19 September 2018

RSS Facebook

سوداگریز


تازه خبرونه

يو انس سره زر په ۱۱۵۵ډالرو وړاندې کيږي

کابل\باختر\ د وږي د مياشتې۲۶ په نړيوالو بازارونوکې نن يو انس...

Youtube Player

khantry design

سوداگریز

سوداگریز

سیاسی

کابل باختر د لړم  اته ويشتمه
دښځو دچارو وزيره  ديو هيئت په مشري نن دبغلان ولايت ته ورسيده .
دې  دخپل سفر هدف  دجمهور رييس د ٤٥ ګڼه فرمان  تحقق او تطبيق وباله .
  دښځو دچارو وزارت  دپاليسي  او پلان جوړولو رييسې  رحيمې ظريفي باختر اژانس ته وويل:  ددغه سفر په بهير کې دښځو پرخلاف دتاوتريخوالي دمخنيوي په برخه کې دهيواد دجمهور رييس د ٤٥ ګڼه فرمان دهدفونو په تحقق او تطبيق سربيره  دښځو دچارو  دپرمختيايي پروژو  کتنه او د ښځو دچارو دوزيرې  حسن بانو غضنفر له خوا دښځو دطرحواو پيشنهادونو اوريدل شامل دي .
دښځو دچارو وزيرې  دښځو دچارو دحالت  ښه والي ددغه وزارت  کاري لومړيتوب وباله  او ډاډ يې ورکړ چې تر ١٣٩٧کال پورې به ددولتي ادارو په سلو کې ديرش  کارکوونکي  ښځې وي .   

