25 June 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

سیاسی

کابل -باخترد وږي دمياشتې  ٨ :
دبهرنيو چارو د وزير ډاکترزلمي رسول  له خوا دقرغزستان  جمهوريت ، سلواک جمهوريت ، تاجکستان  جمهوريت  اودازبکستان جمهوريت دملي ورځو لپاره ددغو هېوادونو دبهرنيو چارو دوزيرانو په نامه دمبارکي جلاجلا پيغامونه ليږل شوي دي .
دبهرنيو چارو وزارت داطلاعاتو اوخپرونو مديريت باختراژانس ته خبرورکړ: په دغو پيغامونو کې دمبارکيو دډيرو ښو مراتبو دڅرگندولو ترڅنګ دافغانستان اوددغو هېوادونو ترمنځ د دوستانه اړيکو پر لازيات ټينګښت اوپراختيا  باندې ټينګار شوى دي.
 

کابل باختر د وږي اوومه
دسيمه ئيزو ارګانونو  د اداري ويندوى وايي  چې دهيواد د واليانو د کړنو دڅيړنې رپوټ  ددغې ادارې له خوا  بشپړ او جمهوري رياست ته وړاندې شوى دى .
  دسيمه ئيزو ارګانونو دادارې ويندوى  محمد بشير  بهرام  نن  دباختر اژانس  له خبريال سره په خبرو کې وويل:  دهيواد دجمهور رييس د ٤٥ ګڼه فرمان له مخې  دغې ادارې  ديوې مياشتې په دننه کې  دولايتونو دواليانو کړه وړه  او فعاليتونه  وڅيړل او دجمهوري رياست  مقام ته يې  وړاندې کړل .
  ده وويل  چې دغه څيړنه  دخلکو  دنظر سنجونې له مخې  شوې ده . او د بيا جوړولو  ،  دلويو لارو دامنيت دتامينولو ، دمرستو دجلبولو او دکوکنارو دکرکيلي  په بندولو کې ترسره شوي کارونه  څيړل شوي دي .
  بهرام وويل:  ددغې څيړنې له مخې  واليان  په دريو کټه ګوريو  ويشل شوي دي  چې بريالي واليان  ، هغه واليان چې  مثبت کارونه يې کړي دي  خو کمزورې  مديريت لري  او دريم  هغه واليان دي  چې خلک  ورڅخه  خوښ نه دي .
  د سيمه ئيزو ارګانونو دادارې دويندوى  وويل  چې تراوسه پورې  دوړاندې شوي رپوټ په باب  دجمهور رييس له خوا کومه لارښوونه نه ده شوى . خو  په دې اړوند دزياتوجزئياتو  له وړاندې کولو او دبرياليو  او نه برياليو واليانو دنومونو  له اخستلو څخه يې ډډه وکړه .
 

کابل باختر د وږي اوومه:
  دناټو ملکي استازې سايمن ګاس نن له غرمې مخکې  دجمهور رييس له مرستيال محمد کريم خليلي سره  دمخه ښې کتنه وکړه .
دجمهوري رياست مطبوعاتي دفتر باختر اژانس ته خبر ورکړ: په دې کتنه کې په دې ترڅ کې چې دواړو لورو دسيمې او دافغانستان سياسي حالات اوبدلونونه  په هراړخيزه توګه وڅيړل دجمهوري رياست مرستيال  په افغانستان کې دناټو دملکي استازې دماموريت په دوران کې دده دهڅو او هاند له امله مننه اوقدرداني وکړه  .
دغه راز کاس  څرګنده کړه له هغو انديښنو سره سره چې دنړيوالو رسنيو له خوا په افغانستان کې دناټو له پوځي ماموريت په ٢٠١٤ کال کې له دغه  هيواد څخه دنړيوالو سرتيرو دوتلو په برخه کې دنړيوالو رسنيو له خوا طرحه کيږي ، دافغانستان دولت او نړيوالې ټولنې دپاملرنې وړ برياليتوبونه ترلاسه کړي دي .
ده وويل: ددولت دامنيتي ځواکونو  ځواکمني  د زياتوالې په حال کې ده ، نړيوالې ټولنې دافغانستان له دولت اوخلکو سره دملياردونو ډالرو مرستې ژمنه کړې ده او ددولت وسله وال مخالفين هم دسياسي حل له يوې لارې سره علاقمندي ښيي .
   دده د څرګندونو له مخې، دافغانستان له خلکو او دولت سره په مرسته  کې دتوکيو اوشيکاګو په کنفرانسونو کې دنړيوالې  ټولنې ژمنې هغه اقدام دي چي دنړۍ په تاريخ کې سارې نه لري .
  ورپسي  دجمهور رييس مرستيال محمد کريم خليلي ددغه ټکي په بيانولو سره چې له بده مرغه  ځينې نړيوالې رسنۍ هغو انديښنو  ته چې طرحه کيږي زياته ژورتيا  ور بخښي وويل: زه باور لرم چې نړيواله ټولنه به له  ٢٠١٤ کال وروسته هم دافغانستان  ددولت تر څنګ وي او له نيکه مرغه ددولت دامنيتي ارګانونو ځواکمني هم په کمي  لحاظ او هم په کيفي  لحاظ د ودې  اوزياتوالې په حال کې دي .
دجمهور رييس مرستيال دغه راز زياته کړه که څه هم په سيمه کې ځينې ټاکلې ټولنې هلې ځلې  کوي چې  دياغيانو دملاتړ او دوسله والو  مخالفينو دروزنې پياوړتيا اوسمبالولو دزمينو په برابرولو  سره ستونزې پيداکړي  او له هر راز رامنځته شوى  فرصت څخه دځان په ګټه  استفاده وکړي خو دافغانستان دولت او نړيواله ټولنه له  ٢٠١٤ کال وروسته له تروريزم سره دمبارزې لپاره غوڅ هوډ لري .
  دغه راز  ده څرګنده کړه چې داصلاحاتو رامنځته  کولو ، له فساد  ناوړه چلند اوبې کفايتو  دمبارزې لپاره دافغانستان  ددولت هوډ غوڅ دى  او په دې باب مشخص پروګرامونه ترلاس لاندې لري .  چې ددغه پروګرام تطبيق  سرله اوسه پيل شوى دى . او په جديت سره به پرمخ لاړ شي اوپه دې صورت کې به ددولت اوخلکو ترمنځ دواټن شتون کم شي .
  ده دغه راز له اداري فساد سره دمبارزې  په کار کې دافغانستان له دولت سره دنړيوالې  ټولنې په  همکاري اوهمغږي باندې ټينګار وکړ .
دجمهور رييس مرستيال په  ٢٠١٤ کال کې دانتخاباتو دبهير ترسره کولو او له هيواد څخه دنړيوالو ځواکونو وتلو ته په اشارې سره ددغو دوو پروګرامونو دمديريت په څرنګوالې کې دافغانستان ددولت او دنړيوالې ټولنې ترمنځ په لازمو همغږيو باندې ټينګار وکړ اوزياته يې کړه چې تيرو تجربو  ته په پاملرنې  سره بايد دغه دوه بهيرونه داسې مديريت  شي چې مخکې له مخکې دهر راز ناوړو استفادو  مخه ونيول شي .
ده په نړيوالو همکارانو له کورنيو  امنيتي ځواکونو له خوا وسله والو بريدونو ته په اشارې سره څرګنده کړه  چې دامنيتي ارګانونو کمزورتيا  اونيمګړتياوې په دغو قضيو کيښکلي دي خو واقعيت دادى چي ځينې دغه بريدونه هم دبهرنيو ټولنو له خواتنظيميږي .
  دجمهور رييس مرستيال يو ځل بيا په افغانستان کې  دناټو دملکي استازې په توګه دسايمن ګاس  دهڅو اوهاند له امله  قدرداني وکړه او ده ته يې دلازياتو برياليتوبونو  هيله وکړه .
 

کابل باخترد وږي دمياشتې  ٦ :
دافغانستان داسلامي  جمهوريت د جمهوررييس حامدکرزي په مشري دکابينې غونډې نن له غرمې مخکې  دافغانستان داسلامي جمهوريت دوسله وال پوځ  دمنسوبينو دميشت کولو دپاليسي وړانديز وڅيړه .
باختراژانس ته دجمهوري رياست دمطبوعاتي دفتر دمعلوماتوله مخې ، دکابينې غونډې له غور اوڅيړنې وروسته په دې ترڅ کې چې دوسله وال پوځ دمنسوبينو دميشت کولو طرحه تائيد کړه دملي دفاع ، کورنيو چارو ، ماليې اودښار جوړولو دچارو وزارتونو  اودچارو دادارې اودوزيرانوشورا ددارلانشا  لوى رياست ته يې دنده وسپارله  چې ددغې طرحې دعملي  جوړښت په باب کاروکړي .
دضروري اصلاحاتو درامنځته کولو اودوسله وال پوځ په ليکو کې داعتماد جوړولو ، دنظامي منسوبينو اودهغوى د کورنيو د ژوندانه دحالت دښه والي اوهغو کسانو ته د ژوندانه دډيرو  ټيټو شرايطو دبرابرولو په مقصد  چې دهيواد په نظامي ارګانونو کې خدمت کوي دوسله وال پوځ دمنسوبينو دميشت کولو طرحه برابره شوې ده  اوټاکل شوې ده چې بشپړه شي .
داستوګنې په سيمو کې داستوګنې دبلاکونو اوکورونو دجوړولو دزمينو دبرابرولو په باب ددغې طرحې تمرکز  او دبي کوري دستونزې دلري کولو په مقصد دوسله وال پوځ دمنسوبينو وظيفوي موقعيتونه ، داسانتياو برابرول ، دکورونو تامينول په ښه توګه  دمکتبي ساتنمنانو، ځوانو افسرانو ، جګپوړو افسرانو اودوسله وال پوځ  جګپوړو افسرانوته  دچارو اجرا کول اوپه مرکز اوولايتونو کې دوسله وال پوځ دمنسوبينو  ، دشهيدانو دکورنيو ،معلولينو ، معيوبينو او دبې کورو متقاعدينو مواظبت دي .