26 May 2018

RSS Facebook

سوداگریز


تازه خبرونه

جمهوررئیس غني د پیروزي ښارګوټي د کاري پرمختګ څرنګوالي وکوت

جمهوررئیس غني د پیروزي ښارګوټي د کاري پرمختګ څرنګوالي وکوت

کابل باختر د غبرګولي څلورمه د افغانستان د اسلامي جمهوریت...

په نورستان کې داوو  تنو ډار اچوونکو وژل کيدل

په نورستان کې داوو تنو ډار اچوونکو وژل کيدل

کابل باختر د غبرګولي څلورمه دوسله والو طالبانو په ډلې...

په قندهار کې داتو تنو وسله والو طالبانو وژ ل کيدل

په قندهار کې داتو تنو وسله والو طالبانو وژ ل کيدل

کابل باختر د غبرګولي څلورمه : اته تنه وسله وال...

Youtube Player

khantry design

سوداگریز

سوداگریز

سیاسی

کابل باختر د غبرګولي څلورمه د افغانستان د اسلامي جمهوریت جمهوررئیس محمداشرف غني نن له غرمې مخکې د کابل په ده‏ سبز ولسوالۍ کې د پیروزي ښارګوټې د کاري پرمختګ له څرنګوالي څخه کتنه وکړه. دجمهوررييس دوياند دفترباخترآژانس ته خبرورکړ. په پیل کې جمهوررئیس غني د پورته ذکر شوي ښارګوټې بېلابېلو فازونه وکتل او وروسته یې په دغه ښارګوټې کې په دې مناسبت جوړو شویو مراسمو کې ګډون وکړ. لومړی د ښار او کور جوړولو وزیر سیدسعادت منصور نادري خبرې وکړې وې ویل، د دې پروژې بنسټ ۹ کاله مخکې اېښودل شوی وو او تر اوسه یې په زیربنایي چارو ۴۵ میلیون ډالره لګول شوي دي. هغه د جمهوررئیس د پاملرنې او ملاتړ څخه د مننې ترڅنګ زیاته کړه، دا ښارګوټی په معیاري ډول جوړېږي او زموږ اساسي موخه دا ده چې لږ عاید لرونکي قشر ته مسکن برابر کړو. ورپسې د پیروزي ښارګوټي د پروژې امر عبدالاحمد ملکیار د یوه پرېزنټیشن له مخې د یاد ښارګوټې د برېښنارسولو، اوبو رسولو شبکې، د ژورو څاګانو د کېندلو، د جوماتونو، د زده کړې او فرهنګي مرکزونو، د تفریحي پارکونو او ورزشي مجتمع په ګډون د تجارتي، سیمه‎ییزو او استوګنې د ساحو په اړه تفصیلي معلومات وړاندې کړل. هغه زیاته کړه په دې ښارګوټې کې سړکونه، شنې، صنعتي او سوداګریزې سیمې، لوړ پوړې ودانۍ او د استوګنې نمرې په څو فازونو کې په پام کې نیول شوي دي چې د استوګنې د حویلیو شمېر یې ۱۰۰۵۰ او د استوګنې د اپارتمانونو شمېر یې ۱۳۵۰۰ ته رسېږي. وروسته جمهوررئیس د ښارجوړولو او د یادې پروژې له امر څخه د مننې ترڅنګ وویل، د اوبو موضوع بنیادي ستونزه ده، یوه کمیټه دې چې په ترکیب کې یې په زیربنایي چارو کې د جمهوررئیس ستر سلاکار، د اوبورسولو رئیس، د کابل او پروان والیان او د پایتخت زون پراختیا خپلواکه اداره شامله وي، جوړ ه شي او د دې ستونزې د حل په خاطر دې واضح طرحه وړاندې کړي. دغه راز جمهوررئیس د یاد ښارګوټې د اجتماعي ستونزو چې د اوبو د تامین مانع ګرځي، پر حل د ټینګار ترڅنګ وویل، د دې ښارګوټې لپاره دوه میګاواټه برېښنا بسنه نه کوي، بنا د برېښنا شرکت باید په دې اړه خپل واضح پلان جوړ کړي. محمداشرف غني وویل، په دې ښارګوټې کې باید صنعتي ساحه په پام کې ونیول شي او فعاله شي، ترڅو ښارګوټی پر ځان بسیا شي. جمهوررئیس د استوګنې د نمرو د وېش په اړه وویل، یو واضح پلان دې ترتیب او د A اوF فازونه دې د راستنېدونکو لپاره په پام کې ونیول شي، چې د هغوی لپاره یو واضح پیغام ولرو. هغه څرګنده کړه د هېواد امنیتي او دفاعي ارګانونه دې د امنیتي او دفاعي ځواکونو د شهیدانو د کورنیو لست ترتیب کړي چې د شهیدانو وارثانو ته هم په دې ښارګوټې کې د استوګنې نمرې په پام کې ونیول شي. جمهوررئیس غني وویل د ۱۰۰ تنو شهیدو خبریالانو کورنیو ته دې هم په دې پروژه کې د استوګنې نمرې ووېشل شي او د استوګنې د نمرو وېش باید شفاف او د معیارونو پر بنسټ وي. د هېواد جمهوررئیس د خپلو خبرو په پای کې ټینګار وکړ د ښارګوټو حقوقي موضوع باید حل شي چې وتوانېږو د عوایدو او خدماتو ترمنځ اړیکه رامنځته کړو. #پاى- ع

