27 January 2020

RSS Facebook

سوداگریز


تازه خبرونه

په ننګرهار کې دسيند داحتمالي اوبو دڅپانده کېدو څخه په لسګونوکلي اوکروندې خوندي شوې .

کابل /دسلواغې ٧مه / باختر: دسيندترڅنګ ديوه استنادي ډيوال په جوړولو...

نهه وسله وال طالبان په هلمند کې ووژل شول .

کابل /دسلواغې ٧مه / باختر: نهه وسله وال طالبان په هلمند...

دبلخ دشور تپې ولسوالۍ څو کلي دطالبانو له شتون څخه پاک شول .

مزار شریف / دسلوافې ۷ / باختر امنیتي مسوولان وایي چې...

Youtube Player

khantry design

سوداگریز

سوداگریز

کابل /دسلواغې ٧مه / باختر:
دسيندترڅنګ ديوه استنادي ډيوال په جوړولو سره دننګرهار په دره نور ولسوالۍ کې  دسيند داوبو له څپانده کېدو څخه  دخلکو په لسګونو کورونه او په سلګونو جريبه کروندې  په امن کې شوې .
دغه استنادي ديوال دڅلور سوه اتيا مترو په اوږدوالي داته نيمو ميليونو افغانيو په لګښت جوړ شوى دى .
دننګرهار  درسنيو دفتر ديوې خبرپاڼې په خپرولو سره  وايي چې ددغه ديوال جوړول دسيند په دواړو غاړو کې  دخلکو په لسګونو کورونه او په سلګونو جريبه کروندې داوبو دڅپانده کېدو اودسېلاونو له راوتلو څخه په امن کې شوې دي .
له دې مخکې په وارو وار سره دسيند داوبو څپانده کېدل دخلکو کورونه اوکروندې  ويجاړې کړي دي .
ختم_ عطاالله _اکرم

کابل /دسلواغې ٧مه / باختر:
نهه وسله وال طالبان په هلمند کې دپوځيانو په هوايي  او توپچي  بريدونوکې ووژل شول او لس نور ټپيان شول .
په دغو وسله والو طالبانو تېره شپه دلښکرګاه ښار ته څېرمه او په نادعلي ولسوالۍ کې بريدونه وشول .
دهېواد په جنوب کې داتل قول اردو باختراژانس ته ديوې خبرپاڼې په لېږلو سره  ليکلي دي چې په دې بريدونوکې دوسله والو طالبانو يو قوماندان له اتو نورو ډار اچوونکو سره ووژل شول .
خبرپاڼه زياتوي چې په دې بريدونوکې  دوسله والو طالبانو دوه پټنځي  له ټولو جنګي وسايلو سره يې له  منځه وړل شوي دي
  ديوبل خبرله مخې،  دهلمند پوليسو ددغه ولايت له  ګڼ مېشتو لارو څخه د ١٤ ماينونو په کشفولو سره ديولړ چاودنو مخه ونيوله .
ددغو ماينونو دښخولو په اړوند څوک نه دي نيول شوي .
ختم_ ج _اکرم

مزار شریف / دسلوافې ۷ / باختر
امنیتي مسوولان وایي چې له  پرون څخه را په دې خوا  دبلخ په شور تپې ولسوالۍ کې څو کلي دطالبانو له شتون څخه پاک شول .
د۲۰۹ شاهین قول اردو ویاند ، محمد حنیف رظایي باختر آژانس ته وویل چې د۶۱۰ شاهین عملیاتو په بهیر کې دبلخ په شور تپې ولسوالۍ کې څو کلي ،څوقرار ګاوې او دطالبانو پټنځایونه دوسله والو طالبانو له شتون څخه پاک شوی دي .
هغه زیاته کړه چې په دغو عملیاتو کې یو طالب ووژل شو او ۴ نور ټپیان شول .
پای شکریه

 

شبرغان /دسلواغې ۷ / باختر
دطالبانو یو کلیدی کس په جوزجان ولایت کې له یو بل طالب سره ووژل شو .
د۲۰۹ شاهین قول اردو ویاند ، محمد حنیف رضایي باختر آژانس ته وویل: امیر محمد چې په جوزجان کې دطالبانو یو مهم شخص و، دجوزجان ددشت لیلي په مجید قدوق کلي کې له خپل ملګري سره له پوځیانو سره په نښته کې ووژل شو .
هغه زیاته کړه چې په دې نښته کې ۴ نور طالبان ټپیان شول او دوژل شویو کسانو مړي له دوو کلا شینکوفونو ،یوې مخابرې او له یوې اندارې پوځي تجهیزاتو سره دجګړې په سیمه کې پاتې و . پای شکریه

کابل/د سلواغې ۷مه/باختر
د هېواد په بېلابېلو سیموکې په تېرو ۲۴ ساعتو کې ۳۵ ترهګر وژل شوي او ۲ نور ټپیان شوي دي.
له ملي دفاع وزارت څخه باختر آژانس ته په استول شوې خبرپاڼه کې ویل شوي دي چې دغه ترهګر په ننګرهار، بلخ، فاریاب، هلمند، کندز، روزګان، پکتیا او میدان وردګو ولایتونو کې د افغان او بهرنیو ځواکونو په ځمکنیو او هوايي بریدونوکې وژل شوي دي.
پای/وصال

 

