20 January 2020

RSS Facebook

سوداگریز


تازه خبرونه

د هېواد په بېلابېلو سیموکې ۲۱ ترهګر وژل شوي دي

د هېواد په بېلابېلو سیموکې ۲۱ ترهګر وژل شوي دي

کابل/د مرغومې۲۹مه/باختر د هېواد په بېلابېلو سیموکې په تېرو ۲۴ ساعتو...

جمهورريیس غني: د کابل ختیځ به په پرمختللې ساحه بدل شي

کابل / دمرغومي ٢٩مه / باختر د افغانستان د اسلامي جمهوریت...

Youtube Player

khantry design

سوداگریز

سوداگریز

سیاسی

کابل/ دمرغومي ٢٩مه /باختر
د افغانستان د اسلامي جمهوریت د جمهورريیس محمد اشرف غني په مشرۍ د کابینې غونډه تېرماښام په چهارچنار ماڼۍ کې جوړه شوه.
دجمهوررييس دوياند دفترباخترآژانس ته خبرورکړ.
په پیل کې جمهوررييس غني کابل ښاریانو سره د خپلو دوامداره کتنو په اړه غونډې ته معلومات ورکړل او ويې ویل: کابل ښاریانو په یادو کتنو کې په جزايي او چاپیریال ساتنې برخو کې خپلې ستونزې شریکې کړې، نو له دې امله دا ایجابېږي چې د خلکو د ستونزو د حل په موخه په یو شمېر تقنیني اسنادو کې تعدیلات راوستل شي.
جمهورريیس اړونده ادارې موظفې کړې چې په مرتبطو تقنیني اسنادو کې لازم تعدیلات ترتیب او مرحلې یې بشپړې کړي.
همدارنګه جمهورريیس اړوندو ادارو په ځانګړي ډول پېښو ته د رسېدو په چارو کې د دولت وزیر دفتر ته دنده وسپارله چې د وروستیو ورښتونو د تلفاتو او زیانونو د مخنیوي لپاره لازم تدابیر ونیسي او اړوند وزارتونه یې موظف کړل چې د ورښتونو د کچې د وړاندوینې په پام کې نیولو سره په هغو ولایتونو کې چې د اورښت کچه ټیټه اټکل شوې د للمي ځمکو لرونکو کروندګرو سره د ملاتړ په موخه لازمه تیاری ونیسي.
د اجندا مطابق عدلیې وزیر د لیسانس دورې د زده کړو مقرره غونډې ته وړاندې کړه چې کابینې یاده مقرره په پرنسیب کې تصویب او عدلیې او لوړو زده کړو وزارتونه یې موظف کړل چې طرحه د کابینې په غونډه کې د وړاندې شویو نظریاتو مطابق تصحیح او نهایي کړي.
وروسته د کانونو او پترولیم وزارت سرپرست د بلخاب د مسو او بدخشان د سرو زرو کانونو د قراردادونو د فسخې د دلایلو راپور غونډې ته وړاندې کړ چې کابینې تصویب کړ.
وروسته عدلیې وزیر د لوړو زده کړو وزارت د وظایفو د تنظیم مقرره غونډې ته وړاندې کړه چې کابینې په پرنسیب کې تصویب او عدلیې او لوړو زده کړو وزارتونه یې موظف کړل چې یاده طرحه د کابینې په غونډه کې د وړاندې شویو نظریاتو مطابق تصحیح او نهایي کړي.
په همدې ترتیب عدلیې وزیر د لوړتناژ لرونکو باروړونکو موټرو د ابعادو او وزن کنټرول د مقررې طرحه غونډې ته وړاندې کړه چې کابینې په پرنسیب کې تصویب او عدلیې وزارت یې موظف کړ چې پر یاده طرحه د کابینې د غړو د اصلاحي نظریاتو مطابق د قوانینو کمېټې په غونډه یو ځل بیا غور وکړي او د افغانستان د اسلامي جمهوریت د جمهورريیس له ملاحظې وروسته یې نهایي کړي.
د غونډې په دوام عدلیې وزیر د الف درجې مامورینو د ذاتي چارو د تنظیم او استخدام مقررې طرحه کابینې ته وړاندې کړه، کابینې یاده طرحه په پرنیسب کې تصویب او عدلیې وزارت یې موظف کړ چې د اداري اصلاحاتو او ملکي خدمتونو خپلواک کمېسیون په همکارۍ دې یاده طرحه د وزیرانو او معینانو د نظریاتو له ترلاسه کولو وروسته د غونډې د یادونو په پام کې نیولو سره تصحیح او له تصمیم نیولو وروسته دې د جمهوري ریاست عالي مقام تر نظر لاندې نهايي کړي.
همدارنګه عدلیې وزیر د ښاروالیو د ملکیتونو د اجارې د مقررې طرحه غونډې ته وړاندې کړه او کابینې عدلیې وزارت موظف کړ چې دا طرحه د اړوندو بنسټونو په ګډون د جمهوري ریاست د چارو ادارې لوی ریاست د سرپرست تر څار لاندې بیا وګوري اود کابینې راتلوونکو غونډو ته یې وړاندې کړي.
