10 December 2019

RSS Facebook

سوداگریز


تازه خبرونه

د توريزم او هوټلدارۍ انستيتوت فعال شو

کابل/دلیندۍ۱۸مه/باختر د اطلاعاتو او فرهنګ وزارت د توريزم او هوټلدارۍ انستيتوت...

د پروان د انتخاباتو کمېسيون کارکوونکي د طالبانو له بند څخه آزاد شول

کابل/دلیندۍ۱۸مه/باختر د پروان د انتخاباتو کمېسيون اته ساحوي کارکوونکي نن په...

د افغانستان اسلامي جمهوري دولت د اطلاعاتو او فرهنګ وزارت او د هنرعالي شورا ګډه اعلامیه

کابل/دلیندۍ۱۸مه/باختر د افغانستان اسلامي جمهوري دولت د اطلاعاتو او فرهنګ وزارت...

Youtube Player

khantry design

سوداگریز

سوداگریز

سیاسی

کابل باختردوري دمياشتې ١٦ :

د جمهوري رياست لومړي مرستيال مارشال محمد قسيم فهيم نن له غرمي وروسته  په کابل کې دمصر جمهوريت  له سفير  الماجد عبدالرحمن سره وکتل.

باختراژانس ته د جمهوري رياست دمطبوعاتي دفتر دمعلوماتوله مخې،په دې کتنه کې د جمهوري رياست لومړي مرستيال دښوونې اوروزنې په برخو کې دافغانستان له خلکوسره دمصر دمرستو له امله  دکوروداني  دويلو په ترڅ  کې دافغانستان له خلکوسره ددغه هيواد دهمکاريو دپراختيا غوښتنه و کړه .

 دجمهوري رياست لومړي مرستيال مصر  دلرغوني تمدن  اوپه اسلامي نړۍ کې  دسترو علمي اوفرهنګي ارزښتونو لرونکي هيواد وباله او زياته يې کړه،هيله ده   چې دمصر جمهوريت  په بيلابيلو برخو کې دافغانستان دځوان نسل په ښوونه اوروزنه کې  په الازهر   پوهنتون کې په زياتو علمي تجربو څخه  په ښه توګه  ونډۀ واخلي .

دمصر جمهوريت سفير هم  ددغې کتنې په بهيرکې  په راتلوونکي کې هم دافغانستان له خلکوسره دخپل هيواد دهمکاريو ډاډ ورکړ او ويې ويل  چې افغانستان دمصر دخلکو دوست او ورور هيواد دى   او په ټولو برخو کې به تل زموږ ملاتړ له تاسو سره وي .

کابل باختردوري دمياشتې ١٦

د افغانستان د اسلامي جمهوریت جمهور رئیس حامد کرزي د بدخشان ولایت له عالمانو، مشرانو او مخورو سره په ارګ کې وکتل.

دجمهوري رياست مطبوعاتي دفترباختراژانس ته خبرورکړ

په دې کتنه کې چې نن له غرمې وروسته تر سره شوه، د نورو په استازیتوب ډاکټرې نیلوفر ابراهیمي خبرې وکړې او په بدخشان ولایت کې یې د سړکونو د رغولو، د برېښنا د تأمین او نورو ستونزو د حل کولو غوښتنه وکړه.

د بدخشان استازو د هېواد له جمهور رئیس څخه وغوښتل چې حکومت دې ددغه ولایت په غرونو کې اوسیدونکي خلک ګاونډیو ولایتونو او یا اوارو سیمو ته ولېږدوي تر څو د احتمالي سېلابونو د راوتلو له امله زیانمن نه شي.

همدا راز په دې کتنه کې د دغه ولایت مشرانو د روغتیایي کلینکونو د جوړولو، د پوهنې د ښه والى او د غوره امنیت د تامينولو لپاره یې د جدي پاملرنې غوښتنه وکړه.

د افغانستان د اسلامي جمهوریت جمهور رئیس حامد کرزي د بدخشان ولایت د مشرانو او عالمانو د غوښتنو او وړاندیزونو له اورېدو وروسته، هغوی ته ډاډ ورکړ چې حکومت به ددوی د ستونزو د حل کولو په برخه کې لازم اقدامات تر سره کړي.

