27 February 2020

RSS Facebook

سوداگریز


تازه خبرونه

دمخابراتو او معلوماتي تکنالوژۍ وزارت  له ټاکلي هدف   څخه   ٤٣ سلنه  زيات عايد راټول کړى دى

دمخابراتو او معلوماتي تکنالوژۍ وزارت له ټاکلي هدف څخه ٤٣ سلنه زيات عايد راټول کړى دى

کابل/ دکب٧مه / باختر : دمخابراتو اومعلوماتي تکنالوژۍ وزارت سرپرست ...

څه ډول کولاى شو دکرونا ويروس د خپريدو مخه ونيسو؟

کابل/ دکب٧مه / باختر د عامې روغتيا وزارت د ساري...

Youtube Player

khantry design

سوداگریز

سوداگریز

اخبار جهان

 نړيوالې خبري منابع/ د لړم ٢٤مه/ باختر
د ناټو عمومي منشي وايي: دغه تړون د افغانستان له دفاعي او امنیتي ځواکونو سره مرسته کوي او روزي یې، ترڅو دا خبره یقیني کړي چې د داعش ډله بیا هېڅکله په افغانستان کې ځاله نه کوي.    
یینس سټولټنبرګ پرون د داعش ډلې پرضد ائتلاف کې د شاملو ۳۰ هېوادونو د چارواکو په ګډون په واشنګټن کې په یوه غونډه کې وویل: ناټو او متحده ایالاتو موافقه کړې ده چې د دوستو هېوادونو د پوځي ځواکونو د وړتیا لوړولو لپاره به هڅوته دوام ورکوي چې د تروریزم پرضد مبارزه کې پیاوړي شي. 
د ناټو عمومي منشي د داعش ډلې د مشر ابوبکرالبغدادي وژل کېدل یو مهم پرمختګ وباله او زیاته یې کړه چې دغه  ډله به هغه ځای بیا هېڅکله ترلاسه نه  کړي چې په سوریه او عراق کې له ماتې وروسته یې په افغانستان کې ځان ته موندلی و.  پاى \ ذ

 وي.او.اې/ د لړم ٢٤مه/ باختر
د کډوالۍ نړیواله اداره (آى.او.ام) وايي: د روان ۲۰۱۹ کال له جنورۍ میاشتې         څخه بیا د اکټوبر تر وروستۍ نېټې پورې له ایران او پاکستان څخه ٤٢٦ زره او ۵۶۹ کډوال افغانستان ته ستانه شوي دي.   
دغه سازمان وايي: په روان کال کې د افغان کډوالو لویه برخه چې ٤٠٨ زره ۳۵۱ تنه کېږي؛ له ایران څخه ایستل شوې ده.
د کډوالۍ نړیوال سازمان نن په خپل راپورکې ویلي دي چې د روان ۲۰۱۹ کال له جنورۍ څخه بیا تر دا مهاله ٢٢٩ زره او ۳۶۵ افغان کډوال له ایران څخه په زوره ایستل شوي او ١٧٨ زره ۹۸۶ تنه نور په خپله خوښه هېواد ته ستانه شوي دي.
راپور وايي چې له تېرو درې اوونیو راپه دې خوا بیا د نوامبر میاشتې تر٩ مې پورې ١١زره ۷۱۹ افغان کډوال له ایران څخه ایستل شوي دي چې۶ زره ۱۶۶ تنه یې په خپله خوښه او پاتې ۵ زره ۵۵۳ نور یې په زوره ایستل شوي دي.
د کډوالو نړیوال سازمان همدارنګه ویلي دي چې د روان میلادي کال له پیل څخه تر دا مهاله له پاکستان څخه هم ۱۸زره ۲۱۸ تنه افغان کډوال وتلي چې۱۵ زره ۶۶۷ تنه یې په خپله خوښه او ۲ زره ۵۵۱ تنه یې په زوره ایستل شوي دي. 
د دغه راپور له ‌مخې د روان کال له پیل څخه بیا تر دا مهاله له ترکیې څخه ۲۲زره ۷۲۳ افغان کډوال خپل هېواد ته ستانه شوي چې ۴۴۸ یې په داوطلب او پاتې۲۲ زره ۲۷۵ نور یې په زور ایستل شوي دي .
پاى\ ذ

کابل / د لړم ١٩مه / باختر :
په بنګله دېش او هند کې د بولبول توپان رسېدو له وېرې څه باندې دوه میلیونه وګړي له خپلو کورونو وتلي دي.
دغه توپان پرون د هندي بنګال لوېدیځ ساګر ټاپو ته ورسېد او اټکل و چې څپې یې دوو مترو ته ورسېږي.
د رپوټونو له مخې، تر اوسه د دغه توپان له کبله دوه کسان وژل شوي دي.  په هند کې د کلکتې نړیوال هوايي ډګر په ګډون ډېری نږدې بندرونه او هوايي  ډګرونه تړل شوي دي.
په بنګله دېش کې هم د مونګلا او چیتاګونګ په نومونو دوه لوی بندرونه تړل شوي  او د چیتاګونګ هوايي ډګر الوتنې هم درول شوې دي .
هوا پېژندونکو وړاندوېینه کړې چې دغه توپان دشمال په لور روان دى او ښايي توان یې کم شي.  له توپان سره په ګړۍ کې ۱۲۰ تر ۱۵۰ کیلومتره بادونه هم مل دي چې په سمندر او اوبو کې یې لویې څپې جوړې کړې دي.
  پاى \ ذ

 

کابل/ د لړم ٧مه/باختر
د تېرې شنبې په ورځ  د داعش د مشر ابوبکر البغدادي له وژل کېدو وروسته عبدالله قرداش د داعش نوى مشر وټاکل شو.
باختر آژانس د ديلي ټايمز له خولې خبر راکړ: عبدالله قرداش چې د عراق د معدوم  جمهور رييس  صدام حسين حکومت په اردوکې پوځي افسر و او د ابوبکر البغدادي ترڅنګ د امريکا پوځ په واسطه په القاعده شبکه کې د غړيتوب په تور په  ٢٠٠٣ميلادي کال کې بندي شو او تصور کېږي چې دغو دوو تنو په جېل کې دغه ډله  جوړه کړه.
هغه په داعش ډله کې د قانون جوړوونکى او پاليسۍ رييس و او استاد پېژندل کېده.
د اګست په مياشت کې بغدادي قرداش د دې ډلې د ورځنيو عملياتو مسوول وټاکه، هغه چې د استاد په نامه مشهور دى؛ د داعش يوه ظالمه څېره ده.
د هغې وينا له مخې چې داعش د دې ډلې په ويب سايټ کې خپره شوې ده؛ په کې ويل شوي دي چې د اګست په مياشت کې البغدادي، قرداش د دې ډلې د عملياتو مسوول وټاکه.
البغدادي د امريکايي ځواکونو په هغو ځانګړو عملياتوکې چې دتېرې شنبې په ورځ په سوريه کې ترسره شول؛ ځان د يوې تونل په دننه کې وچاوه.
ختم- ف -اکرم

 

Page 3 of 734