16 December 2017

RSS Facebook

سوداگریز


تازه خبرونه

 دشاه ولي کوټ  په ولسوالۍ کې  دشلو تنو مخالفانو وژل کيدل

دشاه ولي کوټ په ولسوالۍ کې دشلو تنو مخالفانو وژل کيدل

کابل باخترد ليندي پنځه ويشتمه : شل تنه وسله وال مخالفان...

د ٣٥٧ مليونو افغانيو په ارزښت  پنځه قراردادونه لاسليک شول .

د ٣٥٧ مليونو افغانيو په ارزښت پنځه قراردادونه لاسليک شول .

-کابل باخترد ليندي پنځه ويشتمه : دبريښنا شرکت اجرايوي لوى...

Youtube Player

khantry design

سوداگریز

سوداگریز

سیاسی

کابل \ باختر دليندۍ دمياشتې ٢٤نيټه :
د افغانستان د اسلامي جمهوریت د جمهوررئیس محمداشرف غني په مشرۍ د ښاري پراختیا عالي شورا غونډه نن مازدیګر په ارګ کې جوړه شوه.
دجمهوري رياست مطبوعاتي دفتر باخترآژانس ته خبر ورکړ :
په دې غونډه  کې د بامیانو ښاروالۍ انکشافي طرحې، د سنایي غزنوي د استوګنې ښارګوټي د تکمیلي طرحې، د سوداګریزو ودانیو په سکتور کې دپانګونې او د کابل ښار د ترانسپورټي زیربناو د جوړولو او بیارغاونې په اړه بحث او خبرې وشوې.
لومړی د بامیانو ښاروال محمدامان «امان» د بامیانو ښاروالۍ د انکشافي طرحې له هغې ډلې د لاسته راوړنو، برنامو، ننګونو او وړاندېزونو په اړه معلومات ورکړل وې ویل: بامیانو ښاروالۍ د ښې حکومتولۍ او عامه مشارکت تعمیم، د خدمتونو وړاندې کولو‎، پروژو او دغه راز د عوایدو د زیاتوالي په برخو کې ښې لاسته راوړنې لري.
هغه د ښاري کانالیزاسیون د نشتوالي، د چاپیریال ساتنې او ځمکې لاندې اوبو د خرابېدو د خطر، عامه اسانتیاوو ته د خلکو د لاسرسي د کموالي، د لرغونو سیمو او تاریخي اثارو د ګواښ، د زیربنایي خدمتونو د وړاندې کولو لپاره د درندو ماشین الاتو د کموالي، د اړوندو بنسټونو د همکارۍدنشتوالي، د نامسولو کسانو د لاسوهنې او د پرمختیایي بودجې د کموالي په برخو کې د بامیانو ښاروالۍ ننګونې بیان کړې.
د بامیانو ښاروال د ښاري کانالیزاسیون سیستم د جوړولو، د سړکونو د تېرېدو مسیر د استملاک، د اوبو برېښنا بندونو د جوړولو، د تاریخي سیمو د ځمکو د تصفیې، د ځمکو د ارزښت او د دولتي ادارو د صفایي محصول لپاره د بودجې  د تخصیص او همکار موسسو ملاتړې برنامې د دوام په اړه غونډې ته  خپل وړاندیزونه وکړل.
د ښارجوړولو وزیر سیدسعادت منصور نادري دبامیانوښاروالۍله مثبتو کړنو مننه وکړه وې ویل، موږ باید په ښارونو کې د خصوصي سکتور د پانګونې جذب ته پاملرنه وکړو او پر بندامیر پلان ډېره پانګونه وشي.
هغه زیاته کړه، د بامیانو د کانالېزاسیون په اړه ډاکټر محمدهمایون قیومي د زیربناو عالي شورا کې کار کوي.
وروسته په زیربنایي چارو کې د جمهور رئیس سترسلاکار ډاکټر محمدهمایون قیومي، د سیمه ییزه ارګانونو خپلواکې ادارې مرستیال عبدالباقي پوپل، د اوبو رسولو شرکت لوی رئیس انجینریلاني، جامې زاده او د چاپیریال ساتنې ادارې رئیس شاه زمان میوندي د اوبو رسولو، ماسټر پلان، د چاپیریال ساتنې د مسایلو او د بامیانو د برېښنا په اړه مفصلې خبرې وکړې.
