13 July 2020

RSS Facebook

سوداگریز


تازه خبرونه

د قانون حاکمیت او حکومتولۍ عالي شورا غونډه د جمهوررئیس په مشرۍ ترسره شوه

د قانون حاکمیت او حکومتولۍ عالي شورا غونډه د جمهوررئیس په مشرۍ ترسره شوه

کابل/ د چنګاښ ۲۳مه/ باختر د قانون حاکمیت او حکومتولۍ عالي...

د اطلاعاتو او فرهنګ وزارت پر تشکيلاتي جوړښت خبرې وشوې

د اطلاعاتو او فرهنګ وزارت پر تشکيلاتي جوړښت خبرې وشوې

کابل/ د چنګاښ ۲۳مه/ باختر داطلاعاتو او فرهنګ وزارت سرپرست محمد...

په کابل ښار کې ۱۶۰۷ د ملکیت سندونه وویشل شول

په کابل ښار کې ۱۶۰۷ د ملکیت سندونه وویشل شول

کابل/ د چنګاښ ۲۳ مه / باختر د ښارجوړولو او ځمکو...

Youtube Player

khantry design

سوداگریز

سوداگریز

-کابل / دچنګاښ ٢١مه / باختر :
دوه وسله وال طالبان تېره شپه  د سمنګانو  په کوز دره صوف کې له پوليسو سره په جګړه کې ووژل شول .
  د  ٢٠٩ شاهين قول اردو  يومسوول  باختراژانس ته وويل: دغه جګړه هغه وخت ونښته  چې وسله والو طالبانو  په سيمه کې د پوليسو  پريوې پوستې بريدوکړ.
هغه وويل  چې په دې جګړه کې  دوه تنه وسله وال طالبان ووژل شول او يوبل طالب ټپي شو .
  ختم _ ج _اکرم

کابل / دچنګاښ ٢١مه / باختر :
د اطلاعاتواوفرهنګ وزارت سرپرست محمد طاهر زهير نن  د دغه وزارت   د دفتر رياست د بېلابېلو برخو کارونه  وڅېړل .
د باختراژانس د خبرله مخې؛ د دغې څېړنې په بهير کې  د دفتر د رياست سرپرست  محمد شفيق احمدزي  د دغه رياست د بېلابېلو برخو کارونه،  وړانديزونه  او د چارو د لارې پرسر  پرتې ستونزې  د اطلاعاتواوفرهنګ وزارت  له سرپرست سره شريکې کړې .
وروسته  د اطلاعاتو اوفرهنګ وزارت سرپرست د دغه رياست  د ستونزو د لرې کولو ډاډ ورکړ، د چارو د لاښه والي، همغږى او په خپل وخت د اجرااتو  په تعقيبولو  ټينګاروکړ .
  ختم_ ج_اکرم

-کابل / دچنګاښ ٢١مه / باختر :
د اطلاعاتواوفرهنګ وزارت د سرپرست  محمد طاهر زهير په مشرۍ  نن  د هوتلونو د دولتي شرکت  د عالي شورا غونډه جوړه شوه .
د باختراژانس د خبريال د خبرله مخې؛ په دې غونډه کې  چې دماليې او د اقتصاد د وزارتونو  استازو هم ګډون کړي و دهوټلونو  د دولتي شرکت رييس  ذبيح الله احسان او د دغه شرکت مسوولينو  د ١٣٩٩ کال د مالي پلان په باب  څرګندونې وکړې .
دغه راز  د ماليې او اقتصاد د وزارتونو استازو هم  د دغه پلان په باب خپلې نظرېې وړاندې کړې .
په همدې ترتيب  د هوټلونو  د دولتي شرکت  عالي شورا د دغه شرکت د  ١٣٩٩ کال  د مالي پلان  له څېړنې وروسته د اووه ميليونو افغانيو  د اساسي  عوايدو او د ٩٨ميليونو پنځه سوه زرو افغانيو غير اساسي عوايدو او  د  ٣٨ ميليونو افغانيو د لګښتونوپه تعديلولو سره  په  اصل کې  تاييد کړ.
په دې غونده کې د اطلاعاتواوفرهنګ وزارت سرپرست  د هوټلونو د دولتي شرکت د عوايدو په ښه والي  اوزياتوالي ټينګاروکړ او څرګنده يې کړه چې اړونده مسوولين دې  د هوټلونو  د دولتي شرکت  د عالي شورا  راتلونکې غونډې ته  په همدې مقصد يوه طرحه  وړاندې کړي .
   ختم_ ج _اکرم