کابل /دسلواغې ٧مه / باختر:
په هرات کې  دپوليو واکسين پنځه ورځنۍ کمپاين پيل شو .
دغه کمپاين  به  دپنځوورځو لپاره دهرات په ګوټ ګوټ دوام وکړي له پنځه کلنۍ څخه ښکته څه دپاسه شپږ سوه څلور پنځوس زره ماشومان دګوزڼ دناروغى په وړاندې  واکسين کېږي .
دغه کمپاين پرون دهرات دوالي مرستيال غلام داود هاشمي دماشومانو په خوله کې ددوه څاڅکې  واکسين په څڅولو  سره پيل کړ .
ډاکتر غلام داود هاشمي دروغيتيايي خدمتونو دوړاندې کولو دښه والي په لاره کې دملي وحدت دحکومت ژمنه اعلام کړه اوزياته يې کړه:  نن دپوليو ويروس  دجرړو دايستلو لپاره دواکسين کمپاين دهرات ولايت په کچه  پيل شوى دى .
ددغه کمپاين  تطبيق به دمسوولينو ، ديني عالمانو ،قومي مشرانواو دخلکو له همکارۍ  پرته امکان نه لري .
دهرات روغتيايي  مسوولينو اعلام وکړ چې دغه کمپاين دڅه دپاسه پنځه زره  روغتيايي  کارکوونکو او رضاکارانو له خوا تطبيق  کېږي .
ټاکل شوې ده په دې دوره کې له پنځه کلنۍ  څخه ښکته شپږ سوه څلور پنځوس زره ماشومان دګوزڼ دناروغى په وړاندې واکسين شي .    ختم_  ج – اکرم

کابل/ د سلواغې ٦مه/ باختر
په نړيوالو بازارونوکې نن يو انس سره زرپه ١٥٨١ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييد سره باختر آژانس ته وويل چې نن د کابل په بازارونوکې يوګرام الجزايري سره زر٣٨٠٠ يو ګرام مصري سره زر په٣٦٠٠ افغانيو، کويټي په٢٩٥٠ افغانيو، سنګاپوري په٢٩٥٠ افغانيو،  بحريني په٢٩٠٠ افغانيو، عربي په٢٩٠٠ افغانيو، ايراني په٢٦٥٠ افغانيو او يو ګرام روسي په ٢١٥٠افغانيو پلورل کېږي.
پاى/سعيده

کابل / دسلواغې ۷ / باختر
وسله والو کسانو تېر ماښام دکابل ښار دلومړۍ ناحیې په ساحه کې یو سوداګر وتښتاوه .
دباختر آژانس دخبر له مخې، دکورنیو چارو وزارت ویاند نصرت رحیمي وویل: هغه وسله وال کسان چې تر اوسه پورې پېژندل شوي نه دي پرون ماښام په شاو خوا کې یو پرچون  پلورونکی دکابل ښار دلومړۍ ناحیې په ساحه کې وتښتاوه او ددغه سوداګر دتښتولو په وخت کې له پولیسو سره ونښتل چې په بهیر کې یې یو ملکي وګړی ټپي شو . خو پولیسو ونه کړاي شول دغه سړى له تېښتې وژغوري .پای شکریه

 

کابل /دسلواغې ٧مه / باختر:
دغزني مسوولين وايي چې په دغه ولايت کې په پاکستاني کلدارو دپيرودنې اوپلورنې  کچه په سلوکې نوي کمښت موندلى دى .
دباختراژانس دسيمه ييز خبريال دخبرله مخې، دغزني والي وحيد الله کليمزي  دپاکستاني کلدارودچلند دمخنيوي، دولايتي کمېټې دغړو په غونډه کې چې دغزني دپوځي اوملکي  مسوولينو په ګډون جوړه شوه وويل: په دغه ولايت کې په پاکستاني  روپيو دپيرودنې اوپلورنې کچه په سلو کې  نوي کمښت موندلى دى .
هغه زياته کړه چې په دې موده کې څه دپاسه سل تجارتي مرکزونه  دسرغړونې له امله تړل مهرلاک او يوشمېر مکرر سرغړونکى يې عدلي اوقضايي  مرکزونو ته معرفي کړي دي .
دغزني والي دموظفې کمېټې دکارونو په  ستاينې سره په پاکستاني روپيو دراکړې ورکړې دمخنيوي په لاره کې  ددوى په زيات جديت ، دقت او هلوځلو ټينګار وکړ .
ختم_ج _ اکرم

کابل /دسلواغې ٧مه / باختر:
دکابل پوليسو دلوټمارانو دډلې يو سرګروپ ونيوه .
دکورنيو چارو وزارت وياند نصرت رحيمي دباختراژانس خبريال ته وويل:  په بهادر بې دندان مشهور زرګل  چې په کابل ښار کې دلوټمارى  ،شوکمارى او دغلا په څو پېښو کې تورن دى تېرماښام دکابل ښار  په سراي شمالي کې  دپوليسو دمنسوبينو په ځانګړوعملياتو کې ونيول شو .
دغه راز يوشمېرنورچې دکابل ښار په پنځمې ، نهمې او اوولسمې ناحيو کې  په قانون ماتولو اولوټمارى  لاس پورې کوي دپوليسو له  لوري  ونيول شول .
ختم_عطاالله_ اکرم


 

Page 1 of 8488