جمهور رئیس د بامیانو ښاروالۍ له اقداماتو څخه د مننې ترڅنګ وویل، هغه تحرک چې په ښاروالیو کې رامنځته شوی، مثبت دی او باید د زیربناو برخه کې د ښارونو د اړتیا وړ یوه بسته په نظر کې ونیول شي چې په ټولو ښارونو کې ترې ګټه واخلو.
جمهور رئیس غني زیاته کړه: کومې ادارې چې د ښاروالیو پوروړوې دي، باید د ادارو له عمومي بودیجې څخه هغه پیسې وضع او د ښاروالیوحساب ته ولېږدول شي.
د هېواد جمهور رئیس ټینګار وکړ، په بامیانو کې دې د ګرځندوی       د جذب لپاره پلان جوړ شي او دغه راز یې د بامیانو ښاروال ته وویل:   د عوایدو د زیاتوالي لپاره چې کومې برنامې لري او دغه ولایت ته د برېښنا د رسېدو پرمهال کوم کارونه د اجرا وړ دي، باید اوږدمهاله لیدلوری ولري.
جمهور رئیس د ځمکو ادارې ته لارښوونه وکړه، په بامیانو کې د ځمکې د تصفیې او د ځمکې پر پلان جوړولو کار وکړي او استملاک دې په اساسي ډول په نظر کې ونیول شي.
وروسته د ښارجوړولو ریاست سرپرست احمدذکي سرفراز د سنایي غزنوي د استوګنې ښارګوټي تکمیلي طرحه غونډې ته وړاندې کړه.
احمدذکي د سنایي غزنوي د استوګنې ښارګوټي په اړه معلومات ورکړل وې ویل، دا ښارګوټې د کابل ښار د ۱۵ ناحیې په ۲۱۹،۴ جریبه ځمکه په دوه فازو کې جوړېږي، ۲۸ لس منزله او ۳۱ شپږ منزله بلاکونه لري چې د ۱۵ بلاکونو د جوړولو چارې روانې دي او تر اوسه یې ۶۶ سلنه کار بشپړ شوی دی.
نوموړي دغه راز له تخنیکي اړخه د نوموړي ښارګوټي دلومړۍ طرحې نېمګړتیا او ستونزې بیان کړې.
غونډې له هراړخیزو بحثونو وروسته پرېکړه وکړه چې دا طرحه بیا وګوري او له بشپړېدو وروسته دې د ښاري پراختیا عالي شورا غونډې ته وړاندې کړي.
وروسته د کابل سرپرست ښاروال عبدالله حبیب زي د سوداګریزو ودانیو په سکتور کې د پانګونې طرحه غونډې ته وړاندې کړه او د فیس په برخه کې یې د تخفیف غوښتنه وکړه.
د ښاري پراختیا عالي شورا پرېکړه وکړه چې فیس دې د مخکېنۍ پرېکړې په اساس واخیستل شي او د تائید لپاره دې کابینې ته وړاندې شي.
وروسته د ترانسپورټ وزارت د معینیت ستر سلاکار او د څارنې مسئول شیخ احمد متین د کابل ښار د عامه ترانسپورټ زیربناو د جوړولو او بیارغاونې برنامه غونډې ته وړاندې کړه.
نوموړي د کابل ښار  واټونو د موجوده وضعیت، د واټونو د اوږدوالي، د بشپړو شویو، تر کار لاندې، تر تدارکاتو  لاندې او پلان شویو پروژو د ارزښت، د واټونو د ځانګړنو، عامه تراسنپورټي زیربناو، ارزونې او اصلاحي اقداماتو، د ظرفیتونو او پروژو د انکشاف، له پروژو څخه د څارنې او له شتمنیو د کیفیت د تضمین او مدیریت په اړه معلومات ورکړل او د کابل ښار د عامه ترانسپورټ زیربناو د جوړولو او بیارغاونې برنامې پر وړاندې شته ننګونې یې بیان کړې.
جمهور رئیس د رامنځته شوي ظرفیت او مدیریت له ډول څخه د مننې ترڅنګ وویل، د کابل ښاروالۍ د قیر پېرلو اړتیا دې مشخصه شي، ترڅو وتوانېږو دا معامله دولت په دولت ترسره کړو.
جمهوررئیس غني ټینګار وکړ، په دې اړه دې د مشخص تخنیکي موډل طرحه غونډې ته وړاندې شي. هغه زیاته کړه د عوایدو مدیریت باید منسجم شي او د عوایدو یو ځانګړی مرکز دې جوړ شي.
جمهوررئیس څرګنده کړه، د املاکو مدیریت مهم دی او له املاکو څخه دې د عوایدو د منبع په توګه استفاده وشي.
پاى \ ذکرالله \