دويچلې باختر د غبرګولي څلورمه : دامريکا دمتحده ايالاتو مقاماتو ويلي دي چې ددغه هېواد ځانګړو علمياتو يوسرتيرى په افغانستان کې دائتلاف او دامريکايي ځواکونو د راتلونکي قوماندان په توګه تاکل کيږي لاتراوسه پورې ددفاع وزارت مقاماتو په رسمي ډول په دغه مقام دهغه نوماندي نه ده اعلا م کړې . دګرجنرال سکات ميلر چې ټاکل شوې ده په افغانستان کې دناتو او دامريکايي ځواکونو دقوماندانۍ لپاره ونومول شي دجان نيکلسون ځاى ناستې کيږي چې د ٢٠١٦ ميلادي کال دمارچ له مياشتې څخه تراوسه پورې دنړيوالو ځواکونو رهبري په غاړه لري . په دغه مقام دميلر ټاکنه بايد دامريکا دمتحده ايالاتو دسنامجلس له خوا تاييد شي . دى اوس دامريکا دمتحده ايالاتو داردو دپټو ګډو عملياتو دبرخې قوماندانۍ په غاړه لري چې دنړۍ په ګوټ ګوټ کې داردو ځينې ډير حساس عمليات ترسره کوي . اووه پنځوس کلن سکات ميلر پخوا په ٢٠١٣ او ٢٠١٤ ميلادي کلونوکې په افغانستان کې دځانګړو عملياتو دواحد درييس په توګه کار کړى دى اوپه عراق اوسوماليا کې هم جنګي ماموريتوته ترسره کړي دي ، لومړى دوالستريت ژورنال ورځپاڼې په دغه مقام دميلر دنوماندى خبرورکړى دى . امريکايي مقاماتو هم دخپلو نومونو دنه څرګندولو په شرط دغه تصميم تاييد کړى دى . يوه امريکايي مقام وويل چې ټاکل شوې ده ددغه مقام لپاره دميلر نوماند دي په ډير لنډ ممکن وخت کې اعلام شي ميلر چې په دغه مقام په ټاکل کيدو سره ستر جنرالي ته ترفيع کوي په داسې وخت کې به دغه دنده په غاړه واخلي چې دافغانستان امنيتي ځواکونه دطالبانو او داعش دډلو دپرمختګ دمخنيوي په تکل کې دي . ختم_ عطاالله _ اکرم

