24 February 2020

RSS Facebook

سوداگریز


تازه خبرونه

د سولې په بهير کې د ښځو ليدلورى مشخص دى

د سولې په بهير کې د ښځو ليدلورى مشخص دى

کابل/ د کب ٤ مه/ باختر د سولې په چارو...

  افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

افغانستان د کرونا ویروس د مخنیوي لپاره له ایران سره په موقتي ډول تګ راتګ دروي

کابل/ د کب ٤مه/ باختر د افغانستان اسلامي جمهوریت د کرونا...

په تهران کې د افغانستان سفارت خپل قونسلي خدمتونه وځنډول

په تهران کې د افغانستان سفارت خپل قونسلي خدمتونه وځنډول

کابل/ د کب ٤مه/ باختر په تهران کې د افغانستان سفارت...

Youtube Player

khantry design

سوداگریز

سوداگریز

سیاسی


کابل / د سلواغې ۳۰ مه / باختر

د افغانستان اسلامي جمهوریت جمهوررییس محمد اشرف غني نن مازیګر د افغانستان د سولې لپاره د امریکا د بهرنیو چارو وزارت له  ځانګړي استازي ډاکټر زلمي خلیلزاد سره په ارګ کې وکتل.

باختر آژانس ته د جمهوري ریاست د مطبوعاتی دفتر د معلوماتو له مخې، په کتنه کې د تاوتریخوالي د پام وړ کمولو پر جزئیاتو او د افغان حکومت له لوري د هغه د مدیریت د څرنګوالي په اړه بحث او خبرې وشوې.

جمهوررییس د مونیخ له ناستې وروسته له والیانو، امنیتي او دفاعي سکتور رهبرۍ، د قول اردوګانو او  ولایتونو امنیه قومندانانو او د ولایتي شوراګانو له مشرتابه او غړیو سره د سولې ترسره شوې مشورتي غونډې ګټورې او ارزښتمنې وبللې او زیاته یې  کړه چې  په دې اړه به د مشورو لړۍ دوام ولري.

ډاکټر خلیلزاد د هغو ګامونو په اړه چې د تاوتریخوالي له کمولو وروسته اخېستل کېږي، د هیواد جمهوررییس ته معلومات ورکړل.#

کابل/ د سلواغې۳۰ مه/ باختر
د سولې او امنيت د انتخاباتي ډلې مشر رحمت الله نبيل سره له دې چې د جمهوري رياست انتخاباتو پايلې باطلې وبللې؛ ټينګار يې وکړ چې د بحران په لور د هېواد له ورتګ سره مخالف دى.
د باختر آژانس د خبر له  مخې؛ رحمت الله  نبيل نن په يوه خبرې غونډه کې د جمهوري رياست انتخاباتو د پايلو په نسبت غبرګون وښود او د دې ترڅنګ چې د انتخاباتو پايلې يې باطلې وبللې؛ ويې ويل چې تقلبي حکومت د سولې او امنيت انتخاباتي ډلې ته د منلو وړ نه دى، خو بيا هم دوى د بحران پر لور د هېواد له تللو سره مخالف دي.
هغه خبر دارى ورکړ: د موازي حکومتونو جوړول به يو ځل بيا په هېواد کې د تاوتريخوالي د رواجولو سبب شي او د هېواد په ګټه نه دي.
نبيل وويل چې د دوى انتخاباتي ډله په هېواد کې د ملي روغې جوړې حکومت د جوړولو غوښتنه کوي او په هېواد کې د بحران د مخنيوي لپاره به داسې ډلې جوړې کړي چې له سياسي مشرانو سره خبرې وکړي چې په هېواد کې د روانو ناخوالو د پاى ته رسولو لپاره هلې ځلې وکړي او د خپل کار له پايلو او د سياسي مشرانو له نظر څخه خلک خبر کړي.
رحمت الله نبيل په هېواد کې د جمهوري رياست په انتخاباتو کې د سولې او امنيت انتخاباتي ډلې مشري کوله.
پاى \ج \ ذ

کابل/ د سلواغې۳۰ مه/ باختر
د افغانستان د اسلامي جمهوريت د جمهوررييس په توګه د محمد اشرف غني پر ټاکنې د افغانستان د کارګرانو او کارکوونکو د ملي اتحاديې د مبارکۍ پيغام
د افغانستان د کارګرانو او کارکوونکو ملي اتحاديه د هېواد د کارګرانو د حقوقو د مدافع او ستر ټولنيز بنسټ په توګه، د هېواد د کارګرانو په استازيتوب د خپلو ښو مبارکيو مراتب د جمهوري رياست انتخاباتو د پايلو د اعلام او د افغانستان د اسلامي جمهوريت د جمهوررييس په توګه د محمد اشرف غني د بيا انتخاب په مناسبت څرګندوي. دغه اتحاديه باور لري چې د انتخاباتو د پايلو اعلامول په هېواد کې د جګړې د پاى ته رسېدو او د سولې د ټينګښت سبب شي.
په پاى کې يو ځل بيا د افغانستان د کارګرانو او کارکوونکو ملي اتحاديه، د هېواد زيانمنوونکي قشر (کارګران) او ځورېدلي ملت ته د خدمت په لاره کې د افغانستان د اسلامي جمهوريت د منتخب جمهوررييس محمد اشرف غني د لا زياتو برياليتوبونو هېله کوي.
پاى \ج \ ذ

کابل/ د سلواغې۳۰ مه/ باختر
د افغانستان جمهوررييس محمد اشرف غني په هېواد کې د انتخاباتو د پايلو له اعلام وروسته په خپلو لومړنيو څرګندونوکې په جمهوري رياست انتخاباتوکې خپل بيا  برياليتوب د افغانستان د جمهوريت او خلکو د برياليتوب په توګه ياد کړ.
د باختر آژانس د خبر له مخې؛ جمهوررييس محمد اشرف غني چې پرون ماښام يې د انتخاباتو د پايلو له اعلام وروسته له خپلو يوشمېر پلويانو سره په ارک کې کتنه لرله؛  حکومت يې د افغانستان د ملت امانت وباله او ټينګار يې وکړ چې د افغانستان  جمهوريت او د دغه هېواد دولت ټولو هغو کسانو ته خپله غيږ پرانيستى دى چې پر دغه نظام باور لري.
جمهوررييس دغه راز ټينګار وکړ: د سيالۍ دوره پاى ته رسېدلې ده او نور هېچا ته د سيال، حريف او مخالف په سترګه نه ګوري او د انتخاباتو د پايلو په اعلام سره، د ملي وحدت وخت رارسېدلى دى.
هغه همدارنګه ټينګار وکړ چې د دوامدارې او همېشنۍ سولې غوښتونکى دى او د ده ټيم به ټول افغانستان ته د سولې زيرى راوړي.
پاى \ج \ ذ

Page 3 of 2231