11 July 2020

RSS Facebook

سوداگریز


تازه خبرونه

د کانونو په سکتور کې ولسي مشارکت ته زمینه برابرېږي

د کانونو په سکتور کې ولسي مشارکت ته زمینه برابرېږي

کابل/ د چنګاښ ۱۹مه/ باختر د ۳۴ ولایتونو له والیانو او...

په حکومتولۍ کې د ښځو ونډه

کابل / د چنګاښ ٢٠ مه / باختر په دغو وروستیو...

Youtube Player

khantry design

سوداگریز

سوداگریز

کابل / د چنګاښ ۱۸ مه / باختر
د ننګرهار د خوږیاڼو ولسوالۍ په زاوې سیمه کې ۲۰ وسله وال طالبان ووژل شول.
له دفاع وزارت څخه باختر آژانس ته په استول شوې خبرپاڼه کې ویل شوي دي چې د خوږیاڼو ولسوالۍ په زاوې سیمه کې پرون د افغان ځواکونو او وسله والو طالبانو ترمنځ نښته شوې ده.
سرچینه زیاتوي چې په نښته کې د وسله والو طالبانو د یوه قوماندان په ګډون ٢٠ طالبان وژل شوي دي.
ویل کېږي په نښته کې افغان ځواکونو ته زیان نه دی اوښتی.
پای/ ع

کابل / د چنګاښ ۱۸ مه / باختر
د ننګرهار د چپرهار ولسوالۍ په تره کو سیمه کې ۵ کسان د دولتي ځمکو د غصب په تړاو ونیول شول.
د ننګرهار د رسنیو له مرکز څخه په خپره شوې خبرپاڼه کې ویل شوي دي چې د چپرهار ولسوالۍ په تره کو سیمه کې ۲۵۰۰ جریبه دولتي ځمکه د غاصبانو له منګولو خلاصه شوه او په تړاو یې ۵ کسان ونیول شول.
پای/وصال

 

کابل / د چنګاښ ۱۸ مه / باختر
د خوړو نړیوال پروګرام په زابل کې له ۵ زره بې وزله کورنیو سره د خوراکي توکو مرسته کوي.
د زابل والي تورن جنرال محمد نبي احمدزي د مرستې د وېش پر مهال د باختر آژانس سیمه ييز خبریال ته وویل چې په دې مرسته کې خوراکي توکي شامل دي چې پر ۵ زره بې وزله کورنیو به ووېشل شي.
پای/وصال

 

کابل / د چنګاښ ۱۸ مه / باختر
په بدخشان کې پرون د وسله والو طالبانو بريد د نهو تنو په وژل کېدو سره له ماتې         سره مخ شو.
د ٢١٧ پامير قول اردو د مطبوعاتي دفتر مسوول هادي جمال باختر آژانس ته وويل چې وسله والو طالبانو په کوز يفتل ولسوالۍ کې د امنيتي او دفاعي ځواکونو پر پوستو بريدونه وکړل چې له ماتې مخ شو.
هغه زياته کړه چې په پېښو کې د وسله والو طالبانو د مشهورو قوماندانانو مولوي شمس الله قاضي، مولوي عبدالهادي او قاري حسن په ګډون د دغې ډلې ٩ غړي ووژل شول او ٤ نور يې ټپيان شول.
پاى \ ذ


 

کابل / د چنګاښ ۱۸ مه / باختر
د خوست د موسی خېلو ولسوالۍ په سفري سیمه کې د افغان ځواکونو او وسله والو طالبانو ترمنځ نښته کې ۳ طالبان ووژل شول او ۶ نور یې ټپیان شول.
له ۲۰۳ تندر قول اردو څخه باختر آژانس ته په استول شوې خبرپاڼه کې ویل شوي دي چې وسله والو طالبانو پرون د موسی خېلو ولسوالۍ په سفري سیمه کې د افغان ځواکونو پر بېز برید وکړ چې په پايله کې ۳ وسله وال طالبان ووژل شول او ۶ نور یې ټپيان شول.
ویل کېږي په نښته کې افغان ځواکونو ته زیان نه دی اوښتی.
پای/وصال

