26 April 2018

RSS Facebook

سوداگریز


تازه خبرونه

فرمان

کابل باختر د ثور پنځمه : دافغانستان داسلامي جمهوريت دستر...

Youtube Player

khantry design

سوداگریز

سوداگریز

اخبار جهان

نيويارک/بي بي سي/ باختر د ليندۍ دمياشتې ٢٦مه :
د ملګرو ملتو د سازمان امنيت شورا د هغه پريکړه ليک مسوده چې مصر د اسرائيلو د پايتخت په توګه د بيت المقدس د په رسميت پيژندنې د غندنې په باره کې برابره کړې ده، څيړي.
په دې مسوده کې چې مصر هغه د شنبې په ورځ د امنيت شورا پنځلسو غړو ته  وړاندې کړه؛ د بيت المقدس د حالت د بدلون لپاره هر راز هلې ځلې د قانوني  وجاهت نه لرونکى پيژندل شوې دي .
دغه پريکړه ليک د امريکا د جمهور رييس دونالد ترامپ د تصميم په غبرګون کې برابر شوى دى چې د دغه هېواد د کانګرس د پخوانۍ مصوبې په رسميت پيژندنې سره يې، بيت المقدس د اسرائيلو د پايتخت په توګه معرفي کړ او لارښونه يې وکړه چې د امريکا سفارت دې ډير ژر له تل ابيب څخه دبيت المقدس ښار ته وليږدول شي .
مصر پرون د دغه پريکړه ليک مسوده د امريکا په ګډون د امنيت شورا   د پڼځلسو غړو په استازو وويشله او لکه څنګه چې ويل شوي دي؛ ښايي د هغې د تصويب په باب ټولپوښتنه د امنيت شورا د دوشنبې د ورځې په غونډه کې ترسره شي .
دغه ټولپوښتنه به په زيات احتمال سره د امريکا له ويتو سره مخامخه شي، خو له دې سره جوخت د دغې شورا د نورو څلورو دايمي غړو يعنې فرانسې، بريتانيا، روسيې او چين دنه مخالفت  او له هغې سره د غير دايمي غړو د موافقې  په صورت کې، ويتو يې کيداى شي د نړيوالې ټولنې ترمنځ د امريکا د تجريد سبب شي.
د ملګرو ملتو په سازمان کې د امريکا سفيرې نيکي هيلي پخوا په بشپړه توګه د ترامپ د دغه تصميم په دفاع سره هغه عادلانه او سم بللى و او خبر دارى يې ورکړى و چې هېواد به يې د هغه څه په وړاندې چې د دې په نظر د اسرائيلو په وړاندې د ملګرو ملتو د سازمان ظالمانه دريځ دى، چوپه خوله پاتې نه شي .
   ختم_ ف _ اکرم

کابل \باختردليندۍ دمياشتې٢٠  نيټه  :
دعربي هېوادونو دبهرنيو  چارو وزيرانو  دامريکا له  جمهور رئيس  دونالد ترامپ څخه وغوښتل چې داسرائيلو دپايتخت  په توګه دبيت المقدس دپه رسميت پيژندنې په باب په خپل تصميم بيا کتنه وکړي.
باخترآژانس دامريکا غږ له خولې خبر راکړ ؛   دعربو داتحاديې دبهرنيو چارو  وزيرانو په قاهره کې  دشنبې دورځې  په غونډه کې دغه راز ديوه پريکړه ليک په صادرولو سره دملګروملتو  دسازمان له امنيت شورا څخه  غوښتنه وکړه چې ددونالد ترامپ وروستى تصميم وغندي.
دغه راز  په همدې  حال کې  دعربو داتحاديې  عمومي منشي احمدابو لغيث ټينګار وکړ  چې دعربو  دسولې نوښت به په خپل قوت پاتې شي.
دعربو هيوادونو دبهرنيو  چارو وزيرانو په پريکړه ليک کې دامريکا پرخلاف هېڅ راز غچ اخيستوونکى حرکت شتون نلري خو ټينګار کوي چې داسرائيلو دپايتخت په توګه  دبيت المقدس دپه رسميت پيژندنې په باب ددونالدترامپ تصميم دمنځني ختيځ دسولې په بهيرکې  دمنځګړيتوب په توګه دامريکا رول له منځه وړى دى.
دعربو داتحاديې دبهرنيو چارو وزيرانو له ښاغلي ترامپ  څخه غوښتي  دي چې دخپل دغه تصميم په باب بيا کتنه وکړي .
دامريکا کانګرس  په ١٩٩٥ ميلادي کال کې بيت المقدس  ته دامريکا دسفارت  ليږدونه تصويب کړه خو ددغه هېواد پخوانيو جمهورو  رئيسانو عملي نه کړه  او له هرو شپږو مياشتو  وروسته يې  دکانګرس دمصوبې داجراکولو  ځنډول لاسليک کړل.
ښاغلي ترامپ هم يوځل دغه  شپږمياشتني ځنډونه  لاسليک کړه او دغه مهلت
ددوشنبې په ورځ  پاى ته ورسيد .
دونالدترامپ دتيرکال له انتخاباتي مبارزو په دوران کې  ژمنه کړې وه  چې دبرياليتوب په صورت کې دامريکا سفارت بيت المقدس ته ليږدوي .
ده دتيرې  چهارشنبې په ورځ دخپلې وينا له پاى ته رسولو وروسته بيت المقدس  ته دامريکا دسفارت دليږدونې امر لاسليک کړ.   پاى \ شکريه \ ذ

