19 July 2018

RSS Facebook

سوداگریز


تازه خبرونه

جمهوررئیس غني د جمهوري ریاست (ارګ) ارشیف پرانیست

جمهوررئیس غني د جمهوري ریاست (ارګ) ارشیف پرانیست

کابل \باختردچنګاښ دمياشتې٢٨نيټه : د افغانستان د اسلامي...

په فراه کې دوسله والوطالبانو دډلې يو مرکز له منځه يوړل شو

په فراه کې دوسله والوطالبانو دډلې يو مرکز له منځه يوړل شو

دفراه ښار\باختردچنګاښ دمياشتې٢٨نيټه : هوايي ځواکونو تيره شپه ...

Youtube Player

khantry design

سوداگریز

سوداگریز

سیاسی

کابل باختر دتلې ٨مه
د بهرنیو چارو وزیر ډاکټر زلمي رسول  نن په نیویارک کې د ملګرو ملتونو د ۶۷ مې غونډې په ترڅ کې د اسلامي همکاریو سازمان د همغږۍ په کلنۍ ناسته کې ګډون وکړ.
دبهرنيو چارو وزارت داطلاعاتو اوخپرونو مديريت باختر اژانس ته خبر ورکړ
ډاکټر رسول د لیږد بهیر په چټک او خپل وخت پرمختګ، د ټوکیو کنفرانس او د سولې بهیر په برخه کې د افغان سولې عالي شورا د نویو هڅو په بریالیتوب ټینګار وکړ. ډاکټر رسول د اسلامي همکاریو سازمان په غړیو هیوادونو غږ وکړ چې د افغان ولس د تلپاتې سولې په ځای هڅو ملاتړ وکړی.
" د افغانستان روغې جوړې هڅو پراختیا موندلې ده،" ډاکټر رسول وویل. " سعودی عربستان ته د سفر بشپړولو وروسته، د سولې عالي شورا یو لوړ پوړې هيئت  چې مشرۍ به یې د نوموړۍ شورا مشر صلاح الدین ربانی کوي په نږدې راتلونکې کې د سولې بهیر د مخته وړلو په موخه د پایله لرونکو خبرو اترو په اړه پاکستان ته سفر وکړي."
" مونږ په ځانګړې توګه د روغې جوړې د هڅو د بریالیتوب په برخه کې د اسلامي همکاریو سازمان د ملاتړ څخه مننه کوو او په غړیو هیوادونو غږ کوو چې له مونږ سره هره ممکنه مرسته وکړي ترڅو د افغان ولس د تلپانې او يواځینې سولې هیلې ترلاسه شي."
ډاکټر رسول همداراز په دی وروستیو کې د اسلام ستر پیغمبر حضرت محمد (ص) ته سپکاوې په کلکو ټکو وغانده او وی ویل، " دبيان آزادي بايد هيڅکله پیغمبرانو، ادیانو او عقیدو ته د سپکاوي د یو شین څراغ په توګه ونه کارول شي".
 

کابل باختر دتلې ٨ مه
د بهرنیو چارو وزیر ډاکټر زلمي رسول له خپل دنمارکې سیال ښاغلي ویلی سوندال سره د تلې په ۵ نېټه په نیویارک ښار کې د ملګرو ملتونو په ۶۷ عمومي اسامبلۍ په څنډه کې وکتل.
دبهرنيو چارو وزارت داطلاعاتو اوخپرونو مديريت باختر اژانس ته خبر ورکړ
ډاکټر زلمي رسول د افغانستان او دنمارک تر منځ د اوږد مهال استراتیژیکې ملګرتیا تړون لپاره د دنمارک له وړاندیز څخه په کلکه هرکلی او هغه یې قبول کړ.
ډاکټر زلمي رسول د افغانستان د حکومت او خلکو د قدردانۍ مراتب د دنمارک حکومت او خلکو ته د هغو مرستو له امله  چې دوی د افغانستان د پرمختیا او امنیت په برخو کې د کلونو په بهیر کې ترسره کړي دي، وړاندې کړ.
ډاکټر رسول وویل، " د نمارک په افغانستان کې زموږ د سولې، امنیت او پرمختیایې هڅو په لمړي لیکه کېدي  او د دې سخاوتمده مرستو لپاره موږ د دنمارک څخه منندوی یو. " ښاغلی ویلي سوندال وویل، " د نمارک به افغانستان سره د مرستې او ملاتړ لپاره پر خپلو ژمنو ولاړ وي. " د ۲۰۰۳ کال راهیسي د نړیوالو سوله ساتي ځواکونو د یو مهم غړي په توګه دنمارک په کابل او هلمند ولایتونو کې د افغان ملي امنیتي ځواکونو څخه د ملاتړ لپاره څه نا څه۷۰۰ سرتیري لري. همداراز دغه  هېواد د کلونو په بهیر کې د افغانستان د بیارغونې، اقتصادي ودې او دموکراتیک پرمختیا لپاره د67208 میلیونو ډالرو سخاوتمنده مرستې کړي دي. 
 

