21 September 2018

RSS Facebook

سوداگریز


تازه خبرونه

فرمان

فرمان

کابل باختر د وږي نهه ويشتمه : دجمهور رييس دځانګړي...

Youtube Player

khantry design

سوداگریز

سوداگریز

سیاسی

کابل باختر د وږي  نهه ويشتمه :
دجمهور رييس دځانګړي استازې او دامريکا دمتحده ايالاتو لپاره دافغانستان دلوى سفيرې دټاکنې په باب  دافغانستان داسلامي جمهوريت  درييس  محمد اشرف غني فرمان .
دافغانستان  او دامريکا دمتحده ايالاتو ترمنځ ددوستانه اړيکو  او ددغو اړيکو دلازيات ټينګښت  په پام کې نيولو سره دجمهور رييس دځانګړي استازې او دامريکا په متحده ايالاتو کې  دافغانستان داسلامي جمهوريت دلوى سفيرې په توګه له  رتبې څخه په بهر بست کې دملګروملتو په چارو کې  دجمهور رييس   دسترې سلاکارې  فرخندې زهرا نادري ټاکنه  منظوره ده .
دلوى خداى ( ج ) له دربار څخه دې ته  دزياتو برياليتوبونو هيله کوم .

کابل باختر د وږي  نهه ويشتمه :
دهرات  دولايتي شورا مسوولينو  داوسني امنيتي حالت  او په دولتي ادارو کې دمسوولينو دناغيړى  له امله  انديښنه څرګنده کړه .
دهرات دولايتي شورا  دنوبتي غونډې له جوړيدو سره جوخت  دولايتي شورا رييس  کامران  عليزي د ولايتي شورا هر يوغړي ته  مشخصې دندې وسپارلې چې د شته نيمګړتياو او نواقصاتو دلرې کولو په هکله جدي پاملرنه او رسيدګي وکړي .
ده په هرات ولايت کې  د رقابتي ازموينو داخستلو دڅارنې په باره کې  وکيلانو ته  لازمې لارښوونې وکړې  .
دهرات دولايتي شورا مرستيال  درقابتي ازموينو داخستلو په باره کې  خبرې وکړې او پريکړه وشوه  چې دهېواد دجمهور رييس له حکم سره سم  دې  دولايتي شورا غړي  خپل نظارتي بهير ته دوام ورکړي  او په نوبتي غونډو کې دې  خپل رپوټونه  وړاندې کړي . تر دې چې  غوره او لايق کسان  په  کمبودو بستونو کې وټاکل شي  او يوشمير ځوانانوته  دکار زمينه برابره شي .
  دغونډې دکار په دوام  دولايتي شورا دکميټو رييسانو غلام حبيب هاشمي ، عبدالرحيم  صالحي تيموري  ، ډاکتر نور احمد حيدري او عبدالرسول  جمشيدي دخپلو کړنو رپوټونه وړاندې کړل .
  ختم_  ف – اکرم

