15 August 2020

RSS Facebook

سوداگریز


تازه خبرونه

ځوان د ټولنې د پرمختګ او سمون سمبول دی

ځوان د ټولنې د پرمختګ او سمون سمبول دی

ښرنه/دزمري۲۵مه/باختر دغه څرګندونې د پکتیکا مرستیال والي نن د ځوانانو...

محمد طاهر زهیر د هرات د پنځم څلي پر ترمیم ټينګار وکړ

محمد طاهر زهیر د هرات د پنځم څلي پر ترمیم ټينګار وکړ

-کابل / د زمري ۲۵مه / باختر د اطلاعاتو او فرهنګ...

دنشه يي توکو ١٢قاچاق وړونکي ونيول شول

-کابل/ دزمري ٢٥مه /باختر: دولس کسان دنشه يي توکو دقاچاقو او...

Youtube Player

khantry design

سوداگریز

سوداگریز

 ښرنه/دزمري۲۵مه/باختر
دغه څرګندونې د پکتیکا مرستیال والي نن د ځوانانو نړیوالې ورځې په نمانځغونډه کې وکړې.
مرستیال والي انجنیر شېربادشاه ارګوني وویل: ځوان باید په ټولنه کې د سولې او نورو پرمختګونو لپاره زیاتې هڅې وکړي چې په ټولنه کې شته نا خوالې پای ومومي.
په همدې حال کې ځوانانو وویل چې د خپل دولت کلک ملاتړي دي او په ټولو برخو کې به له دولت سره اوږه په اوږه ولاړ وي.
ځوانانو له سيمه ييز او مرکزي دولت نه غوښتنه وکړه چې دوی ته د زده کړو او کار زمینه برابره  کړي.
د اطلاعاتو او فرهنګ رییس امان الله خپلواک هم  په ټولنه کې د ځوان په ارزښت خبرې وکړې او ځوانان یې د ټولنې د پرمختګ لپاره اړین قشروباله.
پای/وصال

-کابل / د زمري ۲۵مه / باختر
د اطلاعاتو او فرهنګ وزارت سرپرست او نوماند وزیر محمد طاهر زهیر وویل: د هرات د پنځم څلي ترمیمول زموږ په لومړيتوب کې دي، باید دغه تاریخي څلى مرمت او ټينګ شي.
د اطلاعاتو او فرهنګ وزارت سرپرست هرات ته د خپل سفر د پروګرام په دوام پرون د هرات د تاریخي او فرهنګي اماکنو د کتنې په وخت کې دغه تکي بیان کړ.
زهیر د اړوندو ادارو مسوولینو ته لارښونه کړه چې ژر تر ژره اقدام وشي او د هرات د پنځم څلي د لوېدو مخه ونیول شي.
د اطلاعاتو او فرهنګ وزارت سرپرست دغه راز وویل چې د سروې یو تخنکي ټیم دې هرات ته سفر وکړي او بېړني احتیاطې تدابیر ترلاس لاندې ونیول شي.
زهیر دغه راز د هرات د تا ریخي او مذهبي ساحو د ترمیماتي او مرمت کارۍ پروژې وڅارلې.
هغه په پروژو کې د کیفیت د ښه والي لپاره اړوندو مسوولینو ته لازمې لارښوونې وکړې .
د اطلاعاتو او فرهنګ وزارت نوماند وزیر د جهاد منظره هم وکتله او د خواجه عبدالله انصاري، ملکه ګوهر شاد بیګم، امام فخرالدین رازي، مولانا واعظ کاشفي او مولانا عبدالرحمن جامي مزار ته لاړ او د هغوی روح ته یې دعا وکړه. پاى- ع

 

-کابل/ دزمري ٢٥مه /باختر:
دولس کسان دنشه يي توکو دقاچاقو او پلورلو په تړاو د هېوادپه  څلورو ولايتونو کې ونيول شول.
دکورنيو چارو وزارت مطبوعاتي دفتر باختراژانس ته خبرورکړ؛ دبدخشان، کابل ،خوست او پروان له  نشه يي توکو سره د مبارزې پوليسو په څو جلا جلا عملياتو کې ١٢کسان دنشه يي توکو دقاچاقو او پلورلوپه تړاو د دغو ولايتونوپه بېلابېلو سيمو کې ونيول .
دنيول شويو کسانو له جملې  څخه پنځه يې د بدخشان په فيض اباد ښارکې د الکولي مشروباتو د پلورلو ، درې يې د خوست په مرکز کې او يو يې په پروان کې له سل ليتره الکولي مشروباتو او يوه اندازه نشه يي توکو( چرس او اپين )  سره نيول شوي دي.
دغه راز له نشه يي توکو سره د مبارزې د خاصې قطعې پوليسو درې نور قاچاق وړونکي له ٩ کيلوګرامه هيرويينواو اپينو سره د کابل ښار په دولسمې او اوولسمې ناحيو کې  ونيول .
  ختم_ شکريه _اکرم

