16 December 2019

RSS Facebook

سوداگریز


تازه خبرونه

په غورکې د جګړو له امله لسګونو بېحايه شويو کورنيو مرسته ترلاسه کړه

په غورکې د جګړو له امله لسګونو بېحايه شويو کورنيو مرسته ترلاسه کړه

کابل/دلیندۍ۲۴مه/باختر په غورکې د جګړو له امله پرلسګونو بېځايه شويو کورنيو...

په کندزکې د طالبانو د ځانمرګو بريدونو د ښوونې او روزنې مسوول ونيول شو

په کندزکې د طالبانو د ځانمرګو بريدونو د ښوونې او روزنې مسوول ونيول شو

کابل/دلیندۍ۲۴مه/باختر پوځيانو تېره شپه په عملياتوکې د وسله والو طالبانو د...

درې ډار اچوونکي په کاپيسا کې ونيول شول

درې ډار اچوونکي په کاپيسا کې ونيول شول

کابل/دلیندۍ۲۴مه/باختر درې ډار اچوونکي په کاپيسا کې د ملي اردو د...

Youtube Player

khantry design

سوداگریز

سوداگریز

کابل /دليندۍ  ٢٣مه باختر
څلور وسله   وال طالبان پرون  په پکتيکا کې په نښته کې ووژل شول .
د ٢٠٣ تندر قول اردو دمطبوعاتي دفتر وياند ايمل مومند دباختراژانس خبريال ته وويل چې  دغه وسله وال طالبان دسروبي ولسوالۍ سوروني اودپکتيکا د ورممي ولسوالۍ په سپيسته په ساحه کې ووژل شول .
هغه زياته کړه چې په دغو نښتو کې ددوى يوه زياته اندازه  جنګي وسايل  ترلاسه شول .
  ختم_ سعيده _اکرم

کابل /دليندۍ ٢٣مه / باختر:
دوسله والو طالبانو يوسيمه ييز قوماندان تېره شپه له خپلو شپږ تنوافرادو سره له پوځيانو سره په نښته کې ووژل شول .
د٢١٧ پامير قول اردو دقوماندانۍ دمطبوعاتي دفتر مسوول هادي جمال دباختراژانس خبريال ته وويل چې دغه وسله وال طالبان په هغو عملياتو کې چې دهوايي قوتونو ملاتړ ورسره وو ددغه ولايت دمرکزي بغلان اوبورکې ولسواليو ترسره شول ووژل شول .
هغه زياته کړه چې په دغو پېښو کې څلور نور وسله وال طالبان ټپيان  او ددښمن يوولس کلک سنګرونه چې له کلونو راپديخوا  يې په تروريستي برېدونوکې استفاده کېده له منځه  لاړل .
ختم_    سعيده _ اکرم

کابل /دليندې ٢٣مه / باختر:
دپوهنې وزارت سرپرست  ډاکتر محمد ميرويس بلخي  دپکتيا دوالي له مرستيالې سره  په کتنه کې ددغه ولايت دپوهنې حالت  دښه والي په اړوند ټينګار وکړ .
دباختراژانس دخبرله مخې، په دې کتنه کې چې پرون ترسره شوه دپکتيا دوالي مرستيالې زهرې مطهر احمدزي ددغه ولايت دپوهنې دحالت په باب معلومات  ورکړل او نجونو ته له شپږم ټولګي څخه په لوړو ټولګيو کې دتشکيل په اړوند ، ددرسي کتابونو دکمښت ، دهغوښوونځيو په باب چې ودانۍ نه لري او په پکتيا کې دښوونکو دحالت  په اړوند ستونزې دپوهنې وزارت  له سرپرست سره  شريکې کړې .
دپوهنې وزارت سرپرست ټينګار وکړ چې دپکتيا دپوهنې دستونزولرې کول څېړل کېږي .اودښوونې او روزنې دحالت په تېره بيا  دنجونو دښوونې او روزنې دحالت  دښه والي  ، دپکتيا دپوهنې  رياست ته  دلومړنى دورې د٤٥٠ زرو ټوکو درسي کتابونو دويشلو په اړوند دوزارت  دمشرتابه دپاملرنې يادونه وکړه.
ډاکتر بلخي زياته کړه چې په پوهنه کې دکتابونو دکمښت دستونزو دحل لپاره  په لومړى پړاو کې دابتدايي دورې دولس اعشاريه دوه  ميليونه درسي کتابونه چاپ شوي دي .  چې  دپکتيا په ګډون  په مرکز اولايتونوکې ويشل شوي دي .
او په دويم پړاو کې ټاکل شوې ده  دمنځني او دليسې  ددورو ٣٧ ميليونه ټوکه کتابونه هم  دتدارکاتي پړاونو له بشپړولو وروسته  چاپ او وويشل شي .
دپکتيا دوالي مرستيالې په پوهنه کې  درامنځته شويواصلاحاتو او په ولايتونوکې  دتعليمي خدمتونو ودې ته دپاملرنې  په خاطر په قدردانى سره له پوهنې سره دپکتيا دادارې  همکاري څرګنده کړه .
  ختم_ج _اکرم

