19 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اخبار جهان

-دمشق  باختر د ثور لسمه :
  دداعش دډلې دنومول  شوي خلافت په له منځه تللو سره دنړۍ زياتو هېوادونو ته راتوونکى  ازموينه ددغې ډلې دجګړه مارانو دسلګونو تنو بچيانو سره مرسته ده چې دسوريې په شمال ختيځ کې په کمپونوکې ژوند کوي
دبشر دحقوقو دفعالينو او کارپوهانو دڅرګندونوله مخې، ددغو ماشومانو پلورنه دداعش بهرني جګړه ماران او ميندې يې دسوريې اتباع دي .
دغه ماشومان په داسې حال کې ديو نامعلوم راتلونکي سره ژوند کوي چې دسوريې  دموکراتيکو  ځواکونو دداعش پرخلاف خپل بشپړ برياليتوب اعلام کړ
دباغوز عمليات ددې سبب شول چې په زرګونو تنه د آل هول دپناه غوښتونکو موقت کمپ ته پناه يوسي .
دسره صليب  نړيوال کميټې ويلي دي چې ددغه کمپ مسوولينو دداعش دجګړه مارانو لس زره تنه ميرمنې دهغوى له بچيانوسره په دې کمپ کې ځاى ورکړى دى .  هاناګريګ دامريکا غږ ته ويلي دي چې ددغوماشومانو تابعيت چې پلرونه يې بهرنيان اوميندې  يې سوري اتباع دي تراوسه پورې مشخص نه دى .
  ختم_ عطاالله – اکرم

اسلام اباد باختر د ثور لسمه :
دپاکستان اردو ويلي دي چې دبنسټپالنې  پرخلاف  دهلوځلو  ديوې برخې په توګه په دغه هېواد کې څه دپاسه ديرش زره  ديني مدرسې دحکومت تر ادارې لاندې نيول کېږي .
دپاکستان داردو وياند جنرال اصف غفور ويلي دي چې ددغو مدرسو په مليونونو تنه طالبان اوس يواځې دينې زده کړې لري .
اصف  غفور پرون په راولپندي کې  په يوه خبري کنفرانس کې وويل چې په پاکستان کې يوشمير ديني مدرسې د بنسټپالنې  دمرکزونو په توګه پيژندل کېږي .
داسوشيتد پرس دخبري اژانس دخبرله مخې ،  اټکل کېږي چې ديوزيات شمير افغان طالبانو په ګډون څه دپاسه پنځه ويشت مليونه تنه ماشومان او تنکي ځوانان دپاکستان په ديني مدرسو کې په زده کړه بوخت دي
ديني مدرسې  چې زياتره يې دپاکستان په مذهبي ډلې اوګوندونو پورې مربوط دي تراوسه پورې په دې باب  غبرګون نه دى ښودلى .
  ختم_ج _ اکرم

وي او اې / د غويي دمياشتې ٧ مه
د القاعده شبکې د یمن څانګې ګواښ کړی چې په روانه اوونۍ کې په سعودي عربستان کې د اعدام شویو کسانو غچ اخلي. 
سعودي عربستان د سه شنبې په ورځ ٣٧ کسان اعدام کړل چې د چارواکو په وینا په ترهگرۍ اړوند جرمونو تورن وو.    
د القاعده شبکې د عرب شبه جزیرې څانګې په یوه اعلامیه کې چې ددغې شبکې اړوند ویب پاڼه کې پرون خپره شوې، ویلي چې سعودي عربستان د امریکا د خوشحالولو په خاطر د هېواد اصیل بچیان اعدام کړي دي.   
په اعلامیه کې راغلي چې القاعده به هیڅکله د دوی وینې هیرې نکړي او غچ به              یې واخلي.   
د رپوټونو له مخې، د شاوخوا ٣٧ اعدام شویو کسانو له ډلې څخه چې په روانه اوونۍ  کې د ترهګرۍ اړوند پېښو په ارتباط یې سرونه پرې شوي شعیه مذهبه وو، خو ویل شوي چې د دغو کسانو له ډلې نه لږ تر لږه یو تن یې د یوې سوني مذهبه یاغي ډلې غړي و. 
د بخښنې نړیوال سازمان ویلي چې په دې ډله کې یو ځوان شخص هم اعدام شوی چې د ١٨ کلنۍ څخه یې دمخه جرم کړی و.
دغه سازمان ددغو کسانو د محاکمې پر بڼې هم انتقاد کړی دی او ویلي یې دي چې دغو کسانو نه د شکنجې په زور اعترافونه اخیستل شوي دي او د هغوی محاکمه د ټولو بین المللي معیارونو سره په تناقض کې وه. 
پا ى/ ذکرالله

کابل/باختر/ دثوردمياشتې١ نيټه
د سريلانکا پر کلیساوو او هوټلونو باندې چاودنوکې د رپوټونو له مخې څه ناڅه ۱۰۰ تنه وژل شوي او په سلګونو تنه نور ټپیان شوي دي. 
رپوټونه وايي: لږ تر لږه شپږ چاودنې ترسره شوې دي.
درې چاودنې په کوچچیکاډ نیګومبو او بټیکالوا کې د عیسویانو د ځانګړي اختر'ایسټر' پرمهال پرکلیساوو او درې نورې چاودنې د پايتخت کولمبو پرهوټلونو شوې دي.
د نن ورځې ایسټر مراسم په عیسوي کالیزه کې تر ټولو لوی مراسم ګڼل کېږي. 
یوه حکومتي وزیر مانو ګنیشان په سیمه کې خبریالانو ته ویلي، د کولمبو چاودنې دوی يې بوږنوږنکې وي. 
د سريلانکا رسنیو ویلي، ښايي په وژل شویو او ټپیانو کې بهرني سیلانیان هم وي.  
ځینو رسنیو د حکومت له خوا د اعلام شوې مرګ ژوبلې پرتله د وژل شویو شمېرډېر ښودلی دی.
تر اوسه د دغو چاودنو مسوولیت هېڅ کومې ډلې په غاړه نه دى اخيستى.
د سريلانکا جمهورئيس مېتریپالا سیریسینا په یوه خبرپاڼه کې پرخلکو غږ کړی چې آرام پاتې شي او له چارواکو څخه یې غوښتي چې په پلټنو کې همکاري وکړي. 
د مالیې وزیرمنګالا سماراویرا پر ټویټر لیکلي، دا د وژلو لپاره همغږي بریدونه ښکاري چې ګڼ شمېر بې ګناه خلک پکې وژل شوي دي. 
یوه بل وزیر هرشا دي سیلوا په کوچچیکاډ کې دچاودنې صحنه زړه بوږنوونکې بللې  ده چې په وینا یې، هر ځای مړي پراته وو. 
داسې وېره هم شته چې ښايي سريلانکا ته د داعش نومې ډلې جنګیالي  بېرته راستانه             شوي وي.
پاى \ذکرالله

Page 10 of 734