22 October 2017

RSS Facebook

سوداگریز


تازه خبرونه

په ننګرهارکې له۴۵۶ بېځايه شويوکورنيوسره مرسته وشوه

کابل \باختردتلې دمياشتې٣٠نيټه : په ننګرهار ولايت کې له۴۵۶ بېځايه...

يو ځوان محصل په بدخشان کې ځان وواژه

فيض آباد \باختردتلې دمياشتې٣٠نيټه : يو محصل نن غرمه په...

د انتخاباتي شکايتونو د کميسيون پنځه تنه مقامات له کاره ګوښه شول

کابل\باختردتلې دمياشتې٣٠نيټه : د انتخاباتي شکايتونو کميسيون، د دغه کميسيون...

Youtube Player

khantry design

سوداگریز

سوداگریز

اخبار جهان

ترکيه دخپلو پوځي قطعاتو يو سترکاروان ددغه هيواد په جنوب ختيځه سيمه کې چې دعراق دکردانو داستوګنې له نيمه خپلواکي سيمې سره پوله لري ځاى پرځاى کوي .

دباختر اطلاعاتي اژانس دپرس تي وي دخبري سايت له خولې خبر راکړ دغه کاروان ، پرون داکاري ولايت دکوکورکاسيمي ته رسيدلي دي او وروسته به ددواړو هيوادونو ترکيې عراق دسرحدي سيمو په لور روان شي .

دترکيې خبري سرچينو وويل چې په دغه کاروان کې هغه دوه سوه ليږدونکي واسطي شته چې دماين دچاودنې په وړاندې مقاومت لري .

له عراق سره دترکيې سرحدي سيمې پخوا څوځلې دترکيې دکردستان دکارګرانودګوند، پي کاکا ) دياغيانو پرسنګرونو ددغه هيواد دهوايي ځواکونو د بريدونو ډګر و ، خو په نويو خبرونوکې ويل شوي دي چې دالومړۍ ځل دي چې دپوځي قطعاتو دغه شان کاروان په دې سرحدي سيمه کې ځاى پرځاى کيږي .

پي کاکا دترکيې په جنوب ختيځ کې دکور واکي لپاره له ١٩٨٠ کال راپديخوا دترکيې له عسکرو سره په خورو وروجګړوبوخت دي او دترکيې حکومت دغه ډله ديو تروريستې سازمان په توګه بولي .

دايران دقضاييه قوي دبشر دحقوقو دکميټې منشي محمدجواد لاريجاني پرون په ايران کې دبشر دحقوقو دترپښو لاندې کولو په غندلو کې دملګروملتو دسازمان په وروستي پريکړه ليک په کلکه نيوکه وکړه .

لاريجاني دايران دولتي خبري اژانس ته ويلي دي دبشر دحقوقو په نامه يوه ننداره دملګرو ملتودسازمان په رسمې ادبياتوکې زياته شوي ده چې لوبغاړي يي لويديځ هيوادونه دي .

لاريجاني زياته کړه دملګروملتوسازمان دبانکي مون درياست په وخت کې دکمزورتيا ټيټي کچې ته رسيدلي دي .

په خبر کي ويل شوى دى چې دملګروملتو دسازمان عمومي ټولنې ددوشنبې په ورځ ديو پريکړه ليک په صادرولو سره په ايران کې په پراخه توګه دبشر دحقوقو تر پښو لاندې کول وغندل .

دغه پريکړه ليک په داسي حال کې صادريږي چې امريکا اعلام وکړچې دايران پرخلاف نوى بنديزونه لګوي.

دامريکا دبهرنيو چارو وزيرې پرون اعلام وکړ چې دامريکا متحده ايالات پر ايران دزيات فشار دعملي کولو په مقصد دلومړۍ ځل لپاره ددغه هيواد دانرژي په برخه کې بنديز لګوي .

په رارسيدلو خبرونو کې ويل شوى دي چې دسوريې په شمال کې دزيارت کوونکو دسپرلۍ په موټر ددغه هيواد دامنيتي ځواکونو په بريد کې دوه تنه ترکي اتباع ټپيان شول .

د اسوشيتد پرس دخبري اژانس دخبر له مخې دغه ډزې دسوريې په شمال کې دحمص ښار ته څيرمه وشوي چې په وروستيو مياشتو ددولتي ضد پراخو مظاهرو او دامنيتي ځواکونو د تاوتريخوالي ډکونښتو ډګر و .

دترکيې صدراعظم رجب طيب اردوغان ددغې پيښې په غبرګون کې د سوريې جمهور رييس بشارالاسد ته خبر داري ورکړي دي او ويلي يي دي چې بشارالاسد نه شوى کولاي دپوځي ځواکونو په ملاتړ په واک کې پاتې شي .

ترکيې رسني وايي دترکيې اتباعو دسپرلۍ په موټر د امنيتي ځواکونو ډزې هغه وخت وشوي چې ديوموټر چلوونکې له امنيتي ځواکونو څخه دلاري پوښتنه وکړه .

درارسيدلو رپوټونو له مخې هرکال په منځني کچه پنځلس زره تنه ترکي اتباع دحج دزيارت په مقصد دسوريې له لاري عربستان ته ځي . په خبرونوکې ويل شوي دي اردوغان يوځل بيا دسوريې له اعتراض کوونکو سره په چلند کې ددغه هيواد له امنيتي ځواکونوڅخه استفاده غندلي ده .

دپاکستان په بلوچستان ايالت کې پرون دبيلتون غوښتونکو ياغيانو دکمين له امله ددغه هيواد څه ناڅه څوارلس تنه عسکر ووژل شول .

دپاکستان د دي ډان ورځپانې دخبري سايت دخبر له مخې دا دتيرکال دکب له مياشتي راپديخوا دپاکستان په پوځيانو ډير خونړۍ بريد بلل کيږي چې په يوه پيښه کې دسرزيات زيان هغوي ته اوښتي دي .

دتيرکال د کب په مياشت کې هم دپاکستان په شمال لويديځ کې په تيروتني سره ديوه توغندي دلګيدو له امله ديارلس تنه پوځيان ووژل شول .

دکويټي ښار دجنوب ختيځ په څلور سوه کيلو متر ي کې دموسي خيلو په سيمه کې پرون څه دپاسه څلويښتو تند لارو بريد وکړ .

دپاکستان اردو وايې پوځيان د ډبرو سکرو ديوکان دساتنې درايستلو دکار په ساتنه بوخت و چې دتند لارو له خوا ورباندې بريد وشو .

دپاکستان اردو ددې پيښې مسوول ياغې بلوڅان بولي چې له ٢٠٠٤ م کال راپديخوا يي ددغه ايالت دسياسي خپلواکي او دزياتو طبيعي منابعو دونډي دترلاسه کولو په خاطر خپلي مبارزې پيل کړي دي .