وروسته د ترانسپورټ وزارت د اوسپڼې پټلې ادارې ريیس د خلکو د ملکیتونو د استملاک اسنادو پنځه مورده چې په پکتیکا ولایت کې د شرنې-انګور اډې سړک، په هلمند کې د چاه انجیر- ګرشک سړک، په ننګرهار ولایت کې د بهسودو پل اتصالي سړک او د ترانس-هندوکش یا بغلان-بامیان سړک جوړولو پروژو لاندې راغلي، غونډې ته وړاندې کړل چې تصویب شو.
ورپسې د انرژۍ او اوبو وزارت معین د پکتیا ولایت ګردیز سب سټیشن څخه د خوست ولایت تر سرحده پورې د ۲۲۰ کیلو ولټ لېږد مزي تمدید پروژې په مسیر کې د شخصي املاکو د خسارې د جبران او ځمکې د استملاک مالي وجوه غونډې ته وړاندې کړه چې تصویب شوه.
د غونډې په دوام د ښارجوړولو او ځمکو وزارت سرپرست په ننګرهار ولایت کې د امنیتي او دفاعي ځواکونو د شهیدانو ورثې ته د استوګنې د ښارګوټي؛ په بلخ، بامیان، قندهار، پروان او لغمان ولایتونو کې د صنعتي پارکونو؛ په ارزګان، غور، نیمروز او زابل ولایتونو کې د لمریزې برېښنا پروژو؛ د سروبي ولسوالۍ په نغلو بند کې واقع د انارو د نمونه یي بڼ او په بلخ ولایت کې د برېښنا سب سټیشن جوړولو په خاطر له دولتي ځمکو څخه د استفادې حق د لېږد ۱۲ مورده غونډې ته وړاندې کړل چې تصویب شول.
وروسته د افغاني سرې میاشتې ټولنې سکرتر جنرال د دغې ټولنې د مالي بنیې د پیاوړتیا په موخه د دولت د کارکوونکو د یوې ورځې معاش د راټولو په اړه د دې ادارې غوښتنه غونډې ته وړاندې کړه چې کابینې د دولتي ارګانونو له ټولو مسوولینو او کارکوونکو څخه وغوښتل چې د افغاني سرې میاشتې ټولنې د مالي بنیې د پیاوړتیا په موخه د یوې ورځې معاش چې د اړمنو کورنیو او سوري زړه لرونکو ناروغانو د درملنې لپاره ورڅخه استفاده کېږي د مرستې په توګه دغې ټولنې ته ورکړي.
ورپسې د اداري اصلاحاتو او ملکي خدمتونو خپلواک کمېسیون د پرمنفعته خدای پامانۍ طرزالعمل غونډې ته وړاندې کړ چې کابینې یاده طرحه په پرنسیب کې تصویب او د اداري اصلاحاتو او ملکي خدمتونو خپلواک کمېسیون یې موظف کړ چې یاده طرحه د غونډې د یادونو مطابق تصحیح او د مالیې وزارت په همکارۍ دې د طرحې د اجرا کېدو په خاطر لومړی پر شرایطو د برابرو کسانو شمېر اټکل او د هغې مالي بار دې وارزوي او په دې برخه کې دې د ادارو د لومړیتوب په پام کې نیولو سره مشخص ډیتابېس ایجاد کړي.
همداراز د مالیې وزارت سرپرست د ځمکني ترانسپورټ سکتور د مالیاتي ستونزو د حل طرحه غونډې ته وړاندې کړه چې تصویب شوه.
ورپسې د کانونو او پترولیم وزارت سرپرست او تخنیکي مرستیال غونډې ته د ساختماني موادو لرونکو کاني سیمو د اعلام بهیر د تایید غوښتنه وکړه چې تصویب شوه.
په همدې ترتیب نوموړي د کونړ-ننګرهار د مرمرو او پروان د تراورتین پروژو د مذاکراتو راپور غونډې ته وړاندې کړ او د نیچرل ډبرو داخلي شرکت سره چې د طبیعي او زینتي ډبرو د استخراج او پروسس صنعت کې فعالیت لري د مرمر ډبرو او تراورتین د اکتشاف، پروسس او ګټې اخیستنې قرارداد تړون د منظورۍ پر بنسټ د یاد وزارت غوښتنه او وړاندیز کابینې ته وکړ، چې د کانونو د نوي قانون پر بنسټ چې د هرې ذکر شوې پروژې سیمه تر یو کیلو متر پراخه ده نو د معدنکارۍ سیمې په حیث دې په ستر مقیاس تعیین شي.
کابینې د اکتشافي قراداد په برخه کې د کانونو او پترولیم وزارت غوښتنه تصویب او دغه وزارت یې موظف کړ چې د ګټې اخیستنې مرحله یې د وضع شویو مشخصو معیارونو په پام کې نیولو سره تصحیح او د کابینې راتلوونکو غونډو ته وړاندې کړي.# پاى- ع

