07 July 2020

RSS Facebook

سوداگریز


تازه خبرونه

د کابل په فرزې او شکردرې ولسوالۍ کې د دوو چاودنو مخه ونیول شوه

کابل / دچنګاښ۱۷ / باختر د کابل د۱۱۱چټک غبرګون د...

 په کابل کې ديوې چاودنې مخه ونيول شوه

په کابل کې ديوې چاودنې مخه ونيول شوه

کابل / د چنګاښ ١٧مه/ باختر د کابل پوليسو څو...

Youtube Player

khantry design

سوداگریز

سوداگریز

اخبار جهان

دليندي دمياشتې ٢٤ :

دپاکستان جمهوررييس اصف علي زرداري  پرون  له روغتيا وروسته ددوبي ښار له روغتون څخه رخصت شو.

 دزرداري ويندوى فرحت الله بابر وويل  چې  جمهوررييس پرون  په دوبي ښارکې خپل استوګنځي ته ستون شو  خو ويي نه ويل چې زرداري څه وخت پاکستان ته ستنيږي.

پخو ا دپاکستان د جمهوري رياست دفتر په يوې اعلاميه کې ويلي و چې دجمهوررييس ټولنې کتنې بشپړي شوي   او له نورمالو نتيجو وروسته بيرته پاکستان ته ستنيږي .

اصف علي زرداري تيره اوونۍ  دعاجلي ناروغي له امله  چې ورپيښه شوي وه  ددوبي ښار روغتون ته لاړ .

دپاکستان د جمهوررييس دغې ناروغي اوددوبى ښار په روغتون کې دده بسترکېدل  په  دغه هيواد کې سياسي آوازي راوپارولي چې ګنې دى له خپل مقام څخه ګوښه کېږي .


 

دليندي دمياشتې ٢٤ :

دهندصدراعظم منموهن سنگهه نن ددوه ورځني رسمي سفراودهند اوروسيې دمشرانو په دولسمه غونډه کې  دگډون لپاره مسکو ته روان شو.

دباختراطلاعاتي اژانس دايران دخبري ا ژانس له خولي خبرراکړ چې دهند صدراعظم په دې سفر کې  ددواړو هيوادونو  دمشرانو په دولسمه  غونډه کې دگډون په ترڅ کې دروسيې فدراسيون له مقاماتو سره به وگوري .

دهندصدراعظم دروسيې له  جمهوررييس ديمتري مدويدوف او  ددغه هيواد له صدراعظم ولاديمير پوتين سره دوه اړخيزي خبري وکړي .

په دې سفرکې دهندله صدراعظم سره  ددغه هيواد دملي امنيت سلاکار ، دبهرنيو چارو وزارت مرستيال اويوشمير نور جګپوړي مقامات ملګري دي.

دا له ٢٠٠٨ ميلادي  کال وروسته دهندي اوروسيې مقاماتو څلورمه کتنه ده

هند اوروسيې په   ٢٠٠٠  ميلادي کال کې  نوى ډيلې ته دروسيې دپخواني جمهوررييس پوتين دسفر په بهيرکې  ددواړو هيوادونو دمشرانو  دکلني غونډي د جوړولو پريکړه وکړه.


 

دليندي دمياشتې ٢٤ :

دباختراطلاعاتي اژانس  د وي  او  اي   نيوز دخبري سايت  له خولې خبرورکړ دامريکا  جمهوررييس بارک اوباما له عراق څخه د وروستۍ ډلې امريکايي عسکرو دستنيدو هرکلي وکړ  اوپه دې ډول په عراق کې دامريکا نهه کلنه جګړه پاى ته ورسيده.

بارک اوباما  دغو عسکرو ته دتورت  کارولينا په ايالت کې په خپلو خبرو کې  په خپلو خبرو کې وويل غواړي دغه تاريخي شيبه په خپل هيواد او دامريکا په پوځي ژوندانه کې جوته کړي .

ده وويل  ستاسوداعلي سرقوماندانۍ په توګه  ديو قدردان ملت په استازيتوب وياړ چې په پاى کې  دغه دوه جملې بيانوم چې ستاسي کورنۍ  هم موافقي دي خپل کورته ښه راغلاست  خپل کور ته ښه راغلاست

دعراق  په جګړه کې ٤٥٠٠ تنه امريکايي عسکر ووژل شول او څه دپاسه ديرش زره تنه  نور ټپيان شول اوباما وويل  دغه جګړه په  مجموعي ډول يو ترليون ډالره لګښت درلود.

اوباما ددغې جګړي لاسته رواوړنې فوق العاده وبللي  . په  عراق کې دجګړې  پاى دهغو ژمنو له جملې څخه و چې په ٢٠٠٨ ميلادي کال کې د جمهوري رياست په انتخاباتو کې له ده سره مرسته وکړه چې بريالي شي .


 

دليندي دمياشتې ٢٤ :

دهند په شمال ختيځ کې په يو کور کې دتوليد شويو شرابو دڅښلو له امله يوسلو دوه تنه و وژل شول.

دباختر اطلاعاتي اژانس  د  وي  او   اي دخبري سايت له خولې خبر ورکړ ښايي دتلفاتو شمير له دي څخه هم زيات شي ځکه  يوسلو پنځه ديرش تنه په روغتون کې بستردي اوروغتيايي حالت  يې خراب بلل شوي دي.

پوليسو وايي ددغې پيښې وژل شوي بيوزله حلک وو چې دسه شنبًي په ورځ  ناوخته دشرابو په څښلو پيل وکړ او دسرزيان يې پرون پيل شو.

پوليسو تراوسه پوري  څلور تنه ددغې پيښې په تور نيولي دي .

دا په هند کې له ٢٠٠٩ ميلادي کال را په دې خوا دويمه ورته پيښه ده.