19 September 2019

RSS Facebook

سوداگریز


تازه خبرونه

يو انس سره زر په ١٥٠٠ډالرو پلورل کېږي

کابل/باختر/ د وږي٢٧مه په نړيوالو بازارونوکې نن يو انس سره زر...

په پنجشیرکې د درېیو ټولګټو پروژو کار پيل شو

کابل / باختر/ د وږي٢٨ مه د پنجشیر په مرکز بازارک...

مطبوعاتي اعلامیه

کابل / باختر/ د وږي٢٨ مه په زابل کې د تروریستي...

Youtube Player

khantry design

سوداگریز

سوداگریز

سیاسی

کابل باختر د وږي ٢٦مه
په پروان او کابل کې د تروریستي بریدونو په اړه مطبوعاتي اعلامیه
ارګ، کابل: طالبانو د خپلو جنایتونو په دوام نن د پروان ولایت مرکز چاریکارو ښار لومړۍ حوزې روزنيز مرکز ته نږدې او د کابل ښار په نهمه ناحیه کې د ملي دفاع وزارت پېژنتون دروازې ته څېرمه په دوو جلاجلا تروریستي بریدونو کې زموږ یو شمېر هیوادوال شهیدان او ټپیان کړل.
جمهوررئیس محمداشرف غني د دغو بشري ضد جنایتونو د سخت غندلو ترڅنګ وویل، ټولو افغانانو په ځانګړي ډول د پروان زړورو ولسونو تل په مېړانه د ازادۍ، ولسواکۍ او جمهوري نظام د ارزښتونو دفاع کړې او هیڅکله به دښمن ته د دې اجازه ورنکړي چې خپلو ناوړو موخو ته ورسېږي.
جمهوررئیس وویل: طالبانو یو ځل بیا ثابته کړه چې په هیواد کې د سولې او ثبات د تامین اراده نه لري، د امریکا متحدو ایالتونو سره د مستقیمو مذاکراتو په جریان کې چې ناکام شول،افغان وژنې او زموږ پر بېګناه خلکو یې خپلو تروریستي بریدونو ته په شدت دوام ورکړی.
د هیواد جمهوررئیس زیاته کړه: طالبان چې زموږ د جمهوري نظام اصلي دښمنان دي، هیڅکله به هم خپلو ناوړو موخوته ونه رسېږي. په افغانستان کې به سرتاسري ټاکنې وشي او زموږ زړور خلک به په ازاده فضا کې خپل سیاسي برخلیک وټاکي.
د افغانستان د اسلامي جمهوریت جمهوررئیس د شهیدانو کورنیو ته د خپلې خواخوږۍ او همدردۍ ژور مراتب څرګندوي او ټپیانو ته د خدای تعالی په دربار کې د بشپړې روغتیا دعا کوي.#
پاى-فضل واحد

 

