14 November 2018

RSS Facebook

سوداگریز


تازه خبرونه

د بهرنيو چارو وزارت سياسي معين د اسلامي همکاريو دسازمان له سفير سره وکتل

کابل \باختردلړم دمياشتې٢٣نيټه : د بهرنيو چارو وزارت...

خبرتيا

کابل \باختردلړم دمياشتې٢٣نيټه : تحصيلي بورسونو ته د...

مډال راوړونکي وستايل شول

کابل \باختردلړم دمياشتې٢٣نيټه : په سمنګانو ولايت کې مډال...

Youtube Player

khantry design

سوداگریز

سوداگریز

اخبار جهان

نوى ډيلى \ ايرنا\باختر د چنګاښ دمياشتې٦ نيټه :        
د هند يوه سوخوى _ ٣٠ ډوله جنګي الوتکه نن سهار د هندپه جنوب لويديځ  د مهاراشترا په  په ايالت کې را وغورځيده  .
د هند د زي نيوز د خبري سايټ دخبرله  مخې:
د پوليسو د رپوټ له مخې، د دغې  جنګي الوتکې دوه تنه پيلوټان په برياليتوب سره ځانونه له الوتکې څخه غورځولي دي.
تر اوسه پورې د الوتکې د راغورځيدو له سيمې څخه د سر د زيان او مالي تاوانونو په باب خبر نه دى خپور شوى.
دا په داسې حال کې ده چې تېره مياشت هم د هند د هوايي ځواکونو يوه جاګورا   الوتکه د دغه هېواد په ګجرات ايالت کې را ورغورځيده چې پيلوټ يې هم ووژل شو .
په روان کال کې په هندوستان کې د پوځي الوتکو د راغورځيدوڅو پيښې رامنځته شوې دي .
د ٢٠١٧ ميلادي کال د اپريل په مياشت کې يو پوځي هليکوپټر د اوتارخاند په سيمه کې را وغورځيد چې شپږ تنه سپرلۍ يې وژغورلې شوې.
پاى \ ج\ ذ
                 

تهران \ بي بي سي \باختر د چنګاښ دمياشتې٦ نيټه :       
په تهران کې د کسبګرو اعتصاب او اعتراض د دويمې ورځې لپاره دوام وموند او د دغو اعتراضونو لمن د اصفهان، اراک او کرمانشاه په ګډون يوشمېر ښارونو ته پراختيا موندلې ده.
خپرې شوې ويډيوګانې ښيي چې پرون د تهران په لاله زار واټ کې غونډې او اعتراضونه وشول او د کثافاتو سلطلونه په واټوکې وسوځول شول.
يوشمېر اعتراض کوونکي وايي چې امنيتي مامورينو په ډنډوسره په سيمه کې  پارک شويو موټرونو ته زيان اړولى دى .
د اعتراض کوونکو زياتره شعارونه سياسي او په سيمه کې د ايران د لاسوهنې  پرخلاف وو.
يو شعار دا و چې (سوريه خوشې کړئ او زموږ په حال فکر وکړئ او يا بېغرتانو حيا وکړئ او مملکت خوشې کړئ.)
له دې سره جوخت د ايران د قضايه قوې رئيس صادق لاريجاني د اقتصادي ثبات د ګډوډونکو په  غبرګون کې هغوى د اعدام په مجازاتو وګواښول.
له بله پلوه د ايران جمهور رئيس حسن روحاني د ستونزو د حل کولو ژمنه کړې ده. پاى \  ج \ ذ

پيښور  باختر د چنګاښ  پنځمه :
  دپاکستان  دهوايي پوځ  يوه الوتکه  نن په پيښور  کې ددغه هېواد په يوه هوايي  اډه کې راوغورځيده او دواړه پيلوټان يې ووژل شول .
دپاکستان د دي دان ورځپاڼې  دپاکستان دهوايي پوځ  ديوه وياند له خولي  وليکل  چې دغه روزنيزه  الوتکه  له ورځنۍ  الوتنې څخه دستنيدو او دپيښور په هوايي  اډه کې دراښکته  کيدو په وخت کې راوغورحيده چې  له امله يې  دالوتکې پيلوټ او دالوتنې  افسر وژل شوي دي .
دغه الوتکه په چين کې  جوړه شوې  جي اف  - ٧ پي جي اس   ډوله ده چې له  ٢٠٠٢  ميلادي کال  راپديخوا داف  -٦ الوتکو پرځاى دپاکستان په هوايي پوځ کې کارول شوې  ده اوله هغه  وخت  څخه تراوسه پورې دغه شان  کابو له يوولسو څخه تر دولسو پورې الوتکې له منځه تللي دي .
  ختم- عطاالله _اکرم


 

وانه \ ډي ډان \باختر د چنګاښ دمياشتې٢ نيټه : شپږ تنه تروريستان د جنوبي وزيرستان په قبايلي سيمه کې د پاکستاني پوځيانو د عملياتوپه بهيرکې ووژل شول. باختر آژانس د پاکستاني رسنيو له خولې خبر راکړ: دغه عمليات د استخباراتي اطلاعاتو پربنسټ ترسره شول. تروريستان د سيمې له بېځايه شويوکسانوسره سيمې ته راغلي وو . په وژل شويوکسانوکې د ناناکار په نامه يو سړى هم شامل دى چې د سيمې د خلکو په وژنو کې يې لاس درلود. په دې نښته کې د پاکستان دوه تنه امنيتي ځواکونه هم ووژل شول. له دغو تروريستانو څخه وسلې ، مهمات او جنګي وسايل هم ترلاسه شوي دي. پاى\ج\ ذ

Page 8 of 718