کابل / د مرغومي ٢٨ مه/ باختر
انتخاباتي شکايتونو ته د رسېدګۍ کمېسيون وياند وايي چې نن په ټولو ولايتونوکې د استيناف غوښتنې شکايتونو د ثبت بهير بشپړېږي.
انتخاباتي شکايتونو ته د رسېدګۍ کمېسيون وياند محمد قاسم الياسي باختر آژانس ته وويل: تر اوسه دغه بهير په څه دپاسه ٢٠ ولايتونوکې بشپړ شوى او ټاکل شوې ده         د نن ورځې تر پايه پورې د استيناف غوښتنې شکايتونو د ثبت بهير بشپړ شي. 
الياسي زياته کړه: سبا استيناف غوښتنې ته د رسېدګۍ بهير پيلېږي او کمېسيون تر١٥ ورځو پورې وخت لري چې د استيناف غوښتني شکايتونو ته رسېدګي وکړي او خپلې وروستۍ پرېکره ټوليزه کړي.
هغه زياته کړه: په تېرو دوو ورځوکې د انتخاباتي ټکټونو استيناف غوښتنې د شکايتونو د ثبت بهير، انتخاباتي شکايتونو ته د رسېدګۍ کمېسيون د ولايتي دفترونو د پرېکړو په وړاندې څه دپاسه ٢٢٠٠ شکايتونه ثبت شوي دي.
د الياسي د څرګندونو له مخې: د دغو شکايتونو له جملي څخه ٥٠٠ شکايتونه د راى ورکولو د محلونو د بيا شمېرني په اړه دي او ښايي دغه شمېر زيات شي.
انتخاباتي شکايتونو ته د رسېدګۍ کمېسيون د مسوولينو د څرګندونو له مخې، په لومړي        پړاو کې څه د پاسه ١٦زره ٥٠٠ انتخاباتي شکايتونو په دې بنسټ کې ثبت شوي وو چې په تېره اوونۍ کې د دغه کمېسيون په ټولو مرکزي او ولايتي دفترونوکې د هغو څېړنه بشپړه شوې ده او اوس کمېسيون د استيناف غوښتنې دغو شکايتونو ته د رسېدګۍ لپاره چې انتخاباتي  ټکټونو ثبت کړي دي، کار کوي.
پاى \ ذ

