډیر اوسیدونکي چې زياتره یې ماشومان دي، نوي په «اچ.آى.وي» وایرس اخته شوي دي.
د کلي اوسیدونکي د دې کار پړه پر یوه جعلي ډاکټر اچوي چې په خبره یې په قصدي ډول یې دغه وایرس خپور کړی دی.
د پاکستان په لویدیځ کې اندیښمن والدین په تمه دي چې اولادونه یې معاينه شي چې    «اچ.آى.وي» خو به نه لري. ویل کیږي په دې کلي کې په سلګونو کسان یوه ډاکټر په دې وایروس باندې اخته کړي دي.
دغه کلی چې «وسایو» نومیږي، د پاکستان د سیند ايالت د لرکانا په سیمه کې پروت دی. اوس هلته پولیس د نظم د ساتلو په موخه استول شوي چې په پنځو بېلابېلو غرفو کې د کلي د اوسیدونکو د آزموینې په بهیر کې نظم راولي.
روغتیایي چارواکو ویلي دي چې په وروستیو اوونیو کې په دې ځای کې تر۴۰۰ ډیر کسان چې ډیری یې ماشومان دي،  په «اچ.آى.وي» وایروس اخته ثابت شوي دي.
دغه چارواکي په عین حال کې په پاکستان کې په «اچ.آى.وي» وایرس د اخته کسانو شمېر د زیاتیدو ګواښ هم کوي او وایي چې ډیر وخت دغه وایرس د جعلي ډاکټرانو له خوا د ناپاکو طبي آلاتو د استعمال له امله خپریږي.
په دې کلي کې چې ډیر ناداره هم دي، د دغه وایرس د خپریدو له امله ویره او غوصه
ډیره زیاته شوې ده.
چارواکي وایي چې په دې سیمه کې د «اچ.آى.وي» وایرس یا د یوه ځايي روغتیایي کارکوونکوي د بې احتیاطي او یا هم ناوړه اهدافو له کبله خپور شوی دی.
په یوه موقتي جوړ شوي کلنیک کې یو ډاکټر وایي: د کلي اوسیدونکي ډله ډله راځي.
مختار پرویز یو له هغو کسانو څخه دی چې غواړي لور يې معاینه شي، ځکه اندیښنه لري چې د لور وروستۍ تبه یې ښايي د دې وایرس له خپریدو سره تړلې وي.
د کلي ځيني نورو اوسیدونکو وختي لا ډیر بد خبرونه تر لاسه کړي دي. 
نصیر احمد  دې کلنیک  ته  راغلی دی چې د خپلې یوې کلنې لور لپاره چې په «اچ.آى.وي» وایرس اخته ده، درمل ترلاسه کړي.
هغه درې ورځې مخکې خبرتر لاسه کړی چې لور یې دا وایرس لري.
پاى \ذکرالله

اسلام اباد/ جيو نيوز/ باختر د ثور ٢٢مه :
درېيو تنو وسله والو طالبانو د پاکستان د بلوچستان ايالت د ګوادر ښار هوټل د پيريل کانتيننتال پر «پنځه ستوری» هوټل بريد وکړ او له امنيتي ځواکونو سره ونښتل.
په بلوچستان کې امنيتي مقاماتو ويلي دي چې دغه بريد پرون له غرمې وروسته پيل شو او د هوټل زيات ميلمانه ژغورل شوي دي .
په خبرونوکې ويل شوي دي چې په دې بريدکې د سر زيان اوښتى دى، خو مشخص شمېر يې د رسنيو په وا ک کې نه دی ورکړ شوی خو مقاماتو د هوټل د يوه تن ساتوونکي وژل کېدل تاييد کړي دي .
د بلوڅو د آزادي غوښتوونکې اردو په نامه دبلوڅو يوه بيلتون غوښتوونکي ډلې د دغه بريد مسووليت په غاړه اخيستى دى .
دغه هوټل په وروستيو کلونوکې د چين په مرسته دپاکستان له خوا جوړ شوى دى چې زياتره بهرني اتباع او چينايي کارکوونکي په کې شپې سبا کوي .
د ګوادر ښار د بلوچستان ايالت د مرکز کويټې ښار د جنوب لويديځ په ۷۰۰ کيلومتري واټن کې موقعيت لري.
  ختم_ ج _ اکرم

بي بي سي / د غويي د مياشتې ۱۷مه
د میانمار دجمهوري رياست ماڼۍ د بخښنې له مخې، د رویټرز خبري اژانس دوه خبریالان، وا لون او کیاو سو وو چې د وژل شویو مسلمانانو قضیه یې څېړله ، له             څه باندې ۵۰۰  ورځو بند وروسته خوشې شوي دي. 
د رویټرزخبري اژانس دوه خبریالان چې میانمار کې یې د وژل شویو مسلمانانو قضیه څېړله او وروسته حکومت بنديان کړي وو، خوشې شول. 
  ۳۳ کلن وا لون او ۲۹کلن کیاو سو وو، د جمهوررئيس له بخښنې وروسته خوشې شول. دوی څه باندې ۵۰۰ ورځې بند کې تېرې کړې.   
دوی په تېرسپتمبرمیاشت کې د رسمي برخورد قانون له مخې په اووه کاله بندمحکوم شوي وو.   
پېښې ته خلکو د بیان پر ازادۍ د برید په سترګه وکتل او میانمار کې یې د دیموکراسۍ په اړه پوښتنې راپارولې.
له زندان څخه د راوتلو په وخت وا لون د بي بي سي خبریال نیک بېک ته وویل دی
به هېڅکله له خبریالۍ لاس وانخلي.
هغه خبریالانو ته وویل: زه خوښ یم چې بیا خپله کورنۍ اوخپل همکاران وینم .
دواړه خبریالان مېرمنې او واړه بچیان لري . د وا لون مېرمن د هغه له نیولو وروسته پوه شوه چې بچی یې په  نس دی. والون یوازې څوځله خپله وړه لورکۍ ولیدای شوه.
خبریالان له هغو زرګونو نورو بندیانو سره یوځای د بخښنې د بهیر له لارې خوشې کړل شول چې هر کال د میانمار د نوي کال په مراسمو کې ترسره کېږي.
د رویټرزخبري اژانس مشر وویل، دغه خبریالان چې تېره میاشت د پولیتزرمعتبره جایزه هم ګټلې وه، د بیان د آزادۍ په "سمبول" بدل شوي.  
ښاغلي سټیفن ادلر په یوه خبرپاڼه کې وویل: موږ بې حده خوښ یو چې میانمار زموږ زړور خبریالان خوشې کړل.   
پاى \ذکرالله

Page 1 of 726