نرېندرا مودي: هند اوس یو فضايي قوت دی

Written by  manager
Rate this item
(0 votes)

 آزادۍ راډيو/ د وري دمياشتې٨ مه
د هند صدراعظم نرېندرا مودي ویلي چې هېواد یې اوس یو فضايي قوت دی. 
هند د ميزائیلوپه یوه نوې ازموینه کې د ټيټې کچې یوه سټلایټ دستګاه په توغولو  بریالی شو.     
مودي په داسې وخت کې چې په هند کې پارلماني انتخاباتو ته یوازې دوه اوونۍ وخت پاتې دی، دا خبرې وکړې چې له ټلوېزیونونو په مستقیم ډول خپرېدې.
هغه وویل چې د ځمکې په مدار کې د ۳۰۰ کېلو متره په واټن کې یوه سټلایټ دستګاه وتوغول شوه چې درې دقیقې وخت ‌یې ونیو اوستونزمن ماموریت  و.   
د سټلایټ د راغورځولو لپاره راکټ د هند په ختيځ ښار اوړیسا کې د ميزائیلو د ازموینې له یوه مرکزه ویشتل شوی و.
مودي وویل چې هند اوس ترامریکا، روسیې اوچین وروسته د نړۍ څلورم هېواد           دی چې د سټلايټ ضد ميزائیل‌یې جوړ کړي او په بریالیتوب‌یې ازمویلي دي.
پاى \ذکرالله

back to top