 

کابل/ دمرغومي ٢٧مه/ باختر
د افغانستان د اسلامي جمهوریت جمهورريیس محمد اشرف غني د ملي بحث په څلورمه ناسته کې نن له غرمې مخکې د شپږمې، اوومې او دیارلسمې ناحیو د اوسېدونکو نظریات، ستونزې، غوښتنې او وړاندیزونه واورېدل.
د جمهوررييس د وياند دفتر باختر آژانس ته خبر ورکړ: په سلامخانې ماڼۍ کې له کابل ښاریانو سره د ملي بحث په نننۍ غونډه کې محمدامین غیرت د پوهنې او ځوانانو، مولوي عبدالرحمن د علمای کرامو، سیماګل جمالي د ښځو، انجنیر خوشحال یاري د ګذر وکیلانو، محمدعارف حیدري د اصنافو او قومي مشرانو په استازیتوب د خبرو پرمهال له جمهوررئیس غني څخه له دې امله چې د ارګ دروازه یې د خلکو پرمخ پرانیستې او د ولسونو ستونزې مخ له دوی څخه اوري، مننه وکړه. 
یادو ویناوالو، د ښاري ټرانسپورټ، فرعي سړکونو او کوڅو د پخولو، د څښاک اوبو، نا امنۍ، روغتیا، د کثافاتو ټولولو، د ځمکو د غصب د مخنیوي، د زده کړو د کیفیت، د برېښنا، ژوند چاپېریال، د ښځو د ستونزو او حقونو، د شنې ساحې او پارکونو د نشتوالي، د ښځو پر وړاندې د تاوتریخوالي، د سون توکو د بیو د لوړوالي، د شاه توت بند جوړولو، د نشه یي توکو د مخنیوي، د سړکونو او کوڅو د موانعود لرې کولو، د جرایمو د مخنیوي او د جوماتونو د رسمي کولو په اړه خپلې غوښتنې او وړاندیزونه له جمهورريیس سره شریک کړل.
جمهورريیس غني د دغو ویناوالو د غوښتنو او وړاندیزونو له اورېدو وروسته وویل: د نورو ستونزو د حل ترڅنګ به د کابل په امنیت کې سراسري بدلون او ملي پولیسو کې اساسي اصلاحات راشي. له ملي پولیسو څخه د خلکو وېره باید پر باور بدله او کابل مصئون شي، ځکه له دې پرته دا بشري او طبیعي پانګه ضایع کېږي.
جمهورريیس د خلکو جمعي قضاوت بېساری او تشخیص یې پرځای وباله او ويې ویل: ستاسو تشخیص زما لارنقشه ده، ستاسو وړاندیزونه او نظریات په پلان او برنامو بدلېږي، ستاسو له همکارۍ پرته د کابل د نا امنۍ او نورې ستونزې نه حلېږي.
د هېواد جمهورريیس څرګنده کړه: د کابل د مسوولینو اقدامات کافي نه دي، دوی باید په راتلونکو شپږو میاشتو کې شته ستونزې حل او د خلکو رضایت ترلاسه کړي.
جمهورريیس په پلاني ساحو د غیرپلاني ساحو بدلولو، مناسب چاپېریال رامنځته کولو او د استملاک برخه کې د ولسونو ملاتړ مهم وباله او ويې ویل: په دغو برخو کې د نظم او سیستم په رامنځته کولو سره به د کابل ښار عایدات لس برابره زیات شي.
جمهورريیس غني وویل: له لمریزې برېښنا څخه د ګټه اخیستنې زمینه باید برابره شي او د افغانستان برېښنا شرکت ريیس ته یې لارښوونه وکړه چې په درېيو اوونیو کې د برېښنا برخه کې شته، په ځانګړي ډول د بیلونو ستونزه په اساسي توګه حل او مدیریت کړي.
هغه زیاته کړه: د موبایل د لګښت په څېر باید هرڅوک د برېښنا په خپل لګښت پوه شي. د برېښنا په برخه کې دولتي مقاماتو ته پر نورو خلکو ترجیح ورکول د منلو نه ده.
هغه زیاته کړه: د ښځو ستونزې فرهنګي او پېچلي اړخونه لري، د تشخیص او حل لپاره به یې له ښځو سره ځانګړې غونډه وشي.
محمد اشرف غني د کابل ښار د پوهنې ريیس ته لارښوونه وکړه چې که په څلورو اوونیو کې د ښوونځیو په ځانګړي ډول د ښځینه زده کوونکو د ځورونې د مخنیوي لپاره منظم پلان برابر نه کړي، نو ریاست به یې لغو شي.
هغه زیاته کړه: د نشه یي توکو پلورونکي هم د تروریستانو په څېر د خلکو وژونکي دي او پر وړاندې به یې جدي اقدامات وشي.
جمهورريیس د کابل والي، ښاروال او امنیه قومندان ته له واټونو او کوڅو څخه د موانعو د لرې کېدو لارښوونه وکړه.
هغه زیاته کړه: کابل سیند مدیریت کېږي. شېر دروزاه په ملي پارک بدلېږي او د کابل شنه ساحه کې اساسي بدلون راځي.
جمهورريیس د غاصبانو د نوملړ خپرولو،  ممنوع الخروج اعلانولو او څارنوالۍ ته په معرفي کولوکې د ولسونو ملاتړ او همکاري مهمه وبلله او زیاته یې کړه: په راتلونکو شپږو میاشتوکې باید کابل ښاریان په خپلو سیمو او ناحیوکې لږ تر لږ شپږ مهم پرمختګونه لمس کړي.#
پاى/ ذ

