22 January 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

سیاسی

کابل باختر د چنګاښ څليرويشتمه

  دافغانستان داسلامي جمهوريت  دجمهور رييس حامدکرزي په نامه دده  دمبارکي دپيغام په ځواب کې  دمصر دعربي جمهوريت دجمهور رييس ډاکتر محمد مرسي له خوا دمنني پيغام رارسيدلي دي

 په پيغام کې ويل شوي دي .

 دافغانستان داسلامي جمهوريت جمهور رييس جلالتماب  حامدکرزي !

  ستاسو دمبارکي  دپيغام مي په ژوري منني سره هرکلي وکړ .  دلوى خداى ( ج ) له دربار څخه  ستاسو دروغتيا او نيکمرغي  او دورور  ملت دترقي اوپرمختګ غوښتنه کوم او هيله لرم چې زموږ دوه اړخيزي  اړيکي لازياته وده او پراختيا ومومي .

کابل باختر د چنګاښ څليرويشتمه

  په هندوستان  کې دافغانستان داسلامي جمهوريت نوى سفير  شيدامحمد ابدالي پرون خپل باور ليک  په نوى ډيلي کې دهند دجمهوري رياست په مقر کې  ددغه هيواد جمهور رييس پرتيباپاتيل  ته وړاندې کړ .

 شيدامحمد ابدالي  دباور دوړاندې کولو په وخت کې  دافغانستان  داسلامي جمهوريت دجمهور رييس  حامدکرزي دښو هيلو مراتب ددوست هيواد هندوستان جمهور رييس ته وړاندې کړ او دافغانستان  دبيا جوړولو او دثبات دتامينولو په لاره کې  يي دهند جمهوريت دمرستو له امله قدردانۍ وکړه .

 دافغانستان نوى سفير په دې کتنه کې  هيله وکړه چې وکولاي شي  دخپل  ماموريت په دوران کې ددوه اړخيزو اړيکو دلازياته پياوړتيا کې برياليتوبونه ترلاسه کړي .

دسمنګانو ولايت دايبکو ښار  دزړه بوږ نونکي   پيښې په اړوند دجمهوري رياست دلومړۍ مرستيال   مارشال محمد قسيم فهيم د ډاډګيرنې پيغام .

 په ژوري خواشينۍ سره مي دسمنګان ولايت په ايبکو ښارکې د يوه هغه ځانمرګي بريد له امله چې دافغانستان   دخلکو ددښمنانو له خوا سازمان ورکړه شوى و ، په ولسي جرګه کې دسمنګانو دخلکوداستازي احمد خان  سمنګاني ،د پوليسو د ٦٠٦  انصار زون دقوماندان جنرال سيد احمد سامع  اودسمنګانو ولايت دملي امنيت درييس انجنير  محمد خان او يو شمير هيوادوالو د شهادت خبر ترلاسه کړ .

  له دې امله دخپل ژور خپګان او ډاډګيرنې مراتب ددغي  زړه بوږنونکي پيښې دمظلومو شهيدانو کورنيو  او دوستانو او دهيواد پارلمان  ته څرګندوم  او دلوى خداى ( ج )  له دربارڅخه ددې پيښې شهيدانو ته دفردوس جنت او هغه کسانو ته چې په دې پيښه کې ټپيان شوي دي دسملاسي  روغتيا هيله کوم .

 دافغانستان دخلکو دښمنانو په دغه شان  ناځوانمردانه  بريدونو  سره چې دلوى خداى (  ج ) له لارښوونو او داسلام دمبين دين  د لوړو ارشاداتو پرخلاف دي  خپلي کرغيړني څيري او خپل غير انساني  نيتونه زموږ خلکو ته وښودل ، دواده  په مراسمو ، په هغه ځاى  بريد چې خلک پکي دديني شعايرو  او خپلو غوره دودونو او رواجولو  دپرځاى کولو لپاره راټوليږي يو ډارن  حرکت دي چې  يواځي په  وحشي قاموس کې ځاى لري .

 دافغانستان خلک باور لري چي دهغوي دښمنان بايد په دې پوه شي چې دخلکو بي رحمانه  وژنه نه شي کولاي له اوسنيو ستونزو څخه دهغوي دتيريدو او په هيواد کې په سولې اوثبات دلاس بري لپاره ددوي اراده لرځنده کړي .

 يوځل بيا دلوى خداى ( ج )  له دربار څخه په سمنګانو ولايت کې د نننۍ پيښې  شهيدانو ته دفردوس  جنت او ټپيانو ته دسملاسي روغتيا هيله کوم

 دغه راز  يوځل بيا دسمنګانو هغو ټولو کورنيو او خلکوته چې  ددغي خونړۍ پيښې  له امله يې   خپل دوستان له لاسه ورکړي دي  د ډاډ ګيرنې مراتب څرګندوم .

دنړۍ داسماعليانو د نهه څلويښتم امام  ، دامامت په تخت  دکښيناستو  د پنځه  څلويښتمي کاليزې  له امله دافغانستان داسلامي جمهوريت دجمهور رييس حامدکرزي  پيغام .

 شهزاده اغا خان داسلامي نړۍ يو ډير ستر مذهبي ، ټولنيز او سياسي  شخصيت دي زموږ په نظر دغه جناب په نننۍ نړۍ کې دانسان دوستي دشاخص يوه ستره څيره ده او له بي وزلي  اومرستي ته له اړ انسان سره دهمکاري په لاره کې دده خدمتونه ديادونې وړ دي .

  دشهزاده اغا خان انکشافي شبکې دنړۍ په څه دپاسه دوه ديرشو هيوادونوکې فعاليت لري  او کال په کال له هغو سيمو سره دمرستي او انکشافي  کارونو په مقصد چې مرستي ته اړتيا لري زياتي پيسې لګوي .

  په وروستيو دريو لسيزوکې دشهزاده اغا خان په لارښوونه په ده پورې د داړوندو خيريه او فرهنګي شبکو له لارې زموږ دهيواد په ګوټ ګوټ کې  ډير ارزښتناک  اوګټور عمراني او ټولنيز کارونه ترسره شول اوزموږ دهيواد دتاريخي ابداتو او څلو دبيا رغاونې او جوړولو په برخه کې يي هم دستايني وړ کارونه ترسره کړي دي چې زموږ دزياتي ستايني او وياړ سبب دي .

 افغانستان  ،شهزاده کريم اغاخان يو صميمي دوست او په سياسي ټولنيزو او  فرهنګي برخو کې دهيواد دخلکو ملاتړې بولي .  دنړۍ داسماعليانو  دنهه څلويښتم امام دنيکمرغه امامت په تخت دکښيناستو   دپنځه پنځوسمي کاليزې له امله جلالتاب شهزاده اغا خان ، دده درني او محترمي  کورنۍ   او دنړۍ ټولو اسماعليانو  ته مبارکي وايم او دلوى خداى ( ج )  له دربار څخه شهزاده ته دعمر داوږدوالۍ  ،روغتيا او عافيت هيله کوم .