کابل باختر د لړم  اته ويشتمه
دمشرانو جرګې دلومړي نايب محمد علم ايزديار په مشري دمشرانو جرګې يکشنبې دورځې په غونډه کې  دانتخاباتو دمستقل کميسيون او دانتخاباتي شکايتونو خپلواک کميسيون  دتشکيل ، دندو او صلاحيتونو قانون تر دريم فصل پورې  تصويب شو .
دمشرانو جرګې  مطبوعاتي دفتر باختر اژانس ته خبر ورکړ ،  دانتخاباتو دخپلواک کميسيون او دانتخاباتي شکايتونو دخپلواک کميسيون  دتشکيل دندو او صلاحيتونو  قانون  دولسي جرګې له خوا له تصويب وروسته  چې دپړاونو دبشپړولو په مقصد  دمشرانو جرګې ته رسيدلي و ، دمشرانو جرګې دتقنين ، عدلي او قضايي چارو په کميسيون کې تر تدقيق او مطالعې  لاندې ونيول شو ، دسناتورانو حافظ عبدالقيوم ، مولوي غلام محي الدين منصف ، حاجي محمد حسن هوټک او دحاجي عبدالله له خوا ماده په ماده غونډې ته وړاندې شو چې دمجلس دغړو له خوا دنظريو له څرګنديدو وروسته ، له  ځينو تعديلونوسره تر دريم فصل پورې  تصويب شو . او ددغه قانون پاتې مادې به په راتلونکي غونډه کې  تصويب  شي .
  دننني غونډې په پيل کې دغزې په تړانګې داسرائيلو د صيهونستي رژيم وحشيانه  بريدونه  چې له امله يې يو شمير بې ګناه خلکو ته  مرګ ژوبله اوښتې ده ، ديوې جلا اعلاميې په صادرولو سره په ډيرو سختو الفاظو وغندل شول .
دغونډې په بله برخه کې دفراه ولايت سناتور ګل احمد عظيمي په دغه ولايت کې په واټ کې  دښخ کړاي شوى ماين  دچاودنې له امله  دښځو اوماشومانو په ګډون د اوولسو تنودشهادت يادونه وکړه او ويې ويل  چې ددغې ليږدونکي واسطې  سپرلي دواده په مراسمو کې ګډون ته روان و او  په غونډه کې  ددغه تروريستي  عمل دغندلو په ترڅ کې  دکلام الله مجيد دڅو مبارکو ايتونو په لوستلو سره  ددغې پيښې د شهيدانو  پاک روح ته دعا وشوه او دشهيدانو پاتې کسانو ته دجميل صبر هيله وشوه  او ټينګار وشو چې مسوول مراجع دې بايد  ددغې تروريستي پيښې دعاملينو  په نيولو کې  جدي اقدامات  وکړي .
  دغه راز  يو شمير سناتورانوپاکستان ته دافغانستان دسولې دعالي شورا دهيئت  دوروستي سفر په باب  خبرې وکړې او ويې ويل  آيا  هغه اته تنه  چې دطالبانو  د فعالينو په نامه  له پاکستاني  جيلونو څخه ازاديږي  دطالبانو په تحريک کې دهغوى رول  څومره دي ؟  او ايا هغوى  کولى شي دافغانستان له دولت سره  دسولې په ټينګښت  او دملي پخلاينې په بهير کې مرسته وکړي ؟
او هم څرګنده شوه ، په داسې حال کې چې  پاکستان دخپل سياسي ژوندانه  په اوږدو کې په صادقانه توګه  عمل نه دى کړى  ،  خو سره له دې هم هيله لرو چې دسولې دعالي شورا دهيئت  هلې ځلې ګټورې  وي .
  دغه راز په غونډه کې سناتورې  انار کلي هنريار دګذر دوکيل او دسيمې د ځينو خلکو له خوا دهندوانو او سکهانو د مړو د سوځولو دممانعت په باب له يو شمير هندوانو او سکهانو سره  دکابل ښار په اتمې ناحيې پورې اړوند دقلعچې  دساحې  ديو شمير خلکو دناندرو په باب خبرې وکړې  او وويل شول  چې  ددغې ساحې  د ګذر وکيل دکابل ولايت  په امنيه قوماندانۍ کې تر توقيف لاندې دى او موضوع حل شوې ده .
  په غونډه کې دهندوانو او سکهانو  داقليت  دحقوقو داعاده کولو په باب  دمجلس ديو شمير غړو له خوا  دنظر له څرګنديدو وروسته  ټينګار وشو  چې بايد  هغوى ته  دخپلو مذهبي مراسمو دپرځاى کولو  زمينه برابره شي .
او هم کابل ښاروالۍ دې  هغه ساحه چې په يوويشتمه ناحيه کې  داته شپيته جريبه  په مساحت  هندوانو اوسکهانو ته  مشخصه شوې ده ،  دهغوى په واک کې  ورکړي .
  دغونډې په پاى کې دسرحدونو قومونو او قبايلو دچارو دکميسيون رييس  سناتور  حاجي لطف الله بابا  ددغه کميسيون کاري رپوټ وړاندې کړ او ويې ويل چې  کميسيون  دروان کال په بهير کې دخپلو برياليتوبونو ستونزو او کاري  خنډونو په باب دهيواد دڅلورديرشو ولايتونو دقومونو اوقبايلو درييسانو په څو اوريدونکو غونډو کې څرګندونې کړي دي او کميسيون  دهغوى ستونزې دحکومت  دبيلابيلو ارګانونو له مسوولينو سره  طرحه کړي دي چې دحل لارې چارې يې  ولټول شي .
  دقومونو او قبايلو دچارو دکميسيون رييس  دقومونو او قبايلو  دولايتي رييسانو  دستونزو دبيانولو په ترڅ کې  زياته کړه چې دبودجې او تشکيل کمښت  ،  ددفترونو دودانيو او دليږدونکو وسايلو  نشتوالي او دارزګان ، هلمند ، باميانو ، فراه ، سمنګانواو نيمروز دولايتونو درياستونو دودانيو نه جوړيدل  په داسې حال کې چې  ځمکه يې  موجوده ده  ، له ايران سره  په پوله کې دسرحدي تشخيص  دنښو نښانو نشتوالي ، دآمو او دمرغاب  دسيندونو دغاړو نه ټينګښت او دجرګو دجوړولو دتالارونو او دميلمستونونو نشتوالي ددغه وزارت دولايتي ادارو  جدي ستونزې دي .
  دغه راز  سناتور بابا دخپلو ولايتونو اړوندو غونډو او جرګو ته  دقومونو اوقبايلو درييسانو  دنه بلنې ديادونې په ترڅ کې  ،  دقومونو اوقبايلو دچارو وزارت دسابقي په باب رڼا واچوله او څرګنده يې کړه دغه وزارت دلومړي ځل لپاره  دمديريت په کچه  دامير شيرعلي خان په زمانه کې ددفاع وزارت  په تشکيل کې جوړ شو او په وروستيو دورو کې تشکيل يې پراختيا وموندله چې داعليحضرت محمد ظاهر شاه په زمانه کې دخپلواک رياست په کچه اووروسته  دشهيد سردار محمد داود خان په دوره کې وزارت ته لوړ کړى شو او تراوسه پورې  دافغانستان ددولت په کابينه کې دوزارت په کچه  فعاليت کوي .
 

