16 October 2018

RSS Facebook

سوداگریز


تازه خبرونه

د وېش دروازې تړل کېدل دويمې ورځې ته وغځېدل

قندهار باختر د تلې ۲۳ مه د قندهار ولایت د...

په ننګرهارکې ۳۴۰ تنه سرتېري د ټولنې خدمت ته وړاندې شول

جلال اباد باختر د تلې ۲۳ مه په ننګرهار ولایت کې...

Youtube Player

khantry design

سوداگریز

سوداگریز

اخبار جهان

واشنګټن / بي بي سي نیوز \باختردوږي دمياشتې٤ نيټه :
یوې سختې زلزلې چې سختوالى یې د ريکترپه حساب شپږ اعشاریه يوه درجې و، نن سهار وختي د ایران او عراق ترمنځ سرحدي سیمې ولړځولې.
ایراني رسنۍ وايي چې د دغې زلزلې له امله په ایران کې لږترلږه دوه تنه مړه شوي او  ٢۴۰ تنه نور ټپيان شوي دي.
له لومړۍ زلزلې وروسته چې په دوه بجې او ۴۵ دقیقې رامنځته  شوه ، ۵ نور ټکانونه هم احساس شوي دي.
د زلزلې سخت ټکانونه د ایران په کرمانشا او د عراق په سلیمانیه ښارونو کې احساس شول چې له امله یې خلک له خپلو کورونو څخه کوڅو ته راو وتل.
د امریکا د زلزلې پېژندنې ادارې د دغې زلزلې سختوالى د ريکترپه مقياس شپږ اعشاریه يو وباله او ویې ویل چې مرکزیې د کرمانشاه د شمال  لوېدیځ  په ۸۸ کیلومتری کې و.
پاى \ ذکرالله \

کابل باختر دزمري ٢٦: دهندوستان دخپلواکۍ دوه اويايمه کاليزه تيره شپه په هرات کې د هندوستان دجنرال قونسلګرى له خوا ونمانځل شوه . دهرات والي محمد اصف رحيمي په هغو مراسمو کې چې له همدې امله پرځاى شوي و په کابل کې پرونۍ تروريستي بريد په کلکه وغانده او ويې ويل تروريستانو په هغو بيګناه تنکيو ځوانانو په بريد سره چې په زده کړې بوخت وو دافغانستان له خلکو سره خپله دښمني ثابته کړه . محمد اصف رحيمي دسلمابند او د بنسټيزو پروژو دجوړولو په ګډون په بېلابېلو برخو کې دهندوستان همکاري وستايله او هندوستان يې ددوست هېواد په توګه ياد کړ . دهرات والي دافغانستان او هندوستان ترمنځ داقتصادي اوفرهنګي همکاريو دلازياتې پراختيا غوښتنه وکړه دغه راز په هرات کې دهندوستان جنرال قونسل د هرات دسيمه ئيزې ادارې دمسوولانو دهمکارى له امله قدرداني وکړه او ډاډ يې ورکړ چې هېوادبه يې دافغانستان دخلکو ترڅنګ ولاړ وي . هغه هم په هېواد کې مرګاني تروريستي بريدونه په کلکه وغندل او له تروريزم سره دمبارزې په لاره کې يې دخپل هېواد دقوي ارادې ډاډ ورکړ . په دغو مراسمو کې ددولتي مقاماتو په ګډون سربيره يوشمير روحاني او مخورو شخصيتونو دخلکو استازو اوښځو هم برخه لرله . ختم_ عطاالله – اکرم

لندن \ ډي نيوز انترنشل \ باختر دزمري دمياشتې ٢١ نيټه :
د بريټانيا سيمه ييزو رسنيو خبر ورکړ چې په مانچسترکې د ډزو له امله  لس تنه ټپيان شول.
باختر آژانس د ډي نيوز انټرنشل ورځپاڼې د خبري سايټ له خولې خبر راکړ:
ډزې د مانچستر د کلاريمون په واټ کې له هغه وروسته ترسره شوې چې د کارابين جشن پاى ته ورسيد.
د مانچستر پوليسو دغه بريد خطرناک بللى دى.
پاى \ج\  ذ 

 

پيکينګ   باختر د زمري  نهمه :
  د چين د واکمن ګوند ارګان ګلوبل ټايمز ورځپاڼې خبر ورکړ چې تر اوسه پورې  ۳۰۰ تنه چينايي تروريستان په افغانستان او سوريې کې د ختيځ ترکستان له تروريستي غورځنګ سره يوځاى شوي دي .
  د ايران دولتي خبري آژانس د ګلوبل ټايمز ورځپاڼې له خولې خبر وراکړ:
دغه تروريستان چې د چين په شمال لويديځ کې د سين کيانګ له کورواکې سيمې څخه له نورو تروريستانو سره يوځاى شوي دي، چين ته يو ګواښ شمېرل کيږي.
ګلوبل ټايمز ټينګار کوي چې په سوريه او افغانستان کې د تروريستي ډلو له پرله پسې ماتو وروسته دغه خطر شته چې چينايي تروريستان خپل هېواد ته د راستنيدو په لټه کې دي .
دغه ورځپاڼې له بنسټپالنې سره دمقابلې د روزنيزو دورو په باب د چين د پروګرامونو د ملاتړ په ترڅ کې  لويديځ انتقادونه بې بنسټه بللي دي .
  ختم_  ج _ اکرم

Page 4 of 716