کابل /دلېندۍ ٢٣مه / باختر:
دپوهنې  وزارت سرپرست  ډاکتر محمد ميرويس بلخي په کابل کې  ددايکنډي دخلکو دمشورتي شورا له يوشمېر غړو او رهبري هيئت سره په کتنه کې  په دغه ولايت کې دپوهنې  حالت  دښه والي په باب خبرې وکړې .
دباختراژانس دخبريال دخبرله مخې ، په دې کتنه کې  دښوونکو  دبستونو دکمښت  او استخدام ،دهغو ښوونځيو او مدرسو په اړوند چې  ودانۍ نه لري او په دايکنډي کې ددرسي کتابونو دکمښت په باب  خبرې وشوې .
دپوهنې وزارت سرپرست  ددايکنډي دخلکو دپوهنپالنې په خاطر قدرداني وکړه  او دهغوښوونځيو په باب چې ودانۍ نه لري وويل :  چې دغه ولايت داقرا پروژې  په دويم پړاو کې دى . او ددغې پروژې  د دويم پړاو په تطبيقولو سره به  دودانيو دنشتوالې  له پلوه  دښوونځيو موجود ستونزې حل شي .
ډاکتر بلخي دغه راز د ښوونکو، زده کوونکو او ښوونځيو دلارې پرسر دپرتو چلنجونو دڅېړنې لپاره  دپوهنې وزارت  دجدي هلوځلو  په اړوند معلومات ورکړل او ټينګار يې وکړ چې دپوهنې په لسيزه کې په ولايتونوکې دښوونې او روزنې انډوليزه پراختيا ددغه وزارت  له اساسي  لومړيتوبونو څخه دي .
ددايکنډي دخلکو دمشورتي شورا رييس  اصغر حيدري له پوهنې سره  ددغې شورا  همکاري څرګنده کړه .
  ختم_ ج _اکرم

 

کابل /دليندۍ ٢٣مه / باختر:
په جوزجان ولايت کې سږ کال دپومبې حاصلات دوه برابره زيات شوي دي .
دباختراژانس دسيمه ييز خبريال دخبرله مخې ،  تېرکال په زر هکتاره ځمکه کې  پومبه کرل شوى و ، خو په روان کال کې  دپرله پسې اورښتونوله امله بزګرانوپه يوزرو اووه سوه څلور شپيته هکتاره ځمکه کې پومبه کرلې ده .او له هغه څخه يې  ښه حاصلات ترلاسه کړي دي . چې دتېرکال په پرتله دوه برابره زياتوالي ښيي .
دجوزجان دکرنې اواوبو لګولو رياست  دزراعتي چارو آمر اسد الله ستيغ  وايي چې دپومبې کرکيلې ته دبزګرانو دهڅونې لپاره يې د پومبې کرکيلې ته يې  شل نمايشني قطعې ځانګړي کړي دي چې له هغو څخه زيات حاصلات ترلاسه شوي دي .
دکرنې درياست مسوولين وايي  دجوزجان پومبه  برسيره پردې چې په دغه ولايت کې  پلورل کېږي  ګاونډيو هېوادونو ته هم صادرېږي .
ختم_ ج _ اکرم