-کابل باختر د ليندي درې ويشتمه :
د افغانستان د اسلامي جمهوریت اجرائيه رئيس ډاکټر عبدالله عبدالله نن د خپل کار په دفتر په سپېدار ماڼۍ کې د بدخشان له یوشمېر قومي مشرانو او مخورو سره وکتل.
داجراييه رياست مطبوعاتي دفترباختراژانس ته خبرورکړ .
په دې ناسته کې د بدخشان د خلکو استازو خپلې ستونزې له اجرائيه رئيس سره شریکې کړې. د بدخشان نازک امنیتي وضعیت، د جګړو له امله بې ځایه شویو کورنیو ته رسیدګي، د سیمه ییزو پولیسو ایجاد او پياوړي کول، د وسله والوپرخلاف چاڼیز عملیات او د خلکو د ستونزو حل کول د هغوی اساسي غوښتنې وې.
همدا راز هغوی وغوښتل چې د بدخشان ځوانانو ته دې د کار زمینه برابره شي او په دولتي جوړښتونو کې دې ځای پر ځای شي.
د هېواد اجرائيه رئیس ډاکټر عبدالله عبدالله ډاډ ورکړ، چې د دوی ټولو ستونزو ته به رسیدګي وکړي. هغه وویل، امنیتي مسوولینو ته به هدایت ورکړي چې د بدخشان د امینتي وضعیت ښه والي ته ځانګړې پاملرنه وکړي او هم د امنیت د ښه کولو لپاره به د خلکو په وړاندیزونو اساسي فکر وکړي.
اجرائيه رئيس وویل، چې بدخشان د خپل ستراتېژيک موقعیت له لوري د افغانستان په نورو برخو هم مستقیم اغېزې لري او اجازه به ورنکړي چې وسله وال مخالفان په دې ولایت کې امنیتي ستونزې زياتې کړي.
ډاکټر عبدالله عبدالله همداراز ډاډ ورکړ، چې د بدخشان د ځوانانو، مېرمنو او ټولو اوسېدونکو ستونزې جدي تعقیب کړي او د حل لپاره به یې اقدامات وکړي.
ختم- عطاالله