 متون/دزمري۲۵مه/باختر
افغان ځواکونو نن د خوست د اسمعیل خېلو مندوزیو ولسوالۍ کې دوه ماینونه کشف کړي او په تړاو یې یو تن نیول شوی دی.
د خوست د امنیې قوماندانۍ ویاند عادل حیدر د باختر اژانس سیمه  ييز خبریال  ته وویل: یو تن چې د وسایطو ضد ماینونه یې متون ښار ته لېږدول له یو موټرسایکل سره یو ځای نیول شوی دی.
پای/وصال

 کابل / د زمري ۲۵ مه / باختر
په غزني کې پرون د وسله والو طالبانو برید په شا وتمبول شو او دې ډلې ته د سر زیان هم واوښت.
د ۲۰۳ تندر قول اردو د مطبوعاتي دفتر سرپرست ایمل مومند باختر آژانس خبریال ته وویل چې امنیتي او دفاعي ځواکونو د غزني د ده یک ولسوالۍ په تاسن ساحه کې د طالبانو برید په شا وتمباوه.
مومند زیاته کړه چې په پېښه کې درې وسله وال طالبان ووژل شول او څلور نور یې ټپیان شول.   پای/سعیده                         

-کابل/ د زمري ٢٥مه/باختر
په نړيوالو بازارونوکې نن يو انس سره زرپه ١٩٢٥ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييد سره باختر آژانس ته وويل چې نن د کابل په بازارونوکې يوګرام الجزايري سره زر٤٧٥٠ يو ګرام مصري سره زر په٤٧٠٠ افغانيو، کويټي په٣٦٠٠ افغانيو، سنګاپوري په٣٦٠٠ افغانيو،  بحريني په٣٥٠٠ افغانيو، عربي په٣٥٠٠ افغانيو، ايراني په٣٢٥٠ افغانيو او يو ګرام روسي په ٢٧٥٠افغانيو پلورل کېږي.     
پاى / سعيده

 کابل/دزمري۲۵مه/باختر
د افغانستان د باسیکل ځغلونې فدراسیون له لورې د ملي یووالي او پخلاینې په نوم د ۱۶ ولایتونو ۱۲۰ لوبغاړو د باسیکل ځغلونې سیالي له ننګرهار څخه پيل کړه، چې په څلورو ورځو کې به څلورو ولايتونو ته په ورتګ سره ۳۹۰ کيلومتره واټن ووهي.
د ننګرهار د والي مرستیالې حبيبې کاکړ دغه شان سيالۍ د ځوانانو روغتيا ته د پاملرنې او د سولې، ورورلۍ، مينې او يووالي وسيله ياده کړه.
هغې وويل چې په سياليو او نورو پروګرامونو کې د هېواد د بېلابېلو ولايتونو د خلکو ګډون د يووالي، تعصب مخنيوي او د يو بل منلو په مانا دى.
د هېواد د باسیکل ځغلونې فدراسیون مشر فضل احمد فضلي وویل چې په دې سيالۍ کې له ۱٦ ولايتونو څخه د باسیکل ځغلونې ۱۲۰لوبغاړي ګډون کړی دى او څلور ورځې به دوام وکړي.
هغه وويل چې نن له ننګرهار څخه کابل، له کابل څخه به کاپیسا او له کاپیسا څخه به پنجشیر ته د۳۹۰ کيلو متره فاصلې سفر وکړي او په بېرته را ګرځیدو سره به د خپلواکۍ د ۱۰۱مې کالیزې په نمانځنه کې هم ونډه واخلي .
هغه زیاته کړه، د یادو سیالیو په پایله کې به د سولې او پخلاینې پیغام په لیږد سربېره ملي لوبډلې ته ۱۵ غوره لوبغاړي هم وټاکل شي .
د لوبغاړو په استازيتوب حليم صحتمند او قيس حيدري خوښي وښوده، چې په دې سيالۍ کې يې ګډون کړی او هيله یې وښوده، چې ملي ټيم ته غوره شي.
پای/وصال

