15 August 2018

RSS Facebook

سوداگریز


تازه خبرونه

د هرات د نړيوال هوايي ډګر د پراختيا په اړوند خبرې وشوې

کابل \باختردزمري دمياشتې ٢٣نيټه : د ملکي هوايي چلند د خپلواکې...

په فراه کې دوه تنه وسله وال طالبان ووژل شول

کابل \باختردزمري دمياشتې ٢٣نيټه : دوه تنه وسله وال طالبان پرون...

په بغلان کې اعتراضونه پاى ته ورسيدل

کابل \باختردزمري دمياشتې ٢٣نيټه : د بغلان د زاړه ښار په...

Youtube Player

khantry design

سوداگریز

سوداگریز

اخبار جهان

کابل باختر  د مرغومي يوولسمه

 امريکا په متحده عربي اماراتو دبا لستيک تاد توغنديو ضد دپرمختللو سيستمونو د پلورلو جواز صادر کړي دى .  متحده عربي اماراتو ديو ملياردو نهه سوه شپيته مليونو ډالرو په ارزښت په يو تړون کې  دغه دفاعي سيستمونه  دلاکهيد مارتين امريکايي شرکت  څخه پيري .

 له دې امله  ټاکل شوې ده  لاکهيد مارتين د تاد دوه دفاعي سيستمونه  دمتحده اماراتو په واک کې ورکړي .

 ددغه دفاعي سيستم پلورل  دايران دتوغنديو دځواکمني له زياتوالي سره  د مقابلې په مقصد دمنځني ختيځ  دسيمې  ديوه دفاعي نظام دجوړولو لپاره  دبارک اوباما د طرحې  يوه برخه ده .

  متحده عربي امارات  لومړي هيواد دى چې دتاد پرمختللي دفاعي سيستم له امريکا څخه  پيري .

 مخکې له دې هم اعلام  وشو چې سعودي عربستان د ديرشو ملياردو ډالرو  په ارزښت ديو ه تړون له مخې  دامريکا څلور اتيا اف _ پنځلس ډوله الوتکي پيري .


 

٣٠-اسلام اباد باختر  د مرغومي يوولسمه

 هند او پاکستان ديوبل پر اټومي سيمو د بريد مخنيوي لپاره داقداماتو ديوې برخې په توګه دخپلو  اټومي تاسيساتو او تجهيزاتو  فهرست تبادله کوي .   دغه فهرست  به نن په اسلام اباد  او نوي ډيلي کې دپاکستان او هند عالي کميسيونونو ته وسپارل شي .

 دغه فهرست دهغه  موافقه ليک له مخې چې په ١٩٨٨ کال کې  لاسليک او په ١٩٩١  کال نافذ شو  تبادله کيږي چې هدف يې  ددواړو هيوادونو پر اتومي تاسيساتو او تجهيزاتو دبريد مخنيوي دي .

 دغه فهرست دلومړي ځل لپاره د ١٩٩٢ کال دجنوري دمياشتې په لومړي ورځ تبادله شو او د ٢٠١٢  يا روان ميلادي کال  داتومي اطلاعاتو راکړه ورکړه به ددغو دواړو هيوادونو ترمنځ دپرله پسې  راکرړو ورکړو يو ويشتم فهرست وي .

 په  ١٩٤٧ کال کې دهند او پاکستان دخپلواکي له وخته راپديخوا دواړه هيوادونه کله کله اتومي او غير اتومي وسلي ازمايې

 هند په  ١٩٤٧کال کې خپل لومړي اټومي ازمايښت ترسره کړ  اوله هغه وروسته يې په  ١٩٩٨  کال پنځه نور ازمايښتونه وکړل .

  پاکستان هم په ١٩٨٨  کال کې شپږ اټومي ازمايښتونه ترسره کړل او دواړو هيوادونوداټومي وسلو دنه خپريدو تړون نه دي لاسليک کړي .

په مسکوکې دروسيې د وروستيو انتخاباتو  په نتيجو څه دپاسه اويا تنه معترض  مظاهره کوونکي  نيول شوي دي .

   تيره شپه څه دپاسه دوه سوه تنه دمسکو دتريومغالنا  په ډګر کې په مظاهرو کې ګډون وکړ چې سل تنه خبريالان او وبلاک ليکونکي دمظاهره کوونکو له جملې څخه و .

 زياتره مظاهره کوونکي دروسيې دحکومت مخالفين او له ښي اړخو ډلو څخه و او دسياسي غونډو دجوړولو دازادي غوښتنه کوي چې دامنيتي  مامورينو له خوا ونيول شول .

  مسکو او دروسيې څو نور ښارونه په وروستيو اوونيو کې ددولتي دوما ددغه هيو اد دپارلمان د استازو مجلس دانتخاباتو په نتيجو باندې په اعتراض کې دزرګونو تنو دمظاهرو ډګر و .

دامريکا جمهور رييس بارک  اوباما ددغه هيواد ددفاعي بودجې نوي  قانون لاسليک کړ چې دايران پرخلاف  سخت بنديزونه له دې جملې څخه ددغه هيواد له مرکزي بانک سره دمعاملي دلوړوموسسو او شرکتونو مجازات پکې شامل دي .

 دغه قانون دامريکا  په مالي نظام دايران له مرکزي  بانک سره  په معاملي وړ بهرنيو شرکتونو برلاسي منع کوي او ددغه هيواد په نفتي عايداتو اغيزه کوي .

 دامريکا  دشپږ سوه دوه شپيته مليارده ډالري  ددفاعي بودجه قانون چې د دسمبر دمياشتې په نيمايي کې داستازو او سنا  په مجلسونو کې تصويب شوه دايران دمالي بنديزونو دسختوالي په شان متممونه پکې شامل دي

   په تروريزم  دمشکوکو کسانو دنامحدودو نيول او له پاکستان سره دامريکا دپوځي مرستو  ديوې برخې ځنډول له دې جملې څخه دي .

 اوباما ددغه قانون دلاسليک کولو په وخت کې  ددغه قانون له ځينوبرخو له دې جملې څخه په ترور يزم دشکمنو  کسانو په نيولو پورې اړوند متممونه  له  امله په خپلې انديښنې ټينګار وکړ .

 دامريکا جمهور رييس چې په رخصتي  کې دى ددفاعي بودجې قانون يې ددغه هيواد په هاوايي  ايالت کې لاسليک کړ .

 سپينې مانۍ پخوا دايران دمرکزي بانک دبنديزونو په باب خپلې انديښنې دکانګرس  استازو ته رسولى و .

 دبارک اوباما دولت دامريکا په ځينو متحدينو دفشار او دتيلو په نړيوال  بازار کې دشوک دواردولو  له امله انديښنه  درلوده .  خو دکانګرس استازو دمحتاطانه  مهارتونو په پام کې نيولو سره هلې ځلې  وکړي د سپينې ماڼۍ  انديښنې کمي کړي .