کابل /دليندۍ ٢٣مه / باختر:
درې وسله وال طالبان تېره شپه په جوزجان کې له پوځيانو سره په جګړه کې ووژل شول .
دجوزجان دوالي وياند باختراژانس ته وويل چې دغه وسله وال طالبان  ددغه ولايت  په قرقين ولسوالۍ کې  په يوې امنيتي پوستې دبريدپه بهير کې ووژل شول .
هغه وويل:  په دې  جګړه کې  پنځه نور وسله وال طالبان ټپيان شول .
دجوزجان دوالي دوياند دڅرګندونوله مخې ،  په قرقين کې مېشت ځواکونه ځانګړي  ځواکمنتياوې لري  او کولاى شي  په سيمه کې دوسله والو مخالفينو ځالې له منځه يوسي .
  ختم_  ج_ اکرم

کابل /دليندۍ ٢٣مه / باختر:
دولسي جرګې  يو غړى پرون دپروان ولايت  دبګرام ولسوالۍ دچاودنې له امله  له يوشمېر مصيبت ځپلو کورنيو سره نغدي مرسته وکړه .
دپروان دوالي وياندې وحيدې شهکار باختراژانس ته وويل چې په ولسي جرګه کې  دکابل دخلکو استازى  اميرګل شاهين په بګرام کې د چاودنې دساحې  دکتنې په وخت کې  له خپل شخصي پيسو څخه له اتلسو کورنيو سره چې دوروستي چاودنې له امله  زيات زيانونه ليدلي دي  ، يوسلو اتيا زره افغانۍ  مرسته وکړه .
هغه وويل  چې ددغومرستو دويشلو په وخت کې دپروان والي او يوشمېر سيمه ييز مسوولين  هم حاضر و .
ختم_ج _اکرم

پلخمري  / د ليندۍ٢٣مه / باختر :
په بغلان کې په سلګونو بيځايه شويو کورنيوته نغدي مرسته وويشل شوه.                          د بغلان دمهاجرنيو دراستنولو دچارو رييس شريف الله شفق دباخترآژانس خبريال ته وويل :  دغه رياست د نړيوال خوراکي سازمان په همکارۍ پر  ٥٦٨  کورنيو چې دجګړو اونا امنيو له امله پلخمري ښار کې ځاى  پرځاى شوي دي  په هرې کورنۍ  شپږ زره  افغانۍ  نغدې پيسې وويشل شوې.
هغه په بغلان کې د مرستندويو موسسو نشتوالي دغو بيځايه شويوکورنيو ته دمرستې په لاره کې يو اساسي ستونزه وبلله او زياته يې کړه په دې ولايت کې له  اووه  ديرشو  زرو ثبت شويو بيځايه شويو کورنيو څخه  څلور زره اووه کورنيو  مرسته ترلاسه کړې ده .
پاى \ ذ

ميمنه / د ليندۍ٢٣مه / باختر :
د وسله والوطالبانو يو سر ګروپ تېره شپه  په  فارياب  کې  له څلورو افرادو سره يې  ووژل شو.
د فارياب د امنيې قوماندانۍ وياند عبدالکريم  يورش د باختراژانس خبريال ته  وويل ؛ دغو وسله والو طالبانو ددولت اباد ولسوالۍ په مرکز کې د پوځيانو په پوستو برېدونه وکړل چې د پوځيانو د مقاومت په پايله کې په حافظ مشهورامان الله د وسله والو طالبانو سرګروپ او ماين جوړونکى  له څلورو افرادو سره يې ووژل شو.
خبرځاى زياته کړه په دغو نښتو کې څلور نور وسله وال طالبان سخت ټپيان شول.  ددغې نښتې په بهيرکې د پوليسو يو سرتيرى  شهيد شو.
پاى \ ذ

کابل/دلیندۍ۲۳مه/باختر
د هېواد په بېلابېلو سیموکې په تېرو ۲۴ ساعتو کې ۳۱ ترهګر وژل شوي،۱۲ټپیان شوي او ۵ نور له وسله والو سره د اړیکو په تور نیول شوی دی.
له ملي دفاع وزارت څخه باختر آژانس ته په استول شوې خبرپاڼه کې ویل شوي دي چې دغه ترهګر په هلمند، بغلان، زابل، غزني، قندهار، جوزجان اود بلخ ولایتونو کې د افغان او بهرنیو ځواکونو په ځمکنیو او هوايي برېدونوکې وژل شوي دي.
پای/وصال

Page 6 of 8358