27 February 2020

RSS Facebook

سوداگریز


تازه خبرونه

دمخابراتو او معلوماتي تکنالوژۍ وزارت  له ټاکلي هدف   څخه   ٤٣ سلنه  زيات عايد راټول کړى دى

دمخابراتو او معلوماتي تکنالوژۍ وزارت له ټاکلي هدف څخه ٤٣ سلنه زيات عايد راټول کړى دى

کابل/ دکب٧مه / باختر : دمخابراتو اومعلوماتي تکنالوژۍ وزارت سرپرست ...

څه ډول  کولاى شو دکرونا ويروس د خپريدو مخه ونيسو؟

څه ډول کولاى شو دکرونا ويروس د خپريدو مخه ونيسو؟

کابل/ دکب٧مه / باختر د عامې روغتيا وزارت د ساري...

Youtube Player

khantry design

سوداگریز

سوداگریز

اخبار جهان

واشنګټن /  دامريکا غږ/ د وږي١٧مه
د امريکا جمهوررييس دونالد ترامپ د سولې يوې موافقې ته د رسېدو لپاره د طالبانو  له ډلې سره د دغه هېواد خبرې لغو کړې.
ترامپ پرون د خپل ټويټر په حساب کې وليکل چې دغه خبرې په  کابل کې د طالبانو د وروستي بريد په دليل لغو شوې.
د امريکا د جمهوررييس د څرګندونوله مخې: ټاکل شوې وه هغه نن د افغانستان له جمهوررييس محمد اشرف غني او د طالبانو له جګپوړو مشرانو سره په جلاجلا ډول د کمپ ډېوېډ په تفريح ځاى کې په مخفيانه ډول وګوري.
د امريکا جمهوررييس زياته کړه: له بده مرغه طالبانو د کاذب فشار د عملي کولو لپاره په کابل کې د يوه بريد مسووليت پرغاړه واخيست چې په کې زموږ يو سرتېرى او ١١ تنه نور ووژل شول.
په بريد کې چې د تېرې پنجشنبې ورځې په سهار د کابل ښار د عبدالحق څلور لارې ته څېرمه وشو، په يوه امريکايي سرتېري برسيره د ناټو ځواکونو يو رومانيايي سرتېرى او لس افغان ملکي وګړي ووژل شول او ٤٢ تنه نور ټپيان شول.
ترامپ وويل چې له دغه بريد وروسته او له ځنډ پرته يې د طالبانو له جګپوړو مشرانو سره کتنه فسخه کړه او د امريکا او طالبانو ترمنځ د سولې خبرې يې لغو کړې.
د امريکا د متحده ايالاتو جمهوررييس د خپلو تويټونو په دوام دا پوښتنه طرحه کړې ده  چې څه ډول خلک بې شمېره کسان په ښکاره د "خپل له ناندرو ډګ دريځ" د پياوړتيا  لپاره وژني؟
ترامپ وويل چې طالبانو په کابل کې د وروستي بريد په ترسره کولو سره د "ناندرو دريځ" ښه نه، بلکې لاپسې خراب کړ.
دونالدترامپ زياته کړه: که چېرې طالبان نه شي کولاى د سولې د دغو ډېرو مهمو خبرو په بهيرکې د اوربند د ټينګښت په باب موافقه وکړي او آن ١٢ بېګناه کسان ووژني؛ نو د هغه په خبره هغوى يوې معني لرونکي موافقې ته د رسېدو لپاره د خبرو قدرت هم نلري.
د امريکا او طالبانو ترمنځ د سولې خبرې په داسې حال کې د امريکا د جمهوررييس له لوري لغو شوې چې د افغانستان د سولې بهير لپاره د امريکا د متحده ايالاتو ځانګړي استازي زلمي خليلزاد په وروستيو کې ويلي و چې له طالبانو سره د سولې موافقه ليک په اصولو کې وروستى شوى دى او د ترامپ تائيد ته اړتيا لري.
د افغانستان حکومت تېره اوونۍ وويل چې د دغه موافقه ليک په باب چې زلمي  خليلزاد هغه د افغانستان جمهوررييس ته يوازې ښودلى دى، جدي انديښنې لري.
پاى \ف \ ذ

اسلام آباد / جيونيوز / د وږي١٦مه :
د افغانستان- پاکستان او چين د بهرنيو چارو وزيرانو دريم پړاو خبرې اترې  نن په       اسلام آباد کې د پاکستان دبهرنيو چارو وزير شاه محمود قريشي په مشرۍ پيلېږي.
دپاکستان د بهرنيو چارو وزارت د خپور شوي بيان له مخې ؛ د چين د بهرنيو چارو       د وزير دولتي سلاکار وانګ يي  ، دافغانستان دبهرنيو چارو وزير صلاح الدين رباني  د دغه هيئت مشري به په غاړه ولري.
دغه خبري اترې د سياسي اړيکو ، د سولې د بهير،  امنيتي همکارۍ ، له تروريزم سره مبارزه او د همکاريو پر  پراختيا او  اتصال  تمرکز ولري  .
د چين – افغانستان او پاکستان د بهرنيو چارو د وزيرانو خبرې اترې  په ٢٠١٧کال کې
په درې اړخيزوهمکاريو او دعلاقې وړ موضوعګانو په خاصه توګه د اقتصادي پراختيا او د سولې او امنيت  په برخه  کې تاسيس شوې .
د درې اړخيزو خبرو اترو لومړنۍ غونډه  په  ٢٠١٧ کال کې په  بيجنګ کې پيل شوه او  دويمه غونډه د  ٢٠١٨ کال په دسمبر کې په کابل کې  جوړه شوه.
پاى \ ذ