 کابل / د زمري ٢٤مه / باختر
د افغانستان د اسلامي جمهوریت جمهورريیس محمد اشرف غني پرون ماښام په هغې ناسته کې د ویډیو کنفرانس له لارې چې د امریکا متحدو ایالتونو د بهرنیو اړیکو شورا له لوري جوړه شوې وه، په افغانستان کې د وروستیو انکشافاتو په ځانګړي ډول سولې پروسې، د سولې او ثبات لپاره د افغانستان اسلامي جمهوریت د موخو او د دولت د مذاکره کوونکي پلاوي د چمتووالي په اړه خبرې وکړې.
باختر آژانس ته د جمهوري رياست د ويندوى دفتر د معلوماتو له مخې؛ په دغه ویډیو کنفرانس کې چې په افغانستان کې د امریکا متحدو ایالتونو مخکېني سفیر، شنونکو او مطرح خبریالانو هم حاضر وو، جمهورريیس غني د مشورتي لویې جرګې په اړه وویل: افغان ولس په واحد غږ د افغانستان دولت د سولې پروسې ملاتړ وکړ او له طالبانو یې وغوښتل چې له جګړې او تاوتریخوالي لاس واخلي او یوه سیاسي حل لاره ومني.
هغه زیاته کړه: په مشورتي لویه جرګه کې ستره اجماع رامنځته شوه او د افغانستان ستر سیاسي ظرفیت یې نندارې ته وړاندې کړ چې موږ کولای شو ستر تصمیمونه په لږ وخت کې ونیسو. جرګې د افغانستان دولت او مذاکره کوونکي پلاوي ته، تګلاره او حدود مشخص کړل چې له طالبانو سره د کوم سیاسي چوکاټ په اړه خبرې وشي او داسې یوې پایلې ته ورسېږو چې څه ډول اوربند وشي.
د هېواد جمهورريیس وویل: که طالبان د سولې لپاره د افغانستان د خلکو غوښتنه ونه مني؛ د جګړې د دوام مسوولیت به یې پر غاړه وي او تاریخ به یې محکوم کړي.
جمهورريیس د سولې د ټینګښت په اړه د افغانانو د غوښتنو او د سولې په راوستلو کې د سیمې د هېوادونو او بین المللي ټولنې د رول په اړه هم خبرې وکړې او څرګنده یې کړه: زموږ ټولنه غواړي چې ژر تر ژره اوربند وشي او زه هیله لرم چې دغه اجماع به په افغانستان کې د پایداره سولې ټینګښت او د جنګ پایته رسولو کې اغېزمنه واقع شي.
جمهورريیس غني د افغان ولس او بین المللي ټولنې پر اجماع چې د تروریزم له ګواښ څخه خوندي، با ثباته، خپلواک او ډیموکراټیک افغانستان یې ستره موخه ده، خبرې وکړې، ويې ویل: هیله لرم دغه اجماع وکولای شي په افغانستان کې د سولې په تامین او د جګړې په پایته رسولو کې مرسته وکړې.
جمهورريیس ټینګار وکړ: طالبان باید د سولې لپاره خپله ژمنتیا وښيي. نوموړي د هغو پرمختګونو او هڅو په اړه چې افغانستان د مرکزي آسیا یوه عمده برخه وي، له دغو هېوادونو سره د افغانستان د سوداګریزو او ترانزیټي همکاریو د پراختیا، د دهلیزونو او ښو اړیکو پر ایجاد خبرې وکړې.
جمهورريیس غني له چین، هندوستان، ترکیې، سعودي عربستان او نورو هېوادونو سره د سوداګریزو او ترانزیټي اړیکو د ایجاد او پراختیا په اړه هم خبرې وکړې.
محمد اشرف غني د پاکستان د رول په اړه وویل: موږ له پاکستاني مقاماتو سره ښې خبرې لرلې او دغه هېواد کولای شي په سیمه کې مثبت رول ولوبوي. په افغانستان کې ثبات او اقتصادي پراختیا د پاکستان د اقتصادي ثبات او ودې لامل هم ګرځي.
جمهورريیس څرګنده کړه: ما د پاکستان له لومړي وزیر سره له بې وزلۍ سره د مبارزې په اړه خبرې وکړې او ومې ویل: با ثباته افغانستان دا زمینه برابروي چې موږ ټول د بې وزلې پر وړاندې مبارزه وکړو او پاکستان کولای شي په دې برخه کې مثبت رول ولوبوي.
جمهورريیس، له تروریزم سره د مبارزې په برخه کې د افغانستان پر رغنده رول ټینګار وکړ، ويې ویل: د تروریزم په ځپلو کې باید د افغانستان له رول څخه سترګې پټې نشي، ځکه افغانستان له ترهګرۍ سره د مبارزې په لومړۍ لیکه کې قرار لري، چې بيا د سیمي او نړۍ امنیت ته د تروریزم د ګواښ پر ځالې بدل نه شي.
د هېواد جمهورريیس د طالبانو له لوري د تاوتریخوالي پېښو زیاتوالي ته په اشارې وویل: کله چې د افغانستان دولت مذاکره کوونکی پلاوی له طالبانو سره مذاکرات پیل کړي، نو وبه لیدل شي چې طالبان د نوي افغانستان په اړه څه فکر کوي او آیا طالبان کولای شي د افغانستان د تېرو ۱۹ کلونو لاسته راوړنې چې یوه ډیموکراته او آزاده ټولنه ده، جذب کړي او له تاوتریخوالي لاس واخلي.
د هېواد جمهورريیس د خپلو خبرو په پای کې د ۴۰۰ طالب زندانیانو خلاصون ته په اشارې چې د سولې د ټینګښت لپاره مو لوړه بیه پرې کړه، وویل: زموږ اصلي اجنډا دا ده چې اوربند وشي او د تاوتریخوالي پایته رسول د افغانستان دولت د مذاکره کوونکي پلاوي له عمده موخو څخه دي.#
پاى / وهاج