١-کابل باخترد وږي ۲۹
د افغانستان د اسلامي جمهوریت جمهور رئیس محمد اشرف غني نن له غرمې مخکې د کابل دشت برچي حضرت رسول اکرم (ص) جامع جومات کې د عاشورا ورځې د نمانځنې په مراسمو کې ګډون او وینا وکړه.
دجمهوررييس دوياند دفترباخترآژانس ته خبرورکړ.
جمهور رئیس وویل، د سني او شیعه ټولو مسلمانانو دیني روایاتو کې عاشورا له لویو اسلامي شعایرو څخه ګڼل کېږي او عاشورا د بې عدالتي، فساد اوله بیت المال څخه د ناروا ګټې پر وړاندې د مقاومت درس دی.
جمهور رئیس غني وویل: نن هغه ځای ته راغلی یم چې څوځلي له ګواښ، تهدید او خطر سره مخامخ و، له کوم خطر سره چې تاسو مخامخ یاست، ما هم دا خطر ومانه. موږ نن یو ځل بیا د امام حسین (رض) لارې سره د ژمنې د تازه کولو مقام کې یوو.
محمد اشرف غني زیاته کړه: نن د وخت یزیدان غواړي افغانستان په بله کربلا بدل او د  مومنانو غم او ماتم زیات کړي، خو کوم درس مو چې له ګران پیغمبر (ص) څخه زده کړی دادی چې د عدالت، عزت او کرامت غږ پر ظلم او جنایت بریالی کېږي. 
جمهور رئیس څرګنده کړه، پر جوماتونو، عبادتځایونو، ښوونځیو، علمي او ټولنیزو مرکزونو د تروریستانو بریدونه چې په هر نامه او ادعا وي د شِمر او یزید له لارې او رسم پرته بله داعیه نه ده.
د هېواد جمهور رئیس څرګنده کړه، په زابل، هلمند، پکتیا، ننګرهار او په دې وروستیو کې په شینوارو او برچي کې په شویو بریدونو کې زموږ بې دفاع هېوادوال شهیدان شول، د افغانستان د ټولو خلکو درد او غم یو دی.
جمهور رئیس وویل، د افغانستان دښمنان غواړي دغو بریدونو ته قومي او مذهبي بڼه ورکړي او دا زموږ لپاره لوی خطر دی، موږ د خلکو په ګډه همکارۍ د دغه ګواښ پر وړاندې بریالي کېدلی شو.
جمهور رئیس محمد اشرف غني وویل، واړه او لوی سیاستونه زموږ په امنیت کې ځای نه لري او زموږ د هېوادوالو د امنیت د ګډوډۍ لامل باید نه شي. هغه له ټولو خلکو وغوښتل چې د امنیت د تامین په برخه کې اجماع ته ورسېږي.
جمهور رئیس له خلکو وغوښتل چې په دې مبارزه کې ټول د یو بل تر څنګ واوسي او د مذهب، ژبې، قوم، ګوند او ټبر په نامه د نفاق اچونکو پر وړاندې په هوښیارۍ ودرېږي.
جمهور رئیس غني وویل: د دې وطن د شیعه او سني وینه یو رنګ لري، د دې وطن د تاجک او پښتون برخلیک ګډ دی. د دې خاورې د هزاره او ازبک ابرو د ټولو ابرو ده. د ساداتو، بلوڅو، پشه یانو، پامیریانو او د دې ملت د ټولو قومونو اولادونه تر یو چتر لاندې ملي ارمان او ګډ تاریخي انتخاب لري.
د هېواد جمهور رئیس څرګنده کړه، د هېواد د دښمنانو له پرله پسې ورانکاریو سره سره افغانستان د بېلابېلو اسلامي مذهبونو د پیروانو د یووالي غوره بېلګه ده او موږ به دغه وحدت لا غښتلی کړو.
جمهور رئیس څرګنده کړه، حکومت له دښمنانو سره د مقابلې لپاره لازم تیاری لري چې په څلورو امنیتي زونونو د کابل وېش، د ګواښونو طبقه بندي، د بېلابېلو قشرونوله مشورو څخه استفاده او د امنیتي زون په توګه د کابل لویدیځ په پام کې نیول د دې اقداماتو یوه برخه ده.
د هېواد جمهور رئیس زیاته کړه، د کابل امنیه قومندانۍ په کچه یو معاونیت ایجاد شوی چې د کابل د لویدیځ د امنیت د تامین مسوولیت لري، استخباراتي پوښښ پراخېږي، په زیانمنونکو سیمو کې تصفیوي عملیات جریان لري.
جمهور رئیس زیاته کړه، د ترهګرۍ پر ضد جنګ کې زموږ بریالیتوب د دولت او ملت په متقابلې همکارۍ پورې تړاو لري او د نړۍ په پرمختللو هېوادونو کې هم د خلکو او دولت تر منځ دوه اړخیزه همکارۍ د ګواښونودشنډولو، د توطیو د خنثی کولو او د تروریستانو د ماتې لامل کېږي.
جمهور رئیس غني د دې مطلب په بیانولو سره چې په سیاسي حوزه کې د نظر اختلاف د اندېښنې وړ نه دی، زیاته کړه، سلیقوي مسایل، د لیدلورو تفاوت او د عادي چارو شکایت د اندېښنې وړ او له ملي ګټو او د خلکو وحدت څخه د غفلت لامل کېږي.
جمهور رئیس د دښمن شوم نیت څخه د خلکو د خبرولو  او د پیوستون رامنځته کولولپاره د دیني عالمانو، مخورو، ځوانانو او مدني فعالانو د کوښښونو قدرداني وکړه او هیله یې څرګنده کړه چې د جنګ او ناامنۍ ځای سراسري سوله او ثبات ونیسي. 
په دغو مراسمو کې د عالمانو په استازیتوب محمد فیاض، د شهیدانو د کورنیو په استازیتوب علوي او همدارنګه د جمهوري ریاست دویم مرستیال استاد محمد سرور دانش هم خبرې وکړې.

