19 February 2019

RSS Facebook

سوداگریز


تازه خبرونه

 په کابل کې  له  ٥٥ وسلو سره  ددوو تنو نيول کيدل .

په کابل کې له ٥٥ وسلو سره ددوو تنو نيول کيدل .

کابل باختر دسلواغې ديرشمه : دپوليسو موظفينو دکابل په ديارلسمې...

په دايکنډي کې بې ځايه شويو کورنيو مرستې ترلاسه کړې .

په دايکنډي کې بې ځايه شويو کورنيو مرستې ترلاسه کړې .

کابل باختر دسلواغې ديرشمه : له يوسلو څلويښتو بې...

دهېواد دکرکټ ملي ټيم دايرلند  له کرکټ  ټيم سره  لوبه کوي .

دهېواد دکرکټ ملي ټيم دايرلند له کرکټ ټيم سره لوبه کوي .

کابل باختر دسلواغې ديرشمه : دهېواد دکرکټ ملي ټيم...

Youtube Player

khantry design

سوداگریز

سوداگریز

اخبار جهان

واشنګتن/ بي بي سي/   باختر د سلواغې پنځمه
  امريکايي ميلياردر کن ګريفن، د نيويارک ښار په مرکزکې په ٢٣٨ ميليونه ډالرو د يوه لوکس اپارتمان په پيرودنې سره نوى ريکارد ثبت کړ .
دغه څلور پوړيز اپارتمان چې د نيويارک سنترال پارک ته مخامخ موقعيت لري، ډير قيمتي اپارتمان دى چې تر اوسه پورې په امريکا کې پلورل شوى دى .
منهتن د نيويارک په زړه کې د سنترال پارک محدوده د نړۍ يو ډير مشهور او قيمتي ځاى دى او د نړۍ زياتره ميلياردران د دغه ځاى د بې سارو کورونو د مالکانو په فهرست کې د خپلو نوونو د ثبتولو غوښتوونکي دي.
دغه ٦٦ پوړيز برج  د معمار (رابرت.اى.ام سترن) کار بلل شوى دى او په هغه ځاى کې موقعيت  لري چې د ميلياردرانو په راستنې يې شهرت موندلى دى.
پنځوس کلن کن ګريفن د سيتادل د پانګونې د صندوق موسس دى او د نړۍ په بېلابېلو  سيموکې د قيمتي کورونو په پلورنې شهرت لري .
ده دغه رازڅو ورځې مخکې د لندن په مرکز کې دباکينګهام ماڼۍ ته څېرمه په  ١٢٤ ميليونو ډالرو د يوه کور په پيرودنې سره د نړۍ دخبرونو سرته لاره وموندله .
ګريفن په ٢٠١٥ ميلادي کال کې د فلوريدا په ميامي کې په ٦٠ميليونو ډالرو د ډير قيمتي کور په پيرودنې سره شهرت پيدا کړ او تېرکال يې هم په ٥٩ ميليونو ډالرو د شيکاګو ډير قيمتي  اپارتمان وپيروده.
په شيکاګو د فلوريدا په پالم بيچ او هاوايي کې د ده د لوکس کورونه د رسنيو دپاملرنې وړ ګرځيدلي دي .
مخکې له دې په امريکا کې ډير قيمتي پلور شوي کور ريکارد ١٣٧ ميليونه ډالره و چې په ٢٠١٤ ميلادي کال کې د نيويارک د ختيځ په همپتون ښارکې ديو کور د پيرودنې لپاره ورکړ شوى و.
  ختم- ف _ اکرم