بغداد باختر دليندي  نولسمه :
دعراق حکومت وايي چې ددغه هېواد دپولو په محدوده کې له داعش سره جګړه پاى ته رسيدلې ده .
دعراق صدراعظم حيدر عبادي  په يوه غونډه کې اعلام وکړ چې ددغه هېواد ځواکونو دسوريې او عراق پولې په بشپړه توګه  ترکنترول لاندې نيولې دي .
دسوريې  سره پولې ته څيرمه له راوه ښار څخه دداعش له شړل کيدووروسته ، سرحدي سيمې دعراق په خاوره کې دداعش وروستي پټنځي  وو .
دغه خبر دوه ورځې له هغه وروسته اعلاميږي چې دروسيې اردو  هم اعلام وکړ چې په سوريه کې  يې دداعش دماتولو ماموريت په برياليتوب سره پاى ته رسولى دى .
داعش کابو درې کاله مخکې دعراق اوسوريې په خاوره کې  پراخې  سيمې تر خپل کنترول لاندې  ونيولې او دخپل سري  خلافت په اعلامولو سره يې په څه ناڅه لسو مليونو  تنو حکومت وکړ . 
خو په وروستيو  دوو کلونوکې دغه ډله  له سختو ماتو سره  مخامخه شوه .
دروان کال په دوبي کې دعراق ددويم ستر ښار موصل دله لاسه ورکولو په ګډون ، دسوريې  په ختيځ کې ددوى خلافت مرکز رقه کابو يوه مياشت مخکې دسوريې ددموکراتيکو ځواکونو لاس ته ورغلى دى .
  ختم_عطاالله _ اکرم

 غزه \ بي بي سي  \باختردليندۍ دمياشتې١٨  نيټه  :
اسرائيل وايي  له غزې څخه د توغول شويو توغنديو په غبرګون کې په غزې تړانګه کې د حماس دډلې په سنګرونو بريدونه کړي دي.
اسرائيلو ويلي دي  چې دوى دوسلو د جوړولو  په سيمو بريدونه کړي دي.
اسرائيلو د جمعې په ورځ هم  په غزه کې  په يوشمير هدفونو بريدونه وکړل.
دفلسطين  دکورواکي ادارې  دروغتيا وزارت ويلي دي چې  په دغو هوايي بريدونو کې   پنځه ويشت ته ټپيان شوي دي.
داسرائيلو دپايتخت په توګه دبيت المقدس دپه رسميت پيژندلو په باب ددونالد ترامپ له څرګندولو وروسته  دفلسطينيانو او اسرائيلو ترمنځ   تاوتريخوالي  زيات شوي دي.
پرون  په لويديځ  ساحل اودغزنې په تړانګه کې ددونالد ترامپ  د تصميم پرخلاف  مظاهرې وشوې او دوه تنه فلسطينيان په غزه کې داسرائيلي ځواکونوله خوا ووژل شول.هغه توغندي  چې له غزې څخه توغول شوي وو  دسدروت په ښارګوټي کې لګليدلي دي او يوشمير موټرونو ته يې زيان اړولى  دى  خو دسرزيان يې نه دى  اړولى .
دفلسطينيانو او داسرائيلو دځواکونو ترمنځ په جګړو او تاوتريخوالي کې  په لسګونو تنه  ټپيان شول.
اسرائيل بيت المقدس دخپل پايتخت په توګه مني . فلسطينيان د ختيځ بيت المقدس په پايتخت سره  دفلسطينيانو ديو خپلواک هېواد د جوړولو غوښتنه کوي.
دبيت المقدس ښار  مسلمانانو ، يهوديانو او مسيحيانو ته مقدس دى  او  دبيت المقدس ختيځه برخه  په  ١٩٦٧ کال کې   دعربو او اسرائيلو د جګړې په بهيرکې داسرائيلو له خوا  ونيول شو.

Page 7 of 702