کابل باختر دتلې ٨ مه
کابل – د بهرنیو چارو وزیر ډاکټر زلمي رسول او د هغه پیرویې سیال ښاغلی رافایل رنکاګیولو په ملګرو ملتونو کې د پیرو به دایمي ماموریت کی په ځانګړو مراسم کې چې د تلې په ۶ نېټه په نیویارک ښار کې جوړ شوی وو، د افغانستان او پیرو تر منځ د ډیپلوماتیکو اړیکو سند لاسلیک کړ.
دبهرنيو چارو وزارت داطلاعاتو اوخپرونو مديريت باختر اژانس ته خبر ورکړ
ډاکټر زلمي رسول د لاسلیک د مراسمو څخه وړاندې په خپلو خبرو کې وویل، د دواړو هېوادونو تر منځ د ډيپلوماټیکو اړیکو د رامنځته کولو سند نه یواځې د دواړو حکومتونو ترمنځ د نږدۍ او دوستانه اړیکو یو نوي پړاو پرانیزي، بلکې دا سند به د دواړو ملتونو ترمنځ اړیکې هم پیاوړي کړي. هغه پر دموکراتیک پرمختیا، د مخدره توکو او تروریزم پر وړاندې مبارزې، د طبیعي سرچینو پراختیا او نورو اقتصادي برخو کې د دواړو هېوادونو پر ګډو تجربو ټینګار وکړ.
همداراز ښاغلی رنکاګیولو د دواړو هېوادونو تر منځ د ډیپلوماټیکو اړیکو په رامنځته کولو باندې خپل خوښي څرګند کړ او وې ویل، " زه غواړم خپله ټینګه ژمنه داسې څرګند کړم، چې د افغانستان او پیرو د اړیکو له لارې، چې د دوه اړخیزو همکاریو د پېل یو سمبول دی، مونږ به خپلو ملتونو ته د ډموکراسۍ، ټولنیز عدالت او د سولې په پرمختیا کې ګډو موخو جوړولو ته دوام ورکړو. "دواړو هېوادونو هوکړه کړي وه، چې د ډاکټر زلمي رسول د سفر په بهیر کې چې د دې کال د جون په میاشت کې ترسره کېږي، مخامخ ډیپلوماټیکې اړیکې به رامنځته کړي.
 

کابل باختر دتلي اتمه
دملي شورا  دمشرانو جرګي  رييس فضل هادي مسلميار  ديو هيئت په مشرۍ دبلخ ولايت مرکز دمزارشريف ښار ته ورسيد .
دمشرانو جرګي  مطبوعاتي  دفتر باختر اژانس ته خبر ورکړ  دغه سفر  دبلخ ولايت دچارود څيړنې په مقصد شوي دي .
دمزارشريف   له ښار  څخه دباختر اژانس دخبر له مخې دمشرانو جرګي رييس نن په هغې غونډه  کې  چې  دبلخ  دوالي ، دعالمانو دشورادرييس ، دسولې شورا درييس او دامنيتي اونظامي  مسوولينو په ګډون جوړه شوي وه  برخه واخيسته .
دبلخ والي عطا محمد نور داقتصادي ، فرهنګي ، ښوونې او روزنې ، بيا جوړولو ، کرنې او اوبو لګولو او دامنيتي حالت په اړوند هيئت ته هراړخيز معلومات ورکړل .
دبلخ والي ددغه ولايت دستونزو اوچلنجونو په باب هيئت ته معلومات ورکړل .
دغه راز دمشرانو جرګي رييس فضل هادي  مسمليار د بلخ دوالي رپوټ مثبت وباله او دهغو اجرااتو له امله يې  چې په دغه ولايت کې ترسره شوي دي قدرداني  وکړه .   او وي ويل چې دبلخ ولايت دهيواد امن ولايتونو له جملې څخه دي ملکي او اداري مسوولين  دې بايد له دغو امکاناتو څخه ښه استفاده وکړي او په ټولو برخو کې دې زيات کار اوهلې ځلې وکړي  چې دبلخ ولايت زياته وده او پرمختيا وکړي .
دغه رازپه دې غونډه کې دعالمانو شورا رييس او دسولې دشورا رييس دنورو په استازيتوب خبري وکړي او خپلې ستونزي  يې هيئت په وړاندې کړي .