17 October 2017

RSS Facebook

سوداگریز


تازه خبرونه

د پکتيا په امنيې قومانداني دوه چاودنې وشوې

ګردیز باختر د تلې د میاشتې ۲۵ مه د پکتيا ولایت...

د لغمان د عامه کتابتون ودانې ګټې اخیستنې ته وسپارل شوه

مهتر لام باختر د تلې د میاشتې ۲۵ مه د څه...

Youtube Player

khantry design

سوداگریز

سوداگریز

سیاسی

کابل_باختر د تلې د مياشتې٢٥مه
د افغانستان د اسلامي جمهوریت  د جمهور رئیس محمداشرف غني په مشرۍ د وسله وال پوځ د اعلی سرقوماندانۍ غونډه تير ماښام په ارګ کې جوړه شوه.
دجمهوررييس دوياند دفترباخترآژانس ته خبرورکړ.
د غونډې په پیل کې جمهوررئیس د هېواد امنیتي او دفاعي ځواکونه چې په تېرو اوو میاشتو کې یې د پام وړ او ګټور فعالیتونه لرل او دښمن ته یې درانده زیانونه اړولي دي، وستایل او د هېواد اړوندو امنیتي ارګانونو ته یې د ژمي په موسم کې د دښمن د ځپلو په خاطر لازمې لارښوونې وکړې.
وروسته د فاریاب، غور، جوزجان، بغلان، غزني، کابل، پکتیکا او فراه دولایتونو امنیتي وضعیت وارزول شو او د امنیتي او دفاعي ارګانونو مسوولینو ته یې د دغو ولایتونو د امنیتي حالت د ښه والي په خاطر لازمې لارښوونې وکړې.
د غونډې په پای کې، جمهوررئیس محمداشرف غني د میدان وردګو ولایت د امنیې قوماندانۍ د منسوبینو هڅې وستایلې چې د ۲۸۰۰ کلن لرغوني کتاب د قاچاقو مخینوی یې وکړ، د دغه ولایت امنیه قوماندان جنرال فهیم قایم ته یې دولتي مډال ورکړ.
دغه راز د هېواد جمهوررئیس  د کابل ښار د پنځمې امنیتې حوزې امر سمونوال کبیراحمد برمک او  څارمن مایل اقا، لومړي څارن حبیب الله، سمونوال محمد اصیل او سمونوال رئیس خان ته چې په دې وروستیو کې یې له چاودېدونکو توکو ډک ډینا موټر  له یوه ځانمرګي سره د دې حوزې اړوند سیمه کې تر پېژندنې وروسته ونېوه، دولتي مډالونه ورکړل.#پاى- ع   

 

کابل_باختر د تلې د مياشتې٢٥مه
د افغانستان د اسلامي جمهوریت جمهوررئیس محمد اشرف غني پرون له غرمې مخکې د هند د ملي امنیت له سلاکار اجیت دووال او له ملګري پلاوي سره يې وکتل.
دجمهوررييس دوياند دفترباخترآژانس ته خبرورکړ.
په دې کتنه کې چې په ارګ وشوه، جمهوررئیس محمداشرف غني او د هند دملي امنیت سلاکار د سیمه ییزې همکارۍ اوله ترورېزم سره د مبارزې په اړه بحث او خبرې وکړې.
دغه راز دواړو لورو د امریکا متحدو ایالاتو نوې ستراتیژي د سیمې د سولې او ثبات لپاره ښه فرصت وباله او ټینګار یې وکړ چې له دې فرصت څخه دې د سیمې د سولې او ثبات په خاطر ګټه پورته شي.
په دې کتنه کې دواړو لورو په بېلابېلو برخو کې د افغانستان او هند ترمنځ د ستراتېژیکو همکاریو پر دوام ټینګار وکړ.
په پای کې د هند د ملي امنیت سلاکار اجیت دووال د خپل هېواد د لومړي وزیر په استازیتوب جمهوررئیس غني ته د هند درسمي سفر بلنه ورکړه چې د هېواد جمهوررئیس د مننې په څرګندولو سره ومنله..# پاى- ع  

 

