22 February 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اخبار جهان

سرينګر/ تربيون / د سلواغې دمياشتې ٢٩نيټه
د هند تر ادارې لاندې کشمير کې نن په يوه جګړه کې څه ناڅه ۷ تنه ووژل شول.
باختر آژانس د پاکستان تربيون ورځپاڼې له خولې خبر راکړ:
دغه سخته جګړه له هغه ځانمرګي بريد څلور ورځې وروسته چې پکې ٤٤ تنه هندي پوليسان ووژل شول؛ پيل شوه او څو ساعته يې دوام وکړ.
د اردو او پوليسو خبرځايونو خبر ورکړ چې څلور تنه سرتيري، دوه تنه ياغيان او يو ملکي وګړى د سرينګرښار په جنوب پولواما ناحيه کې ووژل شول.
په نننۍ جګړه کې  يو ملکي وګړى او يو سرتيرى سخت ټپيان شول.
د هند دپوليسو يوه جګپوړي مامور چې د نامه له اخيستلو څخه يې ډډه وکړه؛ دفرانسې خبري آژانس ته وويل چې د دغې جګړې په بهيرکې څلور تنه سرتيري وژل شوي او يو تن بل ټپي شوی دی.
د هند دغه رسمي مقام ادعا وکړه چې هندي سرتيرو د خبرداری ډزې وکړې خو ياغيانو جګړه پيل کړه .
د پنجشنبې د ورځې له بمي بريد وروسته چې ٤٤ تنه عسکر پکې ووژل شول؛ هندي ځواکونو د کشمير په سيمه کې د ياغيانو د لټونې عمليات پيل کړي دي .
هند، پاکستان د دغې پېښې عامل بولي خو پاکستان دغه ادعا ردوي. پاى\ ج\ ذ

– واشنګټن/ بي بي سي / باخترد سلواغې دمياشتې ٢٧نيټه
د امریکا شیکاګو ښار ته څېرمه یوه کارخانه کې یوه وسله والو په ډزو پنځه کسان وژلي او پنځه  تنه نور یې ټپیان کړي دي .    
له بریدګر سره پولیسو نښته کړې  چې پنځه  تنه پوليسان هم  پکې ټپیان شوي دي.                                                                                               تر اوسه د دغه برید انګیزه مالومه نه ده. بریدګر هم له پولیسو سره په ډزو کې وژل شوی دی.
دغه ډزې پرون دوې بجې د هنري پرټ په نامه فابریکه کې شوې.    
پولیسو ویلي، بریدګر ګري مارټین نومېږي چې ۴۵ کلن دی.     
دغه برید د فلوریډا پارک لېنډ ښوونځي کې د ورته برید تر یوې کلنۍ نمانځنې څو ورځې وروسته شوی چې څه ناڅه  ۱۷ تنه پکې وژل شوي وو. 
پاى \ذکرالله \

کابل باختر دسلواغې شپږ ويشتمه :
دايران دبهرنيو چارو وزارت وياند  دهندوستان په سرينګر  کې تروريستي پيښه چې لسګونو تنو ته دمرګ ژوبلې داوښتو سبب شوه په کلکه  وغندله او ددغې ترخې پيښې درامنځته  کيدوله امله يې ددوست هېواد هندوستان دولت او ملت ته د ډاډ ګيرنې مراتب څرګند کړل او دپيښر دقربانيانو له کورنى سره يې همدردي او غمرازي  څرګنده کړه .
هندي رسنيو پرون خبرورکړ چې ددغه هېواد دامنيتي ځواکونو دکاروان په تګلوري  کې په يوه موټر کې دځاى پرځاى شوي بم دچاودنې له امله  ٤٤  تنه هندي  نظامي او امنيتي ځواکونه ووژل شول او  ٢٠ تنه نور ټپيان شول .
  ختم_ عطاالله _ اکرم

 

- پراګ/ آزادۍ راډيو/ دسلواغې دمياشتې٢٥نيټه :                                            
طالبان وایي چې د سولې د روانو هڅو په ترڅ کې به له امریکایي پلاوي سره د راتلونکي دوشنبې په ورځ د پاکستان په پايتخت اسلام‌اباد کې وګوري.
خو د امریکا د بهرنیو چارو وزارت یوه چارواکي وویل چې مرکچي پلاوي یې تر اوسه د خبرو بلنه نه‌ ده ترلاسه کړې.
د آزادۍ راډيو په وينا د طالبانو ویاند ذبیح الله مجاهد پرون په یوې خپرې کړې خبرپاڼه کې وویل ؛ چې دواړه لوري به مخکې له دې چې د فبرورۍ په ۲۵مه په قطر کې غونډه وکړي،  په اسلام آباد کې سره وګوري.   
د طالبانو ویاند دغه راز ویلي چې مرکچي پلاوی به یې دغه راز په اسلام اباد کې د پاکستان له صدراعظم عمران خان سره هم وګوري  .   
طالبانو په خبرپاڼه کې ویلي چې د افغانستان د یوه ګاونډي هېواد په توګه پاکستان کولای شي یوه جوړجاړي ته په رسېدو کې کلیدي رول ولوبوي .     
ښاغلي خلیل‌زاد او د طالبانو استازیو دواړوپه تيرو ترسره شویوخبروکې د پرمختګونو خبر ورکړی خو امریکایي چارواکو په‌دې اړه له احتیاط څخه کار اخېستی او ویلي یې دي چې  یوې  وروستۍ موافقې ته تر رسېدو  پورې ډېر کارونه شته چې   باید ترسره شي.                                                                                                       ټاکل شوې  چې ښاغلی خلیل‌زاد او ورسره پلاوی یې شپږو هېوادونو ته  د  روان سفر په ترڅ کې پاکستان ته هم ولاړ شي. 
په‌دغه سفر کې چې د روانې میلادي میاشتې تر ۲۸مې دوام کوي، امریکایي پلاوی بلجیم، آلمان ، ترکیې، قطر او افغانستان ته هم ځي. 
پاى \ذکرالله

Page 1 of 722