- کابل / د زمري ٢٤مه / باختر
په غزني کې ١٦ وسله وال طالبان ووژل شول او ١٠ نور يې ټپیان شول.
جګړه تېره شپه د اندړو ولسوالۍ په "چهاردېواري" کلي کې د اردو او پولیسو پر یوې ګډې قرارګاه د طالبانو په پرله پسې بریدونو کې رامنځته شوه.
د تندر قول اردو د یوې خبرپاڼې په خپرولو سره ويلي دي چې په جګړه کې د څو پاکستانیانو په ګډون ۱۶ وسله وال طالبان ووژل شول او ١٠ نور يې ټپیان شول .
قول اردو وویل چې وسله والو طالبانو د دغې پوځي قرارګاه د نیولو نیت درلود، خو بریالي نه شول.
وسله والو طالبانو تراوسه په دې اړه څه نه دي ویلي.
په یو بل خبرکې ویل شوي دي چې په غزنې کې په خورو ورو نښتو کې ۷ وسله وال طالبان وژل شوي او ۱۱ نوريې ټپیان شول .
جګړې په تېرو ٢٤ ساعتو کې په غزني ښار او د دغه ولايت د څو ولسواليو په مربوطاتو کې شوې دي.
دغه راز پوځيانو د غزني په ګڼ مېشتو لارو کې د ١٤ماینونو په کشف سره، د یولړ چاودنو مخه ونیوله.
ختم/ع

 کابل / د زمري ٢٤مه / باختر
وسله والو طالبانو په فاریاب کې د نجونو یو ښوونځي ته اور واچاوه.
د رارسېدلو خبرونو له مخې؛ یرغلګرو پرون پر پوځیانو د برید په وخت کې په خواجه سبزپوش ولسوالۍ کې، د بادغیسي په نامه د نجونو پر يوې لېسې برید وکړ او دغه ښوونځي ته او رواچاوه.
د پېښې شاهدان وايي چې په پېښه کې د دغه ښوونځي ټول درسي خونې او نور اړین ملحقات سوځېدلي دي.
د فاریاب د خواجه سبزپوش ولسوال عبدالله معصومي رسنیو ته ویلي دي چې په فاریاب کې د نجونو په ياده لېسه کې څه ناڅه ١٠٠٠ نجونې زده کړې کولې.
وسله والو طالبانو تراوسه په دې اړه څه نه دي ویلي.
ختم/ع

Page 1 of 8941