13 July 2020

RSS Facebook

سوداگریز


تازه خبرونه

د قانون حاکمیت او حکومتولۍ عالي شورا غونډه د جمهوررئیس په مشرۍ ترسره شوه

د قانون حاکمیت او حکومتولۍ عالي شورا غونډه د جمهوررئیس په مشرۍ ترسره شوه

کابل/ د چنګاښ ۲۳مه/ باختر د قانون حاکمیت او حکومتولۍ عالي...

د اطلاعاتو او فرهنګ وزارت پر تشکيلاتي جوړښت خبرې وشوې

د اطلاعاتو او فرهنګ وزارت پر تشکيلاتي جوړښت خبرې وشوې

کابل/ د چنګاښ ۲۳مه/ باختر داطلاعاتو او فرهنګ وزارت سرپرست محمد...

په کابل ښار کې ۱۶۰۷ د ملکیت سندونه وویشل شول

په کابل ښار کې ۱۶۰۷ د ملکیت سندونه وویشل شول

کابل/ د چنګاښ ۲۳ مه / باختر د ښارجوړولو او ځمکو...

Youtube Player

khantry design

سوداگریز

سوداگریز

-کابل / دچنګاښ٢٣مه/ باختر:
٦ وسله وال طالبان په روزګان کې په نويو نښتو کې ووژل شول او څلور نور يې ټپيان شول.
  دغه نښته تېره شپه د ترينکوټ ښار په شاوخوا کې رامنځته شوه. چې طالبانو پر يوې  پوځي قرارګاه يرغل وکړ .
دهېواد په جنوب کې د اتل قول اردو  د رسنيو دفتر د يوې خبرپاڼې په خپرولو سره ويلي دي،  چې په دې جګړه کې ٦ وسله وال طالبان ووژل شول او ٤ نور يې ټپيان شول .
  طالبانوتراوسه پورې په دې باب څه نه دي ويلي .
پرون هم په  نښتو کې دطالبانو په ډلې پورې  ٩ يرغلګر وژل شوي دي.
   ختم _ شکريه _اکرم

-کابل / دچنګاښ٢٣مه/ باختر:
د وسله والو طالبانو يو قوماندان  تېره شپه په زابل کې له امنيتي اودفاعي ځواکونو سره په نښته کې ووژل شول .
د ملي دفاع وزارت مطبوعاتي دفتر باختراژانس ته خبرورکړ،  د وسله والو طالبانو يو قوماندان ملا کاظم  د زابل په ارغنداب  کې له دفاعي اوامنيتي ځواکونوسره په نښته  کې له درېو ساتونکو سره ووژل شو .
  ختم_ شکريه _اکرم

-کابل / دچنګاښ٢٣مه/ باختر:
د وسله والو طالبانو د ډلې  ٩ غړي له پوځيانو سره په جګړه کې ووژل شول او ٦ نور يرغلګر ټپيان شول .
دغه جګړې تېره شپه په قيصار او دولت ابادولسواليو  کې هغه وخت ونښته  چې يرغلګرو په امنيتي پوستو بريدوکړ . 
د هېواد په شمال کې د شاهين قول اردو د يوې خبرپاڼې په خپرولو سره ويلي دي، چې په دې نښته کې  ٩ يرغلګر ووژل شول او ٦ نور يې ټپيان شول.
طالبانو تراوسه پورې  په دې باب څه نه دي ويلي.
د يوبل خبرله مخې؛ پوليسو د فارياب ولايت په ګڼ مېشتو لارو کې د ٧ماينونو په کشفولو سره د چاودنومخه ونيوله
وسله والو طالبان د دغو ماينونو د ښخولو مسوول بلل شوي دي.
  طالبانو تراوسه پورې په دې باب څه نه دي ويلي .
  ختم _  شکريه_ اکرم

-کابل / دچنګاښ٢٣مه/ باختر:
د هرات  د عامې روغتيا رياست د شمېرنو پربنسټ  تراوسه پورې لېدل کېږي  چې په دغه ولايت کې  پر کروناويروس  د اخته کسانوشمېرمخ په زياتيدو دى..
د دغه رياست د رسمي  شمېرنو له مخې؛ تېره اوونۍ ٢١٣تنه په کرونا ويروس اخته شوي دي او اوولس تنه هم  د کرونا له امله مړه شوي دي.
دغه راز په روانه اوونۍ کې  تراوسه پورې اتلس نوې پېښې ثبتې شوې دي اودوه تنه په کرونا ويروس د اخت کېدو له امله مړه شوي دي .
  تراوسه پورې په هرات کې ٥١٩٠تنه  په کرونا اخته شويدي.او ١٥١تنه په دغه ويروس  د اخته کېدو له امله مړه شوي دي. له بله پلوه شمېرنې ښيي  چې تراوسه پورې  په هرات کې  په کرونا ويروس ٢٠٣٤تنه اخته کسان روغ شوي دي.
  ختم _ ج _ اکرم

 کابل / د چنګاښ ۲۳ مه / باختر
د ننګرهار د بټي کوټ ولسوالۍ په باریکاب سیمه کې د وسله والو طالبانو او پاڅوون کوونکو ترمنځ نښته کې ۲ وسله وال طالبان ووژل شول او ۵ نور یې ټپيان شول.
د ننګرهار د رسنیو له مرکز څخه په خپره شوې خبرپاڼه کې ویل شوي دي چې په نښته کې ۲ وسله وال طالبان وژل شوي، ۵ ټپیان شوي او د طالبانو د عشر او زکات مسوول نیول شوی دی.
ویل کېږي په نښته کې یو پاڅوون کوونکی هم ټپي شوی دی، خو روغتیايي وضعیت یې د ډاډ وړ ښودل شوی دی.
پای/وصال