کابل \باختردوږي دمياشتې٢٨نيټه :     
د افغانستان د اسلامي جمهوریت اجرائيه رئيس ډاکټر عبدالله عبدالله وايي چې په کورنیو چارو وزارت کې پیل شوي اصلاحات بنسټیز دي او د پخوا په پرتله له فساد سره مبارزه، د پولیسو په لیکو کې د ښځو ونډه، د ظرفیتونو رامنځته کېدل او د شهیدانو کورنیو ته رسیدګي ښه شوې ده.
اجرائيه رئیس چې نن یې په سپېدار ماڼۍ کې د پولیسو او نړیوالو ملاتړو ترمنځ یې د همکاریو ګډ بورد ته خبرې کولې وویل، چې پولیس له خلکو او خاورې څخه د دفاع په لومړۍ کرښه کې قرار لري او د دښمن لومړی هدف هم ګرځېدلي دي.
ډاکټر عبدالله عبدالله له پولیسو څخه مننه وکړه، چې په قربانیو سره یې د دښمن مخه نیولې او دفاع یې کړې؛ خو د پولیسو له لوړو تلفاتو یې اندېښنه وښوده. اجرائيه رئيس وویل، په تاسف سره چې د پولیسو تلفات خورا لوړ دي او دا د دې اړتیا رامنځته کوي چې کورنیو چارو وزارت او نړیوال همکاران یې دې مسالې ته جدي پاملرنه وکړي او له ټولو ممکنه لارو څخه کار واخلي څو تلفات را ټيټ شي.
اجرائيه رئيس له خپل نړیوالو دوستانو څخه هم مننه وکړه، چې د افغان پولیسو د روزنې او تجهیز په برخه کې همکارې کړې ده.
هغه زیاته کړه، چې تېر کال په دې ناسته کې د پولیسو څلور کلنه ستراتېژي وړاندې شوه چې له مخې په کورنیو چارو وزارت او پولیسو اړوند ټول مسايل په کې په اساسي ډول څېړل شوي و چې په عملي کېدو سره یې پولیسو د مسلکي کېدو خواته ګام اخیست.
اجرائيه رئيس دغه راز وویل، ستره ستونزه دا هم وه، چې د پولیسو تشکیل د تېرو څلوېښتو کالو او د اوسني نفوس او غوښتنو ته ځواب ویونکی نه و.
ډاکټر عبدالله عبدالله د یوشمېر سیاستوالو وروستیو څرګندونو ته په اشارې نړیوالو دوستانو ته په خطاب کې وویل: یوشمېر مغرضو کسانو ستاسو د حضور په اړه غیر مسوولانه څرګندونې کوي؛ خو ستاسو د کار او همکارۍ پایله ولس اخیستې او هغوی یې په ارزښت پوهېږي چې له افغان امنیتي ځواکونو سره د نړیوالې ټولنې مرستې څومره حیاتي او ارزښتمنې دي. تاسو د افغانستان د ثبات او ټيکاو لپاره هڅې کوئ چې د مننې وړ ده.
اجرائيه رئيس وویل، چې د ملي یووالي حکومت په کورنیو چارو وزارت کې له ټولو اصلاحي او پراختیايي پروګرامونو چې د پولیسو د وضعیت د بهبود لامل کېږي ملاتړ کوي؛ خو کورنیو چارو وزارت ته یې سپارښتنه وکړه، چې په پیاوړي عزم او ارادې له خپلو نړیوالو دوستانو سره په همغږۍ د اصلاحاتو لپاره کار وکړي.
