27 February 2020

RSS Facebook

سوداگریز


تازه خبرونه

دمخابراتو او معلوماتي تکنالوژۍ وزارت  له ټاکلي هدف   څخه   ٤٣ سلنه  زيات عايد راټول کړى دى

دمخابراتو او معلوماتي تکنالوژۍ وزارت له ټاکلي هدف څخه ٤٣ سلنه زيات عايد راټول کړى دى

کابل/ دکب٧مه / باختر : دمخابراتو اومعلوماتي تکنالوژۍ وزارت سرپرست ...

څه ډول کولاى شو دکرونا ويروس د خپريدو مخه ونيسو؟

کابل/ دکب٧مه / باختر د عامې روغتيا وزارت د ساري...

Youtube Player

khantry design

سوداگریز

سوداگریز

اخبار جهان

-اسلام اباد  /  دليندۍ ٢٩مه / باختر:
دپاکستان يوې ځانګړې  محکمې په يوه حيرانوونکي پريکړه  کې حکم کړى دى که چېرې ددغه هېواد پخوانى  جمهور رييس پروزي مشرف  داعدام له تطبيق  څخه مخکې په طبيعي مرګ ومري دهغه جسد بايد ددغه هېواد پارلمان ته يوړل شي او ددريو ورځو لپاره په دار وځړول شي
   په  پريکړه کي ويل  شوي دي دهغه جسد بايد په اسلام اباد کې  دپارلمان دمقر په وړاندې  د ( ډي  )  څلور لارې ته ولېږدول شي اوددريو ورځو لپاره په دار وځړول شي .
سياسي کتوونکو دمحکمې دغه حکم  داساسي قانون پرخلاف بللى دى .
محکمې دسه شنبې په ورځ پرويز مشرف دخيانت په تور په اعدام محکوم کړ .
دپاکستان داردو ددغه پخواني جنرال مدافعو وکيلانو ويلي دي چې دمشرف داعدام دحکم په وړاندې به استنياف وغواړي .
مشرف چې دخپل روغتيايي حالت دخرابوالي په دليل په دوبى کې تر درملنې لاندې دى په يوه ويديويي  پيغام کې دمحکمې حکم دسياسي انګيزو زيږنده بللى دى .
دمحکمې اوسني حکم له هغه وروسته صادر شو چې دپاکستان حکومت دمشرف داعدام حکم تر پوښتنې لاندې ونيوه او ويې ويل چې دمحکمې په حکم کې يې تېروتنه موندلې ده .
دغوڅرګندونو داسې اټکلونه رامنځته کړي دي چې ګنې  دپاکستان غير پوځي حکومت داردو اوقضايه قوې  ترمنځ ديوه جناح پلوي  کوي .
ختم_ ف _ اکرم

کابل /  دليندۍ ٢٩مه / باختر:
پوليسو دهند په څو سترو ښارونوکې اعتراض کوونکي په داسې حال کې ونيول چې ددغه هېواد په سترو ښارونوکې مظاهرې  لاتراوسه پورې هم دوام لري .
اعتراض کوونکو په داسې حال کې ددين پربنسټ دتابعيت  دورکړې دجنجالي قانون پرخلاف مظاهرو ته دوام ورکړى دى چې په دې وروستيو وختو کې دهند پوليسو د مظاهرو دوام منع اعلام کړ .
ددغه قانون پربنسټ له مسلمانانو پرته ، هغو نورو مهاجرينو ته چې له  ٢٠١٥ کال وروسته له افغانستان ، پاکستان او بنګله ديش  څخه هندته تښتيدلي دي دهند تابعيت ورکول کېږي  ، انتقاد کوونکي وايي چې  دغه قانون مسلمانان مثتثنى  کړى دى اودهند سيکو لاره دموکراسي تر پوښتنې  لاندې نيسي .
اعتراض کوونکي پرون په داسې حال کې واټونو ته راووتل او موټروته يې اور واچاوه چې پوليسو دهغوى خورولو لپاره اوښکې بهوونکي ګاز وکارول  .
ددغې تاريخي کلا په شاوخوا اودنوي ډيلي په نورو سيمو کې دانترنټ  اوتيلفون خدمتونه بند شوي دي  هغه اقدام چې هندي مقامات له هغه څخه دکشمير په ګډون دهند په نورو برخو کې کار اخلي تر څودمظاهرو مخه ونيسي .
ختم_ عطاالله _اکرم

