19 April 2019

RSS Facebook

سوداگریز


تازه خبرونه

 په کندز کې د اوبو د يوه سربند دجوړولو کار پيل شو

په کندز کې د اوبو د يوه سربند دجوړولو کار پيل شو

کابل باختر د وري نهه ويشتمه : دکابو يو مليون افغانيو...

په بغلان کې   دکرنيزو اوبو يو کانال رغول کېږي

په بغلان کې دکرنيزو اوبو يو کانال رغول کېږي

کابل باختر د وري نهه ويشتمه : د کليو د بيا...

Youtube Player

khantry design

سوداگریز

سوداگریز

اخبار جهان

 نړيوالې خبري منابع \باخترد لړم دمياشتې١٧نيټه :   
ترکیه وايي چې په سیمه کې به د افغانستان او نورو هېوادو ترمنځ د ګډو پروژو ملاتړ وکړي.                                                                                                          دغه خبره په کابل کې د ترکیې سفارت وروسته له دې وکړه چې په ارګ کې د ترکیې      د «چالیک هولدینګ» شرکت سره افغانستان د ټاپ په نامه د پنځه سوه کیلو ولټه برښنا مزي د تیرېدو تفاهم ‌لیک لاسلیک کړ.  
دغه ترکي شرکت به د ټاپ په پروژې په ترکمنستان، افغانستان او پاکستان کې یو اعشاریه شپږ میلیاډه ډالر ولګوي. دغه پروژه به په درېيو کلونو کې بشپړه شي چې      له دې درکه به افغانستان هرکال له زرمېګا واټه بريښنا څخه استفاده کوي او د ټرانزیټ له درکه به هم څه ناڅه ١٠٠ میلیونه ډالر ترلاسه کوي. 
پاى \ذکرالله

نړيوالې خبري منابع  \ باختردلړم دمياشتې١٢نيټه: 
نیویارک ټایمز ورځپاڼې لیکلي، د طالبانو پلار ووژل شو.
دا ورځپاڼه لیکي، تر اوسه د مولانا سمیع الحق د وژنې مسؤولیت چا په غاړه نه دی اخیستی، خو د هغه د وژنې پیښه غیرمعمولي ښکاري.
نیویارک ټایمز لیکي، د هغه وژنه به د پاکستان په کورنیو چارو دومره اغېز ونه کړي، خو د افغان سولې لپاره په روانو هڅو به یې اغېز حتمي وي.     
نیوزویک مجلې په همدې تړاو یوه مطلب کې لیکلي، د طالبانو پلار په خپل کور کې ووژل شو او انګیزه یې شخصي وه.
نیوزویک لیکي، که څه هم سمیع الحق ناندریز میراث ترشا پرېښی او په اړه یې نظرونه سره وېشلي دي، خو ددغه هېواد لومړي وزیرعمران خان د هغه مړینه لویه ضایعه بللې او ویلې یې دي پاکستان یو لوی دیني عالم له لاسه ورکړ.
پاى \ذکرالله \

اسلام اباد  باختر د لړم  دولسمه :
دپاکستان پوليسو تاييد کړه چې ددغه هېواد دجميعت  عالمامشر مولانا سميع الحق  چې دافغانستان د طالبانو په معنوي پلار مشهور دى ، وژل شوى دى .
دپاکستان پوليسو  بې بي سي ته ويلي دي چې يرغلګر ناپيژاند کسان و ، او دجمعې په شپه دپاکستان په راولپندي ښار کې  دملا سميع الحق په کور له بريد وروسته  هغه  دچړو په ګوزارونو سره وژلى دى .
  سميع الحق دحقانيه مدرسه  اداره کوله چې ويل کېږي دطالبانو دپخواني مشر ملا عمر په ګډون دطالبانو په سلګونه تنه غړي پکې زد ه کړې کړي دي .
دسميع الحق وراره  محمد بلال درويترز خبري اژانس ته ويلي دي  چې يرغلګر په چړو او تورې سره  دده په کاکا بريد کړى دى .
درويترز دخبري اژانس خبرراکړ ،  مشخصه نه ده چې ولې  دبريد په وخت کې دسميع الحق ساتوونکي او موټر چلوونکى دده دفاع نه ده کړې .
دپاکستان صدراعظم عمران خان  چې دچين په سفر بوخت دى دغه بريد غندلى دى  او په دې باب يې دتحقيقاتو لارښوونه کړې ده .
دمولانا سميع الحق وژل په حساس وخت کې رامنځته شوى دى همدا اوس دپاکستان حکومت دآسيه بي بي دازادولو پرسر له مذهبي ډلو سره په لانجو کې ده .
  ختم_ ج _ اکرم