دامريکا غږ باختر د غبرګولي څلورمه : داسلامي همکاريو دسازمان رييس يوسف العشيمين په قندهار ولايت کې دسه شنبې دورځې خو نړۍ چاودنه په کلکه وغندله . دتيرې سه شنبې په ورځ دقندهار ښار دڅوارلسمې حوزې په يوه سراى کې هغه وخت چاودنه وشوه چې دافغانستان دملي امنيت ځواکونو په بمونوبار يو موټر کشف کړى و چې دچاودنې له امله يې يو ويشت تنه ووژل شول او څلويښت تنه نور ټپيان شول . داسلامي همکاريو دسازمان په يوه اعلاميه کې چې پرون خپاره شوه په افغانستان کې وروستي خونړي او ځانمرګي بريدونه چې له امله يې ملکي وګړو او دولتي کسانو ته مرګ ژوبله اوښتې وه ، په کلکه غندل شوى دى . داسلامي همکاريو سازمان چې مقر يې دسعودي عربستان په جده ښار کې دى وايي چې دافغانانو په مشرۍ دسولې دخبرو ملاتړکوي او په افغانستان کې دثبات په تامينولو او پرمختګ ژمن دى . ختم_ عطاالله _ اکرم
کابل_باختر د غبرګولي د مياشتې٤مه په هېواد کې د وروستیو تروریستي پېښو د شهیدانو روح ته د دعا او فاتحې مراسم د افغانستان د اسلامي جمهوریت د جمهوررئیس محمداشرف غني په حضور پرون ماسپښین د ارګ په جامع جومات کې پرځاى شول. دجمهوررييس دوياند دفترباخترآژانس ته خبرورکړ. په دغو مراسمو کې چې د هېواد لومړۍ مېرمن، د جمهوررئیس دویم مرستیال، اجرائیه رئیس، د اجرائیه ریاست دویم مرستیال، د مشرانو جرګې رئیس، یو شمېر وزیرانو، د جمهوري ریاست سلاکارانو، د عالمانو شورا غړو، ښځو او د شهیدانو وارثانو په کې حضور درلود، د هېواد یو شمېر قاریانو د قران شریف ختم وکړ او د هېواد د شهیدانو په ځانګړي ډول د وروستیو تروریستي پېښو د ملکي او نظامي شهیدانو روح ته دعا وشوه. دغه راز د قران عظیم الشان د ختم ګډونوالو د خدای تعالی په دربار کې په هېواد کې د تلپاتې سولې او ثبات د ټینګښت او د جنګ او تفرقې د پایته رسېدو په خاطر دعا وکړه. د قرآن شریف د ختم له مراسمو وروسته جمهوررئیس د وروستیو تروریستي پېښو د ملکي او نظامي شهیدانو له وارثانو سره په کتنه کې غمشریکي وکړه. په دې کتنه کې د شهید هدایت الله زهیر ورور خلیل الله قریشي او د شهید جمعه ګل پلار محمدیاسین سلیمان شاه د وروستیو تروریستي پېښو د ملکي او نظامي شهیدانو د وارثانو په استازیتوب خبرې وکړې. د شهید زهیر ورور له جمهوررئیس څخه وغوښتل د جلال اباد وروستۍ تروریستي پېښه چې یو شمېر خلک په کې شهیدان او ټپیان شول، و څېړل شي، عاملین دې پیدا او مجازات شي. محمد یاسین سلیمان شاه په خپلو خبرو کې د شهیدانو له کورنیو سره د غمشریکۍ او خواخوږۍ او دغه راز هغوی ته د رسېدنې په خاطر له جمهوررئیس څخه مننه وکړه او ډاډ یې ورکړ چې د امنیت د ټینګښت په خاطر د نظام ترڅنګ ولاړ او هر ډول قربانۍ ته چمتو یوو. په دې کتنه کې د هېواد جمهوررئیس یو ځل بیا د وروستیو تروریستي پېښو د شهیدانو کورنیو ته د خپلې ډاډګېرنې او خواخوږۍ مراتب څرګند او ډاډ یې ورکړ، د جلال اباد په ښار کې وروستۍ تروریستې پېښه په هر اړخیزه توګه ارزول کېږي. هغه زیاته کړه: ستاسې درد او غم زما او د ټولو خلکو شریک درد دی او د دې ستر غم پر وړاندې ستاسې له صبر او حوصله‎مندۍ څخه منندوی یم او هیله ده چې د شهیدانو ارزوګانې او غوښتنې پوره کړو. جمهوررئیس وویل که دښمن فکر کوي چې زموږ د خلکو په شهیدانولو سره خپلې شومې موخې ته رسېږي، بیا دې فکر وکړي، زموږ شهیدان د حق د لارې شهیدان دي چې د دوی ژمنتوب، صداقت او وطندوستي هیڅکله هم نه هېرېږي. جمهوررئیس غني ټینګار وکړ د شهیدانو کورنیو ته رسیده ګي د حکومت کاري لومړیتوب دی او زه په دوامداره ډول د شهیدانو وارثانو ته د رسیده‎ګۍ په خاطر له اړوندو مسوولینو څخه راپور ترلاسه کوم او په راتلونکي کې به هم په دې برخه کې اقدامات وشي. #پاى-ع
Page 1 of 1843