-کابل / دچنګاښ ٢١مه / باختر :
وسله وال طالبان  له هغو مسافرانو څخه  چې د بغلان – مزارشريف  د لويې لارې  په تګلوري کې  تګ راتګ کوي، پيسې اخلي .
د بغلان  د ولايتي شورا  يوغړى  نن  باختراژانس ته وويل: چې وسله وال طالبان  په دې تګلوري کې  راوځي  او د موټرو په درولو سره له مسافرانو دپيسو غوښتنه کوي . هغه وويل: که چېرې  د مسافروړونکو موټرو  چلوونکي د طالبانو له امر څخه  سرغړونه وکړي ، په موټرويې ډزې کوي او موټرونه يې سوځوي.
هغه وويل:  هغه مسافر چې په دې تګلوري کې  تګ راتګ کوي له دولت څخه غوښتنه کوي  چې د دوى ستونزې وڅېړي اوپر طالبانو بريدوکړي .
  ختم_ ج _اکرم

کابل / دچنګاښ ٢١مه / باختر :
په غزني ښار کې پرون د هاوان ماين د لګېدواود  ښخ کړى شوي ماين د چاودنې له امله دوه تنه ملکي وګړي شهيدان اودرې تنه نور ټپيان شول .
په غزني کې  د ملي اردو  د دريمې لوا د مطبوعاتي دفتر يو مسوول باختراژانس ته وويل:د هغه ماين د چاودنې  په پايله کې  چې د وسله والو طالبانو له خوا  د کابل- قندهار د لويې لارې په تګلوري کې  ښخ کړى شوي و،  دوه تنه ملکي وګړي شهيدان او يوتن بل  ټپي شو .
  له بله پلوه  د غزني د والي وياندوويل:  چې د دغه ماين له چاودنې سره جوخت د غزني ښار په يوه ګڼ مېشت سيمه کې د هاوان د يو ماين د لګېدو له امله دوه تنه ملکي وګړي ټپيان شول .
هغه وويل: چې د هاوان دغه ماين هم د وسله والو طالبانو له خوا توغول شوى و.
ختم_ ج _ اکرم

کابل / دچنګاښ ٢١مه / باختر :
په سمنګانو کې  د بادامو حاصلات سږ کال زيات شوي دي .
د سمنګانو ولايت دکرنې او اوبولګولورييس محمدرحمان ارغنديوال  باختر اژانس ته وويل:  چې په دغه ولايت کې  د بادامو د حاصلاتو  په سلوکې  د ديرشو په زياتوالي سره  د سمنګانو بزګران به  پنځه زره متريک ټنه  بادام راټول کړي .
هغه وويل :  تېرکال د سمنګانو د بادامو حاصلات څه دپاسه  درې زره متريک ټنو ته رسېدل . 
ختم_ ج _اکرم

-کابل / دچنګاښ ٢١مه / باختر :
درې تنه پرون  په قندهارکې  د ځانمرګو برېدونو د ترسره کولو په تور ونيول شول.
د قندهار يو امنيتي خبرځاى باختراژانس ته وويل: چې دغو کسانو غوښتل  په څو حکومتي مرکزونو  ځانمرګي برېدونه وکړي .
خبرځاى وويل:  نيول شويو کسانو په خپل جرم اعتراف کړى دى اوپه دې باب  څېړنې دوام لري .   ختم _ج _ اکرم

-کابل / دچنګاښ ٢١مه / باختر :
په نيمروز کې  په سلګونو روږدي کسان له درملنې وروسته نن  له خپلو کورنيو سره يوځاى شول .
د نيمروز  د عامې روغتيا  د رياست  يو مسوول  د باختراژانس خبريال ته وويل: چې  د عامې روغتيا رياست له نشه يي توکو سره د مبارزې د مديريت په همکارى  په اوونۍ کې دوه ځلې په نيمروزکې  په نشه يي توکو روږدي کسان  راټولوي او د درملنې په خاطريې  د روږدې کسانو د درملنې مرکز ته يې سپاري.
هغه وويل  چې دغه کسان  ٤٥ ورځې  تر درملنې لاندې نيول کېږي او له  تداوى وروسته  کورنيو ته يې سپارل کېږي.
يو روږدى  محمد امين چې نوى  روغ شوى دى، وويل:  زه له مسوولينو څخه غواړم  چې  د روږدو کسانو د کمښت په خاطر د نشه يي توکو د پلورونکومخه   چې دښار په کچه نشه يي توکي روږدو کسانو ته رسوي ونيول شي.
د نيمروز  مدني فعالان د روږدو کسانو  د درملنې په خاطر  خوښي څرګنده کړه او د مسوولو ادارو کارونه  ستايي.
خبرځاي وويل:  د تېرو څو اوونيوپه بهير کې  پنځه سوه روږدي کسان  له ښارڅخه راټول شوي او درملنې په مقصد  روغتون ته سپارل شوي دي.
  ختم_ ج _ اکرم

