05 December 2019

RSS Facebook

سوداگریز


تازه خبرونه

څوارلس تنه دجنايي جرمونوپه تور ونيول شول

څوارلس تنه دجنايي جرمونوپه تور ونيول شول

کابل / د ليندۍ دمياشتې ١٤ مه / باختر...

دجوزجان بڼوالو دکار وسايل ترلاسه کړل

دجوزجان بڼوالو دکار وسايل ترلاسه کړل

کابل / د ليندۍ دمياشتې ١٤ مه / باختر...

يو قاتل ونيول شو

يو قاتل ونيول شو

کابل / د ليندۍ دمياشتې ١٤ مه / باختر : دکابل...

Youtube Player

khantry design

سوداگریز

سوداگریز

کابل/دلیندۍ۱۲مه/باختر
د نيمروز په مرکز زرنج ښار او د دغه ولايت په څو ولسواليوکې د اوبو د څو کانالونو او د اوبو وېش د سربندونو د جوړولو کار بشپړ شو او پرون پرانيستل شول.
د نيمروز د کرنې رياست د کرنې چارو آمر ذبيح الله اوليا زاده باختر آژانس ته وويل چې په دغو انکشافي طرحوکې د کنګ ولسوالۍ او د زرنج ښار په مربوطاتوکې د اوبو ١٣ فرعي کانالونه او د اوبو د وېش ١٣سربندونه شامل دي چې لګښت يې د "ډاکار" او "يو.ان.ډي.سي" موسسو ورکړى دى.
هغه وويل چې ټاکل شوې ده د نيمروز د کرنې رياست له دغو موسسو سره په همغږۍ، د راتلونکي کال په بهيرکې په چخانسور، چاربرجک او زرنج ولسواليوکې د انارو، پستې، خرما او عنابو بڼونه جوړ کړي.
ختم-عطاالله - اکرم


 

کابل/دلیندۍ۱۲مه/باختر
د پوهنې وزارت پلاوي د فارياب د پوهنې آمريت ته د لومړنۍ دورې ٦٠ زره ٥٠٠ ټوکه درسي کتابونه وسپارل.
د باختر آژانس د خبرله مخې: د لومړنۍ دورې دغه درسي کتابونه د فارياب د قيصار، ګرزيوان او بلچراغ ولسواليو آمريتونو ته د دغه ولايت د پوهنې رياست د سرپرست  په شتون وسپارل شول.
د فارياب د پوهنې رياست سرپرست د دغو کتابونو د سپارلو په مراسموکې د دغو کتابونو پر ښې ساتنې ټينګار وکړ او زياته يې کړه چې په فارياب کې د پوهنې د نظم د ښه والي، د ممدو درسي توکو او زده کوونکو ته د زده کړې د مناسبې فضا د برابرولو  لپاره هلې ځلې کوي.
ختم- سعيده -اکرم

کابل/دلیندۍ۱۲مه/باختر
د بغلان د کرنې مسوولين وايي چې په دغه ولايت کې د شولو حاصلات زياتوالى موندلى دى.
د بغلان د کرنې، اوبولګولو او مالدارۍ رييس عبدالغياث صديقي د باختر آژانس خبريال ته وويل چې سږ کال له دغه ولايت څخه څه دپاسه ١٣٣ زره ټنه شولې راټولې شوې دي چې د تېرکال په پرتله څه ناڅه ٢٢ زره ټنه زياتوالى ښيي.
هغه زياته کړه چې سږ کال په دغه ولايت کې په ٣٠ زره هکتاره کرنيزه ځمکه کې شولې کرل شوې وې.
د بغلان د کرنې رييس د شولو د حاصلاتو د زياتوالي اصلي علت د اوبو زياتوالى او د شولو د کرکيلې له نويو لارو چارو سره د بزګرانو بلدتيا وبلله.
ختم-سعيده -اکرم