کابل / د چنګاښ ۱٨ مه / باختر
د هلمند په بېلابېلو سيمو کې ١٦ ماینونه کشف او شنډ کړی شول.
د ۲۱۵ میوند قول اردو مسولین وايي چې د هلمند په بېلابېلو سیموکې یې ۱٦ ماینونه کشف او شنډ کړي دي.
له ۲۱۵ میوند قول اردو څخه باختر آژانس ته په استول شوې خبرپاڼه کې ویل شوي دي چې دغه ماینونه په لویو لارو کې ځاى پرځاى شوي وو.
پای/وصال

کابل / د چنګاښ ۱٨ مه / باختر
د کابل ښار د یوولسمې امنیتي حوزې په مربوطاتو کې نن سهار دوه تنه د مقناطيسي ماین په چاودنه کې ټپیان شول.
د کابل پولیسو یوې سرچینې باختر آژانس ته خبر ورکړ چې یو مقناطيسي ماین چې د پولیسو په یوه رنجر موټر کې ځای پرځای شوی و؛ د خیرخانې مینې د جمهوریت په ګولایي ساحه کې وچاودېد چې په پایله کې دوه ملکیان ټپیان شول او موټر ویجاړ شو.
عیني شاهدان وايي چې پېښه د مقناطيسي ماین د چاودنې زیږنده وه.
خو د پولیسو یو سرتېری چې په همدې موټر کې و؛ وايي چې چاودنه په واټ کې د ښخ کړای شوي ماین د چاودنې زیږنده وه.
درې ورځې وړاندې هم يوه ورته پېښه په خیرخانې مینې ساحه کې رامنځته شوې وه.
ختم/ع

 

کابل / د چنګاښ ۱٨ مه / باختر
نن سهار د قندهار د شاه ولیکوټ ولسوالۍ او امنیې قومندانۍ ودانیو ته څېرمه موټر بم برید شوی دی.
ځایي چارواکي وايي چې چاودنه د ملي اردو د انټرنېشنل موټر پر مټ شوې ده.
د قندهار د والي ویاند بهیر احمدي وايي: وسله والو طالبانو پلان درلود چې د شاه ولیکوټ پر ولسوالۍ او امنیې قومندانۍ د موټر بم برید وکړي، خو پولیسو له چاودنې مخکې پرې ډزې کړې او ولسوالۍ ته څېرمه یې چاودنه کړې ده.
بهیر زیاتوي چې د چاودنې د سختوالي له امله د ولسوالۍ او امنیې قوماندانۍ ودانۍ زیانمنې شوې دي او دغه راز په پېښه کې ۳ پولیسان شهیدان شوي او د ملکي او پوځي کسانو په ګډون ۱۴ تنه ټپيان شوي دي.
پای/وصال

کابل / د چنګاښ ۱٨ مه / باختر
څلور وسله وال طالبان تېره شپه په بادغيس کې ووژل شول.
د باختر آژانس د خبر له مخې؛ د بادغيس امنيتي مسوولينو رسنيو ته ويلي دي چې يوشمېر وسله والو طالبانو د دغه ولايت د بالامرغاب ولسوالۍ په مربوطاتوکې پر امنيتي پوستو بريدونه وکړل چې د پوځيانو له غبرګون سره مخ شول.
هغه زياته کړه چې په پېښه کې ٤ وسله وال طالبان ووژل شول او ٦ نور يې ټپيان شول او د دښمن يو هاوان له منځه يوړل شو.
پاى \ذ

کابل / د چنګاښ ۱٨ مه / باختر
د غور پوليسو پرون په دغه ولايت کې د شپږو ماينونو په کشف سره د څو چاودنو مخه ونيوله.
د غور د امنيې قوماندانۍ وياند عبدالمعروف رامش باختر آژانس ته وويل چې د دغه ولايت د امنيې قوماندانۍ پوليسو شپږ ماينونه د فېروزکوه د ګلزاربيدان سيمې په لاره او د غور د دولتيار ولسوالۍ په دهن تيلک کلي کې کشف او شنډ کړل.
هغه زياته کړه چې دغه ماينونه وسله والو طالبانو پر امنيتي منسوبينو او ملکي وګړو د بريد په موخه ځاى پرځاى کړي وو.
پاى \ذ

Page 7 of 8863