24 October 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اخبار جهان

اسلام آباد \ ډي ډان \  باختر \باختر\ دغبرګولي دمياشتې ١٣نيټه :
د پاکستان په ځينو ښارونوکې د سانتي ګراد په کچه په څلويښتو درجو سره د تودوخي ځپه دوام مومي.
دپاکستان دهوا پوهنې ادارې وويل چې د تودوخې اوسني څپه به د دوو نورو اوونيو لپاره دوام وکړي او زياته يې کړه چې د روان کال وچه او توده هوا يوه غيرمعمولي بېلګه ده او د اسلام اباد ښار به په دې موده کې هرمو مرو  د اورښت ډګر وي.
دپاکستان دهواپوهني ادارې درييس دڅرګندونوله مخې ؛ د اقليم په بدلون او د انساني تېر وتنو سربيره له دې جملې څخه  د ونو  غوڅول  هم  د اوبو او هوا ددغه شان شرايطو سبب  شوى دى .
دپاکستان دهوايي پوهنې ادارې د رييس  دڅرګندونوله مخې  ؛ د روانې مياشتې  په دويمه نيمايي کې د پاکستان په زياترو سيموکې د اورښتونو احتمال شته.               پاى \ ذکرالله \

قاهره \ ايرنا  \باختر\ دغبرګولي دمياشتې ١٣نيټه :
د مصر جمهور رئيس عبدالفتاح السيسي چې د دويم ځل لپاره په دې مقام  انتخاب شوى دى؛ پرون يې د دغه هېواد د استازوپه مجلس کې د وفادارۍ لوړه وکړه .
السيسي چې د روان کال د وري دمياشتې په  انتخاباتوکې دمصردجمهور رئيس په توګه انتخاب شو؛ پرون يې د مصر په پارلمان کې وويل چې مصر په ټولو پورې اړه لري او زه دټولو مصريانو جمهور رئيس يم هم د هغو کسانو  چې ماته يې رايه راکړې ده او هم د هغو کسانو چې رايه يې نه ده راکړې. زه ټولو مصريانوته په يوه سترګه ګورم، له هغو کسانو پرته چې دتاوتريخوالي او د تروريزم لاره يې غوره کړې ده.
دغه مراسم د مصر د مسيحيانو د مشر شيخ الازهر، د مصر د صدر اعظم او د پارلمان د استازو  په ګډون پرځاى شوي و.
دمصر دانتخاباتو دملي کميسيون له اعلام سره سم د مصر د جمهوري رياست په انتخاباتو کې کابو  ٢٥ميليونو تنو رايې ورکړې چې عبدالفتاح السيسي ديو ويشتو ميليونو رايو په ترلاسه کولو سره د دويم ځل لپاره دمصر د جمهور رئيس په توګه انتخاب شو . 
پاى \ ذکرالله  \

نړيوالې خبري منابع \ باختر دغبرګولي دمياشتې ١١نيټه : دپاکستان پخواني قاضي القضات ناصر الملک نن جمعه ددې هېواد د سرپرست صدراعظم په توګه لوړه وکړه. د پاکستان د ملکي حکومت قانوني موده نن پای ته ورسېده. د پاکستان په تاريخ کې دا دوهم ځل دی چې ملکي حکومت خپله پنځه کلنه دوره بشپړوي. د پاکستان د اساسي قانون له مخې، تر راتلونکو ۶۰ ورځو پورې به په دې هېواد کې نوي پارلماني انتخابات کېږي. د پاکستان د نږدې ۷۰ کلن تاريخ نيمايي د پوځ تر واکمنۍ لاندې تېر شوی او د ۱۵ملکي حکومتونو مشران مخکې له دې چې خپله قانوني موده پوره کړي، له واکه لرې کړای شوي دي . پاى \ ذکرالله \

نړيوالې خبري منابع \ باختر دغبرګولي دمياشتې ١١نيټه : د دنمارک حکومت پرون د نقاب يا داسې جامو پر اغوستو بنديز اعلام کړ چې په عام محضر کې څېره پټوي. د دنمارک پارلمان دا لايحه د دېرشو مخالفو رأيو په وړاندې په ۷۵ مثبتو رأيو تصويب کړه. له دې پرېکړې سره مسلمانان نه شي کولای چې نقاب يا برقه واغوندي. د دې قانون سرغړونکي به درې ځلې د ۱۶۰ امريکايي ډالرو معادل جريمه کېږي،خوڅلورم ځل بايد د ۱۶۰۰ امريکايي ډالرو معادل جريمه ورکړي. د دنمارک د عدليې وزير پېپ پولسين پرون وويل چې په فبرورۍ مياشت کې هغه مهال چې دا لايحه جوړېده، يادونه وشوه چې د مخ پټول د دنمارک له ټولنيزو ارزښتونو او خلکو ته د درناوي له اصولو سره سمون نه لري. د بخښنې نړيوال سازمان دا اعلام دښځو له حقونو څخه يوه ښکاره سرغړونه بللې ده. ايمنسټي انترنيشنل په يوه خبرپاڼه کې ويلي چې ټولې ښځې بايد د خپلو جامو په غوره کولو کې آزادې وي او بايد اجازه ولري چې له خپل هويت او عقيدې سره سمې جامې واغوندي. په دې وروستيو څوکلونوکې بلجيم، بلغاريا، فرانسې، هالنډ او د جرمني باويريا ايالت هم په عام محضرکې د ښځو پر حجاب او برقو بنديز لګولی دی. پاى \ ذکرالله \

Page 10 of 717