07 April 2020

RSS Facebook

سوداگریز


تازه خبرونه

د سپين بولدک بندر په موقتي ډول پرانيستل شو

د سپين بولدک بندر په موقتي ډول پرانيستل شو

کابل / د وري ١٨مه / باختر د سپين بولدک...

Youtube Player

khantry design

سوداگریز

سوداگریز

اخبار جهان

دپاکستان د اردو په يوې امنيتي  پوستې دناتو دهليکوپترونو  د ډزو له امله ددغه هيواد شل تنه سرتيري ووژل شول .

 دباختر داطلاعاتي اژانس  دخبر له مخې، دغه بريد نن سهار دخيبر پښتونخوا ايالت دمومندو ايجنسۍ په سيمې وشو چې له امله يې دپاکستان داردو شل تنه سرتيري ووژل شول او څلور تنه نور يې ټپيان شول .

  دپاکستان حکومت ددغه هيواد دامنيتي ځواکونو د وژل کيدو  پرخلاف داعتراض په توګه افغانستان ته دناتو اکمالاتي لاره تړلې ده .

 ناتو دافغانستان او پاکستان ترمنځ پوله کې ديوې پيښې  خبر ورکړ او وي ويل  څيړنې دوام لري .

چينايي مامورينو  پرون په وينزويلا کې د نفتي صنايعو دپراختيا په مقصد دغه هيواد ته دشپږو ملياردو ډالرو پور د ورکولو تړون لاسليک کړ .

 دغه تړون دوينزويلا په پايتخت کاراکاس  ښار کې لاس ليک شو او دغه پور به چين ته دتيلو دصادرولو  په چوکات کې  بيرته ورکړي شي .

 ددغه  تړون له لاسليک کولو وروسته دوينزويلا جمهور رييس هوګوچاويز دخپل هيواد دپرمختيا لپاره ديوې زميني په توګه له چېن سره داړيکو دفاع وکړه .

 دچين دسينهوا  خبري سايت له خولي دباختر داطلاعاتي اژانس دخبر له مخې، چين په وروستيو  کلونوکې وينزويلا ته په ستر پورورکوونکي  بدل شوى دى او پخوا يې هم کاراکاس ته د ٣٢ ملياردو ډالرو پور دورکولو ژمنه کړې ده .

دبلوچستان ايالت روغتيايې خبرځايونه وايې ددغه رياست په مند ښارګوټې کې يوله  دوو ترلاسه شويو مړو  څخه دبلوچستان  دجمهوريت غوښتونکي ګوند داطلاعاتو  دڅانګي  ديوه ستردستيار جليل  ريکى  دى .

  دباختر اطلاعاتي اژانس دپاکستان ددي نيوز انترنشنل ورځپاڼې دخبري سايت له خولې خبر ورکړ چې دغه سړى په  ٢٠٠٩  کال کې دکويټي ښار دسرباب له سيمې څخه تښتول شوى و .

 داپه داسي حال کې ده چې پاکستاني  رسنيو  ديوبل مړى  دترلاسه کولو چې يو سوداګر دي هم خبر ورکړ

 دبلوچستان دجمهوريت غوښتونکي  ګوند دد غه  ګوند ديو جګپوړي  غړى  جليل ريکى وژل کيدل  په کلکه وغندل  او په دغه ايالت کي يي درې ورځنې اعتصاب غوښتنه وکړه .

 ديوبل خبر له مخي نن سهار دکويتي ښار دشهباز  تاون ناحيي ته څيرمه دبم دچاودنې غږ اوريدل شوي دي  خو تراوسه پورې ددغې پيښې جزئيات نه دي خپاره شوي .

دايران حکومت د نشه يي تو کو يوولس تنه قاچاق وړونکي اعدام کړي دي

دايران د تلويزيون د رپوټ له خو لې د باختر د ا طلاعاتي ا ژانس دخبر له مخې دغه يوولس تنه قاچاق وړونکي پرون سهار دشيراز ښار دعادل ا باد په جيل کې اعدام شول

دشيراز عمومي څارنوال وويل دغو کسا نو د١٣٨٧ او١٣٨٩ کلو نو په بهير کې په عمدي ډول دډول ډول نشه يي تو کو په سا تلو ، ليږدولو او ترانزيت لاس پوري کړې و چې ددوې د اعدام حکم د لوى څارنوالۍ له تاييد اودقضا رياست له موافقي وروسته په دوي باندې تطبيق شو

د همدى خبر له مخې دبخښنې نړيوال سا زمان ويلي دي چې ايران د پنځه اويامليونووګړو په لرلو سره له چين وروسته دويم هيواد دى چې په نړۍ کې د اعدام لوړ شمير لر ي