 

-کابل /دمرغومي  ٢٧مه /باختر
د سولې په چارو کې د دولت وزیر عبدالسلام رحیمي د افغانستان د ستراتیژیکو مطالعاتو انستېتیوت (AISS) د تازه څېړنې د پایلود اعلامولو په ناسته کې ټینګار وکړ چې د افغانستان خلک یوازې دتاوتریخوالی کمېدل نه غواړي، بلکې اوربند غواړي.
ښاغلي رحیمي وویل چې د اوسني نظام پایښت او پاتې کېدل د افغانستان د خلکو اساسي غوښتنه ده.
ده د سولې د خبرو په اړه وویل چې د افغانستان د اسلامي جمهوریت خبرې کوونکې ډله چمتو ده.
همدارنګه ښاغلي رحیمي د ملي اجماع د رامنځته کېدو او پیاوړتیا په برخه کې د وزارت فعالیت ته په اشارې سره وویل چې دا وزارت د ولایتونو او ولسوالیو په کچه کار کوي. ده زیاته کړه چې وزارت د سولې په اړه د ملي خبرو د پیلولو هڅه کوي، تر څو د نظريو د اخیستو لپاره د خلکو له بېلابېلو پاړکو او د مدني ټولنې له بنسټونو سره دایمي اړیکه ټینګه شي. ښاغلي رحیمي د سولې په بهیر کې د ښځو پر مهم رول ټينګار وکړ.
ده د پاکستان د رول اهمیت یاد کړ او ویې ویل چې دولت په قطر کې د خبرو اترو پر جریان خبر دی او هلته کوم ځانګړی پرمختګ نه لیدل کېږي.
د افغانستان د ستراتیژیکو مطالعاتو د انستېتیوت (AISS) نوې څېړنه «د جګړې د سیاسي حل او له طالبانو سره تر پخلاینې وروسته د سیاسي نظم په اړه د افغانستان د خلکو نظرونه) په نامه وه چې پرون د ۱۳۹۸ کال د مرغومې په ۲۶مه وړاندې شوه.
پاى-ع

Page 1 of 2212