مهتر لام باختر د تلې د میاشتې ۲۴ مه
دهېواد اجراېیه رېیس ډاکټر عبدالله عبدالله د یو لوړ پوړي پلاوي په مشرۍ  چې دکابېنې دیو شمېر مهمو وزارتونو وزیرانو،معینانو او د اجراېیه ریاست مشاورینو يې هم ملګرتيا کوله لغمان ولایت  ته د سفر په ترڅ کې د دغه ولایت د رغونې په جشن کې ګډون وکړ.
د باختر اژانس د خبر له مخې:
په هغو مراسمو کې چې په همدې موخه پر ځای شوي وو، د لغمان والي عبدالجبار نعیمي په پيليزه وينا کې د انکشاف،امنیت ،د غوره حکومتدارۍ دبنسټونو دتقويې،خلکو ته د رغنده خدماتو وړاندې کولو او په چارو کې د ولسي مشارکت په اړه دهېواد اجراېیه رېیس،د کابېنې وزیرانو،لوړپوړو دولتي چارواکو او دخلکو استازو ته د هر اخیزومعلوماتو د ورکولو ترڅنګ په یو شمېر برخو کې يې مهم وړاندیزونه هم د هېواد اجراېیه رېیس سره شریک کړل.
په ورته وخت کې د هېواد اجراېیه رېیس ډاکټر عبدالله عبدالله بیا په ټولو برخو کې د مثبت بدلون په ترسره کیدو خوښي وښوده او ډاډ يې ورکړ چې د لغمان د ادارې او خلکو  وړاندیزونه به د ملي یووالي حکومت مشرتابه،امنیت شورا او کابېنې جلسې ته وړاندې کړي او هم به په یو شمېر برخو کې وزارتونو ته اړینې لارښوونې وکړي،څو لغمان ته بنیادي پاملرنه وکړي.
د لغمان د رغونې جشن چې د ۱۹۲ ميليونو افغانيو په لګښټ د ۲۳ټولګټو  پروژو دپيل او ګټې اخیستنې په موخه جوړ شوي وو، له جملې څخه يې د عامه کتابتون او د ټولګټو چارو ریاست ودانيو چې کارونه يې بشپړ شوي وه دهېواد د اجراېیه رېیس ډاکټر عبدالله عبدالله ،داطلاعاتو او فرهنګ وزیر پوهاند محمد رسول باوري،د لغمان والي عبدالجبار نعیمي او د راغلي پلاوي لخوا دپټۍ په پریکولو سره ګټې اخیستنې ته وسپارل شول.
پای/وصال

