22 September 2018

RSS Facebook

سوداگریز


تازه خبرونه

اووه تنه ماشومان په فارياب کې ووژل شول .

کابل باختر دوږي يو ديرشمه : په فارياب کې دماين...

درې ويشت تنه طالبان په جوزچان کې ووژل شول .

کابل باختر دوږي يو ديرشمه : درې ويشت تنه وسله...

په بادغيس کې کابو ١٢٠ زره تنه له خپلوسيمو څخه بيځايه شول .

کابل باختر دوږي يو ديرشمه : وچکالي په بادغيس...

Youtube Player

khantry design

سوداگریز

سوداگریز

کابل باختر دوږي  يو ديرشمه :
په فارياب کې دماين دچاودنې له امله اووه تنه ماشومان ووژل شول او پنځه تنه نور ټپيان شول .
دفارياب دشيرين تګاب ولسوالۍ دامنيې قوماندانۍ دجنايي جرمونو پرخلاف دمبارزې آمر دباختراژانس خبريال ته وويل چې دغه پيښه ددغې ولسوالۍ د کوه صيادپه سيمه کې رامنځته شوه .
خبرځاى زياته کړه چې دغه ماين په دغې سيمه کې امنيتي پوستې ته څيرمه هغه وخت چې ماشومانو لوبې کولې وچاوديد .
ده زياته  کړه چې ددوو تنو روغتيايي حالت خراب بلل شوى دى .
  ختم_ شکريه _اکرم

 

کابل باختر دوږي  يو ديرشمه :
درې ويشت تنه وسله وال طالبان تيره شپه په جوزجان کې دپوځيانو په هوايي بريد کې ووژل شول .
دجوزجان دامنيې قوماندانۍ دامنيت آمر عبدالحفيظ  دباختراژانس خبريال ته وويل چې دغه هوايي بريد دامنيتي ځواکونو له خوا دقوشتيپې  په ولسوالۍ کې ترسره شو چې له امله يې  ٢٣ تنه وسله وال طالبان ووژل شول او  ١٥ تنه نور سخت ټپيان شول .
خبرځاى زياته کړه چې په دغه هوايي بريد کې ددښمن يوه اندازه سپک او درانده جنګي وسايل هم ويجاړ شوي دي .
ويل کېږي دغه هوايي بريد دقوشتيپې په ولسوالۍ کې دامنيتي پوستې دسقوط له امله ترسره شو .
ختم_ شکريه _ اکرم

 

کابل باختر دوږي  يو ديرشمه :
وچکالي  په بادغيس کې  کابو  ١٢٠زره تنه اوسيدونکي له خپلو سيمو څخه بيځايه کړي دي .
دباختراژانس دخبريال دخبرله مخې ، دملګروملتو دسازمان دبشري مرستو دچارو دهمغږى  دفتر (( اوچا)) پرون ديوه خبر په خپرولو سره وويل چې وچکالي  په افغانستان کې تراوسه پورې دوه مليونه دوه سوه زره تنه په هېواد کې ګواښلې دي .
((اوچا)) ويلي دي دافغانستان په لويديځ کې په روان کال کې  ٢٥٠ زرو تنو خپلې سيمې پرې ايښې دي چې ددوى په منځ کې  يوازې  ١٢٠  زره تنه يې دبادغيس له ولايت څخه دي .
دملګروملتو  دسازمان دبشري  مرستو دچارو دهمغږي  د دفتر په خبر کې دغه راز راغلى دى چې په بادغيس او هرات ولايتونوکې  ١٩٠ زره بيځايه شويو ته دڅښاک اوبه برابرې  شوي دي اولومړنۍ مرستې ورسره  کېږي .
اوچا په دغه خبر کې ويلي دي چې ددغه هېواد په شلو وچګالي  ځپلو ولايتونو  کې  ١٥ مليونه تنه دکرنې او مالدارۍ له لارې خپل  ژوند پرمخ بيايي .
  ختم_ شکريه_ اکرم

 