 کابل / د چنګاښ ۲۳ مه / باختر
ملي امنیت د ننګرهار د شینوارو ولسوالۍ په مربوطاتو کې د وسله والو طالبانو پر یو پټنځي عملیات کړي دي.
د ننګرهار د رسنیو له مرکز څخه په خپره شوې خبرپاڼه کې ویل شوي دي چې په عملیاتو کې په زیاته اندازه چاودېدونکي توکي او مهمات ترلاسه شوي دي.
پای/وصال

-کابل / دچنګاښ٢٣مه/ باختر:
٥ وسله وال طالبان په قندهار کې په هوايي بريدکې ووژل شول، او څلور تنه نور ټپيان شول.
په دغو وسله والو طالبانو تېره شپه  په ارغستان ولسوالۍ کې پر يوې امنيتي پوستې د يرغل په وخت کې  د هېواد د هوايي ځواکونو له خوا بريدوشو.
د هېواد په جنوب کې  د اتل قول اردو  د يوې خبرپاڼې په خپرولو سره ويلي دي،  چې په دې هوايي بريدکې پنځه تنه يرغلګر ووژل شول او څلور نور ټپيان شول.
دغه قول اردو وايي چې په دغو وسله والو طالبانو پر يوې امنيتي پوستې  د دوى  له يرغل وروسته  بريدوشو.
وسله والو طالبانو تراوسه پورې په دې باب څه نه دي ويلي.
  په يوبل خبرکې ويل شوى دى، چې پوليسو د قندهار له ګڼ مېشتولارو څخه  د لسو ماينونو په کشفولو سره د يولړچاودنو مخه ونيوله .
وسله وال طالبان د دغو ماينونو د ښخولومسوول بلل شوي دي. خو دغې ډلې  تراوسه پورې  د دغو ماينونو د ښخولو مسووليت په غاړه نه دى اخستى.
وسله وال طالبان په افغانستان کې  په ګڼ مېشتو لارواوسيمو کې  د ماينونواوبمونو  په ښخولو لاس پورې کوي  چې زياتره ملکي وګړي قرباني کېږي.
  ختم_ ج _ اکرم

کابل / دچنګاښ٢٣مه/ باختر:
د ننګرهار د بهسودو د کرکټ اکاډمى خپل فعاليت چې د کرونا ويروس د خپرېدو په دليل بند شوى و، له سره پيل کړ .
د دغې اکاډمى د کرکټ لوبغاړو پرون  د لومړى ځل لپاره  له پنځو مياشتو وروسته خو دننداره کوونکو  له شتون پرته خپل تمرينونه پيل کړل .
  د ننګرهار د بهسودو د کرکټ اکاډمى يو مسوول باختراژانس ته وويل،  زموږ لوبغاړي  څو مياشتې  تمرين نه دي کړي ، او اوس  د چمتووالي په خاطر زيات وخت او تمرينونو ته اړتيا لري .
دغه اکاډمى  د لوبغاړي  په توګه  د ځوانانو او د تنکيو ځوانانو ،  فني کدراو د کرکټ  د داورانو په روزنه بوخت دى . ختم_ ج _ اکرم

-کابل / دچنګاښ٢٣مه/ باختر:
په بادغيس کې د نويو جګړو په بهير کې ١٦ وسله وال طالبان ووژل شول او ٦ نور ټپيان شول.
دغه جګړې  تېره شپه او نن سهار د قلعه نو ښار ته څېرمه او په بالامرغاب ولسوالۍ کې په څو امنيتي پوستو د وسله والو طالبانو له بريد وروسته ونښتې.
د ظفر قول اردو د رسنيو دفتر  د يوې خبرپاڼې په خپرولو سره ويلي دي، چې په دغو جګړو کې  د وسله والو طالبانو دډلې  د دوو سيمه ييزو قوماندانانو په ګډون  ١٦ وسله وال طالبان ووژل شول او  ٥ نور ټپيان شول.
دغه قول اردو وايي: چې يرغلګر د پوځيانو  له چټک غبرګون او د هوايي ځواکونو له برېدونو وروسته  مقاومت ونه کړاو وتښتېدل.
وسله والو طالبانو تراوسه پورې په دې پاب څه نه دي ويلي .
په يوبل خبر کې ويل شوي دي: چې پوليسو د بادغيس له ګڼ مېشتو لارو څخه  د اتو ماينونوپه کشفولو سره د يولړ چاودنومخه ونيوله .
  ختم _ج _ اکرم

-کابل / دچنګاښ٢٣مه/ باختر:
په ننګرهارکې  د اوبو رسولو د يوې شبکې په جوړولو سره د سلګونو کورنيو د څښاک اوبه تامين شو .
دغه شبکه  د لمريزې برېښنا په واسطه  فعاليت کوي، او کولاى شي  په دربابا ولسوالۍ کې  څلور سوه کورنيو ته د خښاک اوبه تامين کړي .
د ننګرهار د رسنيو دفتر د يوې خپرپاڼې په خپرولو سره ويلي دي. دغه شبکه د يونيسف د ادارې له خوا د پنځه ميليونو شپږ سوه زرو افغايو په لګښت جوړه شوې ده .
د دربابا ولسوالۍ خلک ددغې شبکې له جوړولو او دوى ته د روغتيايي اوبو د برابرولو له امله خوشحال  دي .
ختم _ ج _ اکرم

Page 4 of 8873