کابل_باختر د تلې د مياشتې٢٤مه
د افغانستان اسلامي جمهوري دولت د خوړو د خوندیتوب او تغذیې اجنډا (AFSeN)
او د تغذیې د ښه والي خوځښت (SUN)  په لاره اچوي.
د افغانستان اسلامی جمهوری دولت د خوړو د خوندیتوب او تغذیې اجنډا (AFSeN) او د تغذیې د ښه والي خوځښت (SUN)  په لاره اچولو سره په هیوادکی دخوړو خوندیتوب او تغذیې دښه والی لپاره یو بل ګام اوچت کړ.
د لوړې کچې غونډه چی په مرمرینه ماڼۍ کې جوړه شوی وه او د نړۍ د خوړو د ورځې سره یی سمون درلود، د مختلفو وزارتونو څخه له 150 څخه زیات چارواکي، نړیوالې پرمختیایي ملګري، د ملګرو ملتونو استازی او مدني ټولنو د خوړو دخوندیتوب او تغذیی دملی اجندا (AFSeN) اهدافو او موخو ته درسیدو لپاره خپلی بشپړی ژمنې اعلان کړي،  موخه یې د خوړو دخوندیتوب او تغذيې په لاره کی دستونزو هوارول  او دا یقیني کول دي چې هیڅ افغان له لوږی نه ځوریږی او هر افغان په هر وخت کې ښه تغذیه کیږی، ده.
د افغانستان اسلامي جمهوری دولت اجرائیه رییس جلالتمآب ډاکټر عبدالله عبدالله د دی غونډی په پیل کې د هیواد د لاسته راوړنو او ننګونو په اړه خبرې وکړې او ویی ویل:  "افغانستان یو څه پرمختګ کړی دی، په تیره لسيزه کې یی د خوړو د خوندیتوب او تغذيې په شاخصونو کې خورا زیات بریالیتوبونه ترلاسه کړی دی. د خوړو د نه خوندیتوب مجموعي کچه کمه شوې ده، همداراز د تغذيې په شاخصونه په ځانګړې توګه د قد د ټیټوالی او د مایکرونیوترینتونو (دخوړو کوچنی اجزاوی) په کمښت کی ډیر ښه والی راغلی ده؛ مګر د خوړو او تغذيې نه خوندیتوب لاهم په افغانستان کې لویه اندیښنه ده.  ملي سروې ښيي چې په افغانستان کې د ټول نفوس 33 سلنه (9.3 میلیونه) د خوړو دنه خوندیتوب (عدم مصئونیت غذایی) سره مخامخ دی؛ او 41 سلنه (2 میلیونه) ماشومان چې عمرونه یی له پنځو کلونو څخه کم دی ټیټ پاتی شوي دي.
د کرنې، اوبو لګولو او مالدارۍ وزیر، جلالتمآب انجینر  ناصر احمد دورانی د خوړو د خوندیتوب او تغذيې د اجنډا (AFSeN) په اړه خبرې وکړې او ویی ویل چې دا پروګرام د حکومت یوه هڅه ده ترڅو د سئو تغذیی په ټولو ډولونو کی کموالی راشی. په نړیواله سطحه خوړو ته لاسرسی دښه ژوند یو معیار دی (هر شخص باید خوړو او ښی تغذیی ته لاسرسی ولري). دی موخی اوهدف ته د رسېدو لپاره د حکومت، اجتماعی ټولنو، د ملګرو ملتونو د سازمانونو، تمویل کونکو، سوداګرو او ساینس پوهانو تر منځ یوه مشترکه  استراتیژی اړینه ده چې د خوړو د خوندیتوب او صحي تغذيې د ښه کولو لپاره یوځای کار وکړی.
د کرنې، اوبو لګولو او مالدارۍ وزارت ژمن دی چې د خوړو د خوندیتوب او د تغذیی د خدماتو د ښه والی لپاره د کرنې او مالدارۍ د غوره کیفیت پیداوارو تولید ته دوام ورکړي ترڅو په هیواد کې د کورنیو اقتصادی شرایط د تضمین شی. 
د کرنې او مالدارۍ پیداوار د خوړو عمده سرچینې دي چی د فقر کمولو او په هیواد کې د خوړو د خوندیتوب او تغذيې دخدماتو د ښه والې لامل ګرځي. هیله لرم چې په ګډه کار کولو سره به د خپلو خلکو لپاره په ځانګړې توګه په لرو پرتو سیمو کې اړو خلکو ته غوره او ارزښتناکه خدمتونو وکړو.
د عامې روغتیا وزیر جلالتمآب  ډاکتر فیروز الدین فیروز د کمزوری تغذیې د اقتصادي اغیزو په اړه خبرې وکړ. ډاکتر فیروز وویل: "هغه لویان چې د کوچنيوالی په وخت کې په خوارځواکۍ اخته شوی وې،هغوی به لږ عاید لري". د بې وزلۍ او خوارځواکۍ ترمنځ یو ناوړه دوران شتون لري ... هغه کورنۍ چې ماشومان یې د خوارځواکۍ له امله اغیزمن کیږي، ډیرې عایدات یې په درملنه مصرفیږی ځکه دوی ډیر ناروغه کیږي.  سربیره پردې، خوار ځواکۍ په مستقیم ډول د کار وړتیا او شخصي عاید کموی.  څیړنی ښیې هغه لویان چی د ماشومتوب په دوران کې ښه تغذيه شوی وی 34-47 سلنه د هغو کسانو په پرتله چې د خوارځواکۍ له امله اغیزمن شوي وی ډیر عاید لری (کله چې نور عوامل ثابت وي). په افغانستان کې ناسمه تغذیه ناخالصو ملی تولیداتو ته 2-3 سلنه زیان رسوی.