کيف/بي بي سي/  باختر د سلواغې پنځمه
د اوکراين پخوانى جمهور رييس ويکتور يانو کوويچ هېواد ته د خيانت د تور په اوړند مجرم پيژندل شوى دى .
د اوکراين په پايتخت کيف کې د يوې محکمې  قاضيانو پرون دپنجشنبې په ورځ رايه ورکړه چې ويکتور يانو کوويچ د جمهوري رياست د مقام د تصدۍ په وخت کې هېواد ته په خيانت مرتکب شوى دى .
د يانو کوويچ محاکمه په غيابي ډول ترسره شوه.
د اوکراين په پخواني جمهور رييس ځمکنۍ بشپړتيا ته د زيان رسولو، هېواد ته د خيانت او د اوکراين د خلکو پرخلاف د وسله وال پاڅون او دغه راز په    ٢٠١٤ميلادي کال کې د دولتي ضد اعتراضونو د ځپنې  لپاره له روسيې  څخه د پوځي مرستې د غوښتنې، د بهرني دولت ( روسيې) له ګټو څخه د ملاتړ او د خپل هېواد په نړيوالو پولوکې د بدلون لپاره د توطيې تور لګول شوى و.
د اوکراين د څارنوالى  ادعا ليک د روسيې د جمهور رييس ولاديميرپوتين  لپاره د اوکراين دجمهور رييس په مقام کې د يانو کوويچ د ليکونو پر بنسټ تنظيم شوى و چې په هغوکې غوښتل شوي و چې د روسيې پوځي واحدونه د نظم او امنيت د ټينګښت لپاره اوکراين ته واستول شي.
د اوکراين د پخواني جمهور رييس پرخلاف د اتهامي دوسيې بله برخه له قدرت څخه په ناوړې ګټې اخيستنې او په مالي فساد پورې اړه لري .
د دوسيې څارنوال د اوکراين د پخواني جمهور رييس لپاره د پنځلس کاله بند د حکم د صادريدو غوښتنه کړې ده. خو لا تراوسه پورې يې محکمې د پخواني جمهور رييس مجازات نه دي اعلام کړي.
لرې ده چې د محکمې حکم د اجرا وړ وي. ځکه يانوکوويچ د دولتي ضد مظاهرو په زوراسختو سره روسيې ته وتښتيد او ښايي لا تراوسه پورې هم په دغه هېواد کې ژوند وکړي.
اوکراين د پخواني شوروي اتحاد يو له تشکيلوونکو جمهوريتونو څخه و .
ختم_ عطاالله _ اکرم

ازادۍ راډيو \باختردسلواغې دمياشتې١نيټه:
د پاکستان د پوځ لوی درستیز جنرال قمر جاوید باجوه د امریکا د پوځ د مرکزي قوماندانۍ مشر جوزف ووټل  ته ویلي چې له ټولو محدودیتونو سره سره پاکستان  د سیمې د سولې له ټولو هڅو سره همکارې کړې او دې کار ته به دوام ورکوي.
باجوه ویلي چې د افغانستان سوله د سیمې لپاره حیاتي ده.  
د پاکستان د پوځ د مطبوعاتو دفترپه یوه  بیان کې لیکلي چې د امریکا د پوځ د مرکزي  قوماندانۍ مشر جوزف ووټل او پلاوي  یې پرون په راولپنډۍ کې له باجوه سره لیدلي.
د بیان له مخې جیوستراتېژیک مسایل، د سیمې امنیت او د افغانستان سوله او پخلاینه د بحث موضوعګانې وې.                                                               
پاى \ذکرالله

 نړيوالې خبري منابع \باختردمرغومي دمياشتې٢٤نيټه:
د امریکا جمهوررئيس ډونالډ ټرمپ خبرداری ورکړی دی که ترکیه په سوریه کې            د امریکا پر ملاتړ لرونکو کُردي ځواکونو برید وکړي، متحده ایالات به  ترکیه له اقتصادي پلوه وځپي.                                                                                      ترکیې ګواښ کړی چې په سوریه کې به د امریکا پر هغو متحدو کُردي ملېشو برید وکړي چې د داعش وسله ‌والې ډلې پر ضد جنګېږي.                                            د دوشنبې په ورځ په یو ټویټ کې ټرمپ همدارنګه کُردي ځواکونو ته هم خبردراری ورکړ چې ترکیه دې نه  پاروي .                                                                       جمهوررئيس ټرمپ ویلي، د امریکا متحدو ایالتونو له سوریې څخه د امریکايي سرتېرو ایستل پیل کړي او په عین حال کې په هغو پاتې سیمو کې په داعش پسې ورځې چې     د دې وسله‌ والې ډلې په کنټرول کې دي 
اسوشیټېډ پرېس خبري اژانس د امریکا یو دفاعي چارواکي له خولې چې نوم یې نه‌دی اخېستل شوی ویلي، دوی د پوځي وسایلو ایستل پیل کړي دي.                                     دې خبري اژانس راپور ورکړی چې تمه ده په راتلونکو اونیو کې له سوریې څخه دلته مېشت شاوخوا دوه زره امریکايي سرتېري وایستل شي.      پاى \ذ کرالله

Page 2 of 722