22 October 2017

RSS Facebook

سوداگریز


تازه خبرونه

په ننګرهارکې له۴۵۶ بېځايه شويوکورنيوسره مرسته وشوه

کابل \باختردتلې دمياشتې٣٠نيټه : په ننګرهار ولايت کې له۴۵۶ بېځايه...

يو ځوان محصل په بدخشان کې ځان وواژه

فيض آباد \باختردتلې دمياشتې٣٠نيټه : يو محصل نن غرمه په...

د انتخاباتي شکايتونو د کميسيون پنځه تنه مقامات له کاره ګوښه شول

کابل\باختردتلې دمياشتې٣٠نيټه : د انتخاباتي شکايتونو کميسيون، د دغه کميسيون...

Youtube Player

khantry design

سوداگریز

سوداگریز

اخبار جهان

دمشق  باختر د  تلې لومړي :
دلبناني الميادين خبري ټلويزيون خبر ورکړ چې دوه توغندي  ددمشق نړيوال هوايي ډګر ته څيرمه لګيدلي دي اوښايي چې داسرائيل هوايي  پوځ الوتکو دسوريې له هوايي حريم څخه  بهر کوم ځاى څخه په دغو ځايونو  بريدونه کړي دي .
باختراژانس دبهرنيو خبرځايونو له خولې خبر راکړ. داسرائيلو پوځي وياند ددغه خبر په  باب دنظر له څرګندونو څخه ډډه کړې ده او ويلي يې دي چې داسرائيل اردو ددغه شان عملياتو په باب خبر نه خپروي .
دبي بي سي  راډيو دڅرګندونوله مخې، اسرائيل دسوريې دکورنۍ جګړې  په بهير کې په عمده توګه يو بې پرې دريځ  لري خو په ځينو مواردو کې يې دسوريې په خاورو کې په يولړ هدفونو بريدونه کړي دي .
ددغو بريدونو هدفونه په معمولي توګه دوسلو اومهماتو ډيپوګانې اويا دلبنان دحزب الله  ډلې ته دايران په وسلو بار کاروانونه  دي .
   دسپتمبر   دمياشتې په اوومه  هم خبري سرچينو خبر ورکړ  چې  اسرائيلي الوتکو دلبنان له هوايي حريم څخه دسوريې په خاوره کې په يوه پوځي  هدف بريد کړى دى او ددغه بريد له امله دوه تنه وژل شوي دي .
سوري اردو دغه بريد تاييد کړ ځينو خبري سرچينو ددغه  بريد هدف دسوريې دپوځي تحقيقاتو يومرکز وباله چې امريکا هغه دکيمياوي وسلو دتوليد کارخانه اعلام کړې وه .
  ختم_ ف _ اکرم