کابل/دلیندۍ۱۲مه/باختر
په هلمند کې د پوځي عملياتو په بهيرکې د وسله والو طالبانو اته پټنځي له ټولو جنګي وسايلو سره يې ويجاړ شول.
دغه عمليات د سلګونو ځواکونو په ګډون او د هېواد د هوايي ځواکونو په ملاتړ له دوو ورځو راپدېخوا د سنګين او نهر سراج ولسواليو په ځينو سيموکې پيل شوي او دوام لري.
په هلمند کې د ملي اردو د رسنيو دفتر د يوې خبرپانې په خپرولو سره وايي چې په ٤٨ ساعتوکې ٦ وسله وال طالبان وژل شوي او ١٠ نوريې ټپيان شوي دي.
په خبرپاڼه کې ويل شوي دي چې په عملياتوکې پوځيانو د وسله والو طالبانو اته پټنځي  ويجاړ کړي او په نهر سراج ولسوالۍ کې د شلو ماينونو په کشف او شنډولو بريالي شوي دي.
په عملياتوکې د نهر سراج ولسوالۍ څو کلي د وسله والو طالبانو له شتون څخه پاک شوي دي.
پوځي مقامات وايي چې دغه عمليات به د وسله والو طالبانو له شتون څخه د سنګين او نهرسراج ولسواليو تر بشپړ پاکولو پورې دوام وکړي.
ختم- ج -اکرم


 

کابل/دلیندۍ۱۲مه/باختر
دوه وسله وال طالبان په هلمند کې د هغو ماينونو په چاودنه کې ووژل شول چې غوښتل يې په يو سړک کې ښخ کړي.
دغو ډار اچوونکو نن سهار غوښتل د نهر سراج ولسوالۍ په عمومي سړک کې ماينونه ښخ کړي چې ماينونه وچاودېد او هغوى يې ووژل.
ختم- ج - اکرم

 

کابل/دلیندۍ۱۲مه/باختر
په داسې حال کې چې په کونړکې د ډار اچونې ضد عمليات دوام لري؛ پوځي مسوولين د اسمار – غازي آباد لويې لارې د زياتو سيمو د پاکولو يادونه کوي.
دغه عمليات ٢٠ ورځې مخکې د ملي اردو او ملي پوليسو د سلګونو ځواکونو په ګډون  د هېواد د هوايي ځواکونو په ملاتړ پيل شوى دى او دوام لري.
د هېواد په ختيځ کې د سېلاب قول اردو د رسنيو دفتر باختر آژانس ته د يوې خبرپاڼې  په استولو سره ليکلي دي چې په عملياتو کې د اسمار – غازي اباد لويې لارې زياتې برخې د وسله والو طالبانو له شتون څخه پاکې شوې دي.
هغه وويل چې دغه عمليات به د دغې لويې لارې تر بشپړ پاکولو پورې دوام وکړي.
په همدې حال کې د سيمې خلکو د عملياتو د ترسره کولوهرکلي کوي، خو وايي چې له عملياتو وروسته کلي چې ځواکونه خپلې قرارګاوې ته ځي؛ ډار اچوونکي کليو ته راځي او بېرته واکمني کوي.
خو د هېواد په ختيځ کې د ملي اردو يو جګپوړى قوماندان وايي چې پوځيان دوسله والو طالبانو له شتون څخه د اسمار – غازي اباد لويې لارې د هرې برخې له پاکولو وروسته پکې پوستې جوړې کړې دي چې د ډار اچوونکو د احتمالي راستنېدو مخه ونيول شي.
هغه وويل چې تراوسه په دې لويه لاره کې٤ پوځي پوستې جوړې شوې دي او څو نورې قرارګاوې به هم جوړې شي.
د دغو عملياتو له پيل څخه تراوسه لسګونه وسله وال طالبان وژل شوي او يوشمېر نوريې  ټپيان شوي دي.
ختم- ج -ا کرم

کابل/دلیندۍ۱۲مه/باختر
د لغمان د استوګنې پر يوې سيمې د وسله والو طالبانو په راکټې بريدکې يوملکي وګړى ووژل شو او درې نوريې ټپيان شول.
پېښه تېره شپه هغه وخت رامنځته شوه چې وسله والو طالبانو د اليشنګ ولسوالۍ پر يوه کلي راکټي بريد وکړ.
د هېواد په ختيځ کې د سېلاب قول اردو يوه جګپوړي قوماندان باختر آژانس ته وويل چې په بريد کې يو ملکي وګړى ووژل شو او درې نور ټپيان شول.
په همدې حال کې د لغمان د يو روغتون ډاکترانو د پېښې د يو ټپى روغتيايي حالت خراب بللى دى.
دا په داسې حال کې ده چې له دوو اوونيو راپدېخوا د لغمان په اليشنګ ولسوالۍ کې د ډار اچونې ضد عمليات دوام لري.
ختم- ج -اکرم

 