جلال اباد باختر د وږي ۳۱ مه
د ننګرهار ولایت په اچین،نازیانو،چپرهار، خوږیاڼو ،پچیراګام ،هسکه مینه، غني خیل او د بټي کوټ په  ولسوالیو او مرکز جلال اباد ښار کې ۳۸۰ تنه وسله و ال مخالفان وژل شوي،۱۲۹ تنه ټپيان شوي او ۳۷۱ تنه نور ژوندي نیول شوي دي.
ځايي چارواکي وايي چې،دغه وسله وال طالبان د تېرو شپږو مياشتو په موده کې د ګډو افغان ځواکونو د ۱۶۴ ترسره شویو عملیاتو په ترڅ کې وژل شوي دي.
د ننګرهار د والي ویاند عطاء الله خوږياڼي  د  باختر اژانس سیمه ېیز  خبریال ته وویل چې،په دغه موده کې د  وسله والو د  وژل  کېدو،ټپې کېدو او نیول کېدو سربېره د عملیاتو او پلټنو پر مهال ۲۲۵  بېلابېل ډول وسلې،۲۳۴ کیلو ګرامه چاودیدونکې توکې،۳۲ موټرونه ،۲۶۳ د وسایطو ضد ماینونه او یو شمیر نور اړوند توکې کشف او تر لاسه کړي دي .
هغه زیاتوي چې، دغه راز په  دغه موده کې د امنیې قوماندانۍ د پولیسو له لورې ۱۴۳جنایي پېښې کشف شوي،چې په کې ۱۴ تنه د انسان تښتوونې،۶۸ تنه د وژنې ۲۷ تنه د غلا او ۴۸ نور د لارې شکوونکي کسان په  کې  شامل دي.
بايد وويل شي چې په دغه موده کې تر دېرشو تنوزيات هم له  مخالفت څخه لاس اخېستې او د سولې له بهیر سره یوځای  شوي دي.پای/وصال

 

ترینکوټ باختر د وږي ۳۱ مه
د روزګان ولایت په مرکز ترینکوټ کې نن شنبه ۶۰ تنه ملي پولیس د دومیاشتو
زده کړو څخه وروسته فارغ او د فراغت سندونه یې  ترلاسه کړل.
د دغه ولایت امنیه قوماندان جنرال محمد معروف احمدزي د یادو پولیسو د
فراغت  غونډې پرمهال وویل چې، دوی پلان لري څو په دغه ولایت کې ټولو هغه پولیسوته چې پوځي زده کړې یې نه وي کړې د لنډ مهاله او اوږد مهاله روزنیزو پروګرامونو زمینه برابره کړي.
هغه وايي، که په روزنیز مرکز کې پولیس پرځانونو زحمت وګالي نو د جګړې پرمهال به وینه کم تويه کړي.
په ورته وخت کې هغه پولیس چې د روزنیز مرکز څخه یې د فراغت سندونه ترلاسه کړي خوښ برېښي او وايي، چې په دغه رونیز مرکز کې یې هغه څه زده کړل چې مخکې پرې نه پوهېدل او یاده پوهه به ورسره د جنګ  په  میدان کې ډېره مرسته وکړي.
دا په داسې حال کې ده چې، څه موده وړاندې هم له یاد مرکز څخه ۳۰ تنه پولیس فارغ شوي وو.پای/وصال

ترینکوټ باختر د وږي  ۳۱ مه
د روزګان ولایت په مرکز ترینکوټ کې نن شنبه د ځوانانو لپاره د پارک دجوړولوچارې پیل شوې.
د دغه پارک د پرانیستې پرمهال د روزګان والي محمد شفیق اسدالله سعید د باختر اژانس سیمه ېيز خبریال ته وویل چې، په ترینکوټ ښار کې دا لومړۍ پارک دی چې د ځوانانولپاره جوړېږي.
هغه زیاتوي چې، د دغسي پارکونو جوړول به  د زیات شمېر ځوانانو په فکرونو کې مثبت بدلون رامنځته کړي .
د ترینکوټ ښاروال نعمت الله بختیار وايي،چې دغه پارک د ۷میليونو افغانیو په لګښت د ملي  بودجې په مټ جوړېږي چې په۸۶ کاري ورځو کې به ورغول شي.
د ترینکوټ ښاریان هم د دغه پارک په جوړولو سره خوښ دي خو د ورته نورپارکونو د جوړولوغوښتنه هم کوي.پای/وصال