نړيوالې خبري منابع/ د ليندۍ٢٨مه / باختر
د افغانستان د سولې لباره د امریکا ځانګړي استازي زلمي خلیلزاد افغانستان ته خپل سفر ګټور بللی او ویلي یې  دي چې د سولې په پروسه کې یوه مهم  پړاو ته نږدې کېږي. ښاغلي خلیلزاد پر خپلې ټویټرپاڼې لیکلي چې کابل کې یې دوه ورځنۍ سلامشورې بشپړې کړې دي. 
نوموړي په تېرو دوو ورځو کې په کابل کې د افغانستان جمهوررييس  محمد اشرف غني، اجراییه رييس عبدالله عبدالله، پخواني  جمهوررييس  حامد کرزي، په افغانستان کې د نړیوالو ځواکونو عمومي  قوماندان جنرال میلر او یو شمېر نورو سیاستوالو ته په قطر کې د طالبانو له استازو سره د خپلو خبرو په اړه معلومات ورکړل.   
خلیلزاد ویلي چې په کابل کې یې د کتنو په لړ کې د تاوتریخوالي د کمېدو د هلوځلو او د بین الافغاني خبرواترو په اړه د نظر تبادله وکړه. 
په همدې حال کې فرانس پریس خبري اژانس د جمهوررييس غني د ویندوی صدیق صدیقي له قوله  ویلي چې جمهور رييس له خلیلزاد سره په کتنه کې د طالبانو له لوري د تشدد پر دوام اندېښنه  ښکاره کړه او د تلپاتې سولې غوښتنه یې وکړه.  
پاى \ ذ

 

اسلام اباد  /دليندۍ  ٢٣مه باختر
  دافغانستان دسولې لپاره دامريکا ځانګړي استازي زلمي خليل زاد دپاکستان له جګپوړو مقاماتو سره په کتنه کې  دتاوتريخوالي دکمښت ، اوربند اوبين الافغاني  خبرو دترسره کولو لپاره ددغه هېواد دملاتړ  هرکلي وکړ
  په پاکستان کې دامريکا دسفارت په اعلاميه کې ويل شوي دي چې هغه په دې سفر کې دپاکستان داردو له لوى درستيز قمر جاويد باجوا اودبهرنيو چارو له وزير شاه محمود قريشي  سره کتلي دي او له هغوى سره دامريکا او طالبانو دخبرو دبهير  په باره کې غږيدلى دى . 
په دې کتنه کې چې پرون ترسره  شوه خليل زاد دافغانستان دسولې له بهير سره دسيمه ييز ملاتړ په اهميت باندې ټينګار وکړ اوزياته يې کړه چې سوله کولاى شي دسيمې لپاره اقتصادي اوامنيتي ګټې ولري .
دامريکا اوافغانستان دسولې دخبرو لسم پړاو دليندۍ دمياشتې له شپاړلسمې څخه پيل او تر پرون دليندۍ تر  ٢٢ پورې يې دوام درلود
ددغو خبرو اصلي موضوع دتاوتريخوالي کمښت اعلام شوى دى چې دبين الافغاني  خبرو دپيل او اوربند سبب شي 
پرون خليل زاد اعلام وکړچې  دطالبانو دډلې له استازو سره خبرې  له يوې اوونۍ څخه وروسته په لڼډ  مهال ډول ځنډيلي دي 
طالبانو اوامريکا تراوسه پورې له يوبل  سره  دمستقيمو خبرو لس پړاونه ترسره کړي دي .
کابو  درې مياشتې  مخکې په نهم پړاو کې دواړه لوري ديوې موافقې په درشل کې و او خبرې وروستيو پړاونوته رسيدلي و .
په دې موده کې دونالد ترامپ په کابل کې دطالبانو ديوځانمرګي بريد په دليل چې ديوه امريکايي سرتيري په ګډون ددولسو تنو دوژل کېدو سبب شو دغه خبرې په ناڅاپي  ډول وځنډولې .
  ختم_ ف _اکرم

Page 2 of 734