نوي ډيلي  باختر د  تلې لومړي :
  دملګروملتو په سازمان کې دهند دايمي استازي مرستيال يوځل  بيا له تروريزم سره  دملاتړ لپاره په پاکستان دتورپه لګولو سره څرګنده کړه چې اسلام اباد په سيمه کې دتروريستانو په اصلي ملاتړي بدل شوى دى .
  دايرنا خبري اژانس دهند دپي تي اى دخبري اژانس  له خولې خبر راکړ.  ميرمن اينام کامبير دجمعې په ورځ  دملګروملتو په سازمان کې څرګنده کړه چې پاکستان دخپل  لنډ تاريخ په اوږدو کې دتروريستانو د پياوړتيا په لاره کې  ګام اخستى دى .
دې په انتخاباتو کې دګډون په موخه په پاکستان کې دګوند دجوړولو لپاره دنړيوال  تروريست حافظ سعيد هلوځلو ته په اشارې سره زياته کړه دغه اقدام له تروريستانو سره ددولت دملاتړ څرګنده نښه نښانه ده .
دغې هندي  ديپلوماتې دملګروملتو په سازمان کې څرګنده کړه دپاکستان ديو داسې هېواد په توګه چې ملاعمر او اسامه بن لادن ته يې پناه ورکړې ده اوس ديوه قرباني رول لوبوي .
ده څرګنده کړه چې زياتره ګاونډي او دنړۍ هېوادونه دپاکستان دتحريف ، درواغو او غولونې له سياست سره بلد دي .
دملګروملتو په سازمان کې دهند ددايمي  استازي دمرستيالې دغه  څرګندونې دملګروملتو په سازمان کې دپاکستان دصدراعظم شاهد خاقان عباسي دوينا په غبرګون کې وشوې .
دپاکستان صدراعظم دپنجشنبې په ورځ دملګروملتو دسازمان په عمومي اسامبله کې دوينا په ترڅ کې په جمو او کشمير کې له تروريزم سره په ملاتړ په هند دتور په لګولو سره دکشمير لپاره دملګروملتو دسازمان له خوا دځانګړي استازي دټاکنې غوښتنه وکړه .
عباسي دغه راز دهند له خوا دبشر دحقوقو دترپښو لاندې کولو په برخه کې دنړيوالو تحقيقاتو دترسره کولو غوښتنه کړې ده .
په تير يوکال کې دهند او پاکستان ترمنځ اختلاف  په کشمير کې  د تاوتريخوالي او دهند په شمال کې داردو په اډې دپوحځي مليشو دبريد په علت زيات شوى دى .  هند ، پاکستان دتروريزم او دهند ضد پوځي مليشه ډلو ملاتړي بولي خو پاکستان تل دهند پرخلاف تروريستي بريدونوکې خپل رول رد کړى دى .
ختم_ شکريه _ اکرم

نيويارک \ بي بي سي  \باختر دوږي دمياشتې ٢٩  نيټه  :
د ملګرو ملتو د سازمان په عمومي اسامبله کې د امريکا د جمهور رئيس دونالدترامپ لومړۍ وينا چې د شمالي کوريا د له منځه وړلو او د امريکايانو لپاره د برجام خجالت کوونکى ګواښ ورسره و، تند غبرګونونه راپارولي دي.
باختر آژانس د بي بي سي د خبري شبکې له خولې خبر راکړ:
ترامپ تېره شپه د ملګرو ملتو د سازمان په عمومي اسامبله کې او د نړۍ د زياترو هېوادونو د مشرانو په وړاندې وويل چې نه شي کولاى اجازه ورکړي چې دغه جنايتکار رژيم په سيمه کې خپلو بې ثباتوونکو فعاليتونو ته دوام ورکړي او خپل راکټي توان زيات کړي .
ده دغه راز د شمالي کوريا اټومي بحران ته په اشارې سره وويل: امريکا يو داسې هېواد دى چې زيات صبر او توان لري، موږ هيله من يو چې د کوريا بحران له سوله ييزې لارې حل شي. خو که چيرې بله چاره نه وي پاتې، هغه وخت د دې قدرت لرو چې شمالي کوريا له منځه يوسوو.
ترامپ د شمالي کوريا د مشر کيم جونګ اون په راکټي سړي بللو سره وويل: د ملګرو ملتو سازمان بايد د کوريا د بحران په کنترولولوکې خپل کړه وړه سر له اوسه وښيي.
ده د ايران او له دغه هېواد سره د اټومي موافقې په باره کې يو ځل بيا د دغې موافقې د يو اړخيز والي او بدوالي په باب خبرې وکړې او زياته يې کړه: (( موږ نه شو کولاى چې په موافقې ژمن پاتې شوو، که چيرې د يو اټومي پروګرام د جوړولو لپاره يو برغولى وي. ))
د امريکا د جمهوررئيس وينا په ډير لنډ وخت کې په امريکا کې له کورنيو او نړيوالو  غبرګونو نو سره مخامخه شوه.
د فرانسې جمهور رئيس امانويل ماکرون چې هغه هم د لومړي ځل لپاره د ملګرو ملتو د سازمان عمومي اسامبلې ته ورغلى دى، د ترامپ په خبرو په نيوکې سره وويل: د شمالي کوريا اټومي پروګرام د دې لپاره ده ته رسيدلى دى چې نړيوالې ټولنې د دغه پروګرام او  د پيونګ يانګ د ژمن ساتلو په باب د څارنې لپاره کوم کار نه درلود.
د فرانسې جمهور رئيس ټينګار وکړ: البته له ايران سره اټومي موافقه نه شي کولاى ټولې ستونزې حل کړي او د دغه شان هدف لپاره به  منظوري کافي نه وي.
د ايران د بهرنيو چارو وزير محمدجواد ظريف چې د دغه هېواد د جمهور رئيس حسن روحاني په ملګرتيا په نيويارک کې دى، د ملګرو ملتو د سازمان په عمومي اسامبله کې د دونالدترامپ د وينا په غبرګون کې دغه څرګندونې عوام غولوونکې وبللې او ويې ويل: امريکا لپاره له تجريد پرته بل حاصل نلري.
پاى \ ذکرالله \ 