 

 آزادۍراډيو/ د وږي١٥مه
د افغانستان د سولې لپاره د امريکا د بهرنيو چارو وزارت ځانګړى استازي زلمي خليلزاد له طالبانو سره د نورو خبرو لپاره قطر ته ستون شو.  
د فرانسې خبري اژانس په حواله، د امريکا د بهرنيو چارو وزارت يوه وياند د پنجشنبې په ورځ وويل: خليلزاد  د خبرو د دوام لپاره دوحې ته ستون شوى دى.  
اسوشېټېډ پرېس اژانس هم د هغو چارواکو په حواله چې دغه خبري اترې  له نږدې څاري، خبر ورکړى چې زلمى خليلزاد بېرته قطر ته تللى دى.   
ښاغلي خليلزاد تېره دوشنبه ازادي راډيو ته ويلي وو چې امريکا او طالبانو په اصولو کې پر څلورو ټکو موافقه کړې ده.   
لومړى د طالبانو له خوا امنيتي ضمانتونه، يعنې د دوى تر ولکې لاندې له سيمو به امريکا او متحدانو ته د ترورېزم خطر نه پېښېږي، دويمه له افغانستانه شرايطو ته په پام سره د نړيوالو ځواکونو وتل، درېيم د بين الافغاني خبرو پيل او څلورم هم په افغانستان کې دايمي او هراړخيز اوربند.  
په قطر کې د امريکايي هيئت او طالبانو ترمنځ د مذاکرو نهم پړاو د دې اوونۍ په لومړيو کې پاى ته ورسېد.
زلمى خليلزاد تر دغو مذاکرو وروسته کابل ته راستون شو او د سولې د لومړۍ موافقې په اړه يې د حکومت له مشرانو سره خبرې وکړې. 
ښاغلي خليلزاد ويلي چې دا موافقه به د  جمهوررييس  غني تر تأييد وروسته د امريکا د جمهوررييس ډونالد ټرمپ له خوا نهايي شي. 
طالبانو د مذاکرو له څو  پړاوونو سره سره په افغانستان کې خپل بريدونه  نه دي کمې کړي.   د پنجشنبې په ورځ په کابل کې په يوه موټربم چاودنه کې چې مسوو ليت يې وسله والو طالبانو ومانه چې د يوه امريکايي پوځي او يوه رومانيايي  وګړي په ګډون    لږ تر لږه ١٢ کسان ووژل شول. 
پاى \ ذ

واشنګتن  باختر د وږي ١٤مه :
يوشمير امريکايي کارپوهان دامريکا او طالبانوترمنځ دسولې دموافقه ليک دلرليد په باب اندېښنه لري .
دامريکادسمندري  پوځ  دپوهنتون استاد او د ((طالبانو روايتونو))کتاب ليکوال تامس جانسن وايي چې دامريکا او طالبانو ترمنځ دسولې موافقه ليک ددوحه له خبرو څخه دافغانستان دحکومت دلرې ساتلو په دليل ښايي په افغانستان کې دسولې دټينګښت سبب نه شي .
جانسن له امريکا غږ سره په خبرو کې وويل: زه ددغو خبرو په اړوند ډېر اندېښمن يم ځکه دغه خبرې او ددغو خبرو زياتره برخې دطالبانو په واسطه ديکتې کېږي،  زه په دې دليل ډېر اندېښمن يم چې دافغانستان حکومت په هغو کې په لازمه توګه دخيل کړى شوى نه دى .
له دې سره جوخت نهو  امريکايي ديپلوماتانو چې يوشمېر يې په افغانستان کې دسفيرانو په توګه دندې ترسره کړې دي هم دامريکا او طالبانو ترمنځ دسولې دموافقې په باره کې اندېښنه څرګنده کړې ده .
دغو ديپلوماتانو ديوې ګډې اعلاميې  په خپرولو سره ويلي دي لاتراوسه پورې روښانه نه ده چې له طالبانو سره سوله امکان نه منونکې ده.
   طالبانو په څرګند ډول له نورو افغانانو سره دسولې  يوې موافقې ته درسېدو لپاره خپل شرطونه اعلام کړي نه دي او نه هم دغه ډله له نوروسياسي ډلو سره دهمکارى لپاره کومه سابقه لري .
جانسن هم دسولې په موافقه  کې دطالبانو صداقت ته په ترديد سره وويل: زماپه باور طالبان په خبرو کې صادقانه عمل نه کوي .طالبان  هيڅکله يوه بين المللي ډار اچوونکي ډله نه وه ، دهغوى ټول ډار اچوونکي فعاليتونه په افغانستان کې اويا هم  دپاکستان په ځينو سيمو کې متمرکزې دي طالبان يواځې دافغانستان بيا اداره غواړي .
  ختم- ف _اکرم

Page 6 of 734