19 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اخبار جهان

برلين/ ډيلي ميل/ دتلې ١٦مه / باختر
يو سوري تبعه نن د آلمان په ليمبورګ ښارکې يو لارۍ موټر په قصدي ډول له څو موټرو سره ټکر وکړ چې په پايله کې ٧ تنه ټپيان شول.
باختر آژانس د ډيلي مېل ورځپانې له خولي خبر راکړ چې بريد کوونکى دغه لارۍ موټر پرون ماښام غلا او نن يې له ٩ موټرو سره ټکر کړ چې په پايله کې ٧ تنه ټپيان شول.
د آلمان سيمه ييزو رسنيو خبر ورکړ چې ٣٢ کلن مشکوک نيول شوى دى.
تر اوسه د پېښې انګېزه نه ده روښانه.     
پاى \ذ

پاريس/ دامريکاغږ / دتلې ١٢مه / باختر
په فرانسه کې مقامات وايي چې په پاريس کې د پوليسو ادارې يو کارکوونکى په چړې         سره د پوليسو پر مامورينو بريد وکړ او څلور تنه يې ووژل.
ويل کېږي دغه کارکوونکي هېڅ جرمي سابقه نلرله او د پوليسو په ډزوکې ووژل شو.
تر اوسه د دغه بريد انګېزه روښانه نه ده.
خو د فرانسې رسنيو رپوت ورکړى دى چې بريدګر د پوليسو په اداره کې د کار  زياته سابقه لري.
د پوليسو دغه مرکز د پاريس نوتردام کليسا ته څېرمه موقعيت لري.
د فرانسې جمهوررييس امانوئل مکرون د پوليسو دغه مرکز وکوت او د پوليسو له مامورينو سره يې خواخوږي څرګنده کړه.
پاى \ ذ

 

رياض /دتلې ٥مه / باختر:
دعربستان په بهرنيو چارو کې سلاکار وزير عادل الجبير ويلي دي چې دايران پرخلاف دپوځي  عملياتو په ګډون ټول انتخابونه دميز پرمخ دي .
دالجبير اشاره  دارام کوه نفتي  بريدونه ته درياض احتمالي ځواب نه ده ، چې عربستان ايران دهغو مسوول بولي خو تهران دغه تور په بشپړه توګه ردوي
الجبير چې پرون يې په نيويارک کې دملګروملتو دسازمان دعمومي ټولنې تر څنګ دبې بي سي  له خبريالې ليز دوست  سره خبرې کولې ټينګاروکړ چې رياض له جګړې او دتاوتريخوالي له زياتوالي څخه له ډډې کولو سره جوخت ددې غوښتوونکى دى چې ايران دې دارام کوه په تاسيساتو دراکټي او هوايي  بريدونو په علت مسوول وګڼل شي او دخپل چلند تاوان دې ورکړي .
خو ايران دارام کوه په بريدونوکې هر راز لاس لرل ردوي .
په همدې حال کې دامريکا دبهرنيو چارو وزير مايک پومپيو په نيويارک کې دملګروملتو دسازمان په مقر کې خبريالانو ته ويلي دي چې امريکاله ايران سره دستونزې دسوله ييز حل دلارې په لټه کې ده .
  ختم_ عطاالله _ اکرم

اسلام اباد /دتلې ٥مه / باختر:
دپاکستان حکومت اعلام کړى دى چې دافغانستان دجمهوري رياست دانتخاباتو دامنيت له تامينولو سره دمرستې په موخه  ددواړو هېوادونو ترمنځ ټول بندرونه او د تګ راتګ تګلوري په لنډ مهال ډول تړي .
دافغانستان دجمهوري رياست  انتخابات ټاکل شوې ده سبا ترسره شي او ناامني ددغو انتخاباتو دترسره کولو لپاره ډيره ستره اندېښنه ده .
طالبانو خبر دارى ورکړى دى چې دراى ورکولو په مرکزونو به بريدونه وکړي .
دافغانستان داسلامي جمهوريت جمهور رييس محمداشرف غني څو ورځې مخکې دپاکستان له صدراعظم عمران خان سره په تيلفوني خبرو کې ،  له هغه څخه وغوښتل چې دافغانستان دانتخاباتو دترسره کولو دامنيت په تامينولو کې همکاري وکړي .
دپاکستان دحکومت په اعلاميه کې ويل شوي دي  چې په همدې موخه له  پرون څخه دانتخاباتو له ترسره کولو څخه وروسته تر يوې ورځې پورې امنيتي تدبيرونه اودهغو ټولو کسانو اووسايطو  لټونه چې ددواړو هېوادونو ترمنځ په تګ راتګ کې دي پراخېږي .
سربېره پردې دجمهوري رياست دانتخاباتو له ترسره کولو څخه يوه ورځ مخکې او هم دانتخاباتو په ورځ به ددواړو هېوادونو ترمنځ دتګ راتګ ټولې لاړې  تړلې وي له بيړنيو مواردو پرته هغه ناروغان چې علاج او درملنې په موخه ددواړو هېوادونو ترمنځ تګ راتګ کوي .
ختم_ ف _ اکرم

Page 4 of 734