مکسيکوسټي \ ډې ډان \باختر دوږي دمياشتې ٢٩  نيټه  :
د مکسيکو په مرکزي برخه کې سخته زلزله د ١٤٩ تنو د وژل کيدو او د دغه هېواد په پايتخت مکسيکو سټي کې د ودانيو د نړيدو سبب شوې ده .
باختر آژانس د نړيوالو خبري منابعو له خولې خبر راکړ: 
د امريکا د ځمکې پيژندنې سازمان د دغې زلزلې موقعيت د ځمکې په  يو پنځوس کيلومترۍ ژورتيا کې د مکسيکو سټي په کابل١٢٠ کيلومترى واټن کې بللى دى.
مرستندويان تر کنډوالو لاندې د بند پاتې شويوکسانو د موندلو لپاره د لټون په  حال کې دي او د يوه ښوونځي په ودانۍ کې چې  يوه برخه يې نړيدلې ده، د بند پاتې شويوکسانو رپوټونه را رسيدلي دي.
د ريکټر په مقياس د اووه اعشاريه يوې درجې په سختوالي دغه زلزله په دريو  ايالتونو مورلوس، پوئبلا او مکسيکوکې د سر د زيانونو او مالي تاوانونو سبب شوې ده .
له ملکي وګړو سره يوه مرستندوى سازمان وويل چې د مکسيکو په ګوټ ګوټ کې کابو ١٤٠ تنه وژل شوي او په پايتخت کې د کابو دوو ميليونو د بريښنا بهير بند شوى دى او د ټيلفون زياتره کرښې له کاره لويدلې دي.
مکسيکو سټي د څه د پاسه شلو ميليونو تنو وګړو په لرلو سره د نړۍ يو ډير ګڼ ميشت ښار دى .
د امريکا جمهور رئيس دونالدترامپ په ټويټرکې وليکل: خداى دې د مکسيکو سټي د خلکو مرستندوى وي، موږ له تاسو سره يوو او د اړتيا په وخت کې به ستاسو ترڅنګ ودريږو .
په مکسيکوکې پرونۍ زلزله په دغه ښارکې له يوې بلې سختې زلزلې څخه يوولس ورځې وروسته شوې ده .
په پخوانۍ زلزله کې چې د مکسيکو جمهور رئيس هغه په دغه هېوادکې  د وروستۍ پيړۍ ډيره سخته زلزله بللې ده، څه ناڅه ٦١ تنه ووژل شول او کابو ٢٠٠ تنه نور ټپيان شول.
د مکسيکو مقاماتو د يوولسو ورځې مخکې زلزلې سختوالى د ريکټر په مقياس اته اعشاريه يوويشت درجې اعلام کړى و.
پاى \ ذکرالله \ 

Page 7 of 692