کابل باختر د ليندي درې ويشتمه :
د افغانستان د اسلامي جمهوریت اجرائيه رئيس جلالتماب ډاکټر عبدالله عبدالله د «مسیر نو» ټولنې له غړو سره ولیدل. په دې ناسته کې چې په سپېدار ماڼۍ کې ترسره شوه، د افغانستان د ځوانانو د نوي مسیر ټولنې ځوانانو خپلې ستونزې له اجرائيه رئیس سره شریکې کړې او له هغه یې وغوښتل چې د ځوانانو پر وړاندې شته ستونزې له منځه یوسي.
داجراييه رياست مطبوعاتي دفترباختراژانس ته خبرورکړ .
د نا امنۍ، فقر او بېکارۍ له منځه وړل، د ځوانانو لپاره د ښوونیزو فرصتونو برابرول د هغوی اساسي غوښتنې وې.
د هېواد اجرائيه رئيس ډاکټر عبدالله عبدالله له ځوانانو څخه مننه وکړه او ویې ویل، چې د ځوانانو یووالی، هڅې او هاند د راتلونکي لپاره هیله مندي ډېروي.
اجرائيه رئيس زیاته کړه، افغان ځوانانو چې دمګړۍ کوم مسیر خپل کړی دی هغه یو هدفمند او سالم مسیر دی چې د هېواد د پرمختګ، یووالي، سولې، ثبات او روښانه افغانستان زېری لري.
هغه وویل، په اوسنیو شرایطو کې چې له یوې خوا پر افغانستان جګړه ټپل شوې او له بلې خوا په کور دننه افغانستان له ګڼو ستونزو سره مخامخ دی، افغان ځوانان د ستایني وړ دي، چې د ستونزو د حل لپاره په یووالي مخ ته ځي.
اجرائيه رئيس ډاډ ورکړ، چې د ملي یووالي حکومت له ځوانانو نه په هر حال کې ملاتړ کوي او د هغوی لپاره د فعالیت ښه زمینه برابروي.

-کابل باختر د ليندي درې ويشتمه :
دروان کال  له پيل څخه تراوسه پورې څه ناڅه  ٢٠٠٠ دوسيې دهرات ولايت دمرکز او داړوندو ولسواليو په څارنواليو کې ثبتې او څيړلې شوې دي .
دغه ټکى دهرات ولايت داستيناف څارنوالۍ رييس  عبدالحق احمدي په خپل مطبوعاتي کنفرانس کې  بيان کړ او زياته يې کړه  په روان کال کې ٢٠٠٠ بيلابيلې جرمي پيښې په څارنوالۍ کې ثبتې شوې دي چې ټولې قضيې تعقيبې او دوسيې يې  محکمې ته ليږلې شوې دي .
  داحمدي  دڅرګندونوله مخې ، دروان کال شميرنې دتيرکال په نسبت ددغه رياست  دکړنو دکچې زياتوالى ښيي چې داپه خپله دقانون دواکمنى او په جدي او اغيزمنه توګه دهغه دتطبيق  څرګندوى دى .
دهرات دڅارنوالى  رييس دغه راز په روان کال کې  دوسله والې غلا دڅه ناڅه شپيتو قضيو دثبت خبرورکړ او زياته يې کړه  په روان کال کې دوسله والې غلا  درې شپيته قضيې  په څارنوالۍ کې  ثبتې شوې دي چې ددغو قضيو په اړوند ٩٠ تنه  نيول شوي او دڅارنوالى  له خوا له څيړنې او تحقيق وروسته محکمې ته  معرفي شوي دي .
احمدي دغه راز  داداري فساد په برخه کې دپنځوسو جرمي پيښو  دثبت خبر هم ورکړ اوزياته يې کړه چې دروان کال له پيل څخه تراوسه پورې داداري فساد په برخه کې پنځوس  جرمي پيښې  په څارنوالۍ کې ثبتې اوڅيړلې  شوې دي .
له بلې خوا دهرات ولايت وياند جيلاني فرهاد اداري فساد يوه کرغيړنه  پديده وبلله او ددغې پديدې  دجرړو دايستلو په لاره کې يې دهرات دسيمه ئيزي ادارې دجدي ارادې ډاډ ورکړ او زياته يې کړه چې په روان کال کې داداري فساددجرمونو  ددوسيو زياتوالى  په دغه ولايت کې داداري فساد دجرمونو دکنترولولو په لاره کې داړوندو ارګانونو دغوڅې ارادې څرګندوي دي .
ديادونې وړ ده چې دهرات دڅارنوالۍ رييس دغه راز دښار له مرکز څخه ددوه نيمو مليونو افغانيو نغدي جريمې او له اړوندو ولسواليو څخه دپنځوسو زرو افغانيو دراټولولو او ددولت په حساب  دهغو دتحويلولو  خبر ورکړ .

Page 1 of 1733