د غونډې په دويمه برخه کې چې د جمهور رئیس د سلاکار،  پوهاند نعمت الله شهراني په مشرۍ جوړه شوه، د بدخشان ولایت د یادو شویو ستونزو په اړه د کلیو بيا جوړولواو پراختیا، عامې روغتیا او فوائد عامې وزیرانو او د پوهنې، انرژى اواوبو او مالیې وزارتونو معینانو او د پېښو په وړاندې د مبارزې له رئیس سره خبرې وشوې، چې په دې برخه کې د حکومت لخوا د لازمو اقداماتو ژمنه وشوه.

کابل باختردوري دمياشتې ١٦ :

دمشرانو جرګې لومړي نايب محمدعلم ايزديارنن په داسې حال کې چې دپروان ولايت دجبل السراج ولسوالۍ ځينې مشران اوسپين ږيري او ولسوال او دبريښنا شرکت ،دپروان د حوزي رييس هم حاضر و دانرژي او اوبو وزارت دانرژي له معين انجينر غلام فاروق قاضي  زاده سره وکتل.

دمشرانو جرګې دمطبوعاتي دفتر باختراژانس ته خبرورکړ  په دې کتنه کې  دجبل السراج ولسوال دخلکو دستونزو دبيانولو په ترڅ کې وويل  چې د  پي آر ټي   ټيم او دکاپيسا  دامين دساختماني شرکت له خوا  دجبل السراج دبريښنا دتوليد دفابريکي دبيا جوړولو کار په سلو کې اويا پرمخ  تللي دي  خو دهغې دماشين الاتو ددرولو او مونتا ژ کار دنامعلومو دلايلو له امله  تراوسه پورې نه دى ترسره شوى .

دغه رازپه دې غونډۀ کې دمشرانو جرګې لومړي نايب  دجبل السراج ولسوالۍ دخلکو  دستونزو  دموجهه بللو په ترڅ کې دپنجشير ولايت  پارنده  دبريښنا  دپروژې نه بشپړيدل  اودکابل ښار دقول ابچکان  اوسخي کارتې په ساحو کې دڅښاک داوبو نشتوالي  دانرژي او اوبو وزارت له معين سره طرحه کړل   چې دغه معين دخبرو په ترڅ کې   له  روسيې  خصوصي شرکت سره دپنجشيرولايت دپارنده دبريـښنا دبند دجوړولو دقرارداد خبرورکړ او ويې ويل  چې کار به يې په نږدي راتلوونکي کې پيل شي  اوهم يې دقول آبچکان اوسخي کارتې  دساحو دخلکو دستونزو دحل کولو ژمنه وکړه او زياته يې کړه ، دجبل السراج دبريښنا  دفابريکي پروژه له بنسټيزو پروژو څخه بلل کيږي چې کاريې  دپروان  ولايت د  پي آر  تي ټيم له خوا ترسره شوى دى خوله بده مرغه دتمويلونکو دژمنې دنه عملي کيدو له  امله  نيمګړي پاتې ده  خو څرگنده يې کړه چې دبيا جوړولو قراردادبه يې له نړيوال بانک سره لاسليک اوډير ژر پيل کړي .

دسنامجلس لومړي نايب دبنسټيزوپروژو دارزښت په باب خبرې وکړې او  ددغو پروژو دکار په ګړندي کولو باندې يې ټينګار وکړ.

کابل باختردوري دمياشتې ١٦ :

دافغانستان داسلامي جمهوريت  جمهوررييس دليتوانيا دبهرينو چارو له وزير اودرو نيوس اژباليس سره وکتل.

دجمهوري رياست مطبوعاتي دفتر باختراژانس ته خبرورکړ

په دې کتنه کې چې نن له غرمې وروسته په ارګ کې وشوه دواړو لورو په افغانستان کې  داوسنيو پرمختګونو او نړيوالو ځواکونو څخه افغان ځواکونو ته دامنيتي مسووليتونو دليږدونې په باب خبرې وکړې .

دليتوانيا دبهرنيو چارو وزير دهغو پرمختګونوله امله چې په څو وروستيو کلونو کې  په افغانستان کې په بيلابيلو برخو کې شوي دي خوښي څرگنده کړه او ويې ويل   څو ځلې چې  افغانستان ته مې سفر کړى دى داځلې پرمختګونه ديادونې وړ دي .

دهيواد  جمهوررييس  په غور ولايت کې دليتوانيايي سرتيرو دهڅو اوهاند اودغه راز دامنيت دتامينولو اوبيا جوړولو په برخو کې دهغوى دمرستو اوهمکاريو له امله قدر داني وکړه .