کابل باختردوږي ۳۱
د هیواد په بېلا بېلو سیموکې د ملي اردو د چاڼیزوعملیاتو په بهیر ۴۶ تنه ډاراچوونکې ووژل شول .
په تیروڅلورویشتوساعتوکې د هیواد ملي ، دفاعي او امنیتي ځواکونو۱۸ پلان شوي ګډ چاڼیزاویرغلیز عملیات ، ۱۱۶ ځانګړې کوماندويي دندې او ۷ هوايي ګوزارونه د دښمن په ځالود هیواد په بېلا بېلو سیموکې ترسره کړل  او هوایی ځواکونو۹۰ الوتنې د ملي اردود ځواکونوپه ملاتړترسره کړې چې له امله يې ۴۶ تنه ډاراچوونکې ووژل شول او ۳۴ تنه نورټپیان شول .

دغه عملیات د ننګرهار ، غزني ، پکتیا ، خوست ، قندهار ، زابل ، روزګان ، بادغیس ، هرات ، فاریاب ، بغلان ،  سرپل او د هلمند په ولایتونوکې ترسره شوي وې  .ختم ع

میمنه باخترد وږي ۳۱
په فاریاب ولایت کې نن سهارد یوه هاوان د لګیدو له امله یو ماشوم شهید او یوبل ماشوم ټپي شو .
د ۲۰۹ شاهین قول اردومطبوعاتي دفتر باختراژانس ته خبرورکړ .
د هاوان دغه ګولۍ له پوځیانوسره په نښته کې د طالبانوله خوا د ګرزیوان ولسوالۍ په مرکز د استوګنې په یوه کورلګیدلې ده چې له امله يې یک نهه کلن ماشوم شهید او یوبل یوولس کلن ماشوم ټپي شو .
د یوبل خبرله مخې : یووسله وال طالب ددوی له خوا د یوه ماین د ښخولو له امله تیره شپه د پشتونکوټ ولسوالۍ په چارقوت کلي کې ووژل شو او یوبل يې ټپي شوختم ع


 

کابل \باختردوږي دمياشتې٣١نيټه :
په  کونړ ولايت کې  دوسله والو طالبانو اوداعشيانو ترمنځ په نويو نښتو کې ١١       تنه وسله وال ډاراچوونکي ووژل شول او شپږ تنه نورټپيان شول.
دغه نښتې تيره شپه د چپې درې په هغه ځاى کې چې ددواړو وسله والو ډلو ترمنځ د خونړيو نښتو ډګرو ، رامنځته شوي دي.
دهېواد په ختيځ  کې دملي اردو يوه قوماندان دباخترآژانس خبريال ته وويل ؛ په دې نښته کې اته تنه وسله وال ډاراچوونکي له دواړو لورو څخه وژل  شوي دي.
ده وويل ؛  دغه جګړي د چپې درې په  لېرې پرتو کليوکې د هغو پيسود ويش پرسر چې د عشراو زکات په نامه له خلکوڅخه راټولې کړاى شوي دي دغه شان دوام لري .
دکونړولايت ځيني سيمې څه ناڅه دوه کاله کېږي چې د وسله والوطالبانو او داعشيانو ترمنځ دخونړيو نښتو  ډګر دى.
پاى \ ذکرالله \

کابل \باختردوږي دمياشتې٣١نيټه :
دشبرغان د خواجه ګوګردک په ساحه کې دوسله والو طالبانو بريد په شا وتمبول شو.
دجوزجان ولايت امنيه قوماندان مل پاسوال فقيرمحمد جوزجاني باخترآژانس ته وويل؛
چې وسله والو طالبانو تيره شپه غوښتل   چې دشبرغان  دخواجه ګوګردک دساحو په امنيتي پوستو بريدونه وکړي   چې دامنيه قوماندان په مشرۍ د کومکي  ځواکونوپه رسيدوسره دښمن خپل مقاومت له لاسه ورکړ او  دامنيتي ځواکونو له خوا له سختو  ګوزارونو وروسته له سيمې څخه وتښتيدل.
تيره اوونۍ هم وسله والو طالبانود دغې سيمې په امنيي پوستوبريدونه کړي وچې په نتيجه کې ٣٠ تنه وسله وال طالبان ووژل شول او ٩تنه نور ټپيان  شول.
پاى \ج \ ذ


 

Page 1 of 6871