24 February 2020

RSS Facebook

سوداگریز


تازه خبرونه

د سولې په بهير کې د ښځو ليدلورى مشخص دى

د سولې په بهير کې د ښځو ليدلورى مشخص دى

کابل/ د کب ٤ مه/ باختر د سولې په چارو...

  افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

کابل/ د کب ٤مه/ باختر د افغانستان اسلامي جمهوریت د کرونا...

په تهران کې د افغانستان سفارت خپل قونسلي خدمتونه وځنډول

په تهران کې د افغانستان سفارت خپل قونسلي خدمتونه وځنډول

کابل/ د کب ٤مه/ باختر په تهران کې د افغانستان سفارت...

Youtube Player

khantry design

سوداگریز

سوداگریز

اخبار جهان

دبحرين دبشردحقوقو ددفاع کميټي دلبنان په پايتخت بيروت کې په يوه مطبوعاتي کنفرانس کې دبحرين دملکي اتباعو پرخلاف ددغه هيواد دحکومت دبشري ضد جنايتونو لومړۍ رپوټ خپور کړ.

ددغې کميټي  رپوټ  ( ازادي  دګوليو په ډزو کې) ترعنوان لاندې  خپور شو له سندونو اومدارکوسره جوخت په بحرين کې  دوګړنيزو سوله ييزو له پيل څخه ددغه هيواد دپوځيانو دتيري جزئيات خپاره کړي دي .

ددې کميټي رييس وويل  دترلاسه شويو سندونو اومدارکو له مخې په دغه هيواد کې دوګړنيزو مظاهرو له پيل څخه را په دي خوا زيات شمير نيول شوي کسان په جيلونو کې تر شکنجي لاندې وژل شوي دي 

ده زياته  کړه له بده مرغه دبشر دحقوقو ددفاع چارواکو تراوسه پوري دبحرين دحکومت دبشري ضد جنايتونو په غندلو کې هيڅ اقدام اوعمل نه دي کړي او عربي رسنيو هم په دغو جنايتونو سترګي پټي کړي دي.

په بحرين کې له څو وروستيو مياشتو ر ا په دي خوا دحکومت دمخالفينو له خوا له اعتراضه ډکې مظاهري شوي او دمظاهره کوونکو اوددغه هيواد دامنيتي ځواکونو ترمنځ په نښته کې لس ګونو تنو ته مرګ ژوبله اوښتي ده.

دپاکستان دبلوچستان ايالت دديره بوګتي  ناحيې په  جانوبيري سيمه کې دبم د چاودنې له امله  څه ناڅه پنځه تنه ووژل شول اونهه تنه نورټپيان شول.

دپاکستان دډي ډان ورځپاڼې دخبرله مخې دغه چاودنه پرون ناوخته وشوه چې دهمدي خبرله مخې ناپيژندل شويو کسانو دغه ريموټ کنترول بم ددغې سيمې په سړک کې ځاى پرځاى کړي و.

ددغه بريد مسووليت  چاپه  غاړه نه دي اخيستي .

دبريتانيا حکومت پرون دايران داتومې پروګرام له امله پردغه هيواد نوى بنديزونه ولګول .

ددغو نويو بنديزونو هدف دايران مالي سکتور دي ددغه هيواد له بانکونو سره داړيکو شلول دي .

دباختر اطلاعاتي اژانس دليبرتې راډيو دخبري سايت له خولې خبر راکړ چې د بريتانيا ، دامريکا دمتحده ايالاتو او دکانادا دهيوادونو حکومتونو پرون په جلا جلا توګه اعلام وکړ چې داتومې وسلو دتوليد دپروګرام دبندولو لپاره به دنړيوالې ټولنې دغوښتنې په وړاندې دايران دمقاومت په ځواب کې ددغه هيواد پر اقتصاد باندې دزيات فشار راوستلو په مقصد په نويو اقداماتو لاس پورې کوي .

دامريکا دخزانو وزارت مقاماتو ويلي دي پر ايران باندې دزيات فشار راوستلو لپاره به ډير ژر ددغه هيواد پرضدنوى مالي اقدامات اعلام کړې .

دهمدي خبر له مخې دامريکا دبهرنيوچارو وزيرې ميرمن هيلري کلنتن تيره شپه دامريکا دخزانو له وزيره سره په يو ګډ خبري کنفرانس کې وويل چې دهيواد جمهور رييس بارک اوباما يو داسي حکم لاسليک کړي دي چې له مخي يي دلومړۍ ځل لپاره دايران په پتروشيمې صنايعو بنديز لګول شوي دي او دايران داقتصاد ددغه سکتور دخدماتو اوتکنالوژي دوسايلو په تامينولو کې هم دغه بنديز لګول شوي دي .

ترکيه دخپلو پوځي قطعاتو يو سترکاروان ددغه هيواد په جنوب ختيځه سيمه کې چې دعراق دکردانو داستوګنې له نيمه خپلواکي سيمې سره پوله لري ځاى پرځاى کوي .

دباختر اطلاعاتي اژانس دپرس تي وي دخبري سايت له خولې خبر راکړ دغه کاروان ، پرون داکاري ولايت دکوکورکاسيمي ته رسيدلي دي او وروسته به ددواړو هيوادونو ترکيې عراق دسرحدي سيمو په لور روان شي .

دترکيې خبري سرچينو وويل چې په دغه کاروان کې هغه دوه سوه ليږدونکي واسطي شته چې دماين دچاودنې په وړاندې مقاومت لري .

له عراق سره دترکيې سرحدي سيمې پخوا څوځلې دترکيې دکردستان دکارګرانودګوند، پي کاکا ) دياغيانو پرسنګرونو ددغه هيواد دهوايي ځواکونو د بريدونو ډګر و ، خو په نويو خبرونوکې ويل شوي دي چې دالومړۍ ځل دي چې دپوځي قطعاتو دغه شان کاروان په دې سرحدي سيمه کې ځاى پرځاى کيږي .

پي کاکا دترکيې په جنوب ختيځ کې دکور واکي لپاره له ١٩٨٠ کال راپديخوا دترکيې له عسکرو سره په خورو وروجګړوبوخت دي او دترکيې حکومت دغه ډله ديو تروريستې سازمان په توګه بولي .