کابل باختر د وږي ٢٦مه
د مشرانو جرګې د رئیس فضل هادي مسلم یار په مشرۍ د دې جرګې په ننني غونډه کې د رپوټونو په اورېدو سربېره د هېواد د مهمو مسایلو په اړه بحث وشو.
دمشرانوجرګې مطبوعاتي دفترباخترآژانس ته خبرورکړ.
په غونډه کې د مجلس رئيس او ټولو غړو په شرایطو برابرو رای ورکوونکو څخه وغوښتل چې د دیموکراسۍ د پیاوړتیا او د ولسواکۍ ارزښتونو د پراخوالي له پاره دې د تلې د شپږمې نېټې د جمهوري ریاست په ټاکنو کې چې یو ملي او برخلیک ټاکوونکی بهیر دی، په پراخه توګه ګډون وکړي او د خپلې خوښي وړ نوماند ته دې رایه وکاروي.
سناتورانو له امنیتي سکتورڅخه وغوښتل چې د ټاکنو تر رسېدو پورې دې دهېواد په ناامنو سیمو کې پوځي عملیات پراخ کړي او اجازه دې نه ورکوي چې رای ورکونکي له خپل حق څخه ئې برخې شي.
همدا راز روښانه شوه چې د ټاکنو خپلواک کمېسیون د رای ورکونې په ورځ د رای ورکوونکو د انځور ثبت اړین بللی چې دغه کار به په اوسنیو شرایطو کې ولایتونو کې ناوړه پایلې رامنځته کړي او باید کمېسیون په ولایتونو کې په شرایطو برابرو مېرمنو د انځور اخیستل د دوی خوښې او ارادې ته پرېږدي ځکه که د ښځو انځورونه جبري وي، ښايي په شرایطو برابرې ډېرې مېرمنې په ولایتونو کې د رای ورکونې بهیر کې له ګډون ډډه وکړي چې دغه کار به په ټولټاکنو منفی اغیزې ولري.
دجرګې غړو د طالبانو له خوا د برېښنا د ستنو الوزول، د عامه ځایونو ورانول ،د مخابراتو سیستم پرېکون او د تاریخي اثارو لمنځه وړل وغندل او ویې ویل، د دې ډلې دغه کړنې هېواد او خلکو سره ښکاره دښمني ده.
یو شمېر سناتورانو یو ځل بیا د امریکا او طالبانو تر منځ د سولې د خبرو اترو د ماتې علت د طالبانو د ډلې لوړې غوښتنې او غرور وګڼه، ویې ویل چې باید د سولې هر ډول خبرې اترې د افغان دولت په محوریت او د نړیوالې ټولنې په همکاري پرمخ ولاړي شي تر څو مطلوبې پایلې ولري او هم د پخوانیو خبرو د پایلو رد یې پرځای کار وباله.
د بحثونو په جمع بندۍ کې د مشرانو جرګې رئیس فضل هادي مسلم یار ټینګار وکړ چې حکومت مکلف دی د هرې ممکنې لارې زمینه برابره کړه تر څو د برېښنا شرکت د برېښنا هغه ستنې چې طالبانو ویجاړې کړي، بېرته نصب کړي تر څو هېوادوال او په ځانګړې توګه د کابل ښار اوسېدونکي د برېښنا له نعمته برخمن شي.
د مشرانو جرګې رئيس همدا راز وویل چې سوله د منان خدای حکم دی او دغې مجلس د ملي شورا د پنځلسمې تقنیني دورې څخه تر اوسه د باعزته سولې په راتګ ټینګار کړی دی او له حکومته یې وغوښتل چې د ټاکنو وروسته دې داسې سوله چې په کې د خلکو، خاورې او امنیتی ځواکونو عزت خوندي وي، په جدي توګه تعقیب کړي.
فضل هادي مسلم یار د خپلو خبرو په دوام وویل، ټاکل شوې وه چې د امنیتي سکتور مشرتابه د هېواد د امنیتی وضعیت په تړاو د مشرانوجرګې په يوه عمومي غونډه کې معلومات وړاندې کړي، خو دا چې هغوی د ټولټاکنو د امنیت په ټینګښت کې بوخت دي، داپرېکړه وځنډېده، خو ټینګار یې وکړ چې امنیتي چارواکي دې  د لویو لارو په ګډون د ټول هېواد او هېوادوالو د امنیت د ټینګښت په موخه په جدیت کار وکړي.
همداراز دمشرانوجرګې نایب منشي ډاکټرمحمدفیصل سمیع د آسیایی پارلمانونو دټولنې دبودجې او پالیسې جوړونې کمیسیون په ناسته کې چې عراق کې جوړه شوې وه دجرګې دپلاوي دګډون رپوټ وړاندې کړ.
ډاکټرفیصل وویل دبشري حقوقوڅخه دفاع، دسولې اوعدالت ټینګښت، د آسیایي هېوادونو د لومړیتوبونو په ګوته کول، دسیمه يیزو ستونزو لپاره دحل لارو پلټل، بې وزلۍ سره مبارزه، دستونزو په کمولو کې دپارلمانونو فعاله ونډه او دپارلمانونو دارالانشاء ګانو ته ځانګړې بودجه په پام کې لرل ددې ناستې مهمې موخې وې.
ديادونې وړ ده چې دمشرانوجرګې پلاوي چې مشري یې ډاکټرمحمدفیصل سمیع درلوده ددې ناستې په څنډه کې دهند، ایران او پاکستان دپارلماني پلاویو سره په جلا جلا توګه کتنې لرلي.
په پای کې د مشرانو جرګې منشی مولوي عبدالله قرلق د کندز ولایت رپوټ او مولوی غلام محی الدین منصف د کاپيسا ولایت څخه خپل رپوټ غونډې ته وړاندې کړ چې مفصل جزئیات به یې د مشرانو جرګې د کمېسیونونو د خبرونو په ردیف کې خپاره شي.پاى- فضل واحد

 