Saturday, 11 July 2020 10:37

نوی حکومت، نوی چلند

-کابل/ د چنګاښ ۲۱مه/ باختر
جمهوررییس د نوي حکومت څو وزیران معرفي کړي دي او هغه برخه چې د ډاکتر عبدالله رسېدلې ده، لا نه دي معرفي شوي. ویل کېږي چې د کابینې د ټولو غړیو پر معرفي کولو کار روان دی او د خلکو او همدارنګه ولسي جرګې غړیو غوښتنه دا ده چې د نوې کابینې ټول غړي ژر معرفي شي او د سرپرستۍ دود پای ومومي. نوی حکومت، نوی چلند غواړي.
د باخترآژانس مفسر دا موضوع څېړلې ده او لیکي:
د پخواني حکومت ستره ستونزه دا وه چې دوه سری و؛ پر بلې وینا دوه مشران یې درلودل او دوی کولای شول د یو بل پرېکړې او تصمیمونه وننګوي. د دوه سري حکومت اصطلاح ډېره عامه شوه او خلکو به چې کله هم کومه ناخواله او نادوده لیدله نو ویل به یې چې حکومت دوه سری دی نو ځکه داسې کېږي. د هغه حکومت پنځه کاله په داخلي کشمکش کې تېر شول.
د جمهوري ریاست د انتخاباتو اود دغو انتخاباتو د پایلو له اعلامېدو وروسته، دوه سري حکومت ته د پای ټکی کېښودل شو. جمهوررییس څو ورځې وړاندې په کاپیسا کې یوې لویې ولسي غونډې ته په ونیا کې وویل چې دا حکومت دوه سری نه دی. اوس یو نفر، یانې جمهوررییس د حکومت مشري کوي، امر یو دی او قومانده یوه ده.
د تېر حکومت یاني د دوه سري حکومت ستونزه دا وه چې که حکومت دوه سری و نو چلند هم دوه ګونی و، یو شمېر وزیران یو مشر ته نږدې او نازولي وو، خو د بل مشر ښه نه ایسیدل، او نور وزیران بیا هغه بل مشر ته نږدې او نازولي وو او د دغه بل ښه نه ایسیدل. دغه راز دوه ګوني چلند د حکومت ګڼ  کارونه ټکني کړي وو، که یو ښه نوښت به له یو لوري وړاندې شو، بل لوري به یې مخالف کاوه او هغه به یې رداوه.
اوس باید نوی چلند رامنځ ته شي، له دې وروسته باید نازولي او رټلي وزیران نه وي، ټولو ته باید په یوه سترګه وکتل شي، دا مهمه نه ده چې هغه د کومې ډلې له آدرسه معرفي شوی دی. که د نازولتوب موضوع مطرح وي، نو دا نازولتوب باید د ښو طرحو، نوښتونو، په اړوندو چارو کې د بري او روڼوالي پر بنسټ وي، نه په  یوې اوبلې سیاسي ډلې پورې د تړښت پربنسټ.
افغانستان په اوسنیو شرایطو کې متحد، یوموټي، هڅاند او نوښتګر حکومت ته اړتیا لري. یوازې دغه راز حکومت کولای شي چې هېواد له اوسني بحرانه وباسي، سوله بسیا کړي او د اقتصادي پرمختګ پر لور ګامونه واخلي. افغان ولس د نوي حکومت له جوړېدو سره جوخت د لوړو ملي ګټو پر بنسټ د نوي چلند غوښتوکی دی او هیله یې دا ده چې د هېواد رهبري دغه راز چلند غښتلی او پياوړی کړي.
پاى- ن.ش.

 کابل / د چنګاښ ۲۱ مه / باختر
د روزګان په دهراوت ولسوالۍ کې تېر ماښام پر ماشومانو یوې پخوانۍ سرګلولې چاودنه کړې ده.
د دهراوت ولسوال محمد نعیم حیدري وايي چې په چاودنه کې یو ماشوم وژل شوی او یو بل ټپي شوی دی.
په ورته وخت کې د دهراوت روغتیاپالانو د ټپي شوي ماشوم وضعیت د اندېښنې وړ بللی دی.
پای/وصال

Page 8 of 8873