14 August 2018

RSS Facebook

سوداگریز


تازه خبرونه

د هرات د نړيوال هوايي ډګر د پراختيا په اړوند خبرې وشوې

کابل \باختردزمري دمياشتې ٢٣نيټه : د ملکي هوايي چلند د خپلواکې...

په فراه کې دوه تنه وسله وال طالبان ووژل شول

کابل \باختردزمري دمياشتې ٢٣نيټه : دوه تنه وسله وال طالبان پرون...

په بغلان کې اعتراضونه پاى ته ورسيدل

کابل \باختردزمري دمياشتې ٢٣نيټه : د بغلان د زاړه ښار په...

Youtube Player

khantry design

سوداگریز

سوداگریز

سیاسی

 کابل باختر د زمري ١٨ مه
د افغانستان د اسلامي جمهوریت جمهوررئیس محمداشرف غني نن سهار د کابل عیدګاه جومات ته ورغی او د دغه جومات د ترميم او بیارغاونې چارې یې له نږدې وکتلې. 
د جمهور رييس د وياند دفتر باختر آژانس ته خبر ورکړ:
د هېواد جمهور رئیس ته دوه تنو انجینرانو د جومات د بېلابېلو برخو د بیارغاونې او مرمت په اړه معلومات ورکړل ويې ویل، دوی هڅه کوي په ډېر فني او مسلکي توګه چې د جومات تاریخي اصالت ورسره را ژوندی شي خپل کارونه پر مخ یوسي.
ورپسې جمهور رئیس په خپلو خبرو کې د عیدګاه جومات د بیارغاونې او ترميم چارو پيلېدل د تاریخي اثارو په ځانګړي ډول د تاریخي جوماتونو د بیارغاونې او ساتنې په لور یو مهم ګام وباله ويې ویل، تېر انفجار کې دغه تاریخي جومات ته زیاته صدمه رسېدلې وه، له تاریخي اثارو سره تل سطحي چلند شوی دی او ډاډ یې ورکړ چې تاریخي او نویو جوماتونو ته به پاملرنه زیاته شي.
جمهوررئیس غني څرګنده کړه، په افغاني سبک د عالي ټیپیک جوماتونو نقشې دې چمتو شي چې له مخې یې جوماتونه جوړ شي او ټینګار یې وکړ چې د جوماتونو په جوړولو کې باید کورني توکي ولګول شي او داسې معماري په میراث پاتې شي چې راتلونکي نسلونو ته خوښي ور وبښي او هم د خدای (ج) د رضایت سبب شي.
هغه د هرات، قندهار، پل خشتي جوماتونو بیارغاونې ته په اشارې وویل، د تاریخي جوماتونو بیارغاول اوږد کار، زیات دقت او غور غواړي او زیاته یې کړه چې د دې ټولو جوماتونو په بیارغاونه کې باید تیموري ـ غوري سبک وساتل شي.پاى\عطاءالله

 کابل باختر د زمري ١٨ مه
د افغانستان د اسلامي جمهوریت جمهوررئیس محمداشرف غني نن سهار په حامد کرزي بین‌المللي هوايي ډګر کې د رادار نوی نصب شوی سیستم پرانیست چې له دې سره د افغانستان د هوايي قلمرو کنټرول د افغانانو لاس ته ورغی.
د جمهور رييس د وياند دفتر باختر آژانس ته خبر ورکړ:
په حامد کرزي بین المللي هوايي ډګر کې په دې مناسبت جوړ شویو مراسمو ته لومړی د افغانستان د هوایي چلند د خپلواکې ادارې رئیس محمود شاه حبیبي د رادار د دغه نوي سیستم په اړه تخنیکي معلومات وړاندې کړل ويې ویل، اوس د افغانستان په قلمرو کې د بې پیلوټو الوتکو په شمول ټولې غیر مجاز الوتکې لیدلی او څارلی شي. 
ورپسې د هېواد لومړنۍ ښځینه فضايي کنترولرې مسعوده کاکړ د هوايي ټرافیک د تنظیم د کارکوونکو په استازیتوب خبرې وکړې ويې ویل، د دغه سیستم پرمټ دوی اوس تر ټولو معیاري خدمتونه وړاندې کولی شي او هوايي ترافیک کنټرولولی شي او له دې سره به الوتنې په ځانګړي ډول عبوري پروازونه زیات شي.
ورپسې د هېواد جمهوررئیس د رادار د نوي سیستم په نصبولو او په کور دننه د مسلکي کارکوونکو د روزنې په برخه کې د ملکي هوایي چلند ادارې د مسوولینو له هڅو څخه په مننې ټول ملت ته د رادار د نوي سیستم د نصبولو او فعالیت مبارکي ورکړه، ويې ویل، د ملي وحدت حکومت مهمه ژمنه د فضايي استقلال اخيستل و چې نن ترلاسه شو.
جمهوررئیس وویل، هغه هوايي کورېډورونه چې باید د افغانستان له فضا څخه تېر شوی وای پخوا ممکن نه و، خو اوس دا کار ممکن شو، زموږ مهم هدف دا دی چې افغانستان د سیمې په څلور لارې بدل شي، نن افغانستان د هوا له لارې په څلور لارې بدل شو او ژر به د ځمکې له لارې هم دغه هدف ته ورسېږو.
هغه د نوې ټکنالوجۍ اهمیت ته په اشارې وویل، اوس په ټکنالوجۍ کې یو حرکت او پرمختګ رامنځته شوی او دا د خوښۍ ځای دی چې موږ د ۲۱پېړۍ تر ټولو نوې ټکنالوجي کاروو چې په سیمه کې ساری نه لري.
د هېواد جمهوررئیس څرګنده کړه، کومه بیه چې موږ د هوايي خدمتونو لپاره پرې کوله، سلګونه میلیونه ډالره کېده، خو نن د افغانانو په لاسونو د نوې ټکنالوجۍ په کارولو سره به د هوايي خدمتونو قېمت کم، کیفیت لوړ او عواید زیات شي.
په پای کې جمهوررئیس د حامد کرزي بین المللي هوايي ډګر د حریم د خوندیتابه او نظم په خاطر اړوندو مسوولانو ته لارښوونه وکړه چې هیڅوک له وسلې سره د هوايي ډګر دننه پرېنږدي او د الوتکو مخکې د هرکلي په موخه د بې ځایه تشریفاتي هرکلیو مخه ونیسي.
د یادونې وړ ده چې د دې سیستم له نصبولو سره افغانستان د تر ټولو پرمختللي رادار سیستم خاوند شو.
له دې سره به د افغانستان هوايي حریم د رادار پر سکرين ښکاري، د افغانستان هوايي حریم به خوندي، د پروازونو لپاره به د افغانستان د هوايي حریم ظرفیت زیات، په عمودي او افقې توګه به د الوتکو ترمنځ فاصله  کمه او د هېواد په فضا کې به هوايي مسیرونه زیات شي او همدارنګه الوتکې لوړ پروازونه کولی شي.پاى\  عطاءالله

 کابل باختر د زمري ١٨ مه
د افغانستان اسلامي جمهوریت د ملي امنیت سلاکار ښاغلي محمد حنیف اتمر د خپل کار په دفتر کې د افغانستان له پاره د اسلامي هېوادونو د همکاریو سازمان له استازي ښاغلي حسین اونی بوتسالي سره وکتل.
د ملي امنيت د شورا دفتر باختر آژانس ته خبر ورکړ:
په دې کتنه کې دواړو لورو د افغانانو په مشرۍ د سولې بهیر پر بیلابیلو اړخونو خبرې وکړې او په افغانستان کې یې د اسلامي هېوادونو د همکاریو سازمان د رول او فعالیت پر زیاتیدو ټینګار وکړ.
بوتسالي وویل، چې د اسلامي هېوادونو د همکاریو سازمان د افغانانو په مشرۍ د سولې له بهیر او ثبات له ټینګښت څخه ملاتړ کوي او په دې برخه کې يې د یاد سازمان د همکاریو او رول د زیاتیدو ژمنه وکړه.
د ملي امنیت سلاکار محمد حنیف اتمر، د افغانستان د سولې بهیر په پیاوړتیا او د افراطیت په راکمولو، کې د اسلامي هېوادونو د همکاریو سازمان همکاري مهمه و بلله او د دې سازمان د همکاریو د پراختیا غوښتنه یې وکړه.
په دې کتنه کې پر یو لړ نورو موضوعاتو هم خبرې وشوې. پاى\فضل واحد

کابل باختر د زمري ١٨ مه
د افغانستان اسلامي جمهوریت د ملي امنیت سلاکار محمد حنیف اتمر د چین ولسي جمهوریت له سفیر ښاغلي لیو جینګ سونګ سره د خپل کار په فتر کې وکتل.
د ملي امنيت د شورا دفتر باختر آژانس ته خبر ورکړ:
په دې لیدنه کې دواړو لورو د افغانستان او چین ترمنځ د دوه اړخیزو اړیکو پر دوام او پرمختګونو خبرې وکړې او په دې برخه کې یې له شویو پرمختګونو څخه ستاینه وکړه.
د چین ولسي جمهوریت سفیر لیو جینګ سونګ وویل، چې هېواد یې د افغانانو په مشرۍ او مالکیت د سولې له بهیر او مذاکراتو څخه کلک ملاتړ کوي او په دې برخه کې یې د نوموړي هېواد د هر اړخیزو همکاریو ژمنه وکړه. ښاغلي سونګ وویل، چې له ترهګرۍ سره د مبارزې په برخه کې یې هېواد له افغانستان سره ګډ کار او د همکاریو د دوام له پاره چمتو دی.
د ملي امنیت سلاکار محمد حنیف اتمر په سیمه کې د چین سیاسی، اقتصادي او ټولنیز رول مهم و باله او د افغان سولې په بهیر کې یې د چین له صادقانه همکاریو څخه قدرداني وکړه.
اتمر همدارنګه د افغانستان او چین ترمنځ په سیاسي، اقتصادي او امنیتي برخو کې د همکاریو پرمختګونه د غوره سیمه ییزو همکاریو بیلګه و بلله.
په دې کتنه کې د چین ولسي جمهوریت سفیر ښاغلي سونګ وویل، چې د افغانستان او چین ترمنځ د دولتونو ترمنځ په لوړه کچه د بحثونو او لېدنو کتنو په دوام دغه هېواد چمتو دی، ترڅو یو لوړ پوړی پلاوی د دوه اړخیزو اړیکو د ښه والي په موخه په نیږدې راتلونکي کې افغانستان ته را ولیږي. ښاغلي سونګ زیاته کړه، چې پلاوی به د تیرو خبرو او بحثونو په دوام کې د سولې بهیر په ملاتړ او له ترهګرۍ سره د مبارزې په برخه کې د شویو پریکړو د تعقیب او د شانګهای د همکاریو سازمان د همکاریو پر عملي کولو له افغان لوري سره خبرې وکړي. پاى\فضل واحد

Page 3 of 1895