-کوالالمپور  باختر د لړم  لسمه :
نړيوالو خبري سرچينو اعلام وکړ چې د پلټوونکو لامبو وهوونکو ډلې وکولاى شول د اندونيزيا د ليون آير شرکت د مسافر وړونکې الوتکې توره جعبه چې د تيرې دوشنبې په ورځ د اندونيزيا د جاوا په سمندرګي کې را وغورځيده، پيدا کړي.
د ايرنا خبري آژانس نن د اندونيزيايي رسنيو له خولې خبر راکړ:
د اندونيزيا دترانسپورت د ملي امنيت د کمېټې رييس سورجانتو تيجاجونو د دغه هېواد رسنيو ته وويل چې د پلټوونکې ډلې يو لامبو وهوونکى د جاوا سمندرګي په لويديځ کې د راغورځيدلې الوتکې د تورې جعبې په ترلاسه کولو بريالى شو او اوس دغه جعبه د هغې له اطلاعاتو څخه د ګټې اخستنې لپاره ماهرانو ته سپارل شوې ده .
د اندونيزيا د مترو ټلويزيون شبکې د خبرله مخې، دغه لامبو وهوونکى په دې بريالى شوى دى چې توره جعبه د سيند د تل په خټوکې پيدا کړي .
د دغه خبرله مخې: د الوتکې دغه توره جعبه د پنځه ويشتو ساعتونو لپاره په هغې پورې دټولو اړوندو اطلاعاتو د ثبت او ساتنې ظرفيت لري.
سره له دې چې د الوتکې توره جعبه پيدا شوې ده، خو اندونيزيايي مسوولين وايي چې د الوتکې د راغورځيدو د علت پيداکول او د دغې جعبې د اطلاعاتو پلي کول وخت غواړي .
دغه جعبه له کابو اوو کيلوګرامو څخه ترلسو کيلوګرامو پورې وزن لري او کولاى شي تر اوبو لاندې تر شپږو زرو مترو ژورتيا پورې او دغه راز د سانتي ګراد له زرو درجو څخه پورته تودوخې کې د يو ساعت لپاره سالمه پاتې شي.
د ليون اير په شرکت پورې اړوند ٧٣٧ماکس  ٨ -  الوتګه دتيرې دوشنبې په ورځ  له چارکارتا څخه د اندونيزيا په بانګکا ټاپوکې د بانګکال پينانک ښار ته روانه وه چې الوتنې څخه ١٣ دقيقې وروسته د اندونيزيا په ختيځ جاوا سمندرګي کې راغورځيده .
له  ١٨٩ تنو سپرليو سره د اندونيزيا  په ختيځو سواحلوکې د سوماترا په اوبو کې ددغه هېواد د ليون اير شرکت دمسافروړونکې الوتکې راغورځيدل ددغه هېواد په تاريخ کې دويم هوايي ناتار ګڼل کيږي .
د اندونيزيا لومړى او ډير بد هوايي ناتار د ١٩٩٧ کال د سپټمبر د مياشتې په ٢٦ نېټه رامنځته شو. په دې پيښه کې يوه ايربس  - ٣٠٠ الوتکه له  ٢٣٤ تنو سپرليو سره د دغه هېواد په مدرن سيمه کې راوغورځيده چې ټولې سپرلۍ يې ووژلې شوې .
  ختم_ عطاالله _ اکرم

Page 8 of 724