هغه له کورنیو چارو وزارت وغوښتل چې په تصمیم ګیرۍ کې د ښځو د ګډون لپاره دې خپله طرحه د حکومت رهبرۍ ته ورکړي.
ډاکټر عبدالله عبدالله ټاکنو ته په اشارې وویل، چې د پولیسو وظیفه یوازې د امنیت ساتل دي او پولیس باید په مسلکي ډول او غیر طرفدارۍ ډول د خلکو امنیت تامین کړي څو د رایه ورکولو بهیر ښه ترسره شي. خلکو ته باید مطمینه فضا را منځته شي.
اجرائيه رئيس زیاته کړه، چې په کورنیو چارو وزارت کې پرمختګ او ارتقا له هر ډول تړاونو پرته او یوازې د واقعي ظرفیت او قابلیت په نظر کې نیولو سره ترسره شي او خلک په هره کچه په کې ځان وویني.
ډاکټرعبدالله عبدالله وویل، چې پولیس له دښمن سره د مبارزې وړتیا لري او هېڅکله له هغه دښمن سره د پرتلې وړ نه دی چې تیاره فکر لري، موخه، لاره او روش یې اشتباه او خلکو ته د منلو وړ نه دی.
په همدې حال کې د کورنیو چارو وزیر ویس احمد برمک وویل: د همکاریو مشترک بورد یو مکانیزم دی چې د کورنیو چارو وزارت ټولې کړنې، ژمنې او اصلاحي پروګرامونه په کې تر بحث لاندې نیول کېږي او له نړیوالو دوستانو سره شریک کېږي.
هغه وویل، چې کورنیو چارو وزارت کې د پلي شویو او روانو اصلاحاتو په لړ کې اوس دغه وزارت له یوې داسې ادارې څخه چې تل به پرې د فساد تورونه وو، په یوې حساب ورکوونکې او شفافې ادارې بدل شوی دی.
نوموړي زیاته کړه، چې ټولې چارې د یوه منظمې ستراتېژۍ او د یوه منظم سیستم له لوري پر مخ ځي او د څه باندې اوه نوي سلنه پولیسو بایو میټریک شوی، څو د خیالي پولیسو مخه ونیول شي.
ویس احمد برمک اندېښنه وښوده چې لا هم په ځينو سیمو کې زورواکي د خلکو امنیت اخلال او روان یې نارامه کوي خو ډاډ یې ورکړ چې پولیس به یې پر وړاندې په کلکه مبارزه وکړي.
په همدې حال کې د کاناډا سفارت شارژدافیر په پولیسو کې له پلي شویو اصلاحاتو خوښي وښوده او ویې ویل، چې کاناډا به له افغانستان سره په دې هېواد کې د سولې او ثبات تر تامین پورې خپلو مرستو دوام ورکړي.
په کابل کې د برېټانیا سفیر هم وویل، چې دمګړۍ افغان پولیسو ډېر پرمختګ کړی او د خپلو مرستو له دوام یې ډاډ ورکړ. هغه وویل، چې دی به د دې ګډ بورد د مشر په توګه هڅه وکړي چې د کورنیو چارو وزارت له پروګرامونو او ستراتېژۍ څخه ملاتړ ته نړیوال وهڅوي او په دې برخه کې به مرستې راټولې کړي.
هغه له پلي شویو او پلي کېدونکیو اصلاحاتو ملاتړ اعلان کړ او ویې ویل، چې په شفاف ډول به ګډ کار وکړي څو افغان پولیس په یوازې سره د ننګونو پر وړاندې ودرېږي او مسلکي خدمات وړاندې کړي.# 
پای – ذ

Page 1 of 1916