27 January 2020

RSS Facebook

سوداگریز


تازه خبرونه

 دهېواد په ختيځ کې دڅلورو ډاراچوونکو نيول کېدل

دهېواد په ختيځ کې دڅلورو ډاراچوونکو نيول کېدل

کابل /دسلواغې ٧مه / باختر: څلور ډار اچوونکي دهېواد په ختيځ...

طالبانو په سرپل کې دروغتيايي ټيم غړي ازاد کړل .

طالبانو په سرپل کې دروغتيايي ټيم غړي ازاد کړل .

کابل /دسلواغې ٧مه / باختر: طالبانو يو ګرځنده...

Youtube Player

khantry design

سوداگریز

سوداگریز

اخبار جهان

دلندن پوليسو پرون دبريتانيا د ايتروي په هوايي ډګر کې د پا کستان د هوا يي کرښې په يوه الوتکه کې درې تنه پاکستاني اتباع ونيول

دباختر اطلاعا تي اژانس د پاکستان ددى نيوز انترنشنل ورځپاڼې دخبري سايت له خو لې خبر راکړ چې په نيول شويو کسانو کې يوه ښځه هم شامله ده.

په لندن کې د تروريزم  ضد ما مورينو اود مها جرينو په چارو کې مامورين به له نيول شويو څخه پوښتنې و کړي

 په خبر کې ددغو کسانو د نيولو دعلت په باب څه نه دى ويل شوي

دايران درسنيو دخبرله مخې ددغه هيواد وسله والو ځواکونو ديوې بې پيلوټه  امريکايي الوتکې دراغورځولو خبرورکړ او وايي دغه  اقدام دايران  په هوايي حريم له تيرى وروسته شوي دي .

په دغو خبرونو کې ويل شوي دي چې دغې الوتکې ته مهم زيان نه  دى اوښتي او اوس دايران داردو په واک کې ده .

دباختر اطلاعاتي اژانس دامريکا غږ دخبري سايت له خولې خبرراکړ دغه الوتکه دايران په ختيځ   کې راغورځول شوې ده خو په  خبر کې  ددغې پيښې دقيقه نيټه نه ده مشخصه شوي.

 يو امريکايي مقام چې غوښتي دي نوم يې وانه خيستل شي  درويترز خبري اژانس ته ويلي دي تراوسه پوري هيڅ  داسې نښې نښاني  نشته چې ايرانيانو دغه الوتکه غورځول  دي.

دايران دولتي خبري اژانس دچنګاښ په مياشت کې دايران دمجلس ديوه استازي دڅرگندونو پربنسټ چې ادعايي کړې وه چې دايران دخپلو اټومي تاسيساتو ته څيرمه دامريکا دجاسوسي بې پيلوټه الوتکه راغورځولې ده .

امريکا اودهغه لويديځ متحدين  دتهران دجنجالي اټومي پروګرام په باب اختلاف لري .

لويديځ هيوادونه وايي ايران په اټومي وسلو دبرلاسي په هڅه کې  دي په داسې حال کې چې ايران وايي چې اټومي پروګرام يې يواځي سوله ييز مقصدونه لري.


 

دباختر اطلاعاتي اژانس  دپرس تي  وي دخبري سايت  دڅرګندونو له مخي خبر راکړ   دايران دبهرنيو چارو وزير علي اکبر صالحي له تهران څخه المان روان  شو . ټاکل شوې ده  دى  دافغانستان دراتلونکي  په باب دبن په دويم کنفرانس کي چې  سبا په المان کې جوړيږي  ګډون وکړي .

   په دې کنفرانس کې  به  دملګرو ملتو دسازمان د استازو په ګډون سربيره دنړۍ دهيوادونو نوي تنه استازي برخه واخلي  .

 دغه نړيوال کنفرانس  به په افغانستان کې دثبات دتينګښت لپاره چې دجګړي له څوکلن  بحران سره مخامخ دي  ديوې  ستراتيژي  په طرحه کولو کې مرسته وکړي .

دروسيې دپارلمان داستازو مجلس په انتخاباتوکې رايې ورکول دوام لري .

  دا ددولتي دوما په   نامه ددغه مجلس شپږم  انتخابات دي چې  څلور سوه پنځوس استازي  ديوې پنځه کلنۍ دوري لپاره انتخابيږي .

  په ټوله روسيه کې درايو په اووه نوي  زرو حوزو کې  او په بهير کې  دروسانو لپاره په رايي ورکولو برابر کسان په پام کې نيول شوي دي .

 په دغو انتخاباتو کې دواحدي روسيې دګوند په ګډون اووه سياسي ګوندونه سيالۍ کوي .

  په دغو انتخاباتو  کې سترسيالۍ  کوونکي ګوند دواحدي روسيې ګوند دي چې په پخوانيو انتخاباتو کې دپارلمان له ټولو  څلورو سوه پنځوسوڅوکيو څخه يي درې سوه پنځلس  څوکي ترلاسه کړي وې  دروسيې   څه ناڅه يو سلو لس مليونه  وګړي

درايو  ورکولو  په شرايطو برابر  دي او دانتخاباتو په رايو ورکولو باندې دڅارنې لپاره نن داروپايي سازمانونو دګډو ګټو ټولنې او نورو نړيوالو سازمانونو څه دپاسه شپږ سوه پنځوسوکتونکو ته بلنه ورکړ شوې ده.

 ددغو انتخاباتو  لپاره سخت امنيتي تدبيرونه نيول  شوي   د يوولس زره پنځه سوه امنيتي ځواکونو په ګډون درې سوه شل  زره تنه پوليس ددغو انتخاباتو امنيت تامينوي .