کابل/دلیندۍ۱۲مه/باختر
په داسې حال کې چې د ننګرهار د اچين ولسوالۍ د داعشيانو له شتون څخه پاکېږي؛  حکومت د دغې ولسوالۍ د بيا رغاونې او پراختيا لپاره چمتووالى ښودلى دى.
د اچين ولسوالۍ په افغانستان کې د داعش له لومړنيو اډو څخه شمېرل کېده، خو د ډار اچونې ضدعملياتو په بهيرکې په دې ولسوالۍ کې د داعش مرکزونه دړې وړې شول  او د دې ډلې غړي يا ووژل شول او يا هم پوځيانو ته تسليم شول.
حکومت وايي چې د اچين د بيارغاونې لپاره زياتې پيسي لګوي.
د رارسېدلو خبرونو له مخې: همدا اوس د اچين په ځينو برخوکې لسګونه پرمختيايي پروژې پيل شوې دي او لسګونه نورې پروژې هم تطبيق ته چمتو دي.
په دغو پروژوکې د استنادي دېوالونو، د ښوونځيو او روغتونونو لپاره د ودانيو، د اوبو رسولو شبکو او پلونو جوړول او د اړو کورنيو د اقتصادي ودې لپاره د چرګانو د روزنې د فارمونو، د کرنيزو شنو خونو او سړکونو جوړول او د څو عامه تاسيساتو ترميمول شامل دي چې د عملي کېدو په حال کې دي.
د ننګرهار والي شاه محمود مياخېل باختر آژانس ته وويل چې دغه پروژې زرګونه ميليونه افغانۍ لګښت لري چې حکومت يې ورکوي.
د ننګرهار والي وايي چې د دغو پروژو په بشپړېدو سره به د کليوالي خلکو د ژوندانه په حالت کې مثبت بدلون رامنځته شي.
هغه دغه راز وويل: اوس د داعش ډېر لږ افراد په اچين کې پاتي دي چې ډېر ژر به ونيول شي او يا ووژل شي.
د اچين اوسېدونکي چې د داعش تر سيوري لاندې له کلونو ژوندانه څخه زيات ځوريدلي دي؛ وايي چې حکومت اوس بايد د پرمختيا او بيا رغاونې بهير د ګړندي کولو ترڅنګ پوځي پوستې ځاى پرځاى کړي چې دوى سيمو ته د ډار اچوونکو د احتمالي راتګ مخه ونيول شي.
ختم- ج – اکرم

کابل/دلیندۍ۱۲مه/باختر
د هرات د اطلاعاتو او فرهنګ رييس په هرات ښارکې د کتاب کافه وليدله او د هغې کارکوونکي وستايل.
د هرات د اطلاعاتو او فرهنګ رييس آريا رووفيان دغه کتابتون په هرات ښارکې د کتاب لوستلو فرهنګ د رواجوړلو لپاره يو ستر نوښت وباله او د دغه شان ځايونو جوړول يې په هرات کې د کتاب لوستلو فرهنګ د ودې په لاره کې يو ارزښتناک ګام وباله او ټينګار يې وکړ چې د کتاب دغه شان کافې بايد په دغه ولايت کې زيات رونق پيدا کړي.
په پاى کې د هرات د اطلاعاتو او فرهنګ رييس د دغې کافې مسوولين وستايل.
ختم- ج - اکرم

 

کابل/دلیندۍ۱۲مه/باختر
شپږ وسله وال طالبان په قندهارکې په هوايي بريدکې ووژل شول.
پر دغو طالبانو تېره شپه په ميانشين ولسوالۍ کې هغه وخت بريد وشو چې پر موټر سايکلونو سپاره او په ډار اچوونکو فعاليتونو بوخت وو.
دهېواد په جنوب کې د اتل قول اردو يوه جګپوړي قوماندان باختر آژانس ته وويل چې په بريد کې د يوه قوماندان په ګډون ٦ وسله وال طالبان وژل شوي دي.
هغه وويل چې دغه طالبان په داسې حال کې چې پر موټر سايکلونو سپاره او په ډار اچوونکو فعاليتونو بوخت وو، بريد پرې وشو.
په يو بل خبر کې ويل شوي دي چې په قندهارکې د يولړ چاودنو مخه ونيول شوه.
امنيتي ځواکونو نن سهار د قندهار له ګڼ مېشتو لارو څخه ٨ ماينونه کشف او شنډ کړل.
ختم- ج -اکرم

Page 10 of 8326