ځانګړي میلمه Gerda Verbergurg، د SUN خوځښت همغږي کوونکي او د ملګرو ملتونو عمومي منشي، وویل چې ولې تر اوسه په افغانستان کې د ماشومانو دقد ټیټوالی د اندیښنې وړ یوه لویه ستونزه ده. د SUN نړیوال خوځښت د ټولو ماشومانو لپاره د ژوند غوره پیل پر یقیني کولو ټینګار کوي.  د نجلۍ یا هلک د ژوند لومړنۍ 1000 ورځې نه یوازې د فزیکي پرمختګ لپاره بلکه د دماغ د پراختیا لپاره هم ډیری مهمی دی. او که دماغ تر 2 کالو پوری وده ونکړي، وروسته له دوو کلونو په هیڅ ډول داصلاح وړ ندی، دماغ دپل یا سړک په څیر ندی چی کله خراب شی نو بیرته به جوړ شی. ډیر خلک د دې خبری څخه خبر ندي، لکه څنګه چې زه د SUN خوځښت سره د یوځای کیدومخکی خبره نه وم. او کله چې تاسو دتغذی په اغیزو پوه شی نو په دې به هم پوه شی چې غوره تغذیه د پرمختیا او SDGs د پلي کولو لپاره یو کتلست دی.
د افغانستان اسلامی جمهوریت  دا منی چې د خوړو او تغذيې نه خوندیتوب د لوږې او خوارځواکۍ لامل کیږي، چې د خلکو او ملي پرمختیا باندې منفي اغیزه کوی.  د خوړو او تغذیې خوندیتوب یوه څو اړخیزه موضوع ده اوډیری اغیزی لري. بیلابیل نهادونه/ وزارتونه په هیواد کې د دې مسئلو په حل کولو کې ښکیل دی. د دې مسلې د حل کولو لپاره، AFSeN جوړه کړل شوه.
د AFSeN موخه دا ده چې ډاډ ترلاسه شي چې هیڅوک له لوږې نه ځوریږی او هر افغان په هر وخت کې ښه تغذیه کیږی. استراتیژیک اهداف یی دا دي:
I. د ټولو افغانانو لپاره د کافی خوړو د شتون څخه ډاډ تر لاسه شی؛
II. خوړو ته اقتصادي او فزیکي لاسرسۍ ښه شی، په ځانګړې توګه د نفوس د هغو ډلو چی زیان منونکې او د خوړو دنه خوندیتوب سره مخ دی.
III. د خوړو دوامداره عرضه په ټول وخت او د ناورین په حالت کی، او
IV. د غوره غذا او د خوړو د مناسبو کارولو وده په خاص ډول د ښځو او ماشومانو لخو.
د AFSeN دهمغږی کولو جوړښتونه په ملی سطحه:
1. د لوړې کچی د خوړو د خوندیتوب او د تغذيې لارښوونکی کمیټه؛ به منظمی غونډی ولری چې د جلالتمآب اجرائیه رییس لخوا به اداره کیږی.   پداسې حال کې چې د لس نورو وزارتونه لکه : د افغانستان د کرنې وزارت، د عامې روغتیا وزارت، د کلیو د بیارغونې او پراختیا وزارت، د ښځو د چارو وزارت، دسوداګری او صنایعو وزارت، د پوهنې وزارت، داوبو او بریښنا وزرات، دکار او ټولنیزو چارو وزرات، د کورنیو چارو وزارت او د مالیې وزارت د دوو نورو دولتی ادارو په شمول (دپیښو سره دمبارزی مدیریت اداره او مرکزی احصایوی دفتر) ددی کمیټی مهم غړي دی.  په دې وروستیو کې د خوړو دخوندیتوب او تغذیی د لوړ رتبه کمیټې لپاره جوړ شوی سکرتریت به د اجرائیه رییس د دفتر تر څارنې لاندی وی.  دا کمیټه به په هیواد کې د خوړو د خوندیتوب او تغذيې لپاره د څارنې، همغږۍ او ستراتیژیکو پریکړو کولو مسولیت ولری.
2. ملي تخنیکي سکرتریت؛  به د خوړو دخوندیتوب او تغذيې لوړو رتبه کمیتی سره تخنیکی مرسته کوی.
د تغذی د ښه والی خوځښت (SUN) د AFSeN اهدافو د ترلاسه کولو لپاره عملي لید وړاندې کوی.  په دی باید وپوهیږو چې تغذيې ته وده ورکول یو ټولنیز عمل ته اړه لری، د SUN خوځښت بیلابیل مختلف ګروپونه لکه - حکومتونه، مدني ټولنی، ملګري ملتونه، بسپنه ورکوونکي، سوداګران او ساینس پوهان په یوه میز راټول تر څو د تغذيې د ښه کولو لپاره په ټولیز عمل کې  برخه واخلی.  دا د افغانستان د تغذيې لومړیتوبونو سره سمونوالی لری چې یود بل د کار اغیز منتیا زیاتوی.
  AFSeN یوه نوي هڅه ده چې د خوار ځواکۍ ټول ډولونه له منځه وړی، د دی اصل پر اساس چې هر څوک د خوړو او ښې تغذي حق لري.
د افغانستان د خوړو خوندیتوب او تغذیه اجنډا ( AFSeN) او د تغذیی د ښه کولوخوځښت - SUN نن ورځ یوځای د جلالتمآب اجرائیه رییس ډاکټر عبدالله عبدالله لخوا پیل شوه. په دی غونډه کی د مختلفو وزارتونو څخه 150 چارواکو، سفارتونو، نړیوالو سازمانونو، خصوصي سکټور اود مدني ټولنو استازو ګډون کړی وو.
د خوړود خوندیتوب او تغذیی دهمغږی د وړاندیز شویو میکانیزمونو جوړولو او عملی کولو لپاره، د ملګرو ملتونو 3 ادارې FAO، UNICEF او WFP به د راتلونکو دوو کلونو لپاره د تخنیکي مرستې چمتو کولو لپاره کلیدي وي.  د دې تخنیکي مرستې وضاحت لپاره (د مرستې تشریح کولو لپاره) د افغانستان اسلامي جمهوری دولت د اجرائیه رییس د دفتر او د ملګرو ملتونو درې ادارو FAO، UNICEF او WFP ترمنځ د 2017 کال د اپریل په میاشت کې د AFSeN د مناسب تطبیق لپاره تفاهم نامه لاسلیک شوه.#
پاى_ج

Page 1 of 1686