18 August 2019

RSS Facebook

سوداگریز


تازه خبرونه

په لوګر کې د طالبانو د ولسوال وژل کېدل

په لوګر کې د طالبانو د ولسوال وژل کېدل

کابل \باختر\ د زمري ٢٧ مه د لوګر د پل علم...

په تخار کې دوه کسان د نشه يي توکو د قاچاقو په تور ونيول شول

په تخار کې دوه کسان د نشه يي توکو د قاچاقو په تور ونيول شول

کابل \باختر\ د زمري ٢٧مه د تخار د ملي امنيت د...

 په فارياب کې د ١٧ وسله والو طالبانو وژل کېدل

په فارياب کې د ١٧ وسله والو طالبانو وژل کېدل

کابل \باختر\ د زمري ٢٧مه د دوو ازبکستانيو اتباعو په ګډون...

Youtube Player

khantry design

سوداگریز

سوداگریز

کابل \باختر\ د زمري ٢٧ مه
د لوګر د پل علم ښار په الوزيو سيمه کې د ازرې ولسوالۍ لپاره د طالبانو نومول شوى ولسوال وژل شوى دى.
چارواکي وايي چې د ازرې ولسوالۍ لپاره د طالبانو نومول شوى ولسوال مولوي محمد الله مشهور په فاروقي په هوايي بريد کې وژل شوى دى.
د لوګر د امنيې قوماندانۍ وياند څارمن شاپور احمدزي باختر اژانس ته وويل چې، تېره شپه هوايي ځواکونو د پل علم ښار اړوند په الوزيو سيمه کې د وسله والو طالبانو موټر په نښه کړى.
سرچينه زياتوي چې په بريد کې د ازرې ولسوالۍ لپاره د طالبانو نومول شوى ولسوال له پنځو ملګرو سره وژل شوى دى.
پاى\وصال

کابل \باختر\ د زمري ٢٧مه
د تخار د ملي امنيت د رياست منسوبانو پرون دوه کسان د نشه يي توکو د قاچاقو په تور ونيول.
د تخار د امنيې قوماندانۍ وياند خليل اسير د باختراژانس خبريال ته وويل، چې دغه کسان له پنځلسو کيلو ګرامو هيروئين  ډوله نشه يي توکو سره نيول شوي دي.
  ختم_  سعيده _ اکرم

کابل \باختر\ د زمري ٢٧مه
د دوو ازبکستانيو اتباعو په ګډون ١٧ وسله وال طالبان په فارياب کې  د پوځيانو په عملياتو کې ووژل شول.
د ٢٠٩ شاهين قول اردو وياند باختراژانس ته وويل چې دغه وسله وال طالبان د دولت اباد، پښتونکوټ اوشيرين تګاب ولسواليو کې په دوو ورځو کې د خاصو ځواکونو په عملياتوکې وژل شوي او دولس نور يې سخت  ټپيان شوي دي.
ويل کېږي چې په عملياتو کې د دښمن يوه اندازه جنګي وسايل او لېږدونکې وسايط د پوليسو لاس ته ورغلي دي.
په فارياب کې د پوځيانو عمليات د نا امنو سيمو تر بشپړ پاکولو پورې د ګډو دفاعي او امنيتي ځواکونوله خوا دوام لري.
  ختم_  عطاالله _ اکرم

کابل \باختر\ د زمري ٢٧مه
په سرپل کې پرون د دوو ټولګټو پروژو کار پيل شو.
د سرپل ښاروال عبدالولي دانش د باختراژانس خبريال ته وويل، په دغو پروژو کې د غلو د پلورنې بازار او د ښځينه حمام جوړول شامل دي.
دانش زياته کړه، چې يادې پروژې د پنځو ميليونو افغانيو په لګښت د دولت له تشويقي او غير مشروط بودجې څخه رغول کېږي.
د سرپل د والي مرستيال صلاح الدين چريک زاده وايي چې په نږدې راتلونکې کې به د دغه ولايت په ځينو نورو سيمو کې هم د ورته نورو پروژو چارې پيل شي.
  ختم _ سعيده _ اکرم

 

کابل \باختر\ د زمري ٢٧مه
اووه وسله وال مخالفان تېره شپه په غزني کې  ووژل شول.
د ٢٠٣ تندر قول اردو د مطبوعاتي دفتر مسوول ايمل مومند د باختراژانس خبريال ته وويل، چې دغه وسله وال مخالفان دغزني د ده يک ولسوالۍ په مربوطاتو کې په هوايي بريد کې وژل شوي دي.
مومند زياته کړه، چې په هوايي بريد کې اووه نور وسله وال مخالفان هم ټپيان شوي دي .
  ختم_  سعيده _ اکرم


 

کابل \باختر\ د زمري ٢٧مه
د وسله والو طالبانو د يوه سرګروپ په ګډون شپږ وسله وال طالبان تېره شپه په لوګر کې ووژل شول.
د لوګر د امنيې قوماندانۍ وياند شاهپور احمدزي باختراژانس ته وويل، چې دغه وسله وال طالبان د پل علم په مرکز قله سرسنګ سيمه کې  له ملي پوليسو سره په نښته  کې وژل شوي دي.
سرچينه زياتوي چې په وژل شويو کسانو کې د وسله والوطالبانو يوسيمه ييز سرګروپ هم شامل دى.
ختم_ عطاالله _اکرم

کابل \باختر\ د زمري ٢٧مه
د پوځيانو په هغو عملياتو کې چې له دوو ورځو راپدېخوا  د فراه په بالابلوک ولسوالۍ کې  ترسره شوي، پکې درې وسله وال طالبان وژل شوي او څلور نور ټپيان شوي دي.
د فراه د امنيې قوماندانۍ وياند محب الله محب  باختراژانس ته وويل، دغه عمليات  چې د بالابلوک ولسوالۍ په نا امنو سيمو کې ترسره شول پکې درې وسله وال طالبان وژل شوي، څلور نور ټپيان شوي او د دغې ولسوالۍ ټول کلي د وسله والو طالبانو له شتون څخه پاک شوي دي.
هغه زياته کړه، په عملياتو کې د طالبانو څو سنګرونه هم ويجاړ شوي دي او د دوى يوه اندازه جنګي وسايل د افغان ځواکونو لاس ته ورغلي دي.
د يادونې وړ ده چې د تېرې يوې مياشتې په بهير کې  په فراه کې د پوځيانو په ځمکنيو او هوايي عملياتو کې په سلګونو وسله وال طالبان وژل شوي او يوشمېر نور يې ټپيان شوي دي.
ختم _ عطاالله _ اکرم


 

کابل \باختر\ د زمري ٢٧مه
په روزګان کې بهرنيو پوځيانو د وسله والو طالبانو په يو مرکز د توغندى بريد کړى دى.
په لومړنيو رپوټونو کې ويل شوي دي چې په  بريد کې اووه وسله وال طالبان وژل شوي دي.
د هېواد په جنوب کې د ملي اردو يوه جګپوړي قوماندان باختراژانس ته وويل چې په بريد کې د طالبانو يو مرکز هم له ټولو جنګي وسايلو سره له منځه وړل شوى دى.
د طالبانو دغه مرکز د چارچينو ولسوالۍ په هوشي کلي کې موقعيت درلود.
د يو بل خبرله مخې، په روګان کې  د يولړ چاودنو مخه ونيول شوه.
امنيتي مامورينو نن سهار اته ماينونه د روزګان له ګڼ مېشتو لارو څخه کشف اوشنډ کړل.
  ختم_سعيده _ اکرم

کابل \باختر\ د زمري ٢٧مه
د هېواد په ختيځو ولايتونو کونړ او ننګرهار کې  اته وسله وال طالبان ونيول شول.
دغه ډار اچوونکي چې د طالبانو په ډلې پورې اړوند بلل شوي دي په ٢٤ساعتو کې د کونړ اوننګرهار په ځينو برخو کې نيول شوي دي .
د هېواد په ختيځ کې د سيلاب قول اردو وياند محمد هارون يوسفزي باختراژاژنس ته وويل چې نيول شويو کسانو په لومړنيو څيړنو کې اعتراف کړى دى چې په ننګرهار او کونړ کې يې په ډار اچوونکو بريدونو کې برخه لرله .
د يوبل خبرله مخې، درې وسله وال طالبان په ننګرهار او کونړ کې د سولې له بهير سره يوځاى شول.
د سولې له بهير سره يوځاى شويو کسانو په ختيځو ولايتونو کې ډار اچوونکي فعاليتونه ترسره کول.
  ختم_ شکريه _اکرم

کابل \باختر\ د زمري ٢٧مه
د وسله والو طالبانو دوه قوماندانان له شپږ ډار اچوونکو سره په قندهار کې له پوځيانوسره په نښته کې ووژل شول.
دغه جګړه تېره شپه په خاکريز ولسوالۍ  کې هغه وخت رامنځته شوه چې کورنيو او بهرنيو سرتېرو د طالبانو په يو مرکز  له ځمکې او هوا څخه بريدونه وکړل.
د قندهار د رسنيو دفتر د يوې خبرپاڼې په خپرولو سره ويلي چې په نښته کې د دوو قوماندانانو په ګډون ٨ وسله وال طالبان ووژل شول.
هغه وويل چې وسله وال طالبان  د ډار اچوونکو بريدونو په سازمان ورکولو بوخت و چې بريد پرې وشو.
په بريد کې  د طالبانو يو مرکز هم له جنګي وسايلو سره يې له منځه وړل شوي دى.
د يو بل خبرله مخې، په قندهار کې د چاودنو مخه ونيول شوه. 
د قندهار پوليسو نن سهار دولس ماينونه د دغه ولايت په جنوب کې کشف او شنډ کړل.
  ختم_  شکريه _ اکرم

Page 1 of 7967