کابل باختر د وږي ٢٦مه :
داسپانيا  سفير ګبريل فرانسفير نن  دملکي هوايي چلند دادارې له لوى رييس ډاکتر محمد قاسم وفايي زاده سره په کابل کې وکتل .
  دباختراژانس دخبرله مخې ، په دې کتنه کې  داروپا داتحاديې له تور فهرست څخه دافغانستان دوتلو او دغه راز  دهوايي خدمتونو دهغه موافقه ليک  دبيا کتنې په باب  چې پخوا  دافغانستان  او داسپانيا هېواد ترمنځ  لاسليک شوي و  ، هراړخيزې  او اوږدې خبرې وشوې .
  دملکي هوايي چلند دادارې لوى رييس   ډاکتر محمد قاسم  وفايي زاده دهوايي چلند  او داروپا داتحاديې  له تور فهرست څخه  دافغانستان دوتلو په برخه کې  د پرمختګونوپه باب  مفصل معلومات وړاندې کړل اوداسپانيا هېواد له سفير څخه يې  دملکي هوايي چلند په برخه کې  له افغانستان سره دمرستې اوهمکارى غوښتنه وکړه .
داسپانيا هېواد سفير ددغه هېواد  له سفارت سره  دملکي هوايي چلند دادارې  دهميشنيو همکاريو له امله  دقدرداني په څرګندولو سره دهوايي چلند په برخه کې  دخپل هېواد  دهمکارى ژمنه وکړه . ختم_ ف _ اکرم

کابل باختر د وږي ٢٦مه
د افغانستان د اسلامي جمهوریت جمهوررئیس محمداشرف غني نن سهار د عالمانو سراسري شورا له مشرتابه او غړو سره په چهار چنار ماڼۍ کې وکتل.
دجمهوررييس دوياند دفترباخترآژانس ته خبرورکړ.
په پیل کې د افغانستان د عالمانو د سراسري شورا مرستیال مولوي عطاالله لودین  وخت پر وخت د اعلامیو، پرېکړه لیکونو او څرګندونو په بڼه د مهمو قضایاو په اړه د اصولي او شرعي دریځ غوره کولو ته په اشارې وویل، د افغانستان د قضیې معقول حل له افغان دولت سره مذاکرات دي.
ښاغلي لودین وویل، په تېرو څومیاشتو کې د امریکا او طالبانو ترمنځ د مذاکراتو او کابل ته د امریکا متحدو ایالتونو د بهرنیو چارو وزارت د سولې پلاوي په راتګ سره موږ د سختو بریدونو، چاودنو او تاوتریخوالي شاهدان وو، خو د سولې د مذاکراتو لپاره اوربند اساسي شرط دی. که د طالبانوغوښتنې او مسایل د خلکو د ارادې ممثل وي، نو له افغان دولت سره له مذاکراتو دې نه وېرېږي، له دولت سره دې مخامخ مذاکرات وکړي. 
نوموړي د سولې مذاکراتو د بریالي ترسره کېدو، د افغانستان د اسلامي جمهوریت د بقا او د هیواد د اساسي چارو د لا ښه ترسره کېدو لپاره د ټاکنو له لارې د زعیم ټاکل واجبي او ضروري کار وباله او له ټولو هیوادوالو څخه یې وغوښتل چې په ولسمشریزو ټاکنو کې پراخ ګډون وکړي.
جمهوررئیس غني د عالمانو ارزښتناک رول ته په اشارې وویل، د عالمانو متفقه فتوا، په اندونیزیا، مکه مکرمه او مدینه منوره کې د عالمانو دریځ بېساري او تاریخي اقدامات وو چې د سولې لپاره یې زمینه او شرایط برابر کړل.  هغه زیاته کړه، سوله د افغانستان د خلکو او دولت اساسي غوښتنه ده او هغې ته د رسېدو لپاره به ان د کلیو او ولسوالیو په کچه خپلې هلې ځلې منسجمې کړو.
جمهوررئیس غني څرګنده کړه، د سولې مشورتي لویې جرګې پرېکړه لیک زموږ لپاره تګلاره ټاکلې او موږ د هغه پرېکړه لیک د تطبیق لپاره دوامدارې هڅې او کوښښونه کوو.
د هیواد جمهوررئیس وویل، د سولې پروسې مالکیت د افغانستان ملت او دولت سره دی. د باعزته او تلپاتې سولې لپاره چې د خدای تعالی رضا او د ولس هوساینه په کې نغښتې وي، اوربند اساسي شرط دی.
جمهوررئیس غني په رڼو او سراسري ټاکنو کې د ګډون په موخه د ولسونو او خلکو د هڅونې، انسجام او پراخ ګډون په برخه کې د عالمانو رول مهم وباله او وې ویل، ټاکنې د ولسواکۍ د مهم اصل په توګه د واک د سوله ییز لېږد او د ولس د ارادې د تمثیل غوره لاره ده.
محمداشرف غني څرګنده کړه، د دارالافتا لپاره د بودجې او نورو ترتیباتو ترڅنګ به د علمای کرامو د سلا مشورو په پایله کې د دارالافتا او د ارشاد حج، او اوقافو وزارت عرفان معینیت ته  وړ، صالح او باوري اشخاص تشخیص او معرفي شي.
پاى- فضل واحد

 

Page 3 of 2141