کابل باختر د لړم  اته ويشتمه
د افغانستان د اسلامي جمهوریت جمهور رئیس حامد کرزي د هېواد د راتلونکي په باب د خپلو مشورتي غونډو په لړکې د بدخشان له خلکو سره وکتل.
باختراژانس ته دجمهوري رياست دمطبوعاتي دفتردمعلوماتوله مخې.
په دې غونډه کې چې نن غرمه په ارګ کې جوړه شوه، د هېواد جمهوررئیس په هېواد کې د انتخاباتو او د سولې د بهیر، د امنیت او سیاسي ثبات د ټینګښت او د وسله وال پوځ د پیاوړتیا او ځواکمني په باب خبرې وکړې او په دې اړه یې د بدخشان ولایت د بیلابیلو ولسوالیو د قومي مشرانو، دیني عالمانو او مخورو نظرونه واورېدل.
د غونډې برخه والو په هېواد کې د ملي يوالې پر لازيات ټینګښت او د امنیتي ځواکونو د کیفیت او ظرفیتونو پر لوړولو باندې ټینګار وکړ.
همدا راز د بدخشان ولایت مشرانو د اربیکو له جوړښت سره مخالفت وکړ او د هغو پرځای یې د ملي اردو د جزوتامونو د پراختیا غوښتنه وکړه.
په دې غونډه کې د بدخشان ولایت د اوسیدونکو یو شمېر سیمه يیزې ستونزې هم وڅیړل شوې .
 

کابل باختر د لړم  اته ويشتمه
داساسي قانون پرتطبيق باندې  دڅارنې خپلواک کميسيون  خپله عادي غونډه ددغه کميسيون دغړو په شتون  دپوهاند ګل رحمان قاضي په مشرۍ  جوړه کړه .
داساسي قانون پرتطبيق باندې  دڅارنې دخپلواک کميسيون داطلاعاتواو عامه ارتباط  آمريت باختر اژانس ته خبر ورکړ ،  دغونډې په پيل کې داساسي قانون پرتطبيق باندې دڅارنې دخپلواک کميسيون  دپخوانيو تصميمونو او ددغه کميسيون داجرااتو دڅرنګوالي په باب  اوږدې خبرې وشوې، او وروسته  داساسي قانون دواکمني په اړوند دغه موضوعګانې وڅيړل شوې او په دې باب  داساسي قانون دحکمونو پربنسټ  او لازم تصميمونه ونيول شول .
دغونډې دکار په دوام دپخوانيو مصوبوپه باب  دکميسيون دمنشي رپوټ په غونډه کې طرحه شواو له دې جملې څخه بايدداساسي قانون له ٢٤،٢٥، ٢٦، ٢٧ ، ٢٩، ٣٠، ٣١، او ٣٢مادو سره سم دقانون دساتنې په برخو کې داساسي قانون  دمواردود نقض په اړوند  تحليلي رپوټ برابر او دجمهوري رياست مقام ته  دهغه په وړاندې کولو سره دې هغه ته  تطبيقي او عملي لارې چارې ولټول شي .
دغه راز له اساسي قانون سره  دقوانينو دڅيړنې او سمون او داساسي قانون له ١٢١ مادې سره سم دقوانينو دتفسيرپه باب  دقانون دطرحې په اړوند دکميسيون  دقوانينو د تحقيق او انکشاف د ديپارتمنت ليک په غونډه کې طرحه شو او خبرې پرې وشوې  او پريکړه وشوه چې ددغه قانون  دوضع کولو په باب دې داساسي قانون پرتطبيق باندې د څارنې دخپلواک کميسيون دقانون  داتمې مادې له پنځم بند سره سم د جمهوري رياست   دمقام او دملي شورا  په نامه  يووړانديز برابر شي .
وروسته  دهغو توقيفيانو او بنديانو دبرخليک په باب چې دتوقيف او دبند موده يې بشپړه شوې ده ، خو لاتراوسه پورې هم په توقيف  او بند کې شپې سبا کوي ، په غونډه کې خبرې وشوې او په پاى کې  پريکړه وشوه  چې داساسي قانون  د ٢٤، ٢٥، ٢٦، ٢٧، او ٣٢ مادو تطبيقي لارې چارې ولټول شي او هغه کسان  دي چي دبند موده يي  بشپړه شوي ده  